PDF Hello world!

Аллоҳ ҳақида менинг китобим

Аллоҳ тушунчасига эга бўлмоқ учун Аллоҳнинг ўзи мурожаат қилмоқ керак, чунки турли замонларда Ундан кўплаб илоҳи хабарлар келган.

Аллоҳ тушунчаси ҳар томонлама Исломнинг муқаддас китоби бўлмиш Қурони каримда аниқ-равшан баён қилингандир.

Ислом Аллоҳ таолонинг қуйидаги асосий сифатларини беради: У бирдир. У барҳаётдир ва ўтмишда Ўз бандалари билан алоқа қилганидек, ҳозир ҳам алоқада бўлади. У азалий ва абадийдир. Ундан бошқа ҳеч ким ва ҳеч нарса азалий ҳам, абадий ҳам эмасдир. Ундан улуғроқ ҳеч бир нарса йўқдир. Аллоҳ таоло ҳамма нарсани билгувчидир. У барча нарсаларнинг яратгувчисидир. У гуноҳкорларни жазолайди, бироқ У кечириш мумкин бўлганда, кечиради ҳам.

Биз ушбу китобчада Аллоҳнинг мана шу сифатларини, мана шу жиҳатларини ҳаётда тез-тез содир бўлиб турадиган воқеалар орқали тушунтириб беришга ҳаракат қилдик. Ушбу воқеаларнинг асосий иштирокчилари болалар бўлиб, улар катталарга мурожаат қилиб, Аллоҳ ҳақида савол беришади.

Биз ўз олдимизга қўйган мақсадимизни нечоғлик бажарганимизни ўқувчиларимизнинг келгусида билдиражак фикр-мулоҳазалари орқалигина баҳолай олишимиз мумкин.

Болалар Адабиёти Қўмитаси аъзолари Ҳазрат Мирзо Тоҳир Аҳмад Халифатул Масийҳ IVга чин дилдан миннатдорчилик билдирадилар. Ул зот бошлаган ишимизга зўр қизиқиш билан қараб, кўп маслаҳатлар бердилар ва қимматли вақтини аямасдан ниҳоятда сабр-тоқат билан бизга Аллоҳ тушунчасини шарҳлаб бердилар. Шунингдек асл матнни яратган Сора Соқийга ва Болалар Адабиёти Қўмитаси аъзоларига, яъни Масрур Аҳмад, Муборак Чўдҳарий, Ториқ Чўдҳарий, Мансур Соқий, Насийр-уд-дин, Калийм Мирзо, Машҳуд Қамар Аҳмад, Интисор Аяз ва Холид Надийм Аҳмадга ташаккурлар айтамиз.

Биз ушбу китобча ёшдаги болалар, Ислом динини эндигина қабул қилганлар ва умуман Ислом динига қизиқувчилар учун фойдали ва ёрдами тегадиган дастур бўлиб қолади, деган умид билан дуо қиламиз.

Ўз истак ва мулоҳазаларингизни Болалар Адабиёти Қўмитаси раисига ёзиб юборишингизни илтимос қиламиз.

Абдуллоҳ Туроний