رێنمایێن گشتی دەربارەی پێشنڤێژیێ

بوو داگرتنا بابەتی ب شێوازێ pdf کلیکێ ل ڤێرێ بکە 

*****

گوتنا ئیمامێ مەهدی و مەسیحێ ژڤاندار (عليه السلام):

ئیمامێ مەهدی و مەسیحێ ژڤاندار (عليه السلام) بەحسێ گرنگیا نڤێژێ و روڵێ هەستیار یێ پێشنڤێژیێ كریە و گوتیە:

1- “نڤێژكرن ل پشت مروڤەكێ پاك و خوپارێزبیتن دبیتە ئەگەرێ ژێبرنا گونەهێن مروڤی، و دنڤێژێدا دوعا قەبیل دبن، بەلێ ئەگەر پێشنڤێژ بخو دلێ وی رەشبیتن دێ چەوا بەرەكەتێ بو كەسێن دی راكێشیت.” (ڕۆژناما “الحكم” بەرگێ 5، ژمارە 28، لا3-4 ڕۆژا 31ی تەممووزا ساڵا 1901ز. الملفوظات، بەرگێ 2، لا318)

2- “نڤێژێ پەیوەندیەكا بهێز هەیە ب دوعا و دلسوزیێ ڤە. ئەستەمە ڕق و کین دگەل باوەرداریدا کومببیتن. ڤێجا پێدڤیە نڤێژا خو هەروەنەدی ل پشت پێشنڤێژەکێ نە یێ پارێزکاربیتن”. (ڕۆژناما “الحكم”، بەرگێ 5، ژمارە 10، لا9 ڕۆژا 17ی ئازارا ساڵا 1901ز، الملفوظات، بەرگێ 2، لا 225).

نڤێژکرن ل پشت کەسەکێ نە ئەحمەدی بت:

1- کەسەکێ لسەر دەستێ ئیمامێ مەهدی و مەسیحێ ژڤاندار (علیە السلام) بەیعەتدا، پاشی پرسیارژێکر و گوت: د روژنامەیا “الحکم”دا هاتییە نڤێژێ ل پشت کەسێن نە ئەحمەدی نەکن.

بوچونا هەوە چیە دەربارەی ڤێ چەندێ؟

مەسیحێ ژڤاندار (علیە السلام) ب ڤی شێوەی بەرسڤدا: “بەلێ ئەف چەندە راستە. ئەگەر مزگەفت یا کەسێن دی بوو لسەر تە پێدڤیە بتنێ ل مالێ نڤێژێ بکەی، ئەڤە ئاریشە تێدا نینە، ڤی کاری بتنێ هندەك بێهنفرەهی دڤێت”.(ڕۆژناما “بدر” بەرگێ1، ژمارە 5 و6، لا 37، ڕۆژا 28 تشرینا دووێ و 5ی كانوونا ئێکێ ساڵا 1902ز، الملفوظات بەرگی4، لا 240-241)

2- جارەکێ پرسیار هاتەکرن ژ ئیمام ئەحمەد (علیە السلام) گوتێ بوچی هەوە قەدەغەکریە دویف کەفتیێن وە نڤێژێ ل پشت یێن دیتر نەکەن؟

بەڕێزی (عليه السلام) ب ڤی شێوەی بەرسڤدا:

“ئەو مروڤێن ئەڤێ کومێ رەتدکەن ئەڤا خودایێ مەزن دامەزراندی، ژبەرکو لەزێ دکەن و گومانێن خراب هەنە، و گرنگیێژی نادنە ڤان نیشانێن زور و موعجیزان، و گوهێ خو نادەنە وان کارەسات و موسیبەتێن توشی ئیسلامێ دبن، ئەڤە ئەو مروڤن ئەڤێن نە دپارێزکار و ژ خودێ ناترسن، و خودایێ مەزن د قورئانا پیروزدا دبێژت: {إِنَّمَا يَتَقَبَّلُ اللَّهُ مِنَ الْمُتَّقِينَ} (المائدة: 28). لەوا مەگوت: ئەم ل پشت مروڤەکى نڤێژێ ناکەین کو نڤێژا وی ناگەهیتە ئاستێ قەبیلکرن و وەرگرتنێ”. (ڕۆژناما “الحكم” بەرگێ5، ژمارە 10، لا8 ڕۆژا 17ی ئایارا ساڵا 1901ز، الملفوظات، بەرگێ2، لا 215)

3- هەروەسا بەرێزی (علیە السلام) گوتیە: “پێدڤیە دبێهنفرەهبن، و ل پشت مروڤەکى نڤێژێ نەکن نە ژ کوما ئیسلامی یا ئەحمەدی بيت، ئەڤە بوو هەوە باشترە، و ئەڤە کارەکێ چاکە، و سەرکەفتنەکا مەزن بوو هەوە یا تێدا هەی، ئەڤەیە ئەو کار یێ دبیتە ئەگەرێ گەشەکرن و زێدەکرنا ڤێ کومێ….. پێدڤیە تورەبونا هەوە تنێ ژبەر خاترا خودایێ مەزن بیتن، ئەگەر هوین ب تێکەلی دگەل وان بمینن هوسا خودێ ب وێ دیتنێ نا سەحکتە هەوە ئەڤا نوکە سەحدکەتە هەوە، بێگومان کوما پاك بتنێ وی دەمی پێشدکەڤیت دەمێ یا جودابیت ژ یێن دی”. (ڕۆژناما “الحكم”، بەرگێ5، ژمارە29، لا3-4 ڕۆژا 10ی ئابا ساڵا 1901ز، الملفوظات بەرگێ2، لا321).

تە راست گوت، ئەی مەزنێ مە، مەسیحێ ژڤاندار (عليه السلام)، ئەو مروڤێن ل دویف گوتنێن تە کارکرین بەرەکەتداربوون ژلایێ خودێڤە د ڕابردویدا و بەردەوامژی حەتا نوکە سەرکەفتن ل دویف سەرکەفتنێ بەهرا وان دبیتن، هەروەکی تە مزگینی پێدابوو، بەلێ ئەو مروڤێن وەکی تە کارنەکرین و بەردەوام د تێکەلیێ دابوون دگەل یێن دی هەمیان د دروشمێن ئاینیدا ئەو بەرەکەتدار نەبوون، و گەشە و پێشکەفتن ب دەستخوڤە نەئینان.

نڤێژکرن ل پشت مروڤەکێ کو ئەو موسلمانێت ئەحمەدی ب کافر بزانت:

ل سالا 1905ێ زاینیدا دوو کەسان لسەر دەستێ ئیمامێ مەهدی و مەسیحێ ژڤاندار (علیە السلام) بەیعەتدا، پاشی ئێك ژ وان پرسیار ژێکر و گوتیێ: ئەرێ درستە نڤێژ ل پشت کەسەکێ بێتەکرن و ئەو ئەحمەدی نەبيت؟

بەرێزی (علیە السلام) ب ڤی شێوەی بەرسڤدا: “ئەو مە کافر دزانن. و ئەگەر ئەم نە کافربین هينگێ ئەو کافریە ل وان دزڤریت، چونکی ئەگەر کەسەك موسلمانەکێ ب کافر بزانت و ئەو نە کافربیتن هينگێ ئەو بخو کافر دبیت، ڤێجا نڤێژکرن ل پشت مروڤێن هوسا نە یا دروستە”.(ڕۆژناما “بدر” بەرگێ1، ژمارە 39، لا2 ڕۆژا 15 كانوونا ئێکێ ساڵا 1905ز، الملفوظات، بەرگێ8، لا282)

نڤێژکرن ل پشت مروڤەکێ کو دوودل بیت دەربارەی مەسیحێ ژڤاندار (علیە السلام):

مەسیحێ ژڤاندار (علیە السلام) دەربارەی وان مروڤێن کو باوەریێ پێ نائینن و ب ئاشکرای درەوینژی نادەرێخن دبێژت:

1ـ “ئەو مروڤێن بێدەنگن ئەوژی ژ وانانە یێن باوەری ب من نینن، و ل پشت ڤانژی نڤێژ نە یا دروستە، چونکی د دلێ خودا دژی مەنە، لەوا ب ئاشکرايی چ پەیوەندی دگەل مە نینن”. (ڕۆژناما “بدر”، بەرگێ1، ژمارە29، لا2 ڕۆژا 15ی كانوونا ئێکێ ساڵا 1905ز، الملفوظات، بەرگێ8، لا282).

2ـ جارەکێ پرسیار ژ بەرێزی (علیە السلام) هاتە کرن: ئەگەر د باژێرەکێدا پێشنڤێژەك هەبوو و ئاگەهـ ژ دەنگوباسێن هەوە نەبوو ئەرێ نڤێژ ل پشت وی دئێتەکرن یان نە؟

بەرێزی ب ڤی شێوەی بەرسڤدا:

“پێدڤیە لسەر هەوە ل دەسپێکێ ئاگەهداربکەن لسەر دەنگوباسێن مە، ئەگەر باوەری ئینا گەلەك باشە و ئەگەر نەئینا نڤێژا خو ل پشت وی هەروە نەدن، بەلێ ئەگەر کەسەك بێدەنگ بوو ئانکو وەکی راستگویەك نەدیتم و وەکی درەوینەکژی نەدیتم هنگی ئەوژی دوڕییە و ل پشت ویژی نڤێژ نائێتەکرن”. (ڕۆژناما “الحكم” بەرگێ6، ژمارە16، لا7 ڕۆژا 30 نیسانا ساڵا 1902ز، الملفوظات، بەرگێ3، لا227)

3- بەرێزی (علیە السلام) د جهەکێدیدا دبێژت: “هندەك کەس پرسیار دکەن و دبێژن: ل پشت وان مروڤا نڤێژێ بکەین ئەوێن چ ئاخفتنێن نەخوش و کرێت نابێژنە تە و ب شێوەیەکێ رون و ئاشکرا هەلویستێ خوە دەرنابڕن ژ ترسا خەلکێ و ئاخفتنێن وان؟

دبێژمە وان: نەخێر نڤێژێ ل پشت وان نەکەن، چونکی هێشتا رێگرەك هەیە و ناهێلت ئەو راستیێ قەبیل بکەن، و هێشتا لقەکن ژ وێ دارا فێقیەکێ ژەهراوی و کوشندە هەیە، ئەگەر ئەوان خەلکێ دنیایێ ب قیبلا خوە و خودایێ خوەنەزانیبان ئەو دا هەمی وان پەردا درینن و ژێ دەرکەڤن، و چجار گوهێ خو نەددانە تانە و ئاخفتنێن خەلکی، و ژ لومەیا لومەکاران نە دترسان، بەلکو بتنێ دا بەرێخودەن رێکا خودێ، لەوا پێدڤیە بەری ئەنجامدانا هەر کارەکێ ئەو بەرێخوبدەنێ کا ئەف کارە دێ خودێ ژ وان رازیکەت یان خەلکێ دێ ژ وان رازیکەت؟ چونکی یا دیارە مروڤ بەردەوام د ترسا هندێدایە نەکو توشی تەحسینەکێ ببیتن و نەگەهیتە پلەیەکێ تێدا رازامەندیا خودێ (عز وجل) بدەست خوڤە بینیت و شەیتان مڕوڤی ژ خشتەیێ وی لابدەت”. (ڕۆژناما “الحكم” بەرگێ5، ژمارە37، لا1-3 ڕۆژا 10ی تشرینا ئێکێ ساڵا 1901ز، الملفوظات، بەرگێ2، لا361)

4- کەسەکێ عەرەب بەیعەتدا، ناڤێ وی عبد الله عەرەبی بوو، دەمێ ڤیای بزڤریت بوو وەلاتێ خو ئەڤ گەنگەشە ل خارێ رویدا دناڤبەرا وی و مەسیحێ ژڤانداردا (علیە السلام):

عبد الله: ئنیەتا من ئەوە بزڤرمە وەلاتێ خو، ئەرێ ل وێرێ نڤێژێ ل پشت خەلکێ بکەم یان نە؟

مەسیحێ ژڤاندار (علیە السلام): ل پشت چ کەسێ نڤێژێ نەکە بتنێ ئەو تێنەبیت یێ باوەری ب من ئینای.

عبد الله: بەلێ ئەوان هاش دەنگوباسێن تە نینە و کەسێ بوو وان نەگوتییە؟

مەسیحێ ژڤاندار (علیە السلام): لسەر تە پێدڤیە ل دەسپێکێ بوو وان بێژی، ڤێجا یان ئەو دێ باوەریێ ئینن یانژی باوەریێ نا ئینن.

عبد الله: خەلکێ باژێرێ من گەلەك توندوتیژن، و مللەتێ مە شیعەنە؟

مەسیحێ ژڤاندار (علیە السلام): لسەر تە پێدڤیە تو خو ئێکلا بکەيی بوو خودایێ مەزن، ئەو مروڤێ رەفتارێن بوو خودێ پاك و پاقژبن خودایێ مەزن سەرپەرشتا وی و چاڤدێریا وی دکەتن”. (ڕۆژناما “الحكم”، بەرگێ5، ژمارە 35، لا 6 ڕۆژا 24ی ئەیلوولا ساڵا 1901ز، الملفوظات، بەرگێ2، لا 342-343)

5- هەروەسا بەرێزی (علیە السلام) د جهەکێدیدا گوتیە: “بەلێ ئەو مروڤێ ژ رەفتارێن وی دیارە نە ژ ڤی لای یە و نە ژ لایێ دییە، دراستیێدا ئەوژی مە ڕەتدکەت، و ئەو مروڤێ باوەریێ ب مە نائینیت و دبێژتە مە مروڤەکێ چاک، ئەوژی دراستیێدا نەیارێ مەیە، و رەوشتێ وان وەکی یێ وان کەسانە ئەڤێن لنك موسلمانان دبێژن “الله الله”، و دەمێ لنك هندوسیا بن دبێژن “ڕام ڕام”. ئەوان مروڤان چ پەیوەندی نینە ب خودایێ مەزنڤە، ئەوژی هێجەتا دگرن و بوو ڤی کارێ خو دبێژن: مەنەڤێت هەستێ چ کەسا برینداربکەین، بەلێ بلا بزانيت دەمێ کەسەك خو ب ئێك ژ وان لایان ڤە دگریت هوسا ب نەچاری هەستێ وی چەندەکێ برینداردبیت”. (ڕۆژناما “بدر”، بەرگێ2، ژمارە 14، لا105 ڕۆژا 24ی نیسانا ساڵا 1903ز، الملفوظات، بەرگێ5، لا294)

6- بەرێز “خان عەجەب خان” پرسیار ژ ئیمام ئەحمەد (علیە السلام) کر و گوت: ئەگەر خەلکێ باژێرەکێ خەلکەکێ غەریب و نەناسیاربین و مە نەزانی کا ئەڤە ئەحمەدینە یان نە ئەرێ نڤێژێ ل پشت وان بکەین یان نە؟

بەرێزی (علیە السلام) ب ڤی شێوەی بەرسڤا ویدا: “لسەر هەوە پێدڤیە پرسیارێ ژ وی پێشنڤێژی بکەن کا ئاگەهـ ژ بانگێشا مە هەیە یان نە، ئەگەر باوەری پێ هەیە نڤێژێ بکەن و ئەگەر نە هینژی نەکەن، دراستیدا خودایێ مەزن دڤێت کومەکا سەربەخو دامەزرینیت، ئەرێ بوچی پێدڤیە دژایەتیا ڤیانا خودێ بکەین، چونکی تێکەلبینا جار ل دویف جارێ دگەل وان مروڤا ئەڤێن خودێ ڤیایە مە ژ وان جودا بکەت، هوسا دژ و پێچەوانەی ڤیانا خودێ یە”. (ڕۆژناما “بدر”، بەرگێ2، ژمارە 5، ی34-35 ڕۆژا 20ی شوباتا ساڵا 1903ز، الملفوظات، بەرگێ 5، لا38)

ڤێجا ئەڤێن ل دژی فەرمانا خودێ دراوستن بلا ئاگەهـ ژ خو هەبن، چونکی ئیمامێ ئەحمەد (علیە السلام) ب ئاشکرای شیرەتێ ل مەدکەتن و دبێژتن خودایێ مەزن دڤێت مە جودابکەتن ژ مروڤێن دی، بەلێ ئەڤێن بەروڤاژی ڤێ فەرمانێ دکەن دڤێن جارەکادی تێکەلی مروڤێن دی ببن، چونکی هزردکن هوسا باشترە دگەل وان مل ب ملێ ئێك کاربکەن، بەلێ نزانن ئەڤە بێ شەرمیەکا سەیرە ژ لایێ وانڤە چونکی دژی ڤیانا خودێ د راوەستن.

7- حەتانوکە ئەو گوتنێن مەسیحێ ژڤاندار (علیە السلام) مە گوتن ئەڤێن د روژناما کومەڵدا هاتبوونە تومارکرن دەربارەی وان کەسا ئەڤێن دوودل، و بێگومان ئەوان پەیڤان ب جوانی و ب ڕونی مەبەستا وی راگەهاندییە، دێ نوکە فەتوایا بەرێزی (علیە السلام) بێژین، کو ئەوی بخو ب دەستێن خو تومارکرییە د ئێك ژ کتێبێن خودا، و فەتوایا وی گەلەك یا رون و ئاشکرایە و تێگەهشتنا وێ هوسا یا قورس و گران نینە بوو چ کەسان، و چێنابت کەس ژنك خوە تەئویل بکەتن.

ئێك ژ ئیلهامێن بەرێزی (علیە السلام) ژ لایێ خودایێ مەزنڤە گەهشتیە وی ئەف ئایەتا قورئانا پیروزبوو: {تَبَّتْ يَدَا أَبِي لَهَبٍ وَتَبَّ}، بەڕێزی (عليه السلام) ئەف ئیلهامە تەفسیرکر و گوت: “دڤێ ئایەتا خودایێ مەزندا دیاردبیت ئەو کەسێن مە ب کافردزانن و باوەریێ ب مە نائینن و مە ب درەوین ل قەلەم ددەن هندەك کەسێن ژنافچوینە،

ڤێجا ژ هەژی هندێ نینن هیچ ئەندامەکێ کوما مە نڤێژێ ل پشت وان بکەتن، ئەرێ چێدبيت زیندی ل پشت مری نڤێژێ بکەتن؟

ڤێجا بلا ل بیرا هەوە بیتن خودایێ مەزن ئەز یێ ئاگەهدارکریم ب هەمی شێوەیان بوو هەوە حەرامە نڤێژێ ل پشت کەسەکێ بکەن کو مە ب کافر ل قەلەم ددەت و مە ب درەوین دزانيت یانژی دوودلە.

پێدڤیە پێشنڤێژێ هەوە ژ هەوە بخوبیت، و ئەڤ بەشێ فەرمودا بوخاری “وإمامكم منكم” ئاماژێ ددەتە ڤێ چەندێ… ئانکو دەمێ مەسیح دهێتە هنارتن دڤێت هوین ب تەمامی دەستا بەردن ژ هەمی گروپێن دی ئەڤێن بانگێشا ئیسلامێ دکەن، و پێدڤیە پێشەوایێ هەوە ژ هەوە بخوبیت ڤێجا ب تەمامی ئەوی کاری بکەن ئەوێ فەرمان لسەر ب هەوە هاتییە کرن، ئەرێ هەوە دڤێت لنك خودێ کارێ هەوە پویچ ببت و هوین هەست پێنەکەن. دیارە ئەو کەسێ ژ هەمی دلێ خو باوەریێ ب من دئینیت هوسا دێ ژ هەمی دلێ خو گوهداریا منژی کەت، و دهەمی بارودوخاندا دێ من کەت دادوەر، و بتنێ دێ داخازێ ژ من کەت ئاریشێ ئێك لا بکەم، بەلێ ئەوێ ژ ناخێ دلێ خو باوەریێ ب من نەئینیت و من ب راست نەزانیت، هنگی ئەو خو مەزنکەر و خو پەسەند و خوپەرستیێ دکەن، بزانن ئەو کەسێ وەسا هیچ پەیوەندیەك ب من ڤە نینە، چونكی فەرمانێن من ئەوێن ژلایێ خودێڤە گەهشتینە من- ئەو ڤان فەرمانا مەزن نابینتن، ڤێجا ئەو كەسە چجار ل ئاسمانا خودان رێز نابیتن”. (الأربعین، ژمارە 3، الخزائن الروحانیة، بەرگێ 17، لا 417 پەراوێز)