Ҳазрат Мирзо Масрур Аҳмад Англиянинг чекка-чеккаларидан келган 5000дан зиёд Аҳмадий мусулмон ёшларга мурожаат қилди
2016-йилнинг 25-сентябрида Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло унга Ёрдамчи бўлсин) Англиядаги Аҳмадий мусулмон ёшлар уюшмасининг (Мажлис-э Худдомул-Аҳмадия) Миллий Ижтимоси (Йиллик Мажлиси)га иймонни кучайтирувчи хулосавий мурожаат қилди.
Энг илк маротаба Кингсли номли жойга қарашли Олд Парк Фирмада бўлиб ўтган ушбу Ижтимонинг мақсад-муддаолари – бу Ислом динининг ҳақиқий ва тинчлик таълимотларини ўқиб-ўрганиш ва уларга амал қилиш, шунингдек, тинчлик, бирдамлик ва яшаган мамлакатига содиқ бўлиш руҳини ўстиришдир. Бу йил 5000дан зиёд мусулмон ёшлар аталган тадбирга қатнашган.
Сўнгги сессияда Муҳтарам Халифа бош бўлиб, мусулмон ёшлардан қасамёдини қабул қилди, унда улар ўзларининг миллати ва эътиқодига содиқ эканлигига ишонтиришди.
Ўзининг хулосавий мурожаатида Ҳазрат Мирзо Масрур Аҳмад ўша қасамёд ҳақида фикр юритди:
“Ушбу қасамёдда сизлар берган ваъданглар ва вақти-вақти билан сизлар қайталаётган ушбу сўзларингиз фақат қуруқ сўз бўлмаслиги лозим, аксинча муҳим бўлиши ва ҳар доим ёдингизда туриши керак. Ўзингизнинг амалларингиз орқали ушбу қасамёдингизни юксалтиришингиз лозим”.
У киши шундай деди: инсон динни дунёвий ишлардан устун қўйишининг ҳақиқий маъноси Аҳмадий мусулмонлардан канда қилмай, узлуксиз Қуръони Каримни ўқиб туришларини талаб қилади.
Ҳазрат Мирзо Масрур Аҳмад шундай деди:
“Қуръони Карим муваффақиятларимиз ва нажот топишимиз йўли бўлганлиги учун уни ўқиб-ўрганиш барчамизга фарз. У бизга “динни барча дунёвий ишлардан устун қўйиш”нинг ҳақиқий маъно-моҳиятини кўрсатиши учун ўзгача бир руҳоний нур. У билим олишимиз ва ҳаётимиз қуролидир”.
Шундан сўнг Ҳазрат Мирзо Масрур Аҳмад Қуръони Карим таълимотлари асосида бугунги кундаги ёшларга ўз таъсирини кўрсатиб келаётган баъзи бир омиллардан сўз юритди.
У киши Ислом динининг “мўминлик билан чин юракдан беш маҳал намозни жамоат бўлиб адо этиш” деган буйруғига урғу берди.
Муҳтарам Халифа беҳуда сўзлашувлар ва ёмон одамлар билан алоқа-муносабатда бўлишдан сақланишнинг муҳимлиги тўғрисида сўзлади.
Ҳазрат Мирзо Масрур Аҳмад шундай деди:
“Сизлар бир жойга тўпланганингизда бир-бирингизни тўғри йўлдан оздиришнинг ўрнига бир-бирингизни ҳаққоният ва яхшиликка йўналтиришингиз лозим. Айниқса, ёш Худдом ва ёши катта Атфол буни ёдда тутиши керак ва ҳар доим яхши дўстларни танлаб, яхши инсонлар билан алоқа-муносабатда бўлишлари зарур”.
У киши Муқаддас Қуръоннинг 23-сураси 6-оятида айтилганидек, ор-номуснинг моҳияти ҳақида кенг тўхталди, унда ҳақиқий мўмин-мусулмоннинг белгиси сифатида “улар ўз ор-номусларини сақлашади” деган шарт айтилган.
Ушбу таълимотни тушунтириб, Ҳазрат Мирзо Масрур Аҳмад шундай деди:
“Инсоннинг ўз ор-номусини муҳофаза қилиши унинг фақат никоҳсиз жинсий алоқадан эҳтиёт бўлишини билдирмайди, аксинча, Масийҳи Мавъуд ва Маҳдий (алайҳиссалом) бизга унинг маъноси қуйидагича эканини ўргатган: мўмин-мусулмон ор-номуссиз ёки шарм-ҳаёсиз бўлган ҳар бир нарсадан ўз кўзлари ва қулоқларини сақлаши керак”.
Ҳазрат Мирзо Масрур Аҳмад шундай деб давом этди:
“Муқаддас Қуръонда эса Аллоҳ таолоаёлларни ҳижобга киришга буюришдан олдин мўмин-мусулмон эркакларга ўз кўзларингизни пастга қаратинглар ва қалбларингиз билан ўй-хаёлларингизни пок тутинглар, деб буюрган”.
“Инсоннинг ўз кўзларини пастга қаратиши” деган Қуръон таълимоти остида бўлган ҳикмати ҳақида Ҳазрат Мирзо Масрур Аҳмад шундай деди:
“Ҳақиқатда, Ислом дини эркакларга кўзларингизни пастга қаратинглар, деб ўзини-ўзи назоратга олишни ўргатади, чунки кўриш қобилиятигина инсоннинг ҳиссиёти ва хоҳишларини жиловлаб туради… Билиб қўйинглар, соддалик – бу Аҳмадий мусулмоннинг фазилати, шунинг учун Ислом динига мансуб одоб-ахлоқларни бузадиган ҳар бир нарсадан сақланишингиз лозим”.
У киши ичкилик ва қиморбозликнинг “интиҳосига етган ва зиён таъсирлари” тўғрисида ҳам сўзлади ва шундай деди: ушбу икки ёмонлик инсонни Аллоҳ таолодан узоқлаштиришнинг қуролидир.
У киши спирт ҳақида шундай деди: Қуръони Карим унинг акс таъсирлари чекланган фойдаларидан оғир эканлигини очиқ-ойдин айтган.
У киши Севимли Пайғамбаримиз Муҳаммад (саллаллоҳу алайҳи ва саллам) саҳобаларининг улар ичкиликнинг ман этилганига қулоқ солиб қўрсатишган итоат ҳақидаги намуналарини ҳам айтиб берди. У саҳобалар дарҳол икки ёқлама бўлмай, ичимлиги бор челак ва идишларни майдалаб ташлашган.
Қиморбозлик ҳақида Ҳазрат Мирзо Масрур Аҳмад шундай деди:
“Қиморбозлик ман этилган, чунки у инсоннинг ҳалол йўл билан топган маблағи ва ҳақиқий даромад ёки мол-мулкини эҳтиётсизлик билан ҳавога совуришнинг қуроли бўлиб ҳисобланади. Аксинча, қимор орқали ҳаром “осон-пулни” изламай, холис ва ҳаққоний турда яшашни тилашларингиз керак. Ёдингизда бўлсин, ҳар доим ишонч ва чин юракдан қаттиқ меҳнат қиладиган Ходимгина ҳақиқий Ходимдир”.
У киши Муқаддас Қуръоннинг хоксорликни кўрсатиш ва манмансирашдан қочиш ҳақиқий мўмин-мусулмонларнинг фазилати деган буйруғи тўғрисида ҳам сўз юритди.
У киши шундай деди: Аҳмадия Мусулмон Жамоатининг ишчи-хизматчилари айниқса ушбу хулққа эга бўлишга ҳаракат қилишлари лозим.
Ҳазрат Мирзо Масрур Аҳмад шундай деди:
“Мен ҳам бир нарсага урғу бермоқчиман: ҳар бир Жамоат хизматчиси ёши ёки даражасига қарамай, ўзида хоксорликнинг (ёки мўминликнинг) ҳақиқий руҳини яратсин. Сизлар маҳаллий Қоид, Муҳтамим, миллий Садр (Президент) ва қандай даража ёки мавқедаги Жамоат хизматчиси бўлишингиздан қатъий назар, ҳар доим хоксор бўлишларингиз зарур. Аллоҳ таоло Қуръони Каримнинг 25-сураси 64-оятида Ўзининг ҳақиқий бандаларининг қуйидагича ўзгача хусусиятларини айтган: улар ер юзида мўминлик билан юришади ва улар такаббурлик ва манмансирашнинг битта ҳам изини қолдирмайдилар”.
Ҳазрат Мирзо Масрур Аҳмад шундай деди:
“Ҳар бир Аҳмадий мусулмон мўмин, юмшоқ ва мулойим муомала қилишга масъул бўлгандан кейин албатта, Жамоат хизматчилари бу томондан ўзгача масъулиятга эга бўлишлари лозим. Худдомдаги жавобгар-хизматчилар ўзгача бир меъёр бўлишлари лозим, агар биров фитначилик уюштирса ҳам, улар билан далил орқали талашиб-тортишса ҳам, улар фақат тинчлик ва хавфсизлик билан жавоб қайтаришлари лозим ва ўша вазиятдан “салом” (тинчлик) билан ўзларини олиб чиқишлари зарур”.
Ниҳоясида Ҳазрат Мирзо Масрур Аҳмад шундай деди:
“Ҳар доим 2-суранинг 149-оятида баён қилинган Муқаддас Қуръон усулларини ёдингизда тутинглар, унда Аллоҳ таоло шундай деб айтган: ҳар бир инсон ўзгача мақсад-муддаоларга эга, мўмин-мусулмонлар яхшилик бўйича ўсиб-унишлари керак ва улар яхши ишлар бўйича бир-бири билан мусобақа қилишлари зарур. Шундай қилиб, барча Худдом ва Атфол шуни ёдда тутишлари лозим, ҳақиқий мўмин-мусулмон бўлиш учун улар ҳар доим барча яхшиликлар бўйича ўсиб-унишга ҳаракат қилишлари зарур ва узлуксиз ўзларини руҳоний жиҳатдан ҳам, одоб-ахлоқ жиҳатдан ҳам яхшилашга ҳаракат қилишлари лозим”.
Бунга қадар Аҳмадий Мусулмон Ёшлар Уюшмасининг Миллий Раиси Мирзо Ваққос Аҳмад ҳисоботларни топшириб, уч кунлик тадбирда олиб борилган турли хил фаолиятлар ҳақида айтиб берди.
Ижтимо оралиғида Англиянинг чекка-чеккаларидан 100дан зиёд маҳаллий жамоатлардан (Қиядатлар) келган Аҳмадий мусулмон ёшлар турли хил илмий ва спорт мусобаларига қатнашишди.
Мусулмон ёшлар “The Hub”ни кўриш имкониятига ҳам эга бўлишди, у ерда улар бир талай кўргазмаларга қатнашишди ва ўзгача бир ишончли атроф-муҳитда диний ва ижтимоий масалалар бўйича савол бериш имкониятига ҳам эга бўлишди.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)