Халифа инсон ўз руҳоний бурчларини ҳайт кунигина эмас, аксинча ҳар доим бажариш зарур эканлиги ҳақида ҳайт хутбасини ўқиди. Аҳмадия Мусулмон Жамоатининг Халқаро Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмадаснинг 5-халифаси Ҳазрат Мирзо Масрур Аҳмад (Аллоҳ таоло унга ёрдамчи бўлсин) 2014 йилнинг 30 июлида рўза ҳайтини белгилай туриб, Лондон шаҳрида жойлашган “Байт ул-Футуҳ” масжидида йиғилган 10000 дан ортиқ Аҳмадий муслмонларга ҳайит хутбасини ўқиди, миллионлаган томошабинлар олиб борилаётган дастурларни МТА Интернейшнал (Халқаро Муслим ТВ Аҳмадия) орқали тўғридан-тўғри эфир орқали кўрдилар.
Ҳайт намозини ўқитгандан кейин у киши йиғилганларга мурожаат қилиб, ҳайитнинг асл мақсадларини айтиб берди; у киши руҳоният ва Аллоҳ таолонинг муҳаббатига эришиш бўлган давомий жараён ҳақида сўз юритди, шунингдек, у киши Покистондаги Гужранвола шаҳрида яқинда шаҳид бўлган уч Аҳмадий Мусулмонлар ҳақида сўзлади.
Ҳайитнинг мазмун-моҳияти ҳақида Ҳазрат Мирзо Масрур Аҳмадаба бундай деди:
“Севимли Пайғамбаримиз Муҳаммадсав иймон йўлида унга “чин дилдан ишониш” деган исмни берган, унинг мазмуни қуйидагича: ҳақиқий иймонда инсон қалби қувонч билан роҳатланади. Шундай қилиб, ҳақиқий ҳайит байрамида инсон ўзининг диний талабларини бажариш билан қувонади ва ўз бурчларининг бирортасини ҳам ўзига юк деб билмайди”.
Ҳазрат Мирзо Масрур Аҳмадаба бундай давом эттиради:
“Ҳақиқий эътиқодда Аллоҳ таолога ибодатнинг ўзиёқ қувонч ва қаноатланиш қуроли бўлиб ҳисобланади. Ҳақиқий эътиқодда сизлар Аллоҳ таоло учун, бошқалар учун ва ўз Жамоатингиз учун керакли қурбонликларни катта қувонч билан бажарасизлар. Мана шу усулда ҳаёт кечираётган ҳар бир инсон ҳақиқий ҳайит байрамини ва ўз ҳаётининг ҳар бир кунини байрам қилиб нишонлашга муносибдир”.
Ҳазрат Мирзо Масрур Аҳмадаба икки-уч кун аввал Покистоннинг Гужранвола шаҳрида шаҳид қилинган уч Аҳмадий тўғрисида сўз юритиб, у киши жафо тортганлар учун ва уларнинг оила-аъзолари учун дуо қилди.
Ҳазрат Мирзо Масрур Аҳмадаба бундай деди:
“Севимли инсонларингиздан айрилишингиз шунчаки бир кичик қайғу эмас, айниқса ушбу суъқасдда ўзининг икки ёш қизидан айрилган онанинг қайғусини тасаввур қилиш жуда ҳам мушкул. Бу фожиага сабр қилиш алоҳида бир катта қурбонлик, тасаввур қилинглар, бу воқеа ҳайит байрамидан бир кун аввал она ўз фарзандлари билан байрамга тайёргарлик кўраётган пайтда бўлди.
Аллоҳ таоло жабрдида ва аза тутгаларнинг барчасига катта сабр ва ғайрат берсин, шунингдек, Аллоҳ таоло у аёлнинг буюк қурбонлигига бадал сифатида унга кўп баракаларни инъом қилсин”.
Ҳазрат Мирза Масрур Аҳмадаба “Байт ул-Футуҳ” масжидида йиғилган барча инсонлар ва ер юзидаги миллионлаган Аҳмадий мусулмонларни ҳайит байрами билан муборакбод этиб, ўз хутбасини якунлади.