Аллоҳ Таолонинг марҳамати ва иноятлари билан Ғарбий Африкадаги Гамбия давлатининг Сентрал Ривар минтақаси ўз жамоатларидан бири «Саанда» жамоатида янги масжид қуриб, 2024-йил 12-январда унинг очилиш маросимини ўтказишга муваффақ бўлди.
Жума куни масжиднинг очилиш маросими бўлиб ўтди, унда Гамбиядаги Аҳмадия Мусулмон Жамоати Амирининг биринчи ўринбосари ва миссионерлар раиси Маҳмуд Аҳмад Тоҳир жаноблари ва Амир ҳазратларининг иккинчи ўринбосари Иброҳим Жам Жао жаноблари ҳамда турли минтақалардан келган ҳудуд миссионерлари иштирок этишди.
Тадбир Ҳазрат Имом Маҳдий Ҳазрат Мирзо Ғулом Аҳмад алайҳиссаломнинг 5-халифаси, Ҳазрат Мирзо Масрур Аҳмад аййадаҳуллоҳу таоло би-насриҳил азизнинг жума хутбалари билан бошланди ва 350 га яқин киши, жумладан, Аҳмадий бўлмаганлар ҳам масжидда ўтириб, МТАда жума хутбасини тинглашди. Намоз ўқилганидан сўнг Қуръони Карим тиловати билан тантанали очилиш маросими бошланди. Шундан сўнг, Сентрал Ривар минтақасидаги минтақавий миссионер Ҳифозат Аҳмад Навид жаноблари масжид қурилиши ҳақида қисқача маъруза қилдилар. Масжид қурилиши бир йилдан камроқ вақт ичида қуриб битказилди ва бу масжид қурилишига бир Аҳмадий биродаримиз маблағ ажратди. Аллоҳ Таоло унинг мол-мулклари ва тан-жонига барака берсин. Омин! Масжиднинг майдони 100 квадрат метр бўлиб, унда 200 га яқин киши намоз ўқий олади.
Амир ҳазратлари ноиби ўз нутқида масжиднинг аҳамияти ва масъулиятига Жамоат аъзолари эътиборини қаратдилар. Кейин ана шу ҳудуднинг таниқли шахслари Аҳмадия Мусулмон Жамоатига бу улуғ хизмати учун миннатдорчилик билдиришди.
Ушбу тантанали ва муборак маросимда губернатор вакили, ҳудуд бошлиғи, яқин атрофдаги қишлоқлар масжидлари имом-хатиблари ва бошқа шахслар қатнашдилар. Дастур бошланишидан олдин нонушта ва жума намозидан кейин барча иштирокчиларга тушлик берилди.
Бутун тадбир МТА Гамбия ва мамлакатнинг таниқли радиоканали «Лайт ФМ» томонидан ёритилган.
(Ҳисоботни Халқаро «Ал-Фазл» газетасининг мухбири, Масъуд Аҳмад Тоҳир жаноблари тайёрлаган)