Мусулмонлар экстремизмнинг барча кўринишларини қоралашлари зарур, деб айтдилар Аҳмадия Мусулмон Жамоатининг Раҳнамоси
У Ҳазрат Британия мусулмонлари томонидан шанба куни “Байтул-Футуҳ” масжидида ўтказиладиган йирик Тинчлик Симпозиумида мурожаат қиладилар
Британия мусулмонлари томонидан ўтказилаётган йирик халқаро Тинчлик Симпозиумидан олдин Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) Вестминстердаги ҳужумни қаттиқ қораладилар ва жабрланганларнинг барчасига ҳамдардлик билдирдилар.
У Ҳазрат бугун ўз жума хутбаларида сўзлаб, Вестминстердаги ҳужумни “Ислом динига ҳақорат” деб қораладилар ва барча мусулмонларни Ислом динининг
“тинчлик, севги, ғамхўрлик ва меҳрибонлик”
каби ҳақиқий юзини олқишлашга чорладилар.
Улуғ Муҳтарам, Ҳазрат Мирзо Масрур Аҳмад шундай дедилар:
“Икки кун олдин Лондонда юз бериб, бир полиция ходими билан бирга гуноҳсиз ва ҳимоясиз инсонларни қурбон қилган террор ҳужум бутунлай нафратга лойиқ ва шафқатсиз эди. Бунга қарши чиқиб, экстремизм ва терроризмнинг барча кўринишларини қоралаш мусулмонларнинг вазифалари бўлиб саналади. Мана шундай ҳужумлар қаерда ва қачон юз бермасин, имкони борича қораланиши зарур”.
Улуғ Муҳтарам, Ҳазрат Мирзо Масрур Аҳмад шундай деб давом этдилар:
“Ислом динининг тинчлик, севги, ғамхўрлик ва меҳрибонлик каби ҳақиқий таълимотларини кўрсатиш – бу Аҳмадий мусулмонларнинг вазифалари ҳисобланади. Биз ҳалок бўлган ва жабрланганларнинг барчасига чин кўнгилдан ҳамдардлик билдирамиз”.
У Ҳазрат мусулмонларнинг бошини айлантириб, уларни фитна-фасодга ундашда асосий роль ўйнаётган экстремист уламоларни ҳам қораладилар.
У Ҳазрат Англиядаги Аҳмадия Мусулмон Жамоати томонидан шанба куни (25-март куни) оқшом “Байтул-Футуҳ” масжидида ўтказиладиган 14-Тинчлик Симпозиумида тарихий мурожаат қиладилар.
У Ҳазрат қиладиган ўз мурожаатларида Ислом динининг ҳақиқий таълимотлари ҳақида сўзлашлари, шунингдек, экстремизмнинг барча кўринишларини қоралаб, дунёда ҳақиқий ва барқарор тинчликни қандай қилиб ўрнатиш лозимлиги ҳақида сўз юритишлари кутилмоқда.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)