Ҳазрат Мирзо Масрур Аҳмад Ислом дини экстремизм билан алоқадор экан деган ёлғон даъволарга кучли жавоб берди.
Аҳмадия Мусулмон Жамоатининг Халқаро Раҳнамоси, Масиҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом) нинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) Ислом террорист ва экстремист қилмишларини оқлаб турган дин деб айтган танқидчиларнинг танқидига жавоб берди. Халифа ҳазратлари 2015 йил 11-декабр кунида ўқиган жума хутбасида шу фикрларни билдирди.
Ўзининг мурожаатида Ҳазрат Мирзо Масрур Аҳмад Ислом дини мусулмонларни экстремизм ва зўравонликка рағбатлантиради деган ёлғон туҳматларни қилган айрим Ғарб саёсатчилар ҳамда шарҳловчиларнинг мисолларини келтирди.
У киши шундай деди: таниқли бир террорист гуруҳ қилиб юрган ёмон амаллари фақат жамоатчилик орасида қўрқувни пайдо қилмасдан, нотўғри ҳамда Исломга мухолиф танқидчиларга Ислом таълимларига ёлғон айблар қўйишига имконият яратиб бермоқда.
У киши шундай деб қўшимча қилди: оммавий ахборот воситалари Ислом номи билан қилинган ҳужумларга ва мусулмон бўлмаганлар тарафидан қилинган ҳужумларга бутунлай бошқача муомала қилади.
Ҳазрат Мирзо Масрур Аҳмад шундай деди:
“Мусулмон киши қандайдир бир нотўғри иш қилганида, одамлар дарҳол Ислом динини ёмонлаша бошлайдилар, бироқ агар бошқа бир дин вакили ўшандай амал қилса, уни “ақлдан озган” деб айтиб қўйишади. Биз бирон-бир мусулмон гуруҳ содир қилган даҳшатли қилмишларини золимона феъл деб албатта тан оламиз, аммо Қуръони карим таълимларини нотўғри йўл билан нишонга олиш бутунлай янглишиш ва асоссиздир.”
У киши шундай деди: Ислом таълимотлари зўравонлик билан Исломни тарқатишни хоҳлаганларни оқламайди ёки уларга “ҳуқуқ” бермайди.
Ҳазрат Мирзо Масрур Аҳмад шундай деди:
“Ислом дини одамларни зўравонлик билан мусулмон қилишни ҳеч ўргатмайди. Қуръони каримда Аллоҳ таоло севимли Пайғамбаримиз Муҳаммад (саллаллоҳу алайҳи ва саллам)га шундай деб айтган: “Агар Парвардигоринг хоҳлаганида эди, ерда яшайдиганларнинг барчаси биргаликда иймон келтирган бўларди.” Демак, Аллоҳ таоло шундай деб айтади: барча одамзот ҳеч қачон иймон келтирган йўқ ва бу ўзгармас ҳақиқатки, Ислом дини ҳеч қачон зўравонликка рухсат бергани йўқ”.
Ҳазрат Мирзо Масрур Аҳмад шундай деб давом этди:
“Қуръони карим қатъий шаклда шундай деб айтади: одамларни Ислом динини қабул қилишга мажбурлаш учун ҳеч қачон қилич кўтарилмаслиги керак. Аксинча мусулмонлар диннинг гўзал таълимларини тақдим этиш ҳамда энг яхши намуналарни кўрсатиш билан одамларни Исломга жалб этиши керак”.
Ҳазрат Мирзо Масрур Аҳмад Қуръони каримдаги 43-сурасининг 89-90-оятини ўқиб берди:
“Унинг: “Эй Парвардигорим! Булар асло иймон келтирмаслар”, деган вақтини эсланглар. Уларни афв эт ва: “Салом!” айт. Бас, тез орада улар билиб оладилар”.
Бу оятни шарҳлаб туриб, Ҳазрат Мирзо Масрур Аҳмад шундай деди:
“Шу оятларда севимли Пайғамбаримиз (саллаллоҳу алайҳи ва саллам)га қуйидагича кўрсатма берилганди: “кофирларнинг қўлидан чексиз қийноқлар тортганингизга қарамай, сизнинг жавобингиз бундай бўлиши керак: мен сизлар учун фақатнгина тинчликни хоҳлайман ва ярашишни таъминлаш учун бу давом этаверади”. Демак, севимли Пайғамбаримиз Муҳаммад (саллаллоҳу алайҳи ва саллам)нинг ўзига ҳам тинчлик билан муомала қилишга кўрсатма берилгандан кейин шу пайғом ва унинг руҳини мустаҳкам ушлаш ҳар бир мусулмоннинг бурчидир”.
Ҳазрат Мирзо Масрур Аҳмад бугунги кунда дунёда кўриниб турган тинчсизликнинг асосий илдизи – бу адолат ва инсофнинг йўқлиги деб айтган.
Экстремизмга ёрдам бераётган катта кучларнинг роли тўғрисида сўзлаб, Ҳазрат Мирзо Масрур Аҳмад шундай деб айтди:
“Бир неча Ғарб оммавий ахборот воситалари ва шарҳловчилари ҳозир тан олмоқдаларки, бизнинг ҳукуматларимизнинг ўзлари Ироқдаги жанг ва Сириядаги инқироздан кейин мана шундай экстремист гуруҳларни тузишга ўз ролини ўйнаган. Дунёдаги ушбу барча масалаларнинг асосий илдизи – бу адолатнинг йўқлигидир”.
Ҳазрат Мирзо Масрур Аҳмад шундай деб давом этди:
“Бир томондан катта кучлар ҳаво ҳужумлари орқали экстремистларни енгишга ҳаракат қилмоқдалар, иккинчи томондан эса улар террористлар билан савдо-сотик қилиб турган ё уларга даҳшатли қуролларни етказиб турган гуруҳлар ёхуд шахсларни билиб туриб, улардан кўз юмганлар. Шунингдек, Ислом динига қарши амалларни қилиб турган фақат мусулмон гуруҳлар томонидангина жаҳон тинчлиги барбод қилинмасдан, ўзларининг шахсий манфаатларини бошқалардан юқори қўйган катта кучлар орқали ҳам барбод қилинмоқда”.
Охирида у киши шундай деди: Исломнинг ҳақиқий ва тинчликсевар таълимларини ёйиш ҳамда жамиятнинг ҳар бир даражада тинчлик томонга ҳаракат қилиш ҳар бир Аҳмадий мусулмоннинг бурчидир.
Ҳазрат Мирзо Масрур Аҳмад шундай деди:
“Ҳар бир Аҳмадий мусулмон Исломнинг гўзал ва тинчликсевар таълимотини ёйиш ўзининг бурчи деб билиши керак. Бугунги кунда дунё ҳалокат ёқасида турган экан, шунинг учун дунёни ҳалокатдан сақлаш учун ҳар бир Аҳмадий мусулмон ҳаракат қилиши керак”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоатининг нашриёт хизмати бўйича котиби)