Аҳмадия Мусулмон Жамоатининг Халқаро Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмадаснинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) бу йилги Рамазон ойида ўқиган ўзининг якуний жума ҳутбасида Ғазода ҳукм сураётган қўзғолонни танқид қилди.
У киши Рамазон ойининг охирги кунларида келувчи, Ислом таълимоти бўйича “қадр кечаси” деб номланувчи “лайлат ул-қадр” ҳақида атрофлича сўзлади. У киши Аҳмадий мусулмонларга тўғри йўлни сўранглар ва Ягона Аллоҳга бўлган ибодатингизни кучайтиринглар дея алоҳида урғу бериб насиҳат қилди.
У киши 2014 йилнинг 25 июлида Лондонда жойлашган “Байт ул-Футуҳ” масжидида йиғилган минглаган Аҳмадий мусулмонларга мурожаат қила туриб, бўлаётган Изроил-Фаластин уруши ҳақида ҳам батафсил сўзлади. Жума ҳутбаси МТА Интернейшналдан бевосита эфир орқали бутун дунёга кўрсатилди.
Ҳазрат Мирзо Масрур Аҳмад (Аллоҳ таоло унга ёрдамчи бўлсин) бундай деди:
“Жуда ҳам афсус билан айтаманки, ҳозирги кунда аксарият мусулмон давлатларнинг бахтсизлиги – улар ўзаро ҳамжиҳат эмаслар. Инсонлар ўзаро урушмоқда; фуқоролар ўз ҳукумати билан урушмоқда; ҳукуматлар эса ўз фуқороларнинг қирғинига сабабчи бўлмоқдалар. Демак, фақат ҳамжиҳатлик эмас, балки катта зулм ва адолатсизликар қилинмоқда. Бирдамликнинг йўқлиги натижаси – мусулмон бўлмаган давлатлар тўлиқ ишонч билан мусулмон давлатларга қарши ўзларининг хоҳлаганларини қилмоқдалар ва мана шуларнинг бири Изроил жуда катта низо чиқариб Фаластиндаги бир талай бегуноҳларни ўлдириш билан машғул. Агар мусулмонлар бирикканларида эди ва Аллоҳ таолонинг йўлига эргашсалар эди, унда мусулмон қавмлар бирдамлик билан жуда катта қудратга эга бўлиб, юқорида айтилган қирғинлар ҳеч қачон бўлмас эди”.
Ҳазрат Мирзо Масрур Аҳмадаба бундай деди:
“Изроил билан таққослаганда, фаластинликлар жуда ожиз. Албатта, урушнинг ҳаммаси ҳам тўғри эмас ва агар Ҳамос низо бошласа, унда мусулмон давлат уни ҳам тўхтатишлари керак. Хуллас, агар сизлар икки томоннинг куч-қудратини ва ҳужумини таққослаб кўрсангизлар, унда бир томон таёқ билан, иккинчи томон ўз адолатсизлигини амалга ошириш учун ҳар томонлама қуролланган аскарларини қўллагани маълум бўлади. Яқинда турк мусулмонлар бир мотам тутиш тадбирини уюштирдилар ва мусулмон давлат: “Шу йўл билан улар ўзларининг бурчларини бажаришмоқда” – деб ўйлашади. Демак, улар ўзларига оид вазифаларни бажармаганлар, худди шу каби Ғарб давлатлари ҳам ўз бурчини адо этгани йўқ. Улар фаоллик ва қатъият билан низоларни тўхтатиши лозим. Хуллас, Аллоҳ таоло жабрдийдаларни ва бегуноҳларни мазкур низолардан сақласин, шунингдек тинчлик ўрнатсин дея биз дуо қила оламиз холос.
Шунингдек, Аллоҳ таоло бир-бири билан урушиб, бетартибликни келтириб чиқараётган мусулмон давлатларга ўйлаш қобилиятини ва ақл-фаросат инъом қилсин. Аллоҳ таоло қўллаб, уларнинг ўртасида бирдамлик пайдо бўлсин”.
Бир соат давом этган ўз жума ҳутбасида у киши “Лайлат ул-қадр” ҳақида ҳам батафсил сўзлади.
У киши “Лайлат ул-Қадр”нинг турлича маъноларини айтиб, инсонлар ундан қандай қилиб фойдаланишларини айтиб берди. У киши бу барака миллий бирдамлик билан уйғунликка чамбарчас боғлиқ эканлигини айтди.
Ҳазрат Мирзо Масрур Аҳмадаба бундай деб хулосалади:
“Бугун бу йилнинг Рамазон ойининг охирги ҳафтаси бўлмоқда. Шунинг билан бу ойнинг баракотлари ҳам якунига етди деган хулосага келмаслик керак, аксинча бу баракалар ҳаётимизнинг охиригача давом этиши керак”.
2014 йил 25 июль кунги жума ҳутбаси.