Ҳазрат Мирзо Масрур Аҳмад Аҳмадий мусулмонлар тақво, меҳрибонлик ва одоб-ахлоқ бўйича энг юқори даражадаги намуналарни кўрсатишлари керак, деб айтди.
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) 2016-йилнинг 6-майида Дания – Копенгагенда жойлашган “Нусрат Жаҳон” масжидида ҳафталик жума хутбасини ўқиди.
Ўзининг мурожаатида у киши бундай деди: мен ўн бир йил олдин Копенгагенга келган эдим ва бу вақт мобайнида Даниядаги Аҳмадий Мусулмон Жамоати ҳар томонлама ўсиб-ривожланиб кетди.
У киши бундай деди: мана шундай ўсиб-ривожланиш маҳаллий Аҳмадий мусулмонлардан Аллоҳ таолога шукроналик келтиришни талаб қилади.
Ҳазрат Мирзо Масрур Аҳмад бундай деди:
“Фақат тилдан шукроналик қилишгина етарли эмас, унинг ўрнига биз ҳақиқатан Аллоҳ таолонинг буйруқларига эргашмоқдамизми ёки йўқми деган саволни ўзимизга беришимиз керак”.
Ҳазрат Мирзо Масрур Аҳмад бундай деди:
“Муттасил равишда Аллоҳ таолонинг марҳаматларига муносиб бўлиш учун ҳар бир инсон ҳар доим ўз ишларини ва амалларини ислоҳ қилиб-тузатиб туриши керак. Агар биз диний муносабатларимизга лоқайд бўлсак, у ҳолда биз болаларимизни диндан ва Аллоҳ таолонинг фазл-марҳаматидан узоқлашиб кетишига жавобгар бўламиз”.
У киши бундай деди: Даниядаги Аҳмадий мусулмонлар турли хил, баъзилари туғма Аҳмадий мусулмон, баъзилари маҳаллий ва баъзилари эса ҳар хил миллатдан ёки ҳудуддан, масалан, Косоводан Данияга кўчиб келганлар.
Аҳмадия Мусулмон Жамоатининг аъзоларига мурожаат қилиб, Ҳазрат Мирзо Масрур Аҳмад бундай деди:
“Биз – Аҳмадий мусулмонлар берган байъат ваъдамизни ҳақиқатан адо этмоқдамизми ёки фақат номигагина ота-боболаримизнинг динигагина эргашмоқдамизми деган саволни ўзимизга беришимиз керак… Бундан ташқари, яхши келажагини излаб бу ерга келганлар, яхши шароитлар ва осойишталиклар уларни динидан узоқлаштириб юборгани йўқми, деб ўзларига савол беришлари керак”.
Ҳазрат Мирзо Масрур Аҳмад бундай деди: Ислом динининг таълимотлари – бу меҳрибонлик, севиш ва раҳмдиллик. Демак, мана шундай хусусиятларни тарғиб қилишнинг ўрнига кўплаб инсонлар бошқаларнинг ҳақ-ҳуқуқларини ер билан яксон қилиб, зулм ва адолатсизлик қилишади. Улуғ Муҳтарам Халифа бундай деди: агар мусулмонлар томонидан мана шундай иллатлар кўрсатилса, у ҳолда бу ўта ачинарли ҳол, чунки Ислом динининг таълимотлари – бу барчага тинчлик ва севгидир.
Ҳурматли Халифа Аҳмадия Мусулмон Жамоатининг Асосчиси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг баъзи бир сўзларини ўқиб бериб, Аҳмадия Мусулмон Жамоатининг тинчлик мақсад-муддаолари ҳақида баён қилди.
Ҳазрат Мирзо Ғулом Аҳмад (алайҳиссалом) бундай деган:
“Аллоҳ таоло руҳоний жиҳатдан ислоҳ қилинган-тузатилган бир янги Жамоатни барпо қилишни хоҳлайди ва мана шунга кўра инсонлар ростгўйлар каби ҳаётга эга бўлсин деб биз Ислом динининг ҳақиқий таълимотларини тарқатмоқдамиз”.
Улуғ Муҳтарам Халифа бундай деди: бошқаларга ўзларининг яхши намуналари орқали таъсир этиш учун одоб-ахлоқлар бўйича энг юқори даражадаги намуналарни кўрсатиш – бу ҳар бир Аҳмадий мусулмоннинг бурчидир. Улуғ Муҳтарам Халифа бундай деб огоҳлантирди: агар қайси бир Аҳмадий мусулмон нопок ишларни қилса ёки зулм қилса, у ўзинигина бадном қилмасдан, Аҳмадия Мусулмон Жамоатининг номига ҳам доғ туширади.
Ҳазрат Мирзо Масрур Аҳмад қуйидаги дуо билан тугаллади:
“Аҳмадия Мусулмон Жамоатининг барча аъзоларига Аллоҳ таоло ўзларининг амаллари орқали дунёни тўғри йўлга бошлаш учун куч-қувват берсин ва Аллоҳ таоло бизга қилган барча марҳаматлари учун Аллоҳ таолога ҳақиқий миннатдорчилик билдирувчилардан бўлиш учун бизга куч-қувват берсин”.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)