Халқаро Аҳмадия Мусулмон Жамоатининг Бутунжаҳон Раҳбари, Ваъда қилинган Масийҳ ва Маҳдий Ҳазрат Мирзо Ғулом Аҳмад Қодиёний алайҳиссаломнинг 5-халифаси, Ҳазрат Мирзо Масрур Аҳмад аййадаҳуллоҳу таоло би-насриҳил азиз 2005 йил 29-апрел куни ўқиган жума хутбаларида шундай деб марҳамат қиладилар:
«…Исломнинг фазилатларини далиллар билан тушунтириш ва Исломни тарғиб қилиш ҳақиқий жиҳоддир. Ислом ва Аҳмадият хабарини етказиш эса ҳар бир Аҳмадий мусулмоннинг бурчидир. Албатта, шунинг учун қурбонликлар қилишга ҳам тўғри келади. Лекин ана шу қурбонликлар туфайлигина Расулуллоҳ саллаллоҳу алайҳи ва саллам жиҳодни Исломнинг чўққиси деб атаганлар. Ҳар бир Аҳмадий мусулмон бу яхшилик бўйича бир-биридан ўзиб кетишга алоҳида ҳаракат қилиши керак. Бас, амалларингизни ҳам ислоҳ қилинг, токим одамлар буни кўриб, сизга юзлансинлар ва кейин даъват қилиш майдонига катта жўшкинлик билан чиқинг. Ватанга бўлган муҳаббатингиз ҳам бу одамларга Аҳмадият, яъни ҳақиқий Ислом ҳақида гапириб беришингизни, унинг фазилатларини айтиб беришингизни тақозо этади. Келажакда инсониятнинг омон қолиши ҳам дунёнинг ягона Аллоҳга иймон келтириши ва Пайғамбаримиз (с.а.в.) байроқлари остида тўпланишидадир. Демак, бу чўққига чиқиш учун ҳар бир Аҳмадий мусулмон бир-биридан ўзиб кетишга ҳаракат қилиши керак. Акс ҳолда, биз ҳар бир соҳада яхшиликлар бўйича олға силжийдиган инсонлармиз, бу бизнинг мақсад-муддаомиздир, деган даъвоимиз нотўғри бўлади».
(2005 йил 29-апрел куни ўқиган жума хутбалари, Халқаро «Ал-Фазл» газетаси, 2005 йил 13-май)