Аллоҳ таолонинг марҳамати ва инояти ила 12 раби-ул-аввал муносабати билан Камерунда Сийрат-ун-Набий (салаллоҳу алайҳи ва саллам) жалсалари ташкил этилди. Мамлакатнинг тўртта ҳудудида жамоавий дастурлар, қолган жамоатларда эса якка ҳолдаги дастурлар ўтказилди.
Ҳар бир дастурда Қуръони Карим тиловатидан сўнг ўғил-қизлар катта иштиёқ ва муҳаббат билан Ваъда қилинган Масийҳ ва Маҳдий (алайҳиссалом)нинг арабча қасидалари ва шеърларини ўқидилар. Уларнинг французча ва инглизча таржималари ҳам тақдим этилди. Бундан Нав-Мубоиъийн (яъни, янгидан Аҳмадия Мусулмон Жамоатига аъзо бўлиб кирганлар) ва Жамоатимиздан бўлмаган биродарлар Ваъда қилинган Масийҳ ва Маҳдий (алайҳиссалом)нинг Расулуллоҳ (салаллоҳу алайҳи ва саллам)га бўлган севгисини англадилар. Жамоатимиздан бўлмаган баъзи биродарларга арабча шеърлар жуда ҳам маъқул келди.
Тадбирларда «Пайғамбаримиз Муҳаммад (с.а.в.) оламларга раҳмат», «Ҳазрат Муҳаммад Мустафо (с.а.в.) тинчлик элчиси», «Пайғамбаримиз (с.а.в.)нинг ғайридинларга кўрсатган меҳр-оқибатлари», «Ваъда қилинган Масийҳ ва Маҳдий (алайҳиссалом)нинг Пайғамбаримиз Муҳаммад (с.а.в.)га бўлган муҳаббати» каби мавзуларда маърузалар қилинди.
Шу муносабат билан 2500 дона рисола чоп этилиб, жамоатлар орасида тарқатилди. Француз тилида сўзлашадиган ҳудудларда Le Saint Prophet Muhammad (саллаллоҳу алайҳи ва саллам) ва инглиз тилида сўзлашадиган ҳудудларда эса Ahmad in Praise of Muhammad SA номи билан тарқатилди.
Ҳар бир йиғилиш охирида Жамоа аъзоси бўлмаганлар рисола нусхаларини катта иштиёқлари билан ўзлари билан олиб кетишди. Кўпроқ одамлар улардан фойдаланадилар ва кейин ўзларига яқин жойлашган марказимизга мурожаат қилиб, саволлар ҳам беришади. Улардан баъзилари рисолани ўқиб: «Бизга сизларга нисбатан нотўғри гаплар айтилган эди, энди сизлар ҳақиқий мусулмон эканингизни ва Расулуллоҳ (саллаллоҳу алайҳи ва саллам)ни яхши кўришингизни билиб олдик», – дедилар.
Ушбу дастурларда устоз-мураббийларимиз ва муҳаллий воизларимиз томонидан маърузалар қилинди. Қуръони Карим тиловати ҳамда назм (шеърлар) ўқишда эса Худдом, (яъни, 15 ёшдан 40 ёшгача бўлган ёшлар) Атфол (яъни, 7 ёшдан то 15 ёшдаги эркак болалар) ва Носирот (яъни, 7 ёшдан то 15 ёшдаги қиз болалар) катта иштиёқи билан иштирок этдилар. Барча дастурлардан сўнг, овқатлар тортиларди.
Аллоҳ таоло дастурларда қатнашганларга катта ажр-мукофот берсин ва Камерундаги Аҳмадия Мусулмон Жамоатининг барча дастурларига барака берсин. Омин
(Абдул Холиқ Наййар, «Ал-Фазл Интернайшнал» газетасининг мухбири)