Карлсруэ шаҳрида бўлиб ўтган уч кунлик конвенцияга 38000дан зиёд одамлар иштирок этишди
2016-йилнинг 4-сентябрида Германиядаги Аҳмадия Мусулмон Жамоатининг 41-Йиллик Йиғилиши (Жалса Солона) Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) қилган иймонларни кучайтирувчи таъсирчан мурожаати билан якунланди.
Сессиядан олдин у киши 38000дан зиёд Аҳмадий мусулмонлар Байъат бериш маросимини олиб борди.
Ўз мурожаатида у киши шундай деди: умуман, дунёнинг кўплаб минтақаларида дин сусайиб кетган бир даврда ҳам Аҳмадий Мусулмон Жамоати узлуксиз ўсиб-ривожланмоқда ва кенг ёйилмоқда.
У киши шундай деди: динга бугунги дунёда урушлар билан тўс-тўполоннинг туб сабаби бўлган ёлғон ёпиштирилади, бироқ Аҳмадий мусулмонлар дунёда тинчликнинг йўқлиги инсонларнинг диндан ва Аллоҳ таолодан узоқлашиб бораётганигагина боғлиқ деб ҳисоблашишади.
Ҳазрат Мирзо Масрур Аҳмад шундай деди:
“Ҳозир терроризм Ғарб дунёсигача ёйилиб кетди ва аёвсиз ҳужумлар ушбу ерда ҳам бўлмоқда, бу нарса эл назарида Ислом дини ҳақида қўрқувни яратмоқда. Мана шундай ваҳшийликлар инсонларни иймондан узоқлаштирмоқда, шунингдек, динга қарши бўлганлар ва бугунги кундаги бебошликларнинг туб сабаби дин деган ёлғон эълон қилганларга кўмак бермоқда”.
Ҳазрат Мирзо Масрур Аҳмад шундай деб айтди:
“Дунё дин ва эътиқоднигина урушлар ва тўс-тўполоннинг сабаби деб билган бир вақтда биз – Аҳмадий мусулмонлар инсонларнинг иймондан узоқлашганлигинигина ушбу тўс-тўполоннинг сабаби деб ишонамиз”.
Қуръони Каримнинг таълимотлари ҳақида сўз юритиб, Ҳазрат Мирзо Масрур Аҳмад шундай деди:
“Қуръони Карим таълимотлари оммабоп ва абадий, шунингдек, ҳар бир инсон, ҳар бир эътиқод, ҳар бир ирқ ва ҳар бир жамиятнинг ҳақ-ҳуқуқларини ўрнатади”.
Шундан кейин у киши дин ва эътиқоднинг мақсад-муддаоларига тааллуқли Аҳмадия Мусулмон Жамоатининг Асосчиси – Ҳазрат Мирзо Ғулом Аҳмад (алайҳиссалом)нинг ёзишмаларидан кўпинча айтилувчи баъзи бир парчаларни келтирди.
Ҳазрат Мирзо Масрур Аҳмад шундай деди:
“Диннинг мақсад-муддаоси – бу Аллоҳ таоло билан Унинг бандалари ўртасида севги алоқасини яратиш; барча қасдлашиш ва нафратланишларни бартараф этиш; энг олий даражадаги одоб-ахлоқлар ва адолатни ўрнатиш. Дин – бу инсон билан унинг Яратувчиси ўртасидаги меҳрибонлик алоқа-воситаларини яратадиган институт, у инсонлар орасида раҳмдиллик ва ғамхўрликни яратади”.
Ўз мурожаатини якунлаб, Ҳазрат Мирзо Масрур Аҳмад шундай деди:
“Бугунги кунда Ислом динининг ҳақиқий таълимотларини тушуниш ва уларга амал қилиш, сўнгра диннинг зарурияти ва аҳамиятидан дунёни огоҳлантириш – бу Аҳмадий мусулмонларнинг бурчидир. Биз ҳақиқий ва тинч Ислом динини то узоққача ва кенг ёйишга ҳаракат қиламиз деган аҳду паймоннигина Масийҳи Мавъуд ва Маҳдий (алайҳиссалом)га берганмиз”.
Ўша куниёқ Карлсруэ шаҳрида бўлиб ўтган тадбирга қатнашган 38000дан зиёд Аҳмадий мусулмонлар Масийҳи Мавъуд ва Маҳдий (алайҳиссалом)нинг 5-Халифасининг қўлига эҳтиросли Байъат беришди, ер юзидаги Аҳмадийлар эса МТА Интернейшнлдан бевосита эфир орқали кўрсатилаётган ушбу тадбирга иштирок этишди. Бу маросимда бир талай одамлар биринчи марта байъат қилишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)