Аллоҳ таолони танишга биргина йўл дуодир

(Масиҳи мавъуд ва Имоми Маҳдий а.с. нинг сўзлари бўйича)

Бир бойваччанинг: «“Мусулмонларнинг”: “Мушкул-қийинчилик дуо ёрдами билан ҳал бўлади” деган ақидаси уларни жуда ҳам заифлаштирувчидир», деган фикрини эшитиб ул зот алайҳис салом шундай марҳамат қилдилар:

«Дуони инкор этган киши Худони ҳам инкор этади. Худошуносликнинг фақат биргина йўли – дуодир. Энди истар-истамас Ул Зотга ишониш вақти келди. Зотан, худосизлик ҳаммаёқда ҳукм сурмоқда. Ҳозирги даврдаги мажлисларнинг аҳволи шундайки, уларда дуо, таваккул, иншооллоҳ каби сўзлар тилга олинса, (одамлар) масхара қилишади. Шундай нарсаларга ҳамоқат-нодонлик деб ном берилади; акс ҳолда Худо таолони заррача ҳам севганларида эди, Ул Зотнинг номи зикр этилганида не учун ғазабланардилар?!

Бировни севган киши қандай бўлса-да, ҳар қандай фурсатдан фойдаланиб ўз маҳбубини тилга олишга интилади. Агар ана шундай кишилар наздида Худо таоло ҳеч нарса эмас, у ҳолда очиқ турган ўлим эшигини ёпиб кўрсатсин-чи?! Қизиғи шуки, Ул Зотнинг мавжуд эканлигига нисбатан бизда қанчалик умидлар бўлса, иккинчи гуруҳда эса Ул Зотга нисбатан шунчалик умидсизликлар бор. Аслида, Худо таолонинг фазлу карами керакдир. Агар Ул Зот қалб қулфини очмаса, у ҳолда ким ҳам оча олади?! Ул Зот хоҳласа, Ўз сўзларини тушуниб олиш даражасига етиш учун бир итга ҳам ақл бериши мумкин ва инсонни эса (ундан) маҳрум қилиб қўйиши мумкин”.

(Малфузот, 4-том, 1-бет)