Ҳазрат Мирзо Масрур Аҳмадаба тарихий нутқ қилди. 2014 йилнинг 26 cентябрь куни Аҳмадия Мусулмон Жамоатининг Халқаро Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмадаснинг 5-халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Ирландия Республикасининг Голуэй шаҳрида қурилган “Марям” масжидининг очилишини белгилаш учун махсус уюштирилган тадбирга аталган тарихий мурожаат қилди.
Мазкур масжид Аҳмадия Мусулмон Жамоати томонидан Ирландияга солинган биринчи масжид бўлиб, бир кун аввал у киши жума ҳутбасини ўқиганда очилган эди.
170 га яқин Аҳмадий бўлмаган жаноблар ва меҳмонлар, шунингдек Éamon Ó CuIV TD ўринбосари, Джоан Таффи TD ўринбосари ва консуль Донал Лионе, Голуэй шаҳри мэри тадбирга иштирок этишди.
Ҳазрат Мирзо Масрур Аҳмадаба тарихда из қолдирувчи ўз нутқида масжидларнинг асл мақсад-муддаолари ҳақида атрофлича сўз юритди; у киши терроризм ва экстремизмнинг барча кўринишларини танқид қилди ва ушбу масжидга нима учун “Марям” (Ҳазрат Исоаснинг онаси) номи берилганига ҳам тўхталди.
Мусулмон бўлмаганларнинг Ислом ҳақида бўлган иғволари ҳақида сўзлай туриб Ҳазрат Мирзо Масрур Аҳмадаба бундай деди:
“Мен ҳеч ҳам иккиланмай айтаман: бир гуруҳ номигагина мусулмон деб аталувчи одамлар Ислом номидан энг ёмон амалларни бажаришмоқда. Шундай бўлса ҳам, мен очиқ-ойдин тарзда қуйидагиларни айтмоқчиман: мусулмон гуруҳлар ёки давлатлар томонидан қилинаётган танқид қилинаётган ишларнинг бирорта кўриниши ёки шакли Исломнинг соф таълимотларини акс эттирмайди”.
У киши бундай деди:
“Дарҳақиқат, Севимли Пайғамбаримиз Муҳаммадсав “бутун одамзотга меҳрибонлик” сифатида юборилган, унинг “ҳар бир хулқ-атвори севги-муҳаббат ва меҳрибонлик билан амалга ошди”.
Севимли Пайғамбаримиз Муҳаммадсавга ишора қилиб, Ҳазрат Мирзо Масрур Аҳмадаба бундай деди:
“Одамзотни сақлаш учун шу қадар берилган инсон ҳақида у урушга ёки адолатсизликка ўргатади дея туҳмат қилиш ёки буни тасаввур қилиш ҳам мумкинми? Албатта, ҳеч қачон… Энг ишонарлиси, Севимли Пайғамбаримиз Муҳаммадсав дунёни гўзал усулда тинчликка чорлади”.
Ҳазрат Мирзо Масрур Аҳмадаба бундай деб давом эттирди:
“Мен эргашган ва ишониб келган Ислом дини уруш ҳам эмас, ўч олиш ҳам эмас, шунингдек, бирорта қўзғолоннинг ёки золимликнинг, ёки адолатсизликнинг ҳеч бир кўринишини қўлламайди ва Севимли Пайғамбаримиз Муҳаммадсав ҳам золимлик ёки нафрат тарқатиш учун юборилган эмас. Аксинча, усав фақатгина одамзот учун чексиз меҳрибонлик билан оқиб бораётган меҳрибонлик чашмаси сифатида юборилган эди”.
Аҳмадия Мусулмон Жамоати асосчисининг келиши ҳақида сўз юритиб, Ҳазрат Мирзо Масрур Аҳмадаба бундай деди:
“Мен ва барча Аҳмадий мусулмонлар: “Бизнинг Жамоатимизнинг асосчиси – Масийҳи Мавъуд ва Маҳдий Исломнинг тинчлик ва меҳрибонликдан иборат соф таълимотларини дунёнинг бутун бурун-бурчакларигача етказиш мақсадида юборилган деб ишонамиз”.
Ҳазрат Мирзо Масрур Аҳмадаба бундай деди:
“Масийҳи Мавъуд дунёга Исломнинг ҳақиқий гўзаллигини тушунтириш учун келган. У киши низо ва зулмнинг ҳар қандай кўринишини, шунингдек зўрлик-зўровонликнинг барча турларига қарши жиҳод қилиш учун келган эди. У киши одамзотга бир-бирининг ҳақ-ҳуқуқларини бажариш нақадар зарур эканлигини ўргатиш учун келган эди. У киши севги-муҳаббат ва меҳрибонликни ёйиш учун, шунингдек дунёда тинчлик, бирдамлик ва ўзаро биродарлик ҳамда ўзаро қариндошлик деган жаннатга айлантириш учун келган эди. У зотнинг бурчи шу эди ва унинг хабари эди холос”.
Ҳазрат Мирзо Масрур Аҳмадаба бундай деб давом эттирди:
“Яна Аҳмадия Мусулмон Жамоати дунёнинг барча бурун-бурчакларига ва барча ҳудудларига таратаётган хабар ҳам шунинг ўзи холос… Бизнинг барча масжидларимиз тинчлик ва уйғунликнинг марказларидир, у ерда инсонларни севги-муҳаббат орқали бирлаштиришни хоҳлаганлар ўзаро уйғунликни ривожлантириш бирлашиб олсалар бўлади, ибодат қилса бўлади, шунингдек, барча одамларнинг тинчлигига, хавфсизлигига ва яхшиланиши учун дуо қилсалар бўлади”.
У киши нега масжидга “Марям” номи қўйилганлигига шарҳ бериш билан ўз нутқини якунлади. У киши Ислом динида Ҳазрат Исоаснинг онаси – Ҳазрат Марям буюк даражаларга эга эканлигини айтди.
Ҳазрат Мирзо Масрур Аҳмадаба бундай деди:
“Ҳазрат Марямнинг улуғ даражаси қуйидагича ҳақиқатни акс эттиради: Қуръони каримга кўра, ҳар бир ҳақиқий мўмин-мусулмон ўзида Ҳазрат Марямнинг хосиятларини ривожлантириши керак ва агар улар шундай қила олсалар, унда улар ҳеч қачон бировга зарар келтирувчи ёки ёмонлик қилувчилардан бўлмайдилар. Демак, ҳар бир Аҳмадий мусулмон ўз ичида Марямга ўхшаш поклик, буюклик ва тақводорликни пайдо қилишга ҳаракат қилишлари керак”.
Бунгача тадбирда бир қанча нотиқлар ҳам иштирокчиларга мурожаат қилишди. Джерри О’Халлоран исмли инсон ҳуқуқлари бўйича ҳимоячи бундай деди:
“Мен бир неча йил аввал Ҳазрат Мирзо Масрур Аҳмадаба билан Европа парламентида учрашганман. У куни у киши қилган тарихий нутқидан қаттиқ таъсирландим. Мен қуйидагича ҳақиқатга гувоҳ бўлганман: у киши муҳаббат номли жиҳодни юритмоқда”.
Ирландиянинг Миллий Парламентининг депутати – Эамон О Куев ТД соҳиб бундай деди:
“У кишининг (Ҳазрат Мирзо Масрур Аҳмад) қайтадан Голуэй шаҳрига ташриф буюргани ҳаммамиз учун катта фахрли ва шарафлидир ва мен Сизни “Марям” масжидининг очилиши билан табриклайман”.
Ирландиянинг Миллий Парламентининг депутати – Джонна Туффи ТД бундай деди:
“Мен Аҳмадий мусулмонларни ҳар доим маҳаллий жамиятда ижобий роль ўйнаганини кузатдим. Айниқса, Аҳмадия Мусулмон Жамоати аёлларининг ёрдамчи ташкилотидан ва улар қилган ишларидан қаттиқ таъсирландим”.
Голуэй шаҳридаги Епископнинг вакили Ата Мартин Уилан бундай деди:
“Католик жамоати Аҳмадия Мусулмон Жамоатининг аъзолари эркинлик ва тинчлик билан ибодат қила оладиган ушбу янги масжидни (очиқ кўнгил билан) қабул қилади”.
Голуэй шаҳридаги полициянинг Гарда бўлимининг бош раиси Томас Керли бундай деди:
“Мен Ҳазрат Мирзо Масрур Аҳмадабани Голуэй шаҳрига хуш келинглар демоқчиман. Ушбу ҳурматли инсоннинг шаҳримизда бўлиши билан тақдирландик. Энг биринчи масжидингиз учун Ирландиянинг Голуэй шаҳрини танлаганингиз учун биз жуда хурсандмиз”.
Голуэй шаҳрининг шаҳар кенгашидаги мэрия маслаҳатчиси Донал Лайонс бундай деди:
“Албатта, шаҳарда биринчи масжиднинг очилиши – бу Голуэй шаҳрининг тарихида жуда ҳам кўзга кўринарли воқеа бўлди ва бу масжид тинчлик рамзи”.
Тадбир Ҳазрат Мирзо Масрур Аҳмадабанинг фотиҳаси билан якунланди, кейинроқ у киши Аҳмадий бўлмаган меҳмонлар билан алоҳида учрашди.
Тадбир бошдан охиригача МТА Интернейшнал (Халқаро Муслим ТВ Аҳмадия)дан бевосита эфир орқали кўрсатилди.