Аугсбург шаҳрида янги Аҳмадия масжиди Аҳмадия Мусулмон Жамоатининг Раҳнамоси томонидан очилди

Ҳазрат Мирзо Масрур Аҳмад янги масжидни очиб, Ислом дини экстремизм ва терроризмнинг барча кўринишларини қоралайди, дедилар

Аҳмадия Мусулмон Жамоати жуда катта қувонч билан қуйидагиларни билдиради: 2017-йилнинг 11-апрелида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Аугсбург шаҳрида “Байтул-Носир” (Ёрдамчининг Уйи) масжидини очдилар.

Улуғ Муҳтарам Халифа келиб, эсталик тахтаси билан расмий турда масжидни очдилар ва Аллоҳ таолога миннатдорчилик билдириб, қўл кўтариб дуо қилдилар. Шундан сўнг пешин ва аср намозларини мазкур масжидда адо этдилар.

Кейинчалик ўзгача бир йиғилиш ўтказилди, у йиғилишга 130дан зиёд ҳурматли меҳмонлар иштирок этиб, у йиғин масжид очилишини нишонлаш мақсадида Конгресс эм Парк йиғилиш марказида уюштирилган.

Мазкур кечанинг асосий қисми Ҳазрат Мирзо Масрур Аҳмад қилган тарихий мурожаат бўлиб, унда масжидларнинг ҳақиқий мақсад-муддаоларига тўхталиб, Ислом дини таълимотлари асосида инсонлар ҳақ-ҳуқуқларини адо этиш муҳимлигини айтиб бердилар.

Масжидлар қурилишининг мақсади ҳақида айтиб, Ҳазрат Мирзо Масрур Аҳмад шундай дедилар:

“Муқаддас Қуръон мўмин-мусулмонларга бир томондан, улар ўзларининг ибодатларини адо этишлари керак, иккинчи томондан, улар инсониятга хизмат қилиш ва бошқаларга ёрдам бериш бўйича энг аъло даражадаги намуналарни кўрсатишлари керак, деб ўргатади. Шунинг учун қайси ерда бўлмасин, қачон бўлмасин, биз масжидларни қурсак, улар биз учун Худога сиғинадиган жой ва биз инсониятга хизмат қиладиган жой сифатида хизмат қилади”.

Ислом динининг таълимотлари асосида бошқаларга хизмат қилиш масаласида Ҳазрат Мирзо Масрур Аҳмад Африканинг қолоқ минтақалари ва бошқа жойларда Аҳмадия Мусулмон Жамоати олиб борган баъзи бир инсонпарварлик лойиҳаларини айтиб ўтдилар.

Мактаблар, шифохоналар ва ривожланган замонавий қишлоқларни қуришдан ташқари, Аҳмадия Мусулмон Жамоати ўта қашшоқ ва оғир шароитда яшаган халқни тоза сув билан таъминлаш мақсадида сув насослари ва қудуқларни ўрнатмоқда.

Ҳазрат Мирзо Масрур Аҳмад шундай дедилар:

“Ушбу тараққий этган дунёда биз тоза сувнинг ҳақиқий қадрини тушуна олмаймиз. Ҳақиқатда, дунёдаги энг қолоқ минтақаларда кезиб, одамлар қандай қийналиб яшаб келаётганини ўз кўзи билан кўрган инсонгина унинг ҳақиқий аҳамиятини тушуна олади. Масалан, улар йўлиққан қашшоқлик натижасида ёш болалар мактабга боришнинг ўрнига кир кўлмаклардаги сувни жамлаш мақсадида ҳар куни бир қанча масофагача йўл юриб, ўз уйларига олиб келиб, уни ишлатишади”.

Ҳазрат Мирзо масрур Аҳмад шундай деб давом этдилар:

“Биз – Аҳмадий мусулмонлар то олис қишлоқларда тоза сув билан таъминлайдиган сув насосларини ўрнатмоқдамиз ва улар илк марта тоза сув кўриб, маҳаллий инсонларнинг юзларида пайдо бўлган қувончни сўз билан ифодалаш қийин. Маҳаллий ёш болаларнинг юзларидаги хурсандчилик улар миллионлаган бойликдан иборат катта лотерея ютиб олишганини кўрсатади. Мана шундай инсонларга осойишталикларни яратиш ва уларга ёрдам беришнинг сабаби, биз ўз масжидларимизни қураётган минтақадаги инсонларга хизмат қилишга ҳаракат қиламиз”.

Ҳазрат яна шундай тушунтирадилар: Ислом дини Асосчиси (саллаллоҳу алайҳи ва саллам) олиб келган таълимотларнинг асоси – бу Аллоҳ таолонинг ҳақ-ҳуқуқларини адо этиш ва инсониятга хизмат қилиш. У киши шундай дедилар: бугунги кунда Ислом динининг бу асосий икки мақсади Аҳмадия Мусулмон Жамоатини бошқариб келаётган Хилофат томонидан ёйилиб келмоқда, у энди бунга мутлақо қарама-қарши бўлган хилофат деб аталган ИШИД террористик ташкилоти террор ва даҳшатни тарқатиб, энг катта зулмларни уюштириб келишмоқда.

ИШИД ва бошқа экстремистик гуруҳлар қилган ҳаракатлари ҳақида сўз юритиб, Ҳазрат Мирзо Масрур Аҳмад шундай дедилар:

“ИШИД фақат Ғарбда беқарорликни ёйган эмас, балки мусулмон давлатларда ҳам мудҳиш ваҳшийликларни амалга оширишган. Улар ҳеч сабаби йўқ минглаб бегуноҳ инсонларни шафқатсизларча ўлдиришган. Шунинг учун уларнинг бошқаруви Хилофат деб атала олмайди, чунки у ҳар жиҳатдан Ислом динининг тинчлик таълимотларини бузмоқда”.

Расмий кечага ташриф буюришдан олдин Ҳазрат масжидда бир боғ кўчатни ҳам ўтқаздилар ва у ҳақда ўз фикрларини билдириб, Ҳазрат Мирзо Масрур Аҳмад шундай дедилар:

“Биз атроф-муҳитни кўкаламзорлаш ва тоза тутиш, шунингдек, мева-ҳосилларни олиш учун одатдаги боғ-кўчатларни ўтқазишган ерда севги ва инсонийлик мева-ҳосилларини берадиган руҳоний боғ-кўчатларни ҳам ўтқазишган. Шунингдек, биз ҳар доим қўшниларимиз ва атрофимизда яшаганларга меҳр билан муомала қилишимизга ҳаракат қиламиз ва имкони борича уларнинг ҳақ-ҳуқуқларини адо этишга интиламиз”.

Ҳазрат Мирзо Масрур Аҳмад шундай деб давом этдилар:

“Биз фитна-фасод ва бўлиб-парчалашнинг ўрнига инсонлар бир-бири билан тинчлик ва фаровонликда яшашини истаймиз. Биз барча инсониятни бирлаштирадиган севги кўприкларини қуришни хоҳлаймиз”.

Ҳазрат Аҳмадия Мусулмон Жамоатининг “Севги барчага, нафрат ҳеч кимга эмас” деган шиорини қандайдир бир янги таълимот бўлмай, фақат Ислом дини таълимотларининг асоси эканини ҳам тушунтириб бердилар. Иккинчи томондан, Ҳазрат “нотўғри бошқарув” бошқа кўплаб мусулмонларни нотўғри томонга йўналтирганини айтдилар.

Жиҳод ҳақидаги нотўғри кўз-қарашни тафсирлаб, Ҳазрат Мирзо Масрур Аҳмад шундай дедилар:

“Инсонлар янглиш ҳолда Қуръони Карим экстремизмга ўргатганлиги учун мусулмонлар террорист бўлишмоқда деб тахминлашади. Шундай бўлса ҳам, ҳақиқатан бошқа ҳеч нарса бўлиши мумкин эмас, чунки Қуръон қайта-қайта тинчлик, севги ва ҳамкорликка чорлаган. Масалан, сўзма-сўз олганда, “жиҳод” сўзи зулм ва ёмонликнинг барча кўринишларини бартараф этиш учун “курашув” деган маънони билдиради ва Аҳмадия Мусулмон Жамоати ер юзининг барча минтақаларида амалга ошираётган ҳақиқий жиҳод фақат шу”.

Ўз мурожаатининг ниҳоясида Ҳазрат Мирзо Масрур Аҳмад шундай дедилар:

“Мен маҳаллий Аҳмадия Мусулмон Жамоати ушбу масжид қурилгандан сўнг Аллоҳ таоло ибодатларини янада кучайтиради ва шу билан бирга, ўз қўшнилари ва жамиятчиликнинг бошқа аъзоларининг ҳақ-ҳуқуқларини адо этишга ҳам эътибор қаратишади деб ишонаман ва кутаман”.

Бунга қадар Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга “табрик” сўзини ўқиди, шундан сўнг ташриф буюрган меҳмонлар ўзларининг мулоҳазаларини айтишди.

Аугсбург шаҳрининг мэри Стефан Киефер шундай дедилар:

“Ўз шаҳримиз номидан мен Аҳмадия Мусулмон Жамоатини уларнинг янги масжиди очилаётган ўзгача кун билан табрикламоқчиман. Аслида, сизларнинг руҳоний Раҳнамонгиз, тинчликнинг халқаро элчиси – Ҳазрат Мирзо Масрур Аҳмад иштироки ушбу кун қандай муҳим эканлигини далиллаб кўрсатмоқда”.

Вилоят Ассамблеяси аъзоси Кристин Катт шундай деди:

“Бугунги кун барчамиз учун улуғ кун, чунки сизларнинг жуда гўзал ва янги масжидингиз Аугсбург шаҳрида очилмоқда. Аҳмадия Мусулмон Жамоатининг “Севги барчага, нафрат ҳеч кимга эмас” деган таълимоти ўта муҳим ва шаҳримизга қўшилган жуда гўзал ҳисса”.

Вилоят Ассамблеяси вакили Гаралд Гуллэр шундай деди:

“Мен Аҳмадия Мусулмон Жамоатидан миннатдорман, чунки сизлар бошқа жамиятлар учун аъло намуна қолдиргансизлар, сизлар ҳар доим ошкорасизлар ва биз билан диалогда иштирок этасизлар. Сизларнинг жамоатингиз тинчлик Ислом динига эргашади ва турли зулм ҳамда экстремизмга қарши”.

Вилоят Ассамблеясининг вакили Йохан Хауслер шундай деди:

“Улуғ Муҳтарам Ҳазрат Мирзо Масрур Аҳмаднинг ташриф буюриши фақат бизнинг шаҳримиз учун эмас, балки бутун штат учун ўзгача бир ажойиб ҳурмат-эҳтиром. Биз ҳам дўстлик қўлимизни узатамиз ва дунёда тинчликни ёйиш учун амалга ошираётган ҳаракатларингизда сизларга ёрдам берамиз”.

Расмий сессия Ҳазрат олиб борган дуо билан якунланиб, шундан сўнг меҳмонларга таом тортилди. Ҳазрат турли немис медиа гуруҳлари билан суҳбат ҳам қурдилар.

 

Якуни

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Press Secretary AMJ International

(Халқаро Аҳмадия Мусулмон Жамоати редакцияси котиби)