Ҳазрат Мирзо Масрур Аҳмад Аҳмадий мусулмон идора хизматчилари ўз намунаси билан бошқариб, ўз эътиқодларига нисбатан ўзгача бир комплексга тушмаслигининг муҳимлигини таъкидладилар
2016-йилнинг 4-декабрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Англиядаги Лажна Имоуллоҳнинг (аёлларнинг тармоқли уюшмаси) идора хизматчилари учун уюштирилган Миллий Мустаҳкамловчи Курсида сўнгги мурожаат қилдилар.
Икки кунлик тадбир Лондонда жойлашган “Байтул-Футуҳ” масжидида ўтказилиб, унга 1,400дан зиёд Аҳмадий аёллар иштирок этиб, Лажнанинг идора-хизматчилари ўртасида тўғри фаолият ахлоқига куч бериш ва уни яхшилашга йўналтирилган.
У Ҳазрат ўз мурожаатини шундай деб бошладилар: идора хизматчилари ҳар доим масъулият билан Аллоҳ таолога хизмат қилишни ўйлашлари лозим.
Ҳазрат Мирзо Масрур Аҳмад шундай дедилар:
“Ҳар доим эсингизда бўлсин, Аҳмадия Мусулмон Жамоати учун ўз хизматини тавсия қиладиган инсон Аллоҳ таолонинг розилигига эришиш учун ҳаракат қилмай, содиқликда мустаҳкам бўлмасдан туриб, табаррук эканлигини ҳеч қачон исботлай олмайди”.
Ҳазрат Мирзо Масрур Аҳмад идора хизматчиларининг намунали бошқаришлари зарурлиги ҳақида таъкидлаб, шундай дедилар:
“Иш олиб борувчилар сифатида ўзгаларни қоронғиликдан нур томон олиб чиқиш учун тақво нурини юқори кўтариш сизларга бурч бўлиб ҳисобланади. Мана шундай йўлни ўзгаларга ёритиш учун сизларнинг юриш-туришларингиз намунали ва Ислом дини таълимотлари меъёрларига муносиб бўлиши зарур”.
Ҳазрат Мирзо Масрур Аҳмад айниқса, мўмин бўлиш ва манмансирашдан олис бўлишнинг муҳимлигини таъкидлаб ўтганлар.
Ҳазрат Мирзо Масрур Аҳмад шундай дедилар:
“Албатта, агар Аҳмадия Мусулмон Жамоатида ўзларига ўзгача бир масъулият юкланган ва Жамоат аъзоларининг одоб-ахлоқ ва руҳоний таълим-тарбияси ҳамда яхшилаш фаолиятлари билан таъминлаш вазифаси юкланган Аҳмадий мусулмонлар манмансираш тузоғига тушиб ёки қандай бўлмасин, ўзларини юқори деб ўйлашса, унда улар ҳеч қачон муваффақиятли бўла олишмайди”.
Халифа жаноблари идора хизматчилари ўз уйларидаги вазифаларини ҳам бажаришлари кераклигини таъкидлаб, улар ўзларининг оила аъзолари учун энг аъло намуна бўлишлари зарур деб айтди.
Ҳазрат Мирзо Масрур Аҳмад шундай дедилар:
“Идора хизматчилари Аллоҳ таолога сиғиниш бўйича ўзгача бир намуна бўлишлари лозим. Болалари ўргансин, деб улар ўз уйларида одоб-ахлоқ ва яхшиликлар бўйича энг аъло намуналарни кўрсатишлари зарур. Ҳақиқатан ҳам, иш олиб борувчилар, уларнинг уйлари тинчлик, яхшилик ва руҳоний фароғатнинг жаннати сифатида қолиши учун ҳаракат қилишлари керак”.
Аҳмадий мусулмон аёллар Ислом дини таълимотлари билан фахрланиш зарурияти ҳақида сўзлаб, Ҳазрат Мирзо Масрур Аҳмад шундай дедилар:
“Ўз динингиз бўйича сизлар умуман уялмаслигингиз лозим ёки қандайдир бир масала ёки Ислом динининг таълимотлари ҳақида комплексга тушмаслигингиз керак. Аксинча, сизлар ўз динингиз билан фахрланишингиз лозим, шунингдек, ўз айтганингиз билан қилганингиз орқали унинг таълимотларига очиқ амал қилишингиз керак ва уни тарқатишингиз лозим. Бу иш олиб борувчиларгагина тааллуқли эмас, бироқ, албатта, бу жиҳатдан энг аъло намуна қолдириш уларнинг ўзгача вазифаси бўлиб ҳисобланади”.
У Ҳазрат Жамоат ишини олиб борувчиларнинг диққатини ёмон компания ва мажлислардан олис бўлишга қаратган, чунки бу нарса адолат мезонларига қарши келади.
Ҳазрат Мирзо Масрур Аҳмад шундай дедилар:
“Тақводорлик инсонлардан Аллоҳ таоло ёки Унинг Пайғамбари (саллаллоҳу алайҳи ва саллам) масхара қилинаётган мажлисларда ўтирмасликни талаб этади. Албатта, мўмин-мусулмон киши одамлар масхара қилиниб ёки ёмон сўзлар айтилаётган барча мажлислардан сақланиши керак”.
Ҳазрат Мирзо Масрур Аҳмад шундай деб давом этдилар:
“Масалан, инсонлар бир-бирига қарши ғийбат сўзлар айтишаётган пайтда, инсон боласи ўзи ўша суҳбатларга фаол қатнашмаса ҳам, у ерда ўтиравериши умуман дуруст эмас. Бундай муҳокамалар бўлаётган вазиятда индамай ўтиравериш Аллоҳ таолонинг олдида адолат мезонига қарши келади”.
Жамоат ишлари ва оилавий масъулиятларда самарадорликни ҳосил қилиш масаласи бўйича у Ҳазрат Лажна Имомуллоҳ уюшмасида иш олиб борувчилар ўзгача бир қулай иш тартибига келиш учун ўз турмуш ўртоқлари билан изчил муҳокама қилиши кераклигини айтдилар.
У Ҳазрат Жамоат ишини олиб борувчи аёллар Лажна Имоуллоҳ ишлари билан шуғулланаётган пайтда уларнинг турмуш ўртоқлари буни ўзгача бир муаммога айлантирмасликлари лозимлигини айтдилар.
Шундай қилиб, у Ҳазрат бу нарса Лажна Имоуллоҳда хизмат ўтаётган хизматчиларни ўз болаларига нисбатан масъулиятларига лоқайд бўлишга олиб келмаслиги керак дедилар.
Ҳазрат Мирзо Масрур Аҳмад шундай дедилар:
“Ҳеч қачон ёдингиздан чиқарманглар, оналар сифатида болаларингизни одоб-ахлоқ жиҳатидан тарбиялаш ва уларни Ислом динининг таълимотларига мувофиқ вояга етказиш сизларнинг асосий шахсий вазифанглар бўлиб ҳисобланади. Шундай қилиб, болаларингиз мактабдан уйга қайтишган пайтда имкони борича кўпроқ уйда бўлишларингиз лозим”.
Ҳазрат Мирзо Масрур Аҳмад шундай деб давом этдилар:
“Агар сизлар ўз уйларингиздан ташқарида Лажна ишлари билан шуғулланиб, бошқалар учун намунали ҳисобланувчи одамлар орасида бўлсангиз-у, бироқ ўз уйларингиз ичида ўз болаларингизга одоб-ахлоқ ва руҳоний таълим-тарбия бериш деган вазифангизни бажара олмай қолсангиз, у ҳолда бу дуруст эмас”.
Ўз руҳонияти ва тақвосини ўстириш заруриятига йиғилганларнинг эътиборини қаратиб, Ҳазрат Мирзо Масрур Аҳмад шундай дедилар: ушбу мақсадга эришиш учун Қуръони Каримни ўқиб, билим олиш жуда ҳам муҳим.
Ҳазрат Мирзо Масрур Аҳмад шундай дедилар:
“Иш олиб борувчиларнинг барчаси қолдирмай, узлуксиз Қуръони Каримни ўқиб-ўрганиб, тушунишга ҳаракат қилишлари лозим. Сизлар Қуръони Карим нимани буюришига ва нимадан қайтаришига эътибор қаратишларингиз лозим, шундагина сизлар бошқаларга ўзгача бир намунани қолдира оласизлар. Шундагина сизларнинг сўзларингиз самарали ва бошқаларга таъсирини ўтказади”.
Лажна Имоуллоҳ номли уюшмани асослаган Аҳмадия Мусулмон Жамоатининг II Халифаси Ҳазрат Мирзо Башируддин Маҳмуд Аҳмаднинг ўй-фикрини эслаб, у Ҳазрат шундай дедилар: Лажнанинг тадбирлари ўзгача бир “нафас ва туртки бериш” форумлари бўлиши лозим.
Ҳазрат Мирзо Масрур Аҳмад шундай дедилар:
“Сизлар ҳар қандай ёш ва тармоқдаги инсонларни қизиқтирадиган жабҳада диний мунозаралар, семинарлар ва суҳбатларни узлуксиз ўтказиб туришларингиз лозим. Шунингдек, иш олиб борувчиларнинг ҳар бири Аллоҳ таоло, Севимли Пайғамбаримиз Муҳаммад (саллаллоҳу алайҳи ва саллам) ва Масийҳи Мавъуд ва Маҳдий (алайҳиссалом)га бўлган муҳаббат бўйича энг аъло мезонларни кўрсатиши керак”.
Ўз мурожаатининг ниҳоясида у Ҳазрат шундай деб дуо қилдилар:
“Аллоҳ таоло сизларга ўз вазифангизни энг аъло даражада адо этиш куч-қувватини берсин. Аллоҳ таоло Лажна Имоуллоҳнинг устига тинимсиз Ўз файз-баракаларини тушириб турсин. Амин!”
“Қайтадан мустаҳкамлаш” курси Лажна Имоуллоҳнинг турли бўлимларидаги яхши тажрибаларни муҳокама қилиш ва ўртоқлашиш мақсадида олиб борилган кўплаб семинарлар, суҳбатлар ва таклифлар билан якунланди.
Лажна Имоуллоҳнинг ёшлар бўлими бўлган “Носиратул-Аҳмадия”нинг котиблари Англия бўйича “Носиратул-Аҳмадия” қўл остида ишлаётган беш хайрия фонднинг бирига овоз бериш учун ҳам чақирилган. “Уруш Боласи” номли хайрия фонди бир йил учун уларнинг миллий хайрия фонди сифатида танлаб олинди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)