Аҳмадия Мусулмон Жамоатининг Раҳнамоси Швециянинг Мальмё шаҳрида “Маҳмуд” масжидини очди
Аҳмадия Мусулмон Жамоати жуда катта хурсандчилик билан қуйидагиларни билдиради: 2016-йилнинг 13-майида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Швециянинг Мальмё номли шаҳрида “Маҳмуд” масжидини очди. Бу – аталган мамлакатдаги Аҳмадия Мусулмон Жамоати томонидан солинган иккинчи масжид.
Улуғ Муҳтарам Халифа эсдалик тахтасини очгандан сўнг ҳафталик жума хутбасини ўқиди, у хутба Аҳмадия Мусулмон Жамоатининг Халқаро МТА телеканалидан тўғридан-тўғри эфир орқали бутун дунёга кўрсатилди.
Ўзининг жума хутбасида Улуғ Муҳтарам Халифа Аҳмадий мусулмонларга масжиднинг ҳақиқий ва тинчлик мақсад-муддаоларини бажаринглар, деб таъкидлаб айтди. Шунингдек, Жамоат аъзолари амалга оширган ўзгача молиявий қурбонликларга юқори баҳо берди.
Масжидларнинг мақсад-муддаолари ҳақида сўзлаётиб, Ҳазрат Мирзо Масрур Аҳмад бундай деди:
“Биз – Аҳмадий мусулмонлар қандайдир бир дунёвий мақсад-муддаога етишиш учун масжидларни солмаймиз, унинг ўрнига биз фақат Аллоҳ таолога ибодат қилиш ва Унинг фазл-марҳаматига муносиб бўлиш учунгина уларни соламиз. Бу гўзал масжидни солиб бўлгандан сўнг биз бурчларимизни бажариб бўлдик, деб ўйламаслигимиз керак. Чунки ҳақиқатда бурчларимиз эндигина бошланди. Биз бу масжидни (намозхонлар билан) тўлдиришга ва уни обод қилишга ҳаракат қилишимиз керак”.
Ҳазрат Мирзо Масрур Аҳмад бундай деб давом эттирди:
“Энди бу масжид очилгандан сўнг сизлар бир-бирингизга бўлган муҳаббатингизни ошириб, Ислом динининг ҳақиқий ва тинчлик таълимотлари бўйича энг яхши намуналарни кўрсатишингиз керак. Эсингизда бўлсин, бу масжиднинг ҳақиқий гўзаллиги унинг тузилишида ва безагида эмас, аксинча у сизларнинг қалбларингиз ва муомалаларингизнинг руҳоний гўзаллигида”.
Улуғ Муҳтарам Халифа маҳаллий Аҳмадий мусулмонларнинг “Маҳмуд” масжидини қуришда қилган ўзгача молиявий қурбонликлари ҳақидаги баъзи бир воқеаларни айтиб берди. Эркаклар, аёллар ва болаларнинг барчаси ушбу ишга ҳисса қўшишди.
Масалан, бир одам ўз автомобилини сотди, баъзи бир аёллар ўзларининг тақинчоқларини ҳадя қилишди ва ёш болалар ўзларининг чўнтак пулини бериб юборишди. Улуғ Муҳтарам Халифа бундай деди: мана шу қурбонликларнинг барчаси Аллоҳ таолонинг ризосига етишиш учунгина қилинди.
Масжиднинг жойлашган ўрни ҳақида Ҳазрат Мирзо Масрур Аҳмад бундай деди:
“Баъзида журналистлар менга нимага масжид учун шу ерни ёки шаҳарни танладингизлар, деб савол беришади. Ҳақиқатда, Мальмё шаҳри ёки қайсидир бошқа ер қандайдир бир ўзгачаликка эга эмас. Бизнинг масжидларни қуришга бўлган ягонагина туртки бу – қайси ерда Аҳмадий мусулмонлар бўлса, улар биргалашиб Аллоҳ таолога ибодат қилишлари учундир”.
Улуғ Муҳтарам Халифа бундай деди: инсонларни Аллоҳ таолонинг Ягоналигига чақириш (даъват қилиш) ва Ислом динига қўйилган бўҳтонларни бартараф қилиш Аҳмадий мусулмонларнинг бурчи бўлиб ҳисобланади.
Ҳазрат Мирзо Масрур Аҳмад бундай деди:
“Сизлар маҳаллий фуқароларнинг Ислом дини ҳақидаги хавотирлари ва тушунмовчиликларини бартараф қилиб, унинг ҳақиқий ва тинчлик таълимотларини уларга тушунтиришингиз керак. Ҳокимият ва бу ерда яшовчи халқ сизларга бу масжидни қуришга рухсат беришди, энди бу мурувватга жавоб қилиб, сизлар ҳар доим уларга раҳмдил бўлишингиз керак ва уларни ўзларининг Яратувчисига яқин олиб келишингиз керак”.
Дунёда ҳукм сураётган вазият ҳақида сўзлаб ва маҳаллий Аҳмадий мусулмонларга уларнинг масъулиятларини огоҳлантираётиб, Ҳазрат Мирзо Масрур Аҳмад бундай деди:
“Энг ачинарли ҳол, бугунги кунда энг кўп қарама-қаршиликлар ва тўс-тўполонлар мусулмонларнинг орасидагина бўлмоқда. Шунинг учун Ислом динининг тинчлик таълимотлари бўйича энг яхши ва жонли намуналарни кўрсатиб, унинг ҳақиқий ва гўзал хабарини ер юзининг чекка-чеккаларигача ёйиш Аҳмадий мусулмонларнинг бурчи ҳисобланади”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)