Белгиядаги Мажлис Худдомул Аҳмадия саъй–ҳаракатлари
Белгиядаги Мажлис Худдомул Аҳмадия 2023-йил декабр ойида халқ хизмати бўлимига қарашли 27 та қариялар уйига ташриф буюриш имкониятига эга бўлди, уларда 2900 дан ортиқ кексалар билан учрашиб, уларга шоколад, вафли (анъанавий тортлар), роза гуллари ва янги йил карталари совға сифатида топширилди. Шу муносабат билан бир неча кексалар Худдом (15 ёшдан 40 ёшгача бўлган Аҳмадий ёшлар) ва Атфол (7 ёшдан 15 ёшгача Аҳмадий болалар) билан учрашиб йиғлаб юборишди ва: «Ўз фарзандларимиз ҳеч қачон биз билан учрашгани келишмаган ва сизнинг биз билан ҳеч қандай дунёвий риштангиз йўқ. Шундай бўлса-да, барчангиз шу байрам пайтида бизни кўргани келдингиз», – деб айтишди. Улар: «Кошки эди, агар бу дунёнинг барча ёшлари Аҳмадия Мусулмон Жамоати ёшларига ўхшаб қолишса, бу дунё жуда ҳам гўзал бўларди», – деган истагини билдирдилар. Бир кампир бир Тифлга: «Ҳар йили келишингни кутаман», -деди.
Ой давомида «Ҳуманитий Фирст» (Инсоният биринчи ўринда) деган ташкилотимиз Белгия қочқинлар маркази ва касалхонасига ташриф буюриш имкониятига эга бўлди, унда касал болаларга совғалар тарқатилди ва қочқинлар марказида 40 нафар болага совғалар ва 100 нафар бошпанасиз одамга озиқ-овқат тарқатилди.
БЕЛГИЯДАГИ МАЖЛИС АНСОРУЛЛОҲНИНГ САЪЙ–ҲАРАКАТЛАРИ
Аллоҳ Таолонинг марҳамати ва иноятлари билан Белгиядаги Мажлис Ансоруллоҳ ҳам ўтган йили (2023-йил) мамлакатнинг турли шаҳар ва қишлоқларидаги черковларда Рождество ва Янги йил байрамлари муносабати билан чинакам Ислом даъвати билан гул ва шоколад совғаларини тақдим этишга муваффақ бўлди. Ал-ҳамдулиллоҳ! Ушбу дастурни тайёрлаш учун бир неча ҳафта олдин кўплаб черковлар раҳбарияти билан боғланган эдик ва 34 черков раҳбарияти томонидан рухсат берилди.
Дастур 24 декабр шанба куни тушдан кейин бошланди ва 25 декабрда якунланди. Олдиндан тузилган тартиб бўйича, даъватчи-воизларимиз ва Ансорлар белгиланган черковларга ташриф буюришди ва маъмурият томонидан кутиб олиндилар. Рождество байрами муносабати билан ўзларининг диний маросимларини ўтказгандан сўнг, пасторлар даъватчи-воизларимиз ва Худдомларни йиғилганларга мурожаат қилиш учун таклиф қилишди. Шундай қилиб, ушбу муҳим байрам муносабати билан йиғилганларни табриклаш баробарида Исломнинг турли хил динлар билан биродарлик ва тинчлик таълимотлари ҳамда ва Ислом-Аҳмадия билан таништириш имкониятига эга бўлдилар. Шундан сўнг руҳонийларга махсус совғалар ва гуллар тақдим этилди. Худди шундай тадбир иштирокчиларига тинчлик ва биродарлик даъвати ёзилган стикерлар билан бирга гул ва шоколад совғалари топширилди.
Шу муносабат билан йиғилганлар ўз ҳис-туйғуларини изҳор этиб, ушбу тадбирда бошқа дин вакиллари ҳам иштирок этаётганидан жуда хурсандмиз, дедилар. Шундан кейин чиройли совғалар тақдим этилди. Ал-ҳамдулиллоҳ, дастурдан сўнг Жамоатимиздан бўлмаган кўплаб одамлар Жамоатимиз фаолияти ҳақида сўрашди ва шу муносабат билан Жамоат фаолияти ҳақида қисқача маълумот тақдим этилди.
Бу дастурда 14 Мажлиснинг 117 аъзоси, жумладан, 46 Ансор, 37 Худдом, 5 нафар Лажна (15 ёшдан кеийнги ёшдаги Аҳмадий мусулмон аёллар) ва Носирот (7 ёшдан 15 ёшгача бўлган Аҳмадий мусулмон қизлар) аъзоси ва 20 нафар Атфол хизмат қилиш шарафига эга бўлди. Улар 28 черковда 2900 гул ва 2300 дона шоколадни совға сифатида тақдим этишга муваффақ бўлдилар. Фа-жазоҳумуллоҳу таъоло аҳсанал-жазо! (Аллоҳ Таоло уларни зўр ажр-мукофот билан мукофотласин)
Шунингдек, ушбу дастур орқали Аҳмадия Мусулмон Жамоатининг хабарини 5500 га яқин Жамоатимиздан бўлмаган одамларга етказиш шарафига эга бўлдик. Ал-ҳамдулиллоҳ! Шу муносабат билан, учрашувлар чоғида ўз миннатдорчилигини билдириш баробарида, пасторлар йил давомида ҳам бу муносабатларни сақлаб қолиш истагини билдиришди.
(Ҳисоботни Халқаро «Ал-Фазл» газетасининг мухбири, Чавдҳарий Тоҳир Аҳмад Гилл жаноблари тайёрлаган)