Аллоҳ Таолонинг фазл-марҳамати билан Япониядаги Аҳмадия Мусулмон Жамоати 2023-йил 22-декабр, жума куни «Байтул-Аҳад» масжидида Қуръони Карим асосида «Ҳазрат Исо ибни Марямнинг ўрни» мавзусида бир тадбир ўтказишга муваффақ бўлди. Шунингдек, Мие (Mie) вилоятининг Сузука (Suzuka) шаҳридаги бошланғич синф ўқувчилари делегациясига масжид кўрсатилди. Меҳмонлар масжидда кутиб олинганларидан сўнг дастлаб масжид билан таништирилди. Талабалар ва ўқитувчилар биринчи марта масжидга келганликларини ва масжид муҳитини маънавий ва жуда осойишта ҳис қилганларини айтишди.
Камина (Жамоат воизи) талабалар ва устозларга ИсломАҳмадияни таништириб, уларга Пайғамбаримиз саллаллоҳу алайҳи ва салламнинг ташриф буюришларидан бошлаб, то Ваъда қилинган Масийҳ ва Маҳдий алайҳиссалом келишларигача қисқача маълумот бердим. Шундан сўнг талабалар исломий намоз тариқасини ўрганишга қизиқиш билдирдилар. Шундай қилиб, бир Тифл (етти ёшдан бошлаб ўн беш ёшгача бўлган Аҳмадий болалар ташкилоти аъзоси) азон айтди, кейин икки эгизак болалар намоз ўқиб кўрсатишди. Намозни кўрган талабалар беихтиёр руку ва саждага киришдилар. Камина Ҳазрат Исо алайҳиссалом ва онаси Ҳазрат Марям алайҳоссаломнинг Исломдаги мавқеини Қуръон оятлари асосида баён қилдим. Талабалар ва ўқитувчилар ушбу маълумотларга катта қизиқиш билдиришди ва турли саволларни беришди. Гуруҳга масъул мактаб ўқитувчиси масжидга келишдан олдин Ислом дини ҳақида турли ўй-хаёллар ва хавотирлар бўлганини, Исломда бошқа динларга нисбатан бағрикенг муносабатда эмаслигини, бироқ бу ташрифдан кейин унинг фикрлари бутунлай ўзгариб кетганини айтди.
Биз Аллоҳ Таолодан бизга ИсломАҳмадиятнинг хабарини Японияда етказиш имкониятини беришини сўраймиз. Омин!
(Ҳисоботни Халқаро «Ал-Фазл» газетасининг мухбири, Анис Раис тайёрлаган)