Аллоҳ таолонинг марҳамати ва инояти билан Буркина-Фасодаги «Жамиятул-Мубашширин»га 2022-йил 27-октябр куни «Иршод» мажлиси бошқаруви остида Қуръон семинарини ташкил этиш имконияти насиб бўлди. Бу дастурни тайёрлаш учун «Иршод» мажлиси аъзолари йиғилиши бўлиб, унда барча маърузачилар ва мавзулар белгилаб-аниқлаб олинди ва тайёргарлик ишлари бошланди. Ушбу семинарга Буркина-Фасодаги «Жамиятул-Мубашширин» устози мукаррам Акбар Аҳмад Тоҳир жаноблари раислик қилдилар.
Семинар соат 11:15 да «Жамиятул-Мубашширин» залида биринчи курс талабаси ҳурматли Моду Колибали томонидан Қуръони Карим тиловати билан бошланди ва унинг француз тилидаги таржимасини иккинчи курс талабаси ҳурматли Тарауре Салиф тақдим этди.
Тиловатдан сўнг Ваъда қилинган Масийҳ ва Маҳдий (алайҳиссалом)нинг «Маҳосини Қуръони Карим» номли шеърий каломидан бир нечта шеърларни, 2-курс талабалари Бояғи Алию ва Сона Мусо ёқимли оҳанг билан тақдим этиб, унинг французча таржимасини ҳам тақдим этдилар.
Шундан сўнг нутқлар бошланди. Биринчи нутқ сўзини 2-курс талабаси Бару Юсуф сўзлади, унинг мавзуси «Қуръони Каримнинг аҳамияти ва манфаъатлилиги» эди. Иккинчи нутқ 3-курс талабаси Ноҳий Аҳмад томонидан бўлиб, унинг мавзуси «Ваъда қилинган Масийҳ ва Маҳдий (алайҳиссалом) иқтибосларидан иборат Қуръони Каримнинг улуғлиги ва улуғворлиги» эди. Учинчи ва охирги нутқ мажлис раиси томонидан қилиниб, унинг мавзуси Қуръони Каримни ўқиб-ўрганиш ва ўргатиш ҳамда Ваъда қилинган Масийҳ ва Маҳдий (алайҳиссалом)нинг Қуръони Каримга бўлган муҳаббати ҳақида эди. Маросим сўнгида Буркина-Фасодаги «Жамиятул-Мубашширин»нинг ректори ҳам талабаларга Қуръони Карим ўқиш бўйича панд-насиҳат қилдилар ва барчага миннатдорчилик билдирдилар. Шу тариқа семинар дуо билан якунланди.
Аллоҳ таолодан Қуръони Каримни тиловат қилиш, унинг асл маъносини англаш ва унга амал қилиш тавфиқини ато этишини сўраймиз. Омин
(Репортажни тайёрлаган: Муҳаммад Изҳор Аҳмад Рожа, «Ал-Фазл Интернайшнал» мухбири)