БИСМИЛЛОҲИР РАҲМОНИР РАҲИМ
НАҲМАДУҲУ ВА НУСАЛЛИЙ АЛО РАСУЛИҲИЛ КАРИМ
Халқаро Аҳмадиййа Мусулмонлар Жамоатининг Имоми Ҳазрат Мирзо Тоҳир Аҳмаднинг
ПАЙҒОМИ
Халқаро Аҳмадиййа Жамоати, Масийҳи Мавъуд ва Маҳдийе Маъҳуд Ҳазрат Мирзо Ғулом Аҳмад Кодиёний алайҳиссаломнинг 1896 йилнинг 26 декабридан 29 декабригача Лоҳўр шаҳрида бўлиб ўтган халқаро буюк динлар мажлисида ўқиб эшиттирилган зўр ҳамда маърифат ила тўла маколаси чоп этилишига юз йил тўлганини нишонламоқда. Ушбу мақола ўзига хос илоҳий ёрдам билан ёзилган бўлиб, унинг мисли кўрилмаган муваффақият қозониши хусусида Аллоҳ таолонинг ваҳийсида олдиндан башоратлар қилинган эди.
Мажлис чақирилишидан олдиноқ ушбу илоҳий башоратлар билдирув шаклида чоп этилиб Лоҳўр шаҳрининг энг гавжум жойларида бу хусусда эълонлар осиб қўйилди.
Мўминлар жамоатига яраша байрамни нишонлашимиз тарзи ҳам сермазмун, пурвиқор ва шу билан бирга ҳар қандай бачкана ва ўринсиз хўжакўрсинликлардан холи бўлади. Биз мазкур китобни жаҳоннинг энг кенг тарқалган тилларига таржима қилиб, унинг юз йиллигини нишонламокдамиз ва шу йўсинда ушбу асарнинг файзу баракатларидан дунёнинг кўпгина халқлари баҳраманд бўларлар, дея умид қиламиз.
Биз фақат Аллоҳ таолонинг фазлу карами туфайли ҳозирга қадар уни жаҳоннинг эллик икки катта йирик тилига ағдариб нашр этишга муваффақ бўлдик. Бундан ташқари, яна бир қанча тилларга ўгириш ишлари давом этмокда. Ушбу таржималар Аллоҳ таолонинг фазли ила 1996 йилнинг интиҳосидан олдинроқ якунланиб қолади, деб умид қиламиз.
Ушбу пок мақсадни амалга ошириш учун ўз салоҳиятлари, қимматбаҳо вақти ва саъй-ҳаракатлари билан ҳисса қўшиш насиб этилган барча кишиларга Аллоҳ таоло ўз ҳузуридан катта ажр-мукофот ато этсин. Омин.
Мирзо Тоҳир Аҳмад
1996 йил, январ.