Ҳазрат Мирзо Масрур Аҳмад Канаданинг биринчи Миллий Тинчлик Симпозиумида мурожаат қилди
2016-йилнинг 22-октябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Канададаги Аҳмадия Мусулмон Жамоати ўтказган биринчи Миллий Тинчлик Симпозиумига тарихий мурожаат қилди.
Мазкур кеча Вон шаҳрига қарашли Тинчлик Қишлоғида жойлашган “Байтус-Салом” масжидида бўлиб ўтди, унга Вон шаҳри мэри Муҳтарам Мауризио Бевилаккуа, Парламент депутати Деб Шулте ва шаҳар кенгашининг аъзоси Марилин Иафрете каби ҳукумат вакиллари билан бирга 600дан зиёд меҳмонлар қатнашишди.
Ўз мурожаатида Ҳазрат Мирзо Масрур Аҳмад шундай деди: Аҳмадия Мусулмон Жамоати Ислом динининг бутунлай тинчлик оқими, чунки у Ислом динининг тинчлик таълимотларига эргашади. Шунинг учун унга“либерал” ёки “reformist” гуруҳи деб қараш мумкин эмас.
Ҳазрат Мирзо Масрур Аҳмад шундай деди:
“Бу ажралмас ҳақиқат, биз – Аҳмадий мусулмонлар тинчликни севамиз ва турли динлар билан жамоатлар ўртасида севги ва умид кўприкларини қурмоқчимиз. Шундай бўлса ҳам, бу Ислом динидан чиққанмиз ёки қандайдир бир ҳолатда ёки кўринишда “янгиланганмиз” учун эмас. Йўқ, биз Ислом динининг соф таълимотларига эргашганимиз учун шундай”.
У Ҳазрат Севимли Пайғамбаримиз Муҳаммад (саллаллоҳу алайҳи ва саллам)нинг мўмин-мусулмонлар ўзлари учун нимани ёқтиришса, бошқалар учун ҳам худди ўшани ёқтиришлари керак деган ҳадисини мисол қилди. У Ҳазрат шундай деди: ушбу усул (тамойил) тинчлик пойдеворини тузади ва бу ҳақда фикр юритиш мусулмонларнинг вазифаси бўлиб ҳисобланади.
Ҳазрат Мирзо Масрур Аҳмад шундай деди:
“Қашшоқликка ботиб, ҳар бир тун оч ухлашни мақсад-муддао қилганмизми? Болаларимизнинг касалга чалиниб, билимсиз ва хавф-хатар ҳолатида қолишини хоҳлаймизми? Албатта, ҳеч бир соғлом инсон шуларнинг биргинасини ҳам раво кўрмайди. Шунинг учун мусулмон сифатида биз ўзимиз учунгина эмас, бошқалар учун ҳам муваффақият исташимиз керак”.
У Ҳазрат шундай деди: навбат-навбати билан инсонлар ва миллатлар ўртасида фитна-фасодлар кўтарилиб туради, шунинг учун ўзларининг шахсий манфаатларини юқори қўйишнинг ўрнига улар (фитна-фасодлар) адолат ва холисона ҳал этилиши лозим.
Улуғ Муҳтарам Халифа мусулмонлардан адолатни ўрнатиш учун ўзларига, ота-онасига ва севимли болаларига қарши гувоҳлик беришга ҳам тайёр бўлишлари лозимлигини талаб қиладиган Қуръони Каримнинг 4-сураси 136-оятини ўқиб берди.
Ҳазрат Мирзо Масрур Аҳмад шундай деди:
“Ислом динининг таълимотлари доимо мусулмон инсон ҳар доим ҳақиқатга содиқ бўлиши керак, натижада у ҳақиқатни ҳеч қачон яширмаслиги ёки ёлғон гувоҳлик бермаслиги лозим деб ўргатади. Инсоннинг шахсий хоҳишлари уни бошқармаслиги керак, бу тарафкашлик ва интиқомга олиб боради ҳамда инсонни тўғри ва ҳақиқатдан узоқлаштириб юборади”.
У Ҳазрат шундай деди: ҳақиқатда, мусулмонлар адолат меъёридан ҳам юқори бўлишга буюрилган. Қуръони Карим инсон “биродарлар сингари бўлиши керак” деб айтади.
Ҳазрат Мирзо Масрур Аҳмад шундай деди:
“Бу – инсон боласи раҳмдиллик ва меҳрибонлигини кўрсатиши керак ва худди бир она ўзгача мукофот ёки кунни кутмай, чин дилдан ўз боласига хизмат қилгандай бошқаларга хизмат қилиши лозим”.
Жангдаги асирларга муомала қилиш ҳақида у Ҳазрат шундай деди: ҳозирги дунёда кўп ҳолларда маҳбуслар қамоқхоналарда одам чидамайдиган шароитларда сақланишади ёки уларга ҳеч қандай адолат қилинмайди.
Мутлақо қарама-қарши, у Ҳазрат Бадр жангидан мисол келтирди, унда Маккадаги кофирлар Ислом динига қарши уруш эълон қилишган.
Мусулмонлар ғалабага эришган ва Севимли Пайғамбаримиз Муҳаммад (саллаллоҳу алайҳи ва саллам) жангдаги хат-саводи бор асирларга хат-саводи йўқ мусулмонларни ўқитиб-ўргатишга кўрсатма берган. Бу улар озодлигининг йўл-йўриғи эди.
Ҳазрат Мирзо Масрур Аҳмад шундай деди:
“Бу ўзгача бебаҳо намуна нафақат уруш ва тўс-тўполон вазиятида ҳам ниҳоят баъзи бир яхшиликларга эришиш мумкин. Мусулмонларга умуман шафқатсиз бўлган одамларга ҳам меҳрибонлик ва тушуниш билан муомала қилинган ва муаллим сифатида фойдаланилган”.
Ҳазрат Мирзо Масрур Аҳмад шундай деди:
“Бу мисол Севимли Пайғамбаримиз Муҳаммад (саллаллоҳу алайҳи ва саллам) хулқининг икки гўзал жиҳатини кўрсатган. Бир ёқдан, у зот (саллаллоҳу алайҳи ва саллам) уни ҳам, унинг йўлловчиларини ҳам таъқиб қилиб юрганлардан қасосини ҳам олган эмас, аччиқланган ҳам эмас. Иккинчидан, у зот (саллаллоҳу алайҳи ва саллам) билим бериш ва ўқитишни қанчалик юқори баҳолаганини далиллайди. У зот (саллаллоҳу алайҳи ва саллам) инсонларнинг ўзлари аҳволларини яхшилашларини ва ўз ҳаётининг барча жабҳасида муваффақият қозонишларини хоҳлаган ва илм-фан бунга калит эди”.
Қуръони Карим бошқаларнинг мол-мулки ва бойлигига кўз олайтирманглар деган таълимотини тушунтириб, у Ҳазрат шундай деди: ушбу усулга (тамойил) лоқайд қарагани учун дунёдаги тинчликни даврдан-даврга хавф остида қолдиришга олиб келди.
Ҳазрат Мирзо Масрур Аҳмад шундай деди:
“Баъзи бир ҳукуматлар айрим мамлакатларда бузилаётган инсон ҳуқуқларига бутунлай лоқайд бўлишмоқда, чунки улар ўша қавмларнинг нефтига ва табиий бойликларига эришишни хоҳлашади. Бироқ, ўша мамлакатлар фуқаролари кўр, кар ва соқов эмас. Улар шундай сиёсатнинг адолатга асосланмаганини сезишади ва табиий турда бу нарса норозичилик ва ихтилофга олиб келади”.
Ҳазрат Мирзо Масрур Аҳмад шундай деб давом этди:
“Жамиятлар ўз муносабатларида холис бўлишлари ва ўз тор шахсий манфаатларига қул бўлмасликлари лозим, аксинча холисона, одил ва кенг доирада дунё манфаатлари учун хизмат қилишлари керак”.
Ўз мурожаатининг ниҳоясида у Ҳазрат Учинчи Жаҳон Уруши бўлиши мумкинлигидан огоҳлантирди.
Ҳазрат Мирзо Масрур Аҳмад шундай деди:
“Биз аҳмоқларча ўзгача бир оғир ёки шиддатли жаҳон урушини кўзлаб бормоқдамиз. Мана шундай урушнинг таъсирларини тасаввур ҳам қилиб бўлмайди. Ўша қайғу, қўрқув ва фалокат келадиган авлодларгача чўзилиши мумкин. Шунинг учун Аллоҳ таоло инсонларга ақл ва фаросат тақдим этган деб умидгина қила оламиз ва фақат дуо қила оламиз”.
Унинг тарихий мурожаатидан олдин бир талай меҳмонлар тинчликнинг муҳимлиги ва Аҳмадия Мусулмон Жамоати амалга ошириб келаётган ҳаракатлари ҳақида сўзлашди.
Канададаги Аҳмадия Мусулмон Жамоатининг Миллий Президенти Лал Хон Малик шундай деди:
“Бу Симпозиум Ислом дини ҳақида теранроқ тушунча пайдо қилиш ва мангу тинчликни ўрнатиш учун ўтказилмоқда. Бугун биз Аҳмадия Мусулмон Жамоатининг Бутун дунё Раҳнамоси, Ҳазрат Мирзо Масрур Аҳмаднинг (Аллоҳ таоло унга Ёрдамчи бўлсин) тарихий мурожаати билан биринчи Миллий Симпозиумизни ўтказиш бахтига муяссар бўлмоқдамиз”.
Вон шаҳрининг мэри Муҳтарам Мауризио Бевилаккуа шундай деди:
“Қачон мен Сиз – Улуғ Муҳтарам Мирзо Масрур Аҳмад ҳақида ўйласам, Сизнинг ажойиб хабарингиз ҳақида ўйлайман; тинчлик, севги ва меҳрибонлик хабари ҳақида, шунингдек, дунёга энг керакли бўлган нарса – бу ўзаро сўзлашувлар ва динлар ўртасидаги иттифоқ”.
Парламент депутати Деб Шулте шундай деди:
“У Ҳазрат (17-октябрь куни) Парламент Ҳиллга ташриф буюришга вақт ажратганлиги учун мен чуқур миннатдорчилик билдирмоқчиман. У киши “Севги барчага, нафрат ҳеч кимга” деган хабар билан ер юзидаги диний бардошликка урғу бериб, жуда гўзал мурожаат қилган. Биз қабул қиладиган сиёсат йўналиши бўйича бир қатор таклифларни ҳам айтган, шунингдек, ўз донишмандлигини биз билан бўлишишга олган вақтига ҳам баҳо берамиз”.
Шаҳар кенгаши аъзоси Марилин Иафрете Канададаги Аҳмадия Мусулмон Жамоатининг 50-йиллик юбилейини нишонлаш мақсадида у Ҳазратга совға топшириб, шундай деди:
“Кўпчилик одамлар менинг балки, Аҳмадия Мусулмон Жамоатининг жонли чемпиони эканимни билишади. Севги ҳақида, сабрлилик ҳақида ва қайтадан жамиятга бериш ҳақида сўзлайдиган Жамоат, бу жуда ноёб нарса”.
Тадбир якунлангандан сўнг у Ҳазрат йигирмага яқин ҳурматли меҳмонлар билан алоҳида учрашди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)