Ҳазрат Масийҳи Мавъуд (алайҳиссалом) шундай марҳамат қиладилар:
«Миллионлаган Аллоҳнинг покиза бандалари тажрибаси шуки, Қуръони Каримга эргашиш натижасида илоҳий баракотлар қалбга тушади ва Аллоҳ таоло билан бир ажойиб ришта тузилади. Аллоҳ таолонинг нурлари ва ваҳий-илҳомлари уларнинг қалбларига нозил бўлади ҳамда руҳоний билимлар ва ҳақиқатлар улар оғизларидан чиқиши биланоқ бир кучли таваккул уларга ато этилади ва уларга бир мустаҳкам ишонч берилади. Шунингдек, висол лаззати билан парвариш қилинган бир ширин илоҳий муҳаббат улар қалбларига солинади. Агар уларнинг таналари мусибатлар ҳавончасида эзилса ва қаттиқ исканжаларга солиб сиқиб юборилса, улардан илоҳий муҳаббат шарбатидан ўзга ҳеч нарса чиқмайди. Дунё улардан бехабар ва улар дунёдан узоқроқ ҳамда баландроқдирлар. Аллоҳ таолонинг улар билан бўлган муомаласи ғайритабиийдир. Аллоҳнинг борлиги ўшаларгагина исботланган. Улар дуо қилганларида, ижобат қиладиган, нидо қилганларида, жавоб қайтарадиган, паноҳ излаганларида, улар томон югуриб келадиган, оталаридан ҳам кўпроқ уларни севадиган ҳамда уларнинг уйларига баракотлар ёмғирини ёғдирадиган Ягонанинг бор эканлиги ўшаларгагина ошкор бўлган. Бас, улар Унинг зоҳирий, ботиний, руҳоний ва жисмоний нусратлари билан таниладилар ва У ҳар бир майдонда уларга ёрдам беради. Зеро, улар Уники ва У уларникидир».
(«Сурма чашми Ория», «Руҳоний хазойин», 2-том, 79-бет)