Аллоҳ таолонинг марҳамати билан «Туркия Жамоати» бу йил 12-Жалса Салонани ўтказиш имкониятига эга бўлди. Ал-ҳамдулиллоҳи ало Золик
Бундан олдин Туркиянинг Жалсаси 2019-йили бўлиб ўтган эди. Коронавирус эпидемияси давридаги чекловлар туфайли сўнгги 2 йил ичида ушбу йиғилиш ўтказилмади.
Туркиянинг бу йилги йиллик йиғилишининг ўзига хос жиҳатларидан бири, Ҳазрат Амирул Мўминийн (аййадаҳуллоҳу таъоло би-насриҳил азиз)нинг кўрсатмаларига кўра, Жалса икки минтақавий йиғилиш шаклида икки бошқа жойда ўтказилди. Туркия давлати ҳудуди жиҳатидан анча кенг ва Жамоат аъзолари мамлакатнинг турли ҳудудларида жойлашганлар. Шунингдек, Туркиядаги Жамоатимиз суриялик қочқинлар бўлган кўп сонли Аҳмадийлардан иборат. Бу қочқинларга ўз ҳудудини тарк этишга қонуний рухсат берилмаган. Ушбу вазиятни ҳисобга олган ҳолда, 2022 йил 24 ва 25 сентябрь кунлари Истанбулда, Туркиянинг жануби-шарқида жойлашган Искендерунда эса 2022 йил 2 октябрда Жалса Салона бўлиб ўтди. Ал-ҳамдулиллоҳи ало Золик
Ҳазрат Амирул Мўминийн (аййадаҳуллоҳу таъоло би-насриҳил азиз)нинг ижозатлари билан Жалса Салонада чет элдан икки меҳмон маърузачи сифатида иштирок этишди: Марказий Араб Бўлимида хизмат қилаётган мураббий (миссионер) мукаррам Муҳаммад Тоҳир Надим жаноблари ва Туркия Бўлими Германияда хизмат кўрсатаётган мукаррам Муҳаммад Аҳмад Рошид жаноблари.
ИСТАНБУЛДА БЎЛИБ ЎТГАН ТУРКИЯ ЖАЛСА САЛОНАСИ
Жалсагоҳ (йиғилиш бўладиган жой) учун Туркиядаги Аҳмадия Жамоати Аҳмадиянинг марказий миссия уйи (даъват уйи)дан 15 км узоқликда жойлашган сарой ижарага олинган. Мазкур саройнинг бир қисмида аёллар Жалсагоҳи тайёрланиб, Жалса жараёни монитор орқали томоша қилинди. Жамоат учун бу жой янги эди. Бу ерда илк марта Жалса ўтказилди.
Жалса дастури уч тилда, турк, араб ва урду тилларида олиб борилди. Саҳнадаги нутқлар замонавий технологиялардан фойдаланган ҳолда икки тилга жонли равишда таржима қилинди. Саҳнага гўзал байроқ ўрнатилиб, унга «Калимаи таййаба» ва Қуръони Каримнинг
اَلَا بِذِکۡرِ اللّٰہِ تَطۡمَئِنُّ الۡقُلُوۡبُ
«Эшитинглар! Фақат Аллоҳ ёдидангина қалблар таскин топади». («Ар-Раъд» сураси, 29-оят) ояти турк тилидаги таржимаси билан битилган эди.
Жалсада Туркия, Арабистон, Покистон, Ғона ва Суриядан Аҳмадийлар қатнашдилар. Буюк Британиядан бир неча меҳмонлар ҳам иштирок этишди. Жалса жараёни давомида болалар меҳмонларни сув билан таъминлаб туриш вазифасини бажаришди.
ЖАЛСАНИНГ БИРИНЧИ КУНИ – ШАНБА, 24 СЕНТЯБРЬ
Жалса Салонанинг очилиш сессияси устоз ва бош меҳмон мукаррам Муҳаммад Тоҳир Надим жаноблари раислигида соат 10:40 да бошланди. Қуръони Карим тиловати Холид Ал-Саъидий жаноблари томонидан тақдим этилди. Туркча таржимасини эса ҳурматли Тунжай Кесижий тақдим этди. Шундан сўнг, муҳтарам мураббий (устоз) Хожа Абдун-Нур жаноблари Ҳазрат Имом Маҳдий (алайҳиссалом)нинг урду тилидаги баъзи шеърларини ёқимли оҳанг билан ўқиб бердилар.
Назмдан сўнг камина (Жамоатининг воизи (миссионери) ва Туркиядаги Аҳмадия Жамоати президенти) «Жалса Салонанинг аҳамияти ва баракотлари» мавзусида турк тилида маъруза қилдим. Ушбу маърузада Ваъда қилинган Масийҳ ва Маҳдий (алайҳиссалом) ҳамда ардоқли халифалар сўзлари асосида Жалса Салонанинг аҳамияти ва бу хусусида Жамоат аъзолари зиммасига юкланган масъулиятларга эътиборларини қаратдим.
Биринчи сессиянинг иккинчи маърузасини Истанбул (Европа) Жамоати президенти Жиҳод Мансур ал-Лаҳом жаноблари нутқ сўзладилар. Ушбу нутқнинг мавзуси: «Ваъда қилинган Масийҳ ва Маҳдий (алайҳиссалом)нинг Жалсага иштирок этувчилардан қилган умидлари» эди. Аталган шахс Ҳазрат Амирул Мўминийн (аййадаҳуллоҳу таъоло би-насриҳил азиз)нинг Буюк Британиядаги Жалсанинг очилиш нутқидан баъзи парчаларни тақдим этди, унда байъатдан мақсад-муддао ва Жалса Салонанинг бу борадаги аҳамияти баён қилинган эди.
Кейинроқ, Мажлис Худдомул Аҳмадиянинг президенти (раиси) жаноб Фотиҳ Ўзтурк Мажлис Худдомул Аҳмадия билан таништириб, Туркиядаги Мажлис Худдомул Аҳмадиянинг иш фаолиятини тақдим этди. Туркияда Мажлис Худдомул Аҳмадия мана шу жорий йил ташкил этилди.
Шундан сўнг, Туркияда хизмат қилаётган Муаллимимиз ва Туркия Жамоатининг бош котиби Усмон Шекер жаноблари жорий давр Миллий Мажлис Омиласи билан таништирди.
Туркия Жамоатининг 2022-2025 йиллари муддатидаги Миллий Мажлис Омиласи Марказдан келган меҳмонлар билан
Шу билан биринчи сессия ниҳоясига етди. Жамоат аъзолари тушлик овқатланиш танаффусида бир-бирлари билан танишишди. Тановулдан сўнг пешин ва аср намозлари ўқилди. Намоздан кейин бош меҳмон мукаррам Муҳаммад Аҳмад Рошид жаноблари бошчилигида соат 14:30 да иккинчи сессия бошланди. Қуръони Карим тиловати Ҳофиз Фазли Раббий жаноблари томонидан тақдим этилди. Қуръони Карим тиловатининг урдуча таржимасини ҳурматли Ҳофиз Абдул Ҳамийд тақдим этган бўлса, туркча таржимасини ҳурматли Эрсой Албайрак жаноблари ўқиб бердилар. Шундан сўнг жаноб Самийр Ал-Қавҳжий Ҳазрат Имом Маҳдий (алайҳиссалом)нинг арабча қасидасини ёқимли товуш билан тақдим этдилар. Иккинчи сессиянинг биринчи нутқини турк тилида Саййид Атийқ Аҳмад сўзлаб бердилар. Унинг нутқи мавзуси «Фазоилул-Қуръон» эди. Маърузачи Қуръони Каримнинг фазилатларини жуда жозибали тарзда тақдим этдилар ва шу мазмунда араб тилининг юксаклиги, унинг уммул-алсинаҳ эканлиги ва Аллоҳ каломининг араб тилида нозил бўлишининг ҳикматли эканлигини таъкидлаб ўтдилар. Ушбу сессиянинг иккинчи нутқи меҳмон маърузачи, Жамоатимиз миссионери мукаррам Муҳаммад Тоҳир Надийм жаноблари томонидан сўзланди. Бу нутқ араб тилида эди. У киши бахтли оилавий ҳаётга эришиш ҳақидаги Ислом таълимотларини тақдим этдилар.
Бу нутқ билан кунлик жараён эркаклар мажлиси залида соат 16:30 атрофида якунланди. Шундан сўнг Лажна Имоиллоҳ, яъни Аҳмадий мусулмон аёллар ташкилоти президенти бошчилигида Лажна Имоиллоҳ сессияси бўлиб ўтди.
Истанбул Жалсаси иштирокчиларининг аксарияти Истанбул ва унинг атрофида яшовчи Аҳмадийлар бўлиб, уларнинг барчаси ўз уйларига қайтганлар. Четдан келган Жамоат аъзоларини жойлаштириш эса икки йўл билан ташкил қилинди. Баъзи биродарлар Жамоатнинг даъват марказида тунаб қолишди. Бундан ташқари, Жамоатнинг қадимий анъаналарини жонлантириб, баъзи оилалар ташқаридан келган меҳмонларга ўз уйларидан жой қилиб беришди. Аллоҳ таоло уларнинг барчаларига кўрсатган меҳмондўстлиги учун энг яхши ажр-мукофот берсин. Омин
Жамоатнинг даъват марказида тунаб қолган меҳмонларга эртаси куни нонушта ва кечки овқат ҳам ўша жойда муҳайё қилинди.
Жалсанинг иккинчи куни Миссия уйида ҳам таҳажжуд намози ўқилиб, бомдод намозидан кейин ҳам Қуръон дарси ўтказилди.
ЖАЛСА САЛОНАНИНГ ИККИНЧИ КУНИ. ЯКШАНБА, 25-СЕНТЯБРЬ
Англияга қарашли Исломободда жойлашган Араб бўлимида фаолият кўрсатаётган Жамоатимиз воизи мукаррам Муҳаммад Тоҳир Надийм жаноблари раислигида эрталаб соат 10:45 да Жалса Салонанинг иккинчи кунининг биринчи сессияси бошланди. Мукаррам Зоҳир ал-Масрий Қуръон тиловатини тақдим этдилар. Унинг туркча таржимасини Фотиҳ Ўзтурк тақдим этган эдилар. Шундан сўнг жаноб Сожид Аҳсан Ҳазрат Имом Маҳдий (алайҳиссалом)нинг урдуча шеърларидан баъзиларини ёқимли товуш билан тақдим этдилар, кейин туркча таржимаси Муҳаммадали Ўнжел томонидан тақдим этилди.
Бу сессиянинг илк нутқини Туркия Жамоатининг миллий котиби Кубилай Чил сўзладилар. Бу маъруза турк тилида бўлиб, «Молиявий қурбонликнинг аҳамияти ва Аҳмадия Жамоатининг молиявий тизими» деб номланган. Маърузачи йиғилганларни слайдлар орқали «Жамоат»нинг молиявий тизими билан таништириб ўтдилар. Бу сессиянинг иккинчи нутқи мукаррам Ҳисомун-Нақиб жаноблари томонидан араб тилида «Ярат ан-Набий – Байъат Ризвон ва Ҳудайбия сулҳи кўзгусида» мавзуси билан сўзланган.
Шундан сўнг Туркия Жамоатининг Муаллими (маҳаллий даъватчиси) ва бош котиби жаноб Усмон Шекер Туркия Жамоатининг сўнгги уч йилдаги иш фаолиятини тақдим этдилар.
Бу сессиянинг сўнгги сўзини бош меҳмон Муҳаммад Аҳмад Рошид жаноблари сўзладилар. Бу нутқ туркий тилда бўлиб, унинг мавзуси: «Ҳазрат Ваъда қилинган Масийҳ ва Расулга итоат» эди. У киши ўз нутқида Ваъда қилинган Масийҳ ва Маҳдий (алайҳиссалом) Пайғамбаримиз (саллаллоҳу алайҳи ва саллам) суннатларини амалан қандай тирилтирганини жуда яхши кўрсатиб бердилар.
12:40 да намоз ва овқатланиш учун танаффус бўлди. Пешин ва аср намозларини ўқишдан олдин, сўнгги Жалсадан буён вафот этган Туркия жамоатидаги эркаклар ва аёлларнинг исмлари дуо учун ўқилди. Улардан баъзилари Коронавирус авж олишида вафот этганлар, шу сабабли ҳатто яқин қариндошлари ҳам жаноза намозига қўшила олмаганлар. Шунинг учун бу марҳумларнинг ғойиб жаноза намозлари ҳам пешин ва аср намозларидан кейин ўқилди.
Соат 14:35 да Англияга қарашли Исломободда жойлашган Араб бўлимида фаолият кўрсатаётган Жамоатимиз воизи мукаррам Муҳаммад Тоҳир Надийм жаноблари раислигида якуний сессия бошланди. Жамоат Муаллими ҳурматли Усмон Шекер жаноблари Қуръони Карим тиловатини туркча таржимаси билан тақдим этдилар. Кейинроқ жаноб Холид Ас-Саъидий Ҳазрат Имом Маҳдий (алайҳиссалом)нинг арабча қасидасини тақдим этдилар.
Бу сессиянинг биринчи нутқини мен (Содиқ Аҳмад Батт) урду тилида сўзладим. Ушбу нутқнинг мавзуси «Ҳақиқий инқилоб» эди. Дарҳақиқат, бу мавзу остида Ҳазрат Имом Маҳдий (алайҳиссалом)нинг иккинчи халифаси Ҳазрат Мирзо Башируддин Маҳмуд Аҳмад (разияллоҳу анҳу)нинг теран илм-маърифатга тўлган маърузаси китоб шаклида мавжуд. Мен бу маърузадан бир неча фикрларни хулоса сифатида айтиб бердим.
Кейинчалик сертификатлар тарқатиш жараёни бўлиб, йил давомида таълим соҳасида юқори натижаларга эришган Аҳмадий ўғил-қизларга сертификатлар топширилди. Сессия президенти жаноблари ўғил болалар ўртасида ва Туркиядаги Лажна Имоиллоҳ президенти қизлар ўртасида сертификатларни тарқатдилар.
Соат 15:30 да Англияга қарашли Исломободда жойлашган араб бўлимида фаолият кўрсатаётган Жамоатимиз воизи мукаррам Муҳаммад Тоҳир Надийм жаноблари якуний нутқни сўзлаб бердилар ва Жалса 16:10 да дуо билан якунланди. Дуодан кейин турли жамоалар суратга олинди. Жами иштирокчилар сони 168 нафарни ташкил этди.
Истанбулдаги Жалса иштирокчилари билан гуруҳ сурати
ЖАНУБИЙ-ШАРҚИЙ ТУРКИЯДАГИ ЖАЛСА САЛОНА ИСКЕНДЕРУН ЖОЙИДА
Истанбул Жалсасидан бир ҳафта ўтиб, 2022-йил 2-октабрда Искендерунда Жалса Салона бўлиб ўтди. Туркиянинг жануб-шарқидаги жамоатларимиз суриялик қочқинлардан ташкил топган. Шунинг учун бу ердаги Жалса жараёни тўлиқ араб тилида бўлиб ўтди. Бу Жалсада ҳам хориждан келган икки бош меҳмон иштирок этдилар.
Искендерундаги Жалса учун ҳам сарой ижарага олинган. Ушбу Жалсада иккита сессия бўлиб ўтди.
БИРИНЧИ СЕССИЯ
Жалса эрталаб соат ўн бирдан йигирма дақиқа ўтганида, ҳурматли Салоҳ Фузайлнинг Қуръони Карим тиловати билан бошланди. Шундан сўнг мукаррам Муҳаммад Фаҳад жаноблари араб қасидасини тақдим этдилар. Шундан сўнг қуйидаги учта нутқ сўзланди: мукаррам Салоҳ Қатиш жаноблари «Жалса Салонанинг аҳамияти» мавзусида, мукаррам Холид Ҳанкот жаноблари «Таҳрик-и-Жадид» мавзусида ва мукаррам Акрам Ҳасан жаноблари «Молиявий қурбонликнинг аҳамияти» мавзусида маъруза қилдилар. Шундан сўнг, Жамоатимиз воизи мукаррам Абдун-Нур Хожа жаноблари Ҳазрат Имом Маҳдий (алайҳиссалом)нинг арабча қасидасини тақдим этдилар.
Қасидадан сўнг яна иккита маъруза намойиш этилди, улар қуйидагича: мукаррам Зулфиқор Ўруфаҳлий жаноблари «Таҳрики Вақфи Нав» мавзусида ва мукаррам Салим Ал-Курдий жаноблари «Тарбия» мавзусида нутқ сўзладилар.
Кейинчалик тушлик овқатланиш танаффуси бўлди. Шундай қилиб танаффус оралиғида пешин ва аср намозлари ҳам ўқилди.
ИККИНЧИ ВА ЯКУНИЙ СЕССИЯ
Жалсанинг иккинчи ва якуний сессияси соат 15:00да бошланди. Қуръони Карим тиловати Муҳаммад Юсуф жаноблари томонидан қилинди. Шундан сўнг Муҳаммад Фаҳад жаноблари бир арабча қасидани оҳангдор тарзда тақдим этдилар. Ушбу мажлисда мукаррам Салим Ал-Курдий жаноблари қисқа нутқ сўзлаб, у Ваъда қилинган Масийҳ (алайҳиссалом) Александр Доуига берган чақириқ, шунингдек, Доуининг бад оқибатига тўхталиб ўтдилар.
Кейинчалик, худди Истанбулдаги каби, сертификатлар тарқатиш жараёни бўлиб, йил давомида таълим соҳасида юксак натижаларни кўрсатган Аҳмадий ўғил-қизларга сертификатлар топширилди. Англияга қарашли Исломободда жойлашган Араб бўлимида фаолият кўрсатаётган Жамоатимиз воизи мукаррам Муҳаммад Тоҳир Надийм жаноблари болалар ўртасида сертификатларни ва Искендерундаги Лажна Имоиллоҳ президенти эса қизлар ўртасида сертификатларни тарқатдилар.
Шундан сўнг мукаррам Муҳаммад Тоҳир Надим жаноблари якуний маърузани сўзладилар ва Жалса соат 16:20да дуо билан якунланди. Дуодан кейин бу ерда турли гуруҳ суратлари ҳам олинди. Жами иштирокчилар сони 140 нафарни ташкил этди.
Биз Аллоҳ Таолодан барча иштирокчиларга Жалса баракотларидан ўзларига муносиб тарзда фойдаланиш имкониятини беришини ҳамда барча хизматчилар ва бошқарувчиларга энг яхши ажр-мукофот беришини сўраб қоламиз. Омин
(Репортажни тайёрлаган: Содиқ Аҳмад Батт. Туркия Жамоати президенти ва «Ал-Фазл Интернайшнал» газетасининг вакили)