БРИТАНИЯ 2024-ЙИЛГИ ЖАЛСА САЛОНАСИ БИРИНЧИ КУНИНИНГ ҚИСҚАЧА ҲИСОБОТИ

Жалса Салона[1]нинг биринчи куни эрталаб соат учда Arabic Desk[2]ида хизмат қилаётган Жамоатимиз воизи муҳтарам Тоҳир Надим жаноблари ўқитган Таҳажжуд намози билан бошланди. Эрталаб соат 4:30да Амирул Мўминин ҳазратлари[3] Жалсагоҳ[4]га ташриф буюриб, бомдод намозига имомлик қилдилар. Ҳузур ҳазратлари бомдод намозининг биринчи ракъатида «Бани Исроил» сурасининг 79-85 оятларини ўқиган бўлсалар, иккинчи ракъатида «Ал-Каҳф» сурасининг бошланғич ўн бир оятини ўқидилар. Бомдод намозидан сўнг Буюк Британиядаги «Жомия Аҳмадия»[5]нинг устози ва Жамоатимиз воизи муҳтарам Тоҳир Мубашшир жаноблари «Таалуқ Биллоҳ»[6] мавзусида ҳадис дарсини ўтдилар.

Кечқурун ёққан ёмғирдан кейин хизматчилар[7] жуда яхши ва ёруғ юз билан одамлар юриши учун йўлни тозалашди. Эрта тонгдаёқ Жалсагоҳнинг об-ҳавоси ёқимли бўлиб, қуёш тўлиқ иқлими билан порлашда давом этди, шундай бўлса-да, енгил салқин шабада одамларни иссиқликдан ҳимоя қилиб турди.

Эрталаб соат саккизда нонушта уюштирилди. Нонуштада меҳмонлар ва навбатчиларга мазали нўхат, чапати, ёрма, сариёғ, мураббо ва буханка тортилди. Шунингдек, чойхонада чой ташкил этилиб, унда қандли ва қанди бўлмаган – ҳар икки турли чой тақдим этилди.

Бугун эрталабдан бошлаб Жалсада қатнашадиганлар кела бошлашди. Жамоат аъзолари ўзларининг енгил машиналари ва жамоат транспорти билан «Ҳадийқатул-Маҳдий»[8]га етиб боришда давом этишди. Поездда ташриф буюрган биродарлар ва опа-сингиллар Жалса жойига Алтон ва «Ҳадийқатул-Маҳдий» ўртасидаги транспорт хизмати орқали келтирилди. Бундан ташқари меҳмонларни Жалсагоҳга олиб келиш учун «Байтул Футуҳ» масжидидан махсус транспорт хизмати ҳам ташкил этилди.

Амирул Мўминин ҳазратлари жума хутбаларини Жалсагоҳдан ўқиб, унда хизматчилар ва меҳмонларга баъзи қимматли насиҳатларни қилдилар. У зот жума намозининг биринчи ракъатида «Ал-Аъло» сурасини, иккинчи ракъатида эса «Ал-Ғошия» сурасини ўқидилар. Амирул Мўминин ҳазратлари аср намозини ҳам жума намозига қўшиб ўқидилар.

Намоз ўқилгандан сўнг, таомлар чодирида таомлар уюштирилиб, унда «Дол» (мошхўрда), чапати ва гуручлар тортилди. Махсус таомлар орасида меҳмонлар учун «макарон» ҳам тайёр қилинган эди.

Бугун Жалса Салона расмий равишда байроқ кўтариш маросими ва таъсис йиғилиши билан тантанали равишда очилди. Халифалик ошиқлари ўз пешволарини бир кўриш учун интилардилар. Амирул Мўминин ҳазратлари соат 16:27да Аҳмадия байроғини ҳилпиратиш учун келдилар. Овози кўкка етадиган «такбир» наъралари остида Аҳмадия байроғини кўтардилар, шундан сўнг Амирул Мўминин ҳазратлари соат 16:30да эркаклар Жалсагоҳига кириб, раислик курсисига ўтирдилар.

Жалсанинг биринчи сессияси Мавлоно Фируз Олам жаноблари тақдим этган «Оли Имрон» сурасининг 134-137 оятлари тиловати ва «Тафсири Сағийр»дан тақдим этилган унинг урду тилидаги таржимаси билан бошланди. Мукаррам Исматуллоҳ жаноблари Ҳазрат Имом Маҳдий алайҳиссаломнинг покиза шеърларини тақдим этиш шарафига эга бўлдилар. Мукаррам Дониш Аҳмад Хуррам жаноблари ва Мукаррам Эҳсон Аҳмад жаноблари форсий қасидани, Маҳмуд Аҳмад Талҳа жаноблари эса унинг урду тилига таржимасини тақдим этдилар. Шундан сўнг Амирул Мўминин ҳазратлари ақл-фаросатга нур берадиган нутқни сўзладилар, у зот маърузаларининг асосий мавзуси «зуҳд ва тақво» эди. Нутқ сўзларидан сўнг Амирул Мўминин ҳазратлари дуо қилдилар ва шу билан Жалса Салонанинг биринчи мажлиси расман якунланди.

Ҳар йили бўлгани каби бу йил ҳам кўргазма майдончасида турли ташкилотлар томонидан кўргазмалар ташкил этилди. Бунга «Марказий Тарих Бўлими», «Ал-Фазл» Интернационал газетаси, «Махзани Тасовийр», «Ҳумайнитй Фирст», «МТА» ва бошқа муассасалар киради. Амирул Мўминин ҳазратлари жума хутбаларида берган кўрсатмаларидан сўнг кўплаб биродарлар кўргазма айвонига ташриф буюришди ва кўргазмадан завқланишди. Амирул Мўминин ҳазратлари соат 19: 00 да кўргазма майдонига ташриф буюрдилар ва кўргазмани кўздан кечирдилар. Амирул Мўминин ҳазратлари ИАААЭ, «Ал-Фазл» Интернационал газетаси, «Марказий Тарих Бўлими», «Ривю оф релижанз» ва «Махзани Тасовийр» кўргазмаларини кўриб чиқдилар.

Кечки овқатда меҳмонларга анъанавий «Олу гўшт» (картошка ва гўшт), «Дол» (мошхўрда) ва «Лангар»нинг мазали чапатиси тортилди. Амирул Мўминин ҳазратлари тўққиз яримларда эркаклар мажлис залига ташриф буюриб, шом ва хуфтон намозларини ўқитдилар. Шом намозининг биринчи ракъатида «Ал-Фил» сурасини, иккинчи ракъатида эса «Қурайш» сурасини тиловат қилдилар.  Хуфтон намозининг биринчи ракъатида «Аз-Зуҳо» сурасини ва иккинчи ракъатида эса «Ат-Тийн» сурасини ўқидилар. Шундай қилиб, Англия Жалса Салонасининг биринчи куни муваффақиятли якунланди.

(Ҳисоботни тайёрлаган: Ҳофиз Талҳа Малик)

[1] Йиллик йиғилиш.

[2] Араб бўлими.

[3] Халқаро Аҳмадия Мусулмон Жамоатининг Бутунжаҳон раҳбари, Ваъда қилинган Масийҳ ва Маҳдий алайҳиссаломнинг 5-халифаси – Ҳазрат Мирзо Масрур Аҳмад (у зотни Аллоҳ Таоло азиз ғалабаси ила қўллаб-қувватласин).

[4] Жалса уюштирилган зал, яъни мажлис зали.

[5] Ўз ҳаётларини динга бағишлаб, 7 йиллик диний ўқишларини битириб, «Шоҳид» номли дипломга эга бўладиган Аҳмадий мусулмон уламолар ўқиган олий ўқув юрти.

[6] Аллоҳ таоло билан алоқа ўрнатиш.

[7] Жалса жараёнида Ҳазрат Имом Маҳдий алайҳиссалом меҳмонларига хизмат қиладиган ихтиёрчилар.

[8] Англия Аҳмадия Мусулмон Жамоати сотиб олган 208 гектар ер бўлиб, Аҳмадия Мусулмон Жамоати Бутунжаҳон раҳбари – Ҳазрат Мирзо Масрур Аҳмад у ерни «Ҳадийқатул-Маҳдий» (Маҳдий боғи) деб атадилар.