Ҳазрат Мирзо Масрур Аҳмад Алтон, Ҳэмпшир ва Тилфорд каби жойлардаги тайёргарликларни назорат қилдилар
Аҳмадия Мусулмон Жамоатининг Бутун дунё Раҳнамоси, Масийҳи Мавъуд ва Имом Маҳдий – Ҳазрат Мирзо Ғулом Аҳмад (алайҳиссалом)нинг 5-Халифаси Ҳазрат Мирзо Масрур Аҳмад (Аллоҳ таоло у зотга Ёрдамчи бўлсин) 2019-йилнинг 28-июли – якшанба кунида Англиядаги Аҳмадия Мусулмон Жамоатининг 53-Йиллик Йиғилишига (Жалса Солона) кўрилаётган тайёргарликларни кўздан кечирдилар.
Тайёргарликларни кўраётган пайтда Ҳазрат Мирзо Масрур Аҳмад уч кунлик тадбир мобайнида хизмат қиладиган турли бўлимларни кўздан кечирдилар. Ҳазрат (Ҳузур) кўрилаётган тайёргарликларни назорат қилаётган пайтда у зотга мазкур тайёргарликлар ҳақида қисқача маълумотлар берилди ва Ҳазрат барча иштирокчилар учун осойишталик ва фаровонлик шароитларини яратишга кўрсатма бердилар.
Сўнгра Ҳазрат бепул ишлайдиган 5.000дан зиёд кўнгилли хизматчига тўғридан-тўғри мурожаат қилиб, уларга ўзларига топширилган вазифаларни сидқи дилдан бажаришни ва намозларни кандасиз ўқишни насиҳат қилдилар.
Ҳазрат кўнгилли хизматчиларни олқишлаб, улар ўзларига тегишли вазифалари ва масъулиятлари бўйича олий даражадаги мутахассисликка эришганларини тилга олдилар. Шундай бўлса ҳам, улар хоксорлик билан, ҳар доим Аллоҳ таолога ёлвориб, ўз ишининг самарали бўлиши учун дуо қилишлари лозимлигини таъкидладилар.
Бунга қадар Ҳазрат Тилфордга қарашли Исломобод биноси ҳамда Ҳэслемер номли ҳудудда жойлашган Англиядаги Жомия Аҳмадия биносида Жалса Солонага кўрилган тайёргарликларни ҳам кўздан кечирдилар. Икки кун муқаддам Ҳазрат Лондон шаҳридаги “Байтул-Футуҳ” масжидда Жалса Солонага кўрилган тайёргарликларни ҳам кўздан кечирган эдилар.
Ҳазрат жума куни ушбу тадбирда ўзларининг жума хутбасини ўқишлари билан Жалса Солона бошланади. Шундан сўнг Ҳазрат якшанба кунига қадар вақт мобайнида яна 4 маротаба мурожаат қиладилар.
Якшанба куни минглаб Аҳмадий мусулмонлар Замон Халифаси қўлларига “Байъат” деб номланувчи аҳду паймон қилишади.
Жалса Солона мобайнида “Махзан-э-Тасовир” (расмлар хазинаси), “Ривю оф Релижэнз” (динлар таҳлили), “Ҳьюманети Фарст” (Инсоният – биринчи ўринда), “Исламик Аутрийч” (даъват) ва “Ал-Ҳакам” газетаси томонидан турли кўргазмалар намойиш этилади, шунингдек, “Ислом – ахборот воситаларида” деган ном билан янги бир кўргазма ҳам уюштирилади.
Дастурларнингг барчаси МТА Интернейшналдан (Халқаро Мусулмон Аҳмадия телевидениеси) бевосита эфир орқали бутун дунёга намойиш этилади.
Якуни
Қўшимча маълумот учун: press@ahmadiyya.org.uk
Манзил: 22 Deer Park Road, London, SW19 3TL UK
Tel/Fax: 020 8544 7613 Mob: 077954 90682
Email: press@ahmadiyya.org.uk
Press Secretary AMJ International
(Халқаро Аҳмадия Мусулмон Жамоати редакцияси котиби)