Аҳмадия Мусулмон Жамоатининг Раҳбари Лестерда янги Аҳмадия масжидини очди

Аҳмадия Мусулмон Жамоати жуда катта мамнуният билан қуйидагиларни билдиради:

2016-йилнинг 20-февралида Аҳмадия Мусулмон Жамоатининг Бутун Жаҳон Раҳбари, Масиҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-халифаси Ҳазрат Мирзо Масрур Аҳмад (Аллоҳ Таоло унга Ёрдамчи бўлсин) Англиянинг Лестер шаҳрида “Байтул-Икром” (Эъзозли Уй) масжидини очди. 2016-02-20-UK-Leicester-Mosque-002

У киши келиб, ёдгорлик тахтасини очиб, расмий турда масжидни очди ва Аллоҳ Таолога розичилик билдириб, тинчлик дуосини ўқиди. Сўнгра у киши маҳаллий Аҳмадий Мусулмонлар билан учрашувларни ўтказишдан олдин янги масжидда шом ва хуфтон намозларини ўқитди. Шундан кейин масжид очилишини нишонлаш мақсадида ташкил этилган махсус кечага 80дан ортиқ муҳтарам меҳмонлар қатнашди. Ҳар қайси муҳтарам меҳмонлар ва сиёсатчилар, улар ичида Rt. Хон, Кит Ваз номли депутат ва Лестер шаҳри полицияси ходимлари раҳбари Саймон Коул қатнашди.
Тантананинг асосий мурожаати Ҳазрат Мирзо Масрур Аҳмад томонидан қилиниб, унда у киши Ислом таълимотлари асосида масжидларнинг ҳақиқий мақсад-муддаолари ҳақида айтиб берди ва қўшниларнинг ҳақ-ҳуқуқларини адо этиш муҳимлигига тўхталди.

Лестер шаҳрининг тарихи ҳақида сўзлаб, у киши унинг фуқаролари сабрлилиги ва интеграцияга баҳо берди.

2016-02-20-UK-Leicester-Mosque-003

Ҳазрат Мирзо Масрур Аҳмад бундай деди:

“2011-йилдаги рўйхатга олиш бўйича Лестер Англия шаҳарлари ичида энг кўп этник гуруҳлар яшаган шаҳар бўлган. Яқинда Лестердаги Нарборо йўли расмий турда бутун дунёда энг кўп этник йўл қатори танилиб қолганини ўқидим. Менимча, бу нарса ушбу шаҳар учун ҳурмат-эҳтиром рамзи сифатида ҳисобланиши керак, Шунингдек, у Лестернинг интеграция ва ўзига қўшиш бўйича муваффақиятли намуна эканининг бир исботи. Ушбу хусусиятларни ҳеч қачон ташлаб қўймаслик ёки эътиборсиз қолдирмаслик керак”.

2016-02-20-UK-Leicester-Mosque-004

Ҳазрат Мирзо Масрур Аҳмад бундай деди:

“Биз ҳозир яшаб келаётган ўта мураккаб замонда ер юзининг кўпчилик қисмида бебошлик ва адолатсизлик ўсиб кетмоқда, ҳозир ушбу шаҳар кўпдан бери намуна сифатида кўрсатиб келаётган сабрлилик ва бардошлик хусусиятларини ривожлантириб, уни тарқатиш ҳозирги замоннинг қаттиқ талаби. Барчамиз жамиятни инсонпарварлик байроғи остида бирлаштириш томон ишлашимиз керак, шунингдек бир-бирининг қадариятлари ва эътиқодларига ҳурмат-эҳтиром кўрсатиш деган руҳиятни излашимиз керак”.

У киши яна шундай деб айтди:

“ҳақиқатан, Лестернинг ҳар хил динлар ва эътиқодлар уйи эканлиги шаҳарни янада бойитди ва унинг

“гўзаллиги ва кўркини ривожлантирди”.

Масжидларнинг ҳақиқий мақсад-муддаоларини изоҳлаётиб, у киши шундай деб айтди:

“масжид – бу мусулмонларнинг Ёлғиз Аллоҳнинг ибодати учун ва Аллоҳ Таоло хилқатининг ҳақ-ҳуқуқларини адо этиш учун йиғиладиган жой”.

2016-02-20-UK-Leicester-Mosque-005

Ҳазрат Мирзо Масрур Аҳмад шундай деди:

“Мен қаттиқ ишонаман: ибодат қилиш учун бу ерга келаётган ҳар бир Аҳмадий мусулмон Аллоҳ Таолонинг ҳақ-ҳуқуқларинигина адо этмасдан, бу масжидларнинг қўшниларини ва кенг маънода жамоатчиликнинг ҳақ-ҳуқуқларини адо этишга ҳам ҳаракат қилади. Шунингдек, ушбу масжиддан қўрқишнинг ҳеч кераги йўқ, чунки бу ердаги қўшниларимизга ва атрофга фақат севги-муҳаббат ва меҳрибонлик туйғуларигина таралади”.

Аҳмадия Мусулмон жамоатининг шиорига ишора қилаётиб, у киши бундай деди:

“Севги Барчага, Нафрат Ҳеч Кимга Эмас” деган шиоримизнинг қуруқ сўз ва шунчаки шиор эмаслигига сизлар ўзингиз гувоҳ бўласизлар”.

Лестернинг турли хиллиги ва жамоатчиликнинг катта манфаати учун одамлар кўпдан бери қандай бирлашиб келганлиги ҳақида сўзлаётиб, Ҳазрат Мирзо Масрур Аҳмад шундай деб айтди:

“Албатта, Аҳмадий мусулмонлар ушбу буюк урф-одатларни мангуликка сақлашга ҳаракат қилишади. Ҳақиқатда, уни сақлаш билангина чекланмасдан, биз доимо шу мустаҳкам пойдеворларга иморат қуришга ҳаракат қиламиз ва ўзаро сабрлилик ва очиқ кўнгиллик каби хусусиятларни ҳам ривожлантирамиз. Ислом дининнг таълимоти бўйича биз қўшниларимизни севиб, уларга эътибор қаратамиз ва энг яхши мавқейда уларнинг ҳақ-ҳуқуқларини адо этамиз”.

У киши бундай деди:

“Севимли Пайғамбаримиз Муҳаммад (саллаллоҳу алайҳи ва саллам) ўзига эргашганларга ўзингизга нимани ёқтирсангиз, бошқаларга ҳам ўшанигина раво кўринглар, деб ўргатган”.

2016-02-20-UK-Leicester-Mosque-006

Ҳазрат Мирзо Масрур Аҳмад бундай деди:

“Севимли Пайғамбаримиз Муҳаммад (саллаллоҳу алайҳи ва саллам) ўзига эргашганларга: “Ўзингизга нимани ёқтирсангиз, бошқаларга ҳам ўшанигина раво кўринглар”, – деб ўргатган. Мен ушбу оддий, бироқ жуда пухта усул дунёда ҳақиқий ва барқарор тинчликни ўрнатишнинг калити бўлиб саналади, деб ишонаман. Вақтга бўйсунмаган ушбу таклиф олдин ҳам ҳақиқат бўлгандай, бугунги кунда ҳам ҳақиқат”.

Ҳазрат Мирзо Масрур Аҳмад бундай дейди:

“Қачонки мен ушбу сўзларга эътиборимни қаратганимда, агарда бошқалар менга яхши ҳолатда, шунингдек, тинчлик ва хавфсизлик билан муносабатда бўлишларини хоҳласам, унда бу нарса бошқаларга ҳам худди шундай ҳолатда муносабатда бўлишим кераклигини менга ортади, деб ҳис қилдим. Мусулмон қатори қўшниларимга ҳақиқий тинчликни тилаш менга фарз. Менинг қишлоғимда ёки шаҳримда яшаган инсонларга ҳақиқий тинчликни исташ менга фарз. Ҳақиқатда, ер юзидаги ҳар бир минтақада яшаган ҳар бир инсонга ҳақиқий тинчликни хоҳлаш менга фарз”.

2016-02-20-UK-Leicester-Mosque-007

Халифа Вақт шундай деб тафсирлади: Муқаддас Қуръон қўшнига берган таъриф жуда ҳам кенг бўлиб, мўмин-мусулмон инсонлардан барча инсониятга ўзининг қўшниси қатори муносабатда бўлишини талаб қилади.

Қуръони Каримнинг 22-сураси 41-оятида ишора қилиб, у киши бундай деди: Медиа тасвирлаган суратга қарши Ислом дини барча динларнинг ҳуқуқларини ҳимоя қилишга ҳаракат қилади. Ушбу оятдаги буйруқ асосида дастлабки давр мусулмонларига фақат Ислом динигина эмас, аксинча барча динларни ҳимоя қилиш мақсадида мудофаа урушларига рухсат берилган. Агарда мусулмонлар мудофаа урушини қилишмаса, унда битта ҳам черков, сенагог, храм, масжид ёки ибодат қиладиган жой омон қолмас эди.

Ҳазрат Мирзо Масрур Аҳмад шундай дейди:

“Бошқалар билан бирга аҳил-иноқ бўлиб яшаш – бу муслмонларнинг бурчи, шунингдек бошқа динларга қаршилик кўрсатиш ёки уларнинг ибодат қиладиган жойларига зиён келтиришдан кўра уларни муҳофаза қилиш – бу мусулмонларнинг бурчи”.

У киши бундай деди: Ислом динининг ҳақиқий таълимоти бўйича номигагина мусулмон деб аталувчи одамларнинг қилаётган ноҳақликлари “кечириб бўлмас ва бутунлай адолатсиз амаллардир”.

Замон Халифаси бундай деди: одамзотнинг тинчлик учун бир-бири билан бирлашиши ҳозир олдингидан ҳам кўпроқ зарур.

Ҳазрат Мирзо Масрур Аҳмад бундай деди:

“Биз тинчлик ва ўзаро бир-бирини тушунишни ривожлантириш учун қилаётган ҳаракатларимизни бирлаштиришимиз керак, натижада сиртдан қараганда, ҳар бир ўтаётган кўз ўнгимизда яқинлашиб келаётган катастрофик кўринишдаги Жаҳон Урушининг қўрқинчли ҳайқириғидан дунё сақлаб қолинсин. Олдин ушбу шаҳар турғунлари уруш ва нотинчликда яшагандан кейин тинчлик ва толерантлилик фойдаларини ўрганиш учун келишди. Шундай қилиб, мен дуо қиламан: илгариги сабоқлар ўз келажагимизни сақлаб қолиш учун ўз бурчларимизни ҳис қилиш учун етарли”.

Маҳаллий Аҳмадий мусулмонларга мурожаат қилаётиб, Ҳазрат Мирзо Масрур Аҳмад бундай деди:

“Мен шу ерда яшаган Аҳмадий мусулмонларга ҳам айтмоқчиман: улар ҳар бир кўз ўнгида Ислом динининг ҳақиқий таълимотларини тасвирлаб кўрсатишлари керак. Уларнинг амали ва хулқи ҳар доим намунали бўлиши керак. Улар ҳар доим буни эсда тутишлари керак, агар улар бошқаларга хизмат қилиш деган бурчлари бўйича муваффақият қозонмаса, унда уларнинг ибодати ҳеч қачон Аллоҳни рози қилмайди ва уларга ҳеч бир фойдани ҳеч келтирмайди, шунингдек шу масжидни солганлиги ҳам уларга қандайдир бир фойда келтирмайди”.

Ниҳоясида у киши бундай деди:

“Худо хоҳласа, бу масжид ёруғлик минораси қатори танилиб, ўз атрофини нурлантириб, Лестерда тинчликнинг ҳақиқий рамзи сифатида донғини таратади. Аллоҳ Таоло маҳаллий Аҳмадий мусулмонларга ушбу масжид қандай ҳақиқий мақсадлар билан солинган бўлса, шуларни амалга ошириш куч-қувватини берсин. Омийн”.

Бунгача ҳар қайси меҳмонлар ҳам Аҳмадия Мусулмон Жамоатини “Байтул-Икром” масжидининг очилиши билан табриклаш мақсадида саҳнага чиқишди.

Лестершир полицияси ходимлари раҳбари Саймон Коле бундай деди:

“Аҳмадия Мусулмон Жамоати Лестердаги ва Лестерширдаги жамоатчиликни яхшилаш учун ишламоқда, шунинг учун бугун сизлар билан бирга бўлиш – бу фахр ва руҳий томондан биз ҳар йилнинг ҳар бир жумасининнг ҳар бир кунида сизлар билан бирга бўламиз”.

Лестершир лейтенанти муовини Рияз Рават Бем шундай деди:

“Ушбу янги масжиднинг мавжудлиги динлараро гармония бўйича Лестер номини ҳам кўтаради. Албатта, Аҳмадия Мусулмон Жамоати ўзининг ҳеч қандай мукофотга қизиқмаган жамоат эканлигини далиллаб кўрсатиб, шу ўлкага яхши ҳиссаларини қўшиб келмоқда”.

Шарқий Лестердаги парламент депутати Rt. Хон Кит Ваз шундай деди:

“Ушбу масжид ибодат қилувчилар учунгина бошпана бўлмасдан, бутун жамоатчилик учун ҳам очиқ ва Ислом динининг тинчлик ва меҳрибонлик деган қадриятларни тарқатиш қуролига айланади. У кишининг (Ҳазрат Мирзо Масрур Аҳмад) келганлиги шаҳримиз учун жуда катта фахр-ифтихордир. Сизнинг келганлигингиз биз учун бошқа нарсалардан муҳимроқ. У буни ўзгача кунга айлантириб юборди”.

2016-02-20-UK-Leicester-Mosque-008

Расмий сессия у киши раҳбарлигида қилинган тинч дуо билан ниҳоясига етиб, сўнгра таом таыдим этилди.

Якуни

Қўшимча маълумот учун: press@ahmadiyya.org.uk

Манзил: 22 Deer Park Road, London, SW19 3TL UK

Tel/Fax: 020 8544 7613 Mob: 077954 90682

Email: press@ahmadiyya.org.uk

Press Secretary AMJ International

(Халқаро Аҳмадия Мусулмон Жамоати редакцияси котиби)