Аҳмадия Мусулмон Жамоатининг Халқаро Раҳнамоси уч (3) Аҳмадийнинг ўлдирилганлигини танқид қилди.
2014 йилнинг 27 июлида Гужранвола шаҳридаги Качи-Памп деган ҳудудда бир диний оқим вакиллари Аҳмадий мусулмонларга суъқасд қилишди. Натижада уч Аҳмадий мусулмон шаҳид бўлди. Уларнинг ичида етти ёшли қиз ва унинг саккиз ойлик чақалоқ синглиси ҳам бор эди.
Мана шу низо ва шафқатсиз ҳужумга жавоб тарзида Аҳмадия Мусулмон Жамоатининг Халқаро Раҳнамоси Ҳазрат Мирзо Масрур Аҳмад бундай деди:
“Бу ҳужум жуда ҳам катта золимлик бўлиб, унда ўз уйларида тинч ўтирган бегуноҳ одамларга нисбатан суъқасд қилиниб, улар қурбон бўлишди.
Аҳмадия Мусулмон Жамоатининг бир аъзоси қилган ғавғо туфайли ҳужум қилинди деб билдирилган даъвоси бутунлай ёлғон. Бу туҳмат бутунлай ёлғон ва унинг ҳеч қандай асоси йўқ. Агар ушбу ҳужумлар ҳақиқатдан бир одамнинг ғавғоси натижаси бўлганда эди, улар уни қўлга тушуришлари керак эди. Лекин унинг ўрнига улар қари бир кампир билан унинг икки набирасини тириклайин куйиб юборишган. Ҳақиқатда бу инсониятнинг барча кўринишларига қилинган ҳужум бўлиб, икки ёш бола билан биргаликда уч одамнинг ўлими билан якунланди.
Бу ҳужум қилинаётганда маҳаллий полиция қараб тураверган ва уни тўхтатиш учун ҳаракат ҳам қилмаган. Бу кўриниш Покистонда Аҳмадий мусулмонларга қарши бўлаётган зулмга ҳукуматдагиларнинг ёрдам бераётганлигига яна бир мисолдир.
Буни ҳам очиқ-ошкор айтиб қўяй: биз – Аҳмадий мусулмонлар ҳеч бир дунёвий норозиликка иштирок этмаймиз ва кўчаларга ҳам чиқмаймиз. Биз юзма-юз келаётган ҳар бир зулмга қуйидагича жавобимиз мавжуд ва ҳар доим ана шу жавоб бўлади: биз Аллоҳ таолонинг олдида йиқиламиз ва Ундангина ёрдам ҳамда раҳм-шафқат кутамиз.
Бу ҳужум Ислом номи билан қилинган, лекин аслида мана шу каби низоларнинг Ислом билан ҳам, унинг таълимоти билан ҳам, ҳеч қандай алоқаси йўқ. Бу каби шафқатсиз ҳужумлар ҳаддан ошган ваҳшийлик деб ҳисобланади. Бундай ишлар Исломнинг тинчлик ва соф таълимотлари юзига тушган доғдир. Инсонларни ўлдириш ва низо чиқариш йўли билан қаршилик қилиш бу – Ислом амали эмас. Йўқ, бу Аллоҳ таолога ишонмаган ва инсониятга оид асосий қадариятдан ва муносабатлардан холи бўлган инсонларнинг амали. Аллоҳ таоло жабрдийдаларнинг барчасига ва ер юзидаги барча Аҳмадий мусулмонларга сабр ва ғайрат ато этсин”.