Ҳазрат Мирзо Масрур Аҳмад дунё Ислом динига “душманлик кўзойнаги билан эмас, адолат кўзойнаги билан назар солиши керак”лигини айтди.
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имоми Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) 2016-йилнинг 9-майида Дания – Копенгагенда жойлашган “Хилтон” меҳмонхонасида унинг шарафига ўтказилган махсус бир кечада тарихий мурожаат қилди.
125дан ортиқ сиёсатчи, академик ва жамоат раҳбарлари ушбу тарихий кечада иштирок этишди, уларнинг қаторида маданият муносабатлари ва черков муносабатлари вазири жаноб Ч.И. Бертел Хаардер ҳам бор эди.
Ўзининг тарихий мурожаатида Ҳазрат Мирзо Масрур Аҳмад Аҳмадия Мусулмон Жамоатининг тинчлик мақсад-муддаолари ва унинг Раҳнамоси Ҳазрат Мирзо Ғулом Аҳмад (алайҳиссалом)нинг даъвоси ҳақида фикр юритди.
Улуғ Муҳтарам Халифа Ислом дини қилич (қурол) кучи билан тарқалган деган туҳматни рад этиб, Қуръони Каримнинг оятлари билан Ислом дини оммавий диний эркинлик ва сабрлиликнинг жарчиси эканини далиллаб кўрсатди.
Ҳурматли меҳмонлардан бири ҳам Ҳазрат Мирзо Масрур Аҳмадни Данияга “хуш келибсиз!” деб айтиш ва Аҳмадия Мусулмон Жамоатига ўз қўллаб-қувватлашларини кўрсатиш учун саҳнага чиқди.
Ҳазрат Мирзо Масрур Аҳмад Аҳмадия Мусулмон Жамоатининг бошланғич мақсад-муддаолари ҳақида баён қилиш билан ўзининг тарихий мурожаатини бошлади.
Ҳазрат Мирзо Масрур Аҳмад бундай деди:
“Ислом динида Аҳмадия Мусулмон Жамоати шундай оқим: унинг мақсад-муддаолари жуда очиқ-равшан. Биз инсониятни унинг Яратгувчиси – Аллоҳ таоло томонга олиб келишни хоҳлаймиз. Биз барча инсонларнинг эътиборини бошқа инсонларга нисбатан уларнинг бурчларига ва бир-бирига севги, меҳрибонлик ва ҳурмат-эҳтиром билан муомала қилиш лозимлигига қаратишни хоҳлаймиз. Шунингдек, биз дунёда ҳақиқий ва абадий тинчлик ўрнатишни хоҳлаймиз ва тилаймиз”.
Ислом динининг илк кунларида жиҳод деган тушунча ҳақида сўзлаётиб, Ҳазрат Мирзо Масрур Аҳмад бундай деди:
“Ислом динига кўпинча у қилич орқали тўс-тўполон йўли билан тарқалган деган туҳмат қўйилади. Бу туҳмат бутунлай асоссиз ва унда заррача ҳам ҳақиқат бўлиши мумкин эмас. Севимли Пайғамбаримиз Муҳаммад (саллаллоҳу алайҳи ва саллам)нинг ҳаётлик вақтида ва ундан кейин келган тўрт тўғри йўлдаги Халифанинг даврида қилинган барча жанглар табиатан бутунлай мудофаа тарзида бўлиб, уларни жанг қилишга мажбур қилган”.
Ҳазрат Мирзо Масрур Аҳмад бундай деди:
“Бу ерда, Данияда эса бир қанча йил олдин карикатуралар нашр қилиниб, Ислом динининг Асосчиси (саллаллоҳу алайҳи ва саллам)га ҳақорат қилинган ва Худо сақласин, у қандайдир бир империалистик лидер ва урушқоқ одам сифатида тасвирланган. Севимли Пайғамбаримиз Муҳаммад (саллаллоҳу алайҳи ва саллам)нинг мана шундай ноҳақ тасвирланиши тарихга ҳам, ҳақиқатга ҳам тўғри келмайди. Аслида эса бундай бўлган: Севимли Пайғамбаримиз Муҳаммад (саллаллоҳу алайҳи ва саллам) ҳар доим тинчлик ва инсониятнинг ҳақ-ҳуқуқларини ўрнатиш учун қаттиқ турганини далиллаган”.
Ҳазрат Мирзо Масрур Аҳмад бундай деб давом эттирди:
“Агар кимдир биров Қуръони Каримни ўқиса ва душманлик кўзойнаги билан эмас, адолат кўзойнаги билан Севимли Пайғамбаримиз Муҳаммад (саллаллоҳу алайҳи ва саллам)нинг таржимаи ҳолини қараб чиқса, умуман Ислом тинчлик дини эканини сезади. Улар Севимли Пайғамбаримиз Муҳаммад (саллаллоҳу алайҳи ва саллам) ҳаётининг ҳар бир жабҳаси тинчликни хоҳлаганини сезади”.
Аҳмадия Мусулмон Жамоатининг Раҳнамоси бундай деди: Севимли Пайғамбаримиз Муҳаммад (саллаллоҳу алайҳи ва саллам) ва унинг тўғри йўналтирилган тўрт ўринбосарларининг (Халифалар) даврида барча инсонларнинг ҳақ-ҳуқуқлари уларнинг дин ва эътиқоди қандай эканлигига қарамасдан ҳимоя қилинган.
Мусулмонларнинг Иккинчи Халифаси, Ҳазрат Умарнинг даврини мисол қилиб, Ҳазрат Мирзо Масрур Аҳмад бундай деб маълум қилди: Суриядаги насронийлар Рим Империясидан кўра мусулмон ҳукмронлиги остида яшашни ёқтиришган, чунки мусулмонлар уларнинг ҳақ-ҳуқуқларини кўтариши ва ҳимоя қилишини яхши билишар эди.
Ҳазрат Мирзо Масрур Аҳмад қандай Севимли Пайғамбаримиз Муҳаммад (саллаллоҳу алайҳи ва саллам) бир марта ўзининг энг яқин саҳобасига у Ислом динининг Асосчиси Мусо Пайғамбар (алайҳиссалом)дан афзал, деб бир яҳудийнинг нафсониятларига текканлиги учун эслатма берганлиги ҳақида ҳам фикр юритди.
Ҳазрат Мирзо Масрур Аҳмад ана шу воқеага ишора қилиб, бундай деди:
“Севимли Пайғамбаримиз Муҳаммад (саллаллоҳу алайҳи ва саллам) берган ушбу таълим жуда чуқур ва ҳар қандай динлар ва эътиқодларга эга инсонлар ўртасида тинчликни ўрнатишга сабаб бўлиб ҳисобланади. Бироқ бугунги кунда биз кузатиб келаётгандек, сўз эркинлиги номидан пайғамбарлар ва буюк шахслар мунтазам масхара қилиниб, ҳақорат қилинмоқда. Миллионлаб инсонлар уларнинг таълимотларига эргашиб, уларга қилинаётган мана шундай масхаралашларга чидай олмай қолаётганларига қарамай, мана шундай бўлмоқда”.
Ҳазрат Мирзо Масрур Аҳмад бундай деб давом этди:
“Агар биз чиндан ҳам тинчликни ўрнатишни хоҳласак, биз айтганларимиз билан қилганларимизнинг натижаларини ўйлашимиз керак. Биз бошқаларнинг эътиқодлари ва қадриятларига ҳурмат-эҳтиром кўрсатишимиз керак. Мана шу ҳолатда биз тўсқинликларни бартараф қилиб, дунёнинг бир неча минтақаларида қурилган душманлик ва нафратланиш деворларини қулата оламиз”.
Ўзининг мурожаатида Улуғ Муҳтарам Халифа терроризм ва экстрамизмнинг барча кўринишларини “нафратланишга лойиқ ва бебошлик” деб танқид қилди ва мана шундай амалларнинг Ислом динининг таълимотлари билан ҳеч қандай алоқаси йўқ эканини айтди. Улуғ Муҳтарам Халифа баъзи бир мусулмон эмас кучлар юритаётган “адолатсиз ишлар ва сиёсат”ни ҳам танқид қилди.
Ҳазрат Мирзо Масрур Аҳмад бундай деди:
“Бугунги кунда, барқарорсизлик ва ишончсизлик ривожланиб кетаётган бир вақтда дунёнинг ҳар бир минтақасида яшаган ҳар бир инсон тинчликни ўрнатиш учун алоҳида масъулиятни ўз зиммасига олиши керак. Тўс-тўполонлар муттасил бутун дунёга ўт қўйиб, ёқиб юбормоқда, шунинг учун қандайдир бир хавфли уруш учқунлари сояси пешонамизда турганини биттамиз ҳам шак-шубҳа санамаслигимиз керак”.
Ҳазрат Мирзо Масрур Аҳмад бундай деб давом эттирди:
“Бизнинг кўзларимиз олдида ўта тезлик билан бирдамликлар ва блоклар тузилмоқда, шунинг учун биз ўйланмасдан туриб, худди ақлсизлар каби Учинчи Жаҳон Урушини кўзлаб кетмоқдамиз”.
Европа юз тутган қочқинлар инқирози ҳақида тўхталиб, Ҳазрат Мирзо Масрур Аҳмад бундай деди:
“Бу кунларда ўтган йили кўплаб қочқинларнинг ушбу Континентга кириб келганлиги сабабли Европа одамларининг орасида қандайдир бир хавотир ва тинчсизлик кучайиб бормоқда”.
Ҳазрат Мирзо Масрур Аҳмад бундай деди:
“Ҳақиқатдан ҳам уруш бўлаётган минтақалардан қочиб келган миллионлаб одамларни ўзига сингдириш ҳар бир якка давлат учун ҳам, ҳар бир континент учун ҳам оғир. Шунинг учун улар ўз ватанларининг ўзида тинчликни ўрнатишнинг қандайдир бир ҳақиқий иш-режасини тузиш керак ва уларнинг ўлкаларида бўлаётган зулмни тўхтатишга ҳаракат қилиш керак”.
Ниҳоясида Ҳазрат Мирзо Масрур Аҳмад бундай деб дуо қилди:
“Аллоҳ таоло қўллаб-қувватлаб, биз бугунги кундаги оғир мусибатлардан қутилиб, қандайдир бир яхши ва ёруғ келажакка эга бўлиб, натижада барча миллатлар ва барча гуруҳлар бир-бирлари билан иноқ яшаб, унда севги, меҳрибонлик ва одамийлик руҳи юқори бўлсин”.
Бунгача ушбу кечада Даниядаги Аҳмадия Мусулмон Жамоатининг Миллий Президенти – Муҳтарам жаноб Закариё Хон томонидан табрик сўзлари айтилиб, сўнгра турли меҳмонлар ҳам нутқ сўзлашди.
Лолланнинг мэри – Муҳтарам Хольгер SCHOU Расмуссена бундай деди:
“Лолланн округининг мэри сифатида Ҳазрат Мирзо Масрур Аҳмадни Данияга қабул қилиш жуда ҳам катта ҳурмат-эҳтиром. Тинчлик, сабрлилик ва инсонпарварлик ҳақида сўзловчи диний овозларни қўллаш ҳар доим жуда ҳам эътиборли”.
Парламент депутати – Муҳтарам Улла Сандбаек бундай деди:
“Сиз – Улуғ Муҳтарам Ҳазрат Мирзо Масрур Аҳмад Ислом динидаги тинчлик ҳақида сўзловчи, севги ҳақида сўзловчи ва бирдамлик ҳақида сўзловчи овозсиз. Мен бугунги кечада бу ерга келиб, сизнинг сўзларингиздан таъсирландим, энди уни дунёга олиб чиқаман ва дунёнинг тинчлигига ўзимнинг кичкина бўлса ҳам, улушимни қўшаман”.
Парламент депутати – Муҳтарам Ян Мессман бундай деди:
“Биз биргаликда аҳил ва севги билан турамиз деган умиддаман. Севги Барчага, Нафрат ҳеч кимга эмас!”.
Парламент депутати – Муҳтарама Жозефина Фока бундай деди:
“Улуғ Муҳтарам Халифага (Ҳазрат Мирзо Масрур Аҳмад) ўзаро алоқаларни ривожлантириш, тинчлик, динни давлатдан айириш ва сўз эркинлиги деган йўлни танлаганлиги учун катта ҳурмат-эҳтиром кўрсатаман”.
Маданият муносабатлари ва черков муносабатлари вазири – Муҳтарам жаноб Ч.И. Бертел Хаардер бундай деди:
“Мен айтмоқчиман: Аҳмадия Мусулмон Жамоати қандайдир бир ўзгача йўлда бўлиб, сизларнинг барча аъзоларингиз бизнинг Дания жамоатчилигимизга яхши интегрални топишди. Охирги 50 йилдан бери сизлар билан тинчлик ва аҳилликда бирга яшаш тарихини нишонламоқдамиз”.
Аталган тадбир Ҳазрат Мирзо Масрур Аҳмад олиб борган тинч ибодати билан ниҳоясига етди. Аталган кечадан олдин ҳам, ундан кейин ҳам Улуғ Муҳтарам Халифа турли ҳурматли меҳмонлар билан яккама-якка учрашди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)