Ҳазрат Мирзо Масрур Аҳмад тарихий мурожаат қилди
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) 2016-йилнинг 14-майида Швециянинг Мальмё номли шаҳрида “Маҳмуд” (Мақталган) масжидининг очилишини нишонлаш учун ўтказилган кечада тарихий мурожаат қилди.
Аталган масжид Швециядаги Аҳмадия Мусулмон Жамоатининг иккинчи масжиди бўлиб, расмий турда бир кун олдин Улуғ Муҳтарам Халифа ўқиган жума хутбаси билан очилган эди.
80дан ортиқ ҳурматли меҳмонлар, улар қаторида Мальмё шаҳри кенгашининг раиси ҳам мавжуд бўлиб, аталган кечада иштирок этишди.
Ўзининг мурожаатида Ҳазрат Мирзо Масрур Аҳмад масжидларнинг ҳақиқий мақсад-муддаолари ҳақида кенг сўз юритди; у киши терроризм ва экстремизмнинг барча
кўринишларини танқид остига олди ва ер юзининг ҳар қайси қатламларида Аҳмадия Мусулмон Жамоати томонидан қилинаётган инсонпарварлик ишлари ҳақида тўхталди.
Масжидлар экстремизм ва радикализмни тарқатиш учун нотўғри қўлланиши ҳақида сўзлаб, Ҳазрат Мирзо Масрур Аҳмад бундай деди:
“Ёмонликни тарқатадиган ҳеч бир масжиднинг Ислом динида ҳеч бир ўрни йўқ. Қуръони Карим очиқ-равшан масжидлар ёмон ўй-ниятни бартараф қилиш учун қурилади дейди”.
Ҳазрат Мирзо Масрур Аҳмад бундай деб давом этди:
“Ҳозирги кунда баъзи бир мусулмон экстремистик гуруҳлар Европага ҳам кириб келишди, уларнинг аъзолари мана шу мамлакатларда яшаб, бу континентнинг тинчлигига ва ғамхўрлигига жуда катта қўрқувни туғдирмоқда. Улар қилаётган амалларнинг Ислом динининг ҳақиқий таълимотлари билан ҳеч қандай алоқаси йўқ. Шунинг учун тинчликни истаган барчамиз инсониятни ажратадиган мана шу қора кучларга қарши туриб, бирикишимиз керак”.
Бунга боғлиқ Улуғ Муҳтарам Халифа шундай деди: Аҳмадия Мусулмон Жамоати томонидан солинган барча масжидлар ҳақиқий “Тинчлик уйлари” бўлиб, унда инсонлар Аллоҳ таолога ибодат қилиш учун йиғилишади.
Мальмё шаҳридаги “Маҳмуд” масжидига ишора қилиб, Ҳазрат Мирзо Масрур Аҳмад бундай деди:
“Бирор-бир хавфдан қўрқиш – бу табиий ҳол. Шунинг учун бу масжиднинг очилиши билан бизнинг шаҳримизнинг хавфсизлиги қўрқув остида қолиши мумкин деб қўни-қўшнилар хавотирланиши мумкин. Шундай бўлса ҳам, Ислом дини асосида мен биламан ва сизларни қуйидагича ишонтираман: ушбу масжид ўзининг тинчликнинг булоғи эканини далиллаб кўрсатади ва бу ердан ҳар доим севги-муҳаббат ва меҳрибонлик чашмалари отилиб чиқади”.
Ҳазрат Мирзо Масрур Аҳмад бундай деб давом этди:
“Масжиднинг туб мақсад-муддаоси – бу мусулмонларга ўз намозини адо этиш учун ўзгача бир ибодат жойи сифатида хизмат қилишликдир. Намоз учун араб тилида “ас-салот” сўзи қўлланилиб, “меҳрибонлик”, “севги” ва “раҳмдиллик” каби маъноларни билдиради. Демак, чин юракдан ўз намозини адо этадиган мусулмон – бу меҳрибон, бошқаларга ёрдамчи ва раҳмдил инсон, шунингдек у эркак ёки аёл бўлишига қарамай, одоб-ахлоқсизликдан, ноқонуний ишлардан ва ёмонликнинг барча кўринишларидан олис юришга ҳаракат қилади”.
Улуғ Муҳтарам Халифа бундай деди: Аҳмадий мусулмонлар ер юзида масжидларни қуриб келмоқдалар ва улар қаерда масжид солишмасин, тез орада жамоатчилик томонидан кенг қабул қилинди.
Ҳазрат Мирзо Масрур Аҳмад бундай деди:
“Биз ер юзида минглаб масжидларни солганмиз ва ҳар доим шуни сезганмиз: маҳаллий одамлар биз ҳақимизда билиб олишгандан кейин уларнинг хавотирлари дарров тарқаб кетади ва улар ўзларининг жамоатчилигига аралашган қатлам сифатида бизни ҳурмат қилиб, эътибор бериб, қабул қилишади. Барча бошланғич хавотирлар дарров тарқаб, унинг ўрнига қўшниларимиз бизнинг барчамизни ҳурмат қила бошлашади ва бизнинг масжидларимиздан тинчлик хабари тўғри томонга янграйди”.
Улуғ Муҳтарам Халифа бундай деди: бу хизматларнинг барчаси инсон эътиқодига ва келиб чиқишига қарамай адо этилади. Аҳмадия Мусулмон Жамоати камбағаллик ва мискинликда яшаган одамларни тоза сув билан таъминлаш
лойиҳалари билан шуғулланганлиги ҳақида ҳам маълумот берди.
Ҳазрат Мирзо Масрур Аҳмад бундай деди:
“Мана шу ерда, Ғарбда яшаб, жўмракларимиз ва душларимиз тинмай оқиб туради, шунинг учун сувнинг ҳақиқий қадрига етиш жуда ҳам қийин. Сизлар Африканинг жабрланган минтақаларига бориб, ўз бассейнларини сув билан тўлдириш учун ҳар куни бир қанча чақирим йўл босиб, сўнг бошларига қўйиб, уйларига олиб келганини ўз кўзларингиз билан кўрганингиздагина ҳақиқий сув қанчалик бебаҳо неъмат эканини сезасизлар”.
Аҳмадия Мусулмон Жамоати Асосчисининг таълимотлари ҳақида Ҳазратт Мирзо Масрур Аҳмад бундай деди:
“Биз – Аҳмадий мусулмонлар Асосчимизнинг Масийҳи Мавъуд ва Имоми Маҳдий эканига ишонамиз. У руҳоний чироқни қўлига олиб, Ислом динининг ички салтанатига ва боқий таълимотларига нур сочган”.
Ниҳоясида Ҳазрат Мирзо Масрур Аҳмад бундай деди:
“Биз тинчликни ўрнатиш учун ҳар бир чорани кўришимиз шарт, натижада биз қандайдир бир парчаланган ва азоб-уқубатли дунёни болаларимизга совға сифатида мерос қолдирмаслигимиз керак. Унинг ўрнига биз ўз ортимизда келажак авлодларимизнинг ҳаёти учун бир тинчлик ва муваффақиятли дунёни мерос сифатида қолдиришимиз зарур”.
Бунгача аталган кечада бир талай ҳурматли меҳмонлар ҳам иштирокчиларга мурожаат қилишди, уларнинг қаторида Швециядаги Аҳмадия Мусулмон Жамоатининг Миллий президенти – Мамуун-ур-Рашид ҳам бор эди.
Мальмё шаҳри кенгашининг раиси – Кент Андерссон бундай деди:
“Бугунги кунда бу ерда, Мальмё шаҳрида “Маҳмуд” масжидининг очилиши – бу бир ўзгача тарихий кун”.
Лунд Университетининг профессори – Катарина Киннвалл бундай деди:
“Сизларнинг “Севги барчага, нафрат ҳеч кимга эмас” деган шиорингиз – бу Аҳмадиятнинг хабари бўлиб, бундай хабар: сизлар билим бериш, тенглик, сабрлилик, дунёвий қонунларни ва диний эркинликни ҳимоя қилиш учун турган экансизлар”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)