“بلا یا دیار و ئاشكرابیت دەستپێكا كریاران ژ مروڤی دەستپێدكەن پاشی كارێ خودایێ مەزن ژ وێ كریارێ دەردكەڤیت هوسا ئەو كاریگەرى یان تایبەتمەندییا د وی كاریدا دیاردبیت. بو نموونە: دەمێ ئەم پەنجەرا ژوورا خو دگرین، ئەڤە كریارا مەیە. كریارەكا دی ژنك خودایێ مەزن لسەر ڤێ كریارا مروڤی دەردكەڤیت ئەوژی هەكو مروڤی پەنجەر گرت هەوا ناهێتە ژوور و دێ تاری دبیت. سوننەتا خودایێ مەزن یا بەردەوام ب ڤی شێوە یە و چجار ناهێتە گوهورین. كریارێن خودایێ مەزن وەك كارڤەدانەكێ یە بوو كریارێن مروڤی. هەروەكو یاسایەكێ یە دڤی سیستەمیدا كاردكەت و ناهێتە گوهورین، هەروەكى چاوا ئەو رێسایە لە سیستەمى ئاشكرا كاردكەت هەروەسا ئەو رێسایە ل سیستەمێ نە پەنى ژى كاردكەت و ڤێجا ئەو كەسێ ل دویف حەقیێ دگەریت ب كێمی دێ دەست ژ بیروباوەرێن بەری نوكە یێن خەلەت بەردەت و ب پشتراستیڤە دێ حەقیێ بینیت، بەلێ ئەگەر ئەوى ژبەری نوكە د دلێ خودا بریاردابیت و دلێ خو گرێ دابیت و ب كەرب وعینادێ چ پێنەڤێت ب پشتراستیڤە دێ یێ كەرب گرتى بیت و نوورێن فیترەتی لنك وی دێ بێهێز بن و دلێ وی دێ رەشبیت، ڤیجا نابیتە مروڤەكێ سەركەفتی د ژێكجوداكرنا حەقیێ ژ باتڵیێدا. لەوا ژبوو بدەستڤە ئینانا پاكیێ وهیدایەتێ ژنك خودایێ مەزن,ژبلى ڤێ چەندێ مروڤی چ چارە نینن ژبلی هندێ كو خو پاك بكەت، مەبەست پێ ئەوە مروڤ خو دوویر بێخێت ژ كەرب وكینێ وچجار ژى پێ نەهێتە خاپاندن و خو رزگاربكەت، چ گومان تێدا نینە ئەو كەسە بانگێشێ دكەت كو ل دویف حەقیێ و راستیێ دگەریت، بەلێ د ناخێ خو دا بریار یا دایى بنەمایێن ئاینەكێ دیاركری راست و دروستن لنك وى، هوسا ئەو كەسە داخازا دنیایێ دكەت و خو دخاپینیت و ژناڤدبەت ژبەر سەركەفتنا یان شكەستنا د دنیایێدا. لەوا نەشێم رازیبم بێژم كو ئەوى باوەری ب خودێ هەیە، بەلكو وەسا دبینم ئەوكەسە مولحدە، ئەو دلێ پاك گوهێ خو نادەتە لومەكارا و پەشێمان نابیت و شەرم ناكەت ژ قەبیلكرنێ و ئەڤە ئەو دلەیە یێ حەقییێ دبینیت و وەكى وێ و روناهیا خودایێ مەزن بوو سەر ڤان جورە دلا دھێنەخار، بزانن چجارا خودایێ مەزن دەست ژ وان مروڤا نا بەردت یێن ل دویف خودێ دا دگەرن، و ئەو (عز وجل) د راستیێدا یێ هەی، و هەروەك هەر دەم دبێژت “ئەز یێ هەیم” ب هەمان شێوە نوكەژی دبێژت. هەروەكی وەحی ئینایەخار بو سەر مەسیح (علیه السلام)، ب هەمان شێوە دێ ئینتەخار لسەر منژی، د راستیێدا ئەز راستیێ دبێژم و ئەڤە نە بانگێشەكا پیچە، بەلكو چەندین بەلگەیێن ئاشكرا دگەلدانە، ئەو خودایێ هەردەم هەىى ود ئاخفت بێگومان نوكەژی یێ هەی، و نوكەژی ب ئاخفتنێن خو جیهان یێ هەمى رونكری”.
مەسیحێ ژڤاندار (علیه السلام)، كتێبا (الملفوظات، بەرگێ دووێ، لا 451_452)