БИСМИЛЛОҲИР РАҲМОНИР РАҲИМ
Аллоҳ таоло Куръони каримда Ўз пайғамбарлар ва уларга иймон келтирувчиларга қатъий ваъда бериб айтади:
اِنَّا لَنَنۡصُرُ رُسُلَنَا وَالَّذِیۡنَ اٰمَنُوۡا فِی الۡحَیٰوۃِ الدُّنۡیَا وَیَوۡمَ یَقُوۡمُ الۡاَشۡہَادُ
Бунга кўра Аллоҳ таоло Ҳазрат Нуҳни мўминлар жамоаси билан биргаликда тўфондан қутқариб, coғ-саломат ҳолда Жудий тоғига туширган. Ўзининг севимли расули Ҳазрат Иброҳийм Халилуллоҳни оловдан қутқариб муқаддас замин Шому Фаластин ҳамда Ҳижозга етказиб қўйган. Ҳазрат Мусони уларнинг шериклари билан биргаликда денгиздан эсон-омон ўтказди ҳамда Фиръавнни унинг лашкари бирла сувга ғарқ қилди. Ҳазрат Юнусни уч кунгача наҳанг баликнинг корнида эсон-омон сақлади, кейн эса ул зотни тирклайн ерга кустирди. Пайғамбаримиз саллаллоҳу алайҳи ва салламни кофирлар куршовидан қутқариб, уларга Саур ғоридан паноҳ берди ҳамда кофирлар ғорининг оғзигача етиб боришга қарамасдан душманларнинг қўлига тушишдан қутқариб, Мадинаи мунавварага етказиб қўйди. Худди шунингдек, Ҳазрат Исони ҳам хочдаги лаънатий ўлимдан сақлаб, замини «Рабваҳ»га
етказиб қўйди, токи ул зот Бани Исроилнинг ўнта ватангадо қабилаларига даъват ҳаққни етказиб, ўз ташвиқот ишларини бажорсинлар. Чунки ул зот
رَسُوۡلًا اِلٰی بَنِیۡۤ اِسۡرَآءِیۡلَ
Яъни: Бани Исроилга расул қилиб юборилган эди.
Шундай экан, Ҳазрат Исо алайҳиссалом ўз ташвикот ишларини ниҳоясига етказиб, ҳадисга кўра, бир юз йигирма ёшлик умрини кўриб, шу фоний оламдан ўтдилар. Ва ул зотнинг қабри Кашмир водийсининг Сринагар шаҳридаги Хонёр маҳалласида мавжуддир. Бунинг тафсилотини билиш учун биз китобхонларга Ҳазрат Масийҳи Мавъуднинг забардаст китоби «Масийҳ Ҳиндистонда»ни ўқишга даъват этамиз.
Қўлингиздаги ушбу китобни Ҳазрат Мирзо Тоҳир Аҳмад жаноблари 1965 йилда урду тилида ёзганлар. Ҳозир ушбу китобнинг ўзбекча таржимаси биринчи марта ўқувчилар эътиборига ҳавола этилмокда. Мазкур китобда Куръони карим, ҳадис шариф ҳамда улуғ зотлар фикрларидан шу нарса исботланилганки, Ҳазрат Исоас тириклайн осмонга кўтариб олинмаган, балки бошқа пайғамбарлар ва инсонлар сингари бу фоний дунёдан кўз юмдилар.
Аллоҳ таоло барча кишиларга ҳидоят қабул қилишга ва ўз фикру хаёлларини тарк этиб, Қуръони карим ҳамда Расулуллоҳ саллаллоҳу алайҳи ва саллам фармонларига бўйсунишга тавфиқ ато этсин.
АБДУЛЛОҲ ТУРОНИЙ НОСИРИДДИН