“Офият” масжидини Ҳазрат Мирзо Масрур Аҳмад ўз қўллари билан очдилар
Аҳмадия Мусулмон Жамоати жуда катта қувонч билан қуйидагиларни билдиради: 2017-йилнинг 10-апрелида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Вальдсхут-Тинген шаҳрида “Офият” (Тинчлик ва Хавфсиз) масжидини очдилар. У Германиядаги Аҳмадия Мусулмон Жамоатининг 50-масжидидир.
Улуғ Муҳтарам Халифа масжидга келиб, пешин ва аср намозларини ўқитишдан олдин унинг очилишини нишонлаш мақсадида эсдалик тахтасини расмий турда очдилар. Сўнгра Аллоҳ таолога миннатдорчилик билдириб, қўл кўтариб дуо қилдилар.
келиб, пешин ва аср намозларини ўқитишдан олдин унинг очилишини нишонлаш мақсадида эсдалик тахтасини расмий турда очдилар. Сўнгра Аллоҳ таолога миннатдорчилик билдириб, қўл кўтариб дуо қилдилар.
Шундан сўнг масжид очилишини нишонлаш мақсадида уюштирилган махсус кечага 110 ҳурматли меҳмонлар иштирок этиб, Ҳазрат Мирзо Масрур Аҳмад тарихий мурожаат қилиб, масжидларнинг ҳақиқий мақсад-муддаоларига тўхталиб, Ислом динининг ҳақиқий таълимотларини айтиб бердилар.
Ҳазрат Мирзо Масрур Аҳмад Вальдсхут-Тинген шаҳрида турли миллатдаги ва келиб чиқиши бошқа одамлар бир-бири билан аҳил яшаб келишаётгани ҳақида сўзлаб, ўз сўзларини бошладилар.
Ҳазрат Ислом дини одамларнинг умумий яхшиликлари учун ўзаро айирмовчиликларни четга суриб, бир-бирига ҳурмат-эҳтиром кўрсатиб, бирга яшашга чақиради, дедилар.
Ҳазрат Қуръони Карим таълимотлари одамларни бўлиб-парчалашдан кўра бир-бирига яқинлашиш воситаси эканини айтдилар.
Ҳазрат Мирзо Масрур Аҳмад шундай дедилар:
“Биз барча миллатлар ва инсонларга пайғамбарлар юборилган деб ишонамиз ва уларнинг барчасини ростгўй деб биламиз. Уларнинг барчаси Аллоҳ таоло томонидан юборилганлигини ҳисобга олиб, қандай қилиб Аллоҳ таоло турли динлар ва эътиқоддаги одамлар орасида фитна-фасод ва урушларни истаган бўлиши мумкин?”
Ислом динининг дастлабки даврида бўлган жанглар ҳақидаги тушунмовчиликларга тўхталиб, Ҳазрат шундай дедилар: дастлабки мусулмонлар тўхтовсиз таъқибга олинган бир пайтдан сўнггина уларга мудофаа учун жанг қилишга рухсат берилган.
Бундан ташқари, дин танлаш эркинлигининг умумий тамойилларини мунтазам ўрнатиш мақсадидагина унга рухсат берилган эди.
Ҳазрат Қуръони Каримнинг 22-сураси 41-оятини ўқиб бердилар:
“Агар Аллоҳ томонидан одамлар – улардан баъзилари бошқалари билан тўқнаштирилиб мудофаа қилинмаганда эди, унда роҳибхоналар, черковлар, яҳудийларнинг ибодатхоналари ва Аллоҳнинг номи кўп зикр қилинадиган масжидлар маҳв қилиб ташланган бўларди”.
Бу оятни тушунтираётиб, Ҳазрат Мирзо Масрур Аҳмад шундай дедилар:
“Ислом динининг таълимотлари бўйича, ҳар бир ҳақиқий мусулмон хоҳ черковлар бўлсин, хоҳ яҳудийларнинг ибодатхоналари бўлсин ёки қандайдир бошқа бир ибодатхона, барча динларнинг ибодатхоналарини мудофаа қилишга ҳар доим тайёр туриш зарур. Ҳар бир мўмин-мусулмон бошқа эътиқодлардаги одамлар билан бирга аҳил яшашга, шунингдек, уларга севги ва меҳрибонлик билан муомала қилиши шарт. Ислом динининг ушбу ғамхўрлик таълимотлари жамиятда тинчлик ва бирдамлик учун асос бўлиб ҳисобланади”.
Ҳазрат Муқаддас Қуръон мусулмонларга бир неча бора инсонларнинг қайси дин ёки эътиқод соҳиби эканлигига қарамай, инсониятга хизмат қилишга кўрсатма берган ва Аҳмадия Мусулмон Жамоати фақат ушбу таълимотлар асосида дунёдаги қолоқ минтақаларда кўплаб шифохоналар ва мактабларни қурган ҳамда инсонпарварлик лойиҳаларини бошлаган, деб айтдилар.
Ҳазрат Мирзо Масрур Аҳмад шундай дедилар:
“Бизнинг Аҳмадия шифохоналаримизда даволанадиган беморларнинг аксарияти, шунингдек, бизнинг Аҳмадия мактабларимизда ўқиётган ўқувчиларнинг аксар сони насронийлар ёки бошқа ғайримусулмонлардан ташкил топади. Биз иштиёқи бор, аммо ўқиш харажатларига қурби етмаётган талабалар қайси динда эканлигига қарамай, стипендия билан таъминлаймиз ва моддий ёрдам берамиз. Бизнинг бундай ишларни бажаришимиз сабаби бизнинг динимиз бизга дунёдаги ҳар бир инсон илм-таълим олиш ҳуқуқига эга деб ўргатади”.
Мазкур масжид учун сотиб олинган майдон илгари бозор бўлганлиги ҳақида сўз юритиб, Ҳазрат Мирзо Масрур Аҳмад шундай дедилар:
“Илгари бу ер бозор бўлиб, инсонлар моддий савдо-сотиқ учун келишган эди, уни ҳозир масжидга айлантирдик. Энди бундан кейин одамлар ушбу жойга моддий нарсаларни сотиб олиш учун келмасдан, Аллоҳ таолога ибодат қилиш орқали руҳоний хазиналарни олиш учун келишади. Биз ушбу масжидни одамлар инсониятга хизмат қилиш мақсадида йиғиладиган марказ сифатида фойдаланамиз”.
Ҳазрат Мирзо Масрур Аҳмад шундай деб давом этдилар:
“Илгари сизлар турли нарсаларни сотиб олиш учун пул тўлаб турган жойдан ҳозир бир чақа ҳам тўламай, севги-муҳаббат ва меҳрибонлик туҳфаларини оласизлар. Маҳаллий халқ илгари моддий нарсаларни сотиб олиб юрган жойдан ҳозир ушбу масжидга ибодат қилиш мақсадида келадиган одамлар жамиятда тинчлик ва меҳрибонликни ёйиш учун Аллоҳ таоло йўлида ўз маблағларини сарфлашади”.
Айни дамда ер юзида бўлаётган террор ҳужумлар оқимига ишора қилиб, Ҳазрат шундай дедилар: мана шу ҳужумлар Ислом дини номидан Ғарбдагина эмас, мусулмон мамлакатларида ҳам уюштирилмоқда.
Ҳазрат Мирзо Масрур Аҳмад шундай дедилар:
“Террорист ва экстремистлар ўзларининг нафрат ва шахсий манфаатларига эришиш учун ёлғондан Ислом дини номини қўлланишмоқда. Улар бу мақсадларга эришиш учун уларнинг йўлида ғов бўлган ҳар бир кишини ўлдиришмоқда. Шунинг учун дунё сабрга, ўзаро ҳурмат-эҳтиром ва очиқ кўнгилликка жуда ҳам муҳтож. Дунё биз – Аҳмадий мусулмонлар: “Севги барчага, нафрат ҳеч кимга эмас”, – деб жар солган шиорни амалда қўлланиши лозим”.
Ўз мурожаатининг ниҳоясида Ҳазрат Мирзо Масрур Аҳмад шундай дуо қилдилар:
“Аллоҳ таоло Аҳмадий мусулмонларга ушбу шаҳарда Ислом динининг ҳақиқий таълимотларига мувофиқ амал қилиш ва энг яхши шаклда бу шаҳар турғунларига хизмат қилишга куч-қувват берсин. Мен Ислом дини тўғрисида баъзи бир одамларда бўлган хавотирлар йўқолиб, улар ҳақиқий масжидлар тинчлик ва осойишталикнинг рамзлари эканини сезишади деб ишонаман ва дуо қиламан”.
Бунга қадар Германиядаги Аҳмадия Мусулмон Жамоатининг Миллий Президенти (Амири) – жаноб Абдулла Вагишаузер меҳмонларга “табрик” сўзини ўқиди, шундан сўнг ташриф буюрган меҳмонлар ўзларининг ўй-фикрларини айтишди.
Вальдсхут-Тинген шаҳри мэрининг вакили Силвия Доблер шундай деди:
“Мен Аҳмадия Мусулмон Жамоатининг Раҳнамосига Вальдсхут-Тинген шаҳрига “хуш келибсиз” деб айтмоқчиман. Сизнинг бу ерда бўлганингиз бизнинг шаҳримиз учун жуда зўр ҳурмат-эҳтиром ва ифтихор бўлиб ҳисобланади. Ундан ташқари, мен Аҳмадия Мусулмон Жамоатига ўз масжидининг эшикларини очганлиги учун миннатдорчилик билдирмоқчиман, натижада биз сизларнинг динингиз ва эътиқодларингиз ҳақида ўргана оламиз”.
Лёрраҳ шаҳрининг мэри, доктор Майкл Вилке шундай деди:
“Бугунги кунда халқ қалбида Ислом дини ҳақида бир талай хавотирлар бор, бунга бир-бирининг динини тўғри тушунишга ҳаракат қилиш ва ўзаро ҳурмат-эҳтиром билан бир-бирига муомала қилиш деган биргина жавоб бўлиши мумкин. Биз Аҳмадий мусулмонларнинг келажакда яна тадбирларни уюштиришга чорлаймиз, натижада сизлар Ислом динининг тинчлик таълимотларини ёйиб, мавжуд бўлган хавотирларни бартараф қила оласизлар”.
Протестант черковининг вакиллари, Ата Райнер Стокбургер шундай деди:
“Ҳар бир дин ҳар қандай урф-одатлар ва ибодатларга эга, шунингдек, унинг ўзининг муқаддас жойлари ва тадбирлари бор. Бўлиб-парчалаш ва фитна-фасод чиқарадиган айирмовчиликларни бир четга суриб, биз бир-биримизни тушуниш ва сабрлиликни кўрсатишга ҳаракат қилишимиз лозим”.
Расмий сессия Ҳазрат олиб борган дуо билан якунланиб, шундан сўнг меҳмонларга таом тортилди.
Ҳазрат SWR теле ва радиоси билан ҳам суҳбат қурдилар.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)