هەڕفاندنا پێبەرزووكێت (شـُبـُهات) ژییانا مەسیحێ عیسایێ كوڕێ مریەمێ (سلاڤێت خودێ لسەر بن)
گرووڤێ ئێكێ:-
{وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ وَإِنَّ الَّذِينَ اخْتَلَفُوا فِيهِ لَفِي شَكٍّ مِنْهُ مَا لَهُمْ بِهِ مِنْ عِلْمٍ إِلَّا اتِّبَاعَ الظَّنِّ وَمَا قَتَلُوهُ يَقِينًا (*) بَلْ رَفَعَهُ اللَّهُ إِلَيْهِ وَكَانَ اللَّهُ عَزِيزًا حَكِيمًا (*)} ئانكو: ((و گووتنا وان، مە، مەسیح عیسایێ كوڕێ مریەمێ، هنارتی یێ خودێ، یێ كوشتی. لێ وان نە كوشتی یە و نە خاچ دایە لێ لبەر وان بەرزەبوو، و ئەوێت هزرێت جودا لسەر هەین، یێت د گوومانێ دا، و ژبلی گوومانا چ ژ وی نوزانن، مسووگەر وان نەكوشتی یە (*) لێ خودێ بەرەف خو بلند كر و خودێ خودانێ سەرفەرازیێ و زانینێ یە)) (سورەتا النساء: 158_159)
ئەو دبێژن:- و ئەوێ نە هاتیە كوشتن و خاچ دان تاكو نوكە یێ زیندی یە.
بەرسف:
تشتێت ژ هەمیا حێبەتی تر ئەوە كو بەحسی ئێكی بێتە كرن و بێژن ئەو نەمریە و یێ زیندی یە چونكو نەهاتیە كوشتن و نە هاتیە خاچ دان، ما ڕێیێت مرنێ بتنێ كوشتن و خاچدانن؟؟!! نە، ڕێیێت دی ژی یێت هەین بو مرنێ وەكی ئێشا و ڕێیێت دی، ڕاستی ئەوە كو مەسیح نە هاتیە بلندكرن بلەش ڤە بەرەف عەسمانا، و كەس پیًش ویڤە نە هاتە خاچدان، لێ ئەو هاتە خاچدان و خو لبەر دەردەسەریێت خاچێ گرت و گەلەك هاتە ئێشان، و دەمێ ژ خاچێ ئینایە خوارێ، یێ دلگرتی بوو، و یا ژ هندەكا ڤە یێ مری! و پشتی هشیار بووی، و ژ وی جهی دەركەتی ئەوێ بەری هنگی دانا یە وێرێ، و بنەپەنی ڤە ما لوی ووڵاتی تاكو كووچ كریە ووڵاتێت ڕۆژهەلاتێ، و قوناغا وی یا دیماهیێ وارێ كە شمیر بوو، و لوێرێ یێ مری و هاتیە ڤەشارتن و تاكو نوكە سەرا گۆڕێ وی د دەن، و بلندكرنا وی بەرەف خودێ، یا ئاشكرایە كو خودێ د جهوكی دا یێ توخیب كری نینە، دا كو بێژن عیسا (سلاڤێت خودێ لسەر بن) بو وی جهی بلندكر، ئەو بلند كرن یا بهایێ و پایێ یە، نە یا لەشی یە.
گرووڤێ دووێ:
ئەو دبێژن:- مەسیح (سلاڤێت خودێ لسەر بن) دێ نێزیكی ڕۆژا ڕابوونێ ژ عەسمانا هێتە خوارێ، و دبێژن ئەڤ هەڤووكا پیرووز گڕۆڤێ مە یە، خودێ یێ مەزنتر دبێژیت {وَإِنَّهُ لَعِلْمٌ لِلسَّاعَةِ فَلَا تَمْتَرُنَّ بِهَا وَاتَّبِعُونِ هَذَا صِرَاطٌ مُسْتَقِيمٌ} ئانكو: ((ئەو زانینە بو ڕۆژا ڕابوونێ، ڤێجا گوومانا ژ هاتنا وێ نە بە، و بدیف من بكەڤن، ئەڤە شووپەكا راستە)) (سورەتا الزخرف: 62)
بەرسڤ:-
ئەڤ هەڤووكا پیرووز لسەر ژیانا عیسای و هاتنە خوارا وی ژ عەسمانا نا ئاخڤیت. چونكو خودێ یێ مەزنتر گووت ((ئەو زانینا ڕۆژا ڕابوونێ یە)) و نە گووت ((دێ بیتە زانینا ڕۆژا ڕابوونێ))، ئانكو دەمێ ئەو یێ پەیدا ئەو زانینا روژا رابوونێ بوو، نە ل پاشەروژێ، چونكو ئەگەر هۆسا با، چێ نە د بوو خودێ گووت با بێ باوەرا ((گوومانێ ژێ نە بەن و بدیف من بكەڤن، ئەڤە شووپەكا ڕاستە)) چونكو ئەو تشتێ چێ نە بووی، دێ چەوا بیتە گڕۆڤە بو گوومانژێبریا؟!
گرووڤێ سیێ:-
{وَيُكَلِّمُ النَّاسَ فِي الْمَهْدِ وَكَهْلًا وَمِنَ الصَّالِحِينَ} ئانكو: ((دلانكێ دا و د پیراتیێ دا دگەل مرووڤا د ئاخڤیت و ژ چاكانە)) (سوورەتا آل عمران: 47)
شرووڤەكارا ئەڤ هەڤووكا پیرووز كرە گڕۆڤە، كو مەسیح دێ ژ عەسمانا هێتە خوارێ، د بێژن دەمێ ئەو ژێهەل بریە عەسمانا ژییێ وی (33) ساڵ بوون و پیر نە ب بوو، پشتی ژ عەسمانا دهێتە خوار پاشی دێ پیر بیت.
بەرسڤ:
ئەڤ گووتنە ژ لایێ زمانی ڤە نە یا درستە، چونكو د زمانێ عەرەبیێ دا، هەر ژ ژییێ (30) سالیێ تاكو پێنجی سالیێ دبێژنێ پیرەمێر (المنجد)، ڤێجا هۆسا مەسیح (سلاڤێت خودێ لسەر بن) گەهشت بوو پیراتیێ، لدیف گووتنێت شرووڤەكارا ئەو پتر ژ (30) سالا ل ڤێ جیهانێ یێ ژییای، و ژ بەر ڤێ چەندێ ئەو نا زڤریتە ڤێ جیهانێ ڤە، و یا د ئاخفتنێت گراڤی یێت پێغەمبەری دا هاتی، ژ عائیشایێ (خودێ ژێ رازی) كو دەمێ هنارتی یێ خودێ (سلاڤێت خودێ لسەر بن) یێ نە خووش ب نە خووشیا مرنێ گووتە فاتیمایێ ((عیسایێ كورێ مریەمێ (120) سالا ژییا بوو، و ئەز یێ دبینم دێ گەهمە سەرێ شێستێ)) (كنز العمال ج 60 ص 120) و (تەبەرانی) و (حاكمی) ژی ب ژێوەرگر ێت زەلامێت باوەر پێكری یا نڤیسی، و پەیڤا (مرووڤ) د ڤێ هەڤووكا پیرووز دا ئانكویا مللەتێ وی د دەت، نە هەر مللەتەك و ب ئاشكرایی خودێ مەزنتر لسەر ڤێ مژارێ دئاخڤیت و دبێژیت ((و هنارتی یە بو مللەتێ ئیسرائیل)) ئانكو چ جارا بو مللەتێ محەمەدی ناهێت.
گرووڤێ چارێ:-
خودێ یێ مەزنتر دبێژیت {وَإِنْ مِنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ وَيَوْمَ الْقِيَامَةِ يَكُونُ عَلَيْهِمْ شَهِيدًا} ئانكو: ((و مللەتێت خودانێت پەرتووكێت عەسمانی هەین، بەری ئەو بمرن، دێ هەر باوەریێ پێ ئینن و ل ڕۆژا دیماهیێ دێ بیتە دیدەڤان لسەر وان)) (سوورەتا النساء: 160). و د ئاخفتنا گراڤی دا یا هاتی ((ژ بابێ هورەیرە (خودێ ژێ رازی) گووت هنارتی یێ خودێ (سلاڤێت خودێ لسەر بن) گووت:- ئەز ب وی كەمە یێ جانێ من ددەستێ وی دا گەلەك نە مایە دێ كوڕێ مریەمێ وەك بڕیاردەرەكێ ب داد، هێتە دناڤ هەوە دا، و دێ خاچێ شكێنیت و بەڕازی كوژیت و خویكێ ڕاكەت و دێ پارە هۆسا مشە بن كو كەسێ نەڤێن، دێ وەلێ ئێت كو خوچەماندنەك بو خودێ، جیهانێ و هەمی تشتێت لسەر، بینیت)) (پەرتووكا بوخاری – ج2 – مژارا –هاتنە خوارا عیسایێ كورێ مریەمێ).
بەرسڤ:-
و شرووڤەكرنا درست یا ڤێ هەڤووكا پیرووز – ئەوا هەمی ژیردار باوەریێ پێ دئینیت – ئەڤەیە:- مللەتێت خودانێت پەرتووكێت عەسمانی هەین، بەری ئەو بمرن دێ باوەریێ ب مرنا عیسای ئینن، نە بەری عیسا (سلاڤێت خودێ لسەر بن) بمریت، جوهی باوەردكەن كو یێ هاتیە كوشتن، دا بسەلمینن كو ئەو درەوكەر و نفرینلێكری بوو (خودێ نە كەت) و چ هەڤپەندی دگەل خودێ مەزنتر نە بوو، و باوەریا مەسیحیا ژی ئەوە كو یێ لسەر خاچێ مری، دا بسەلمینن كو ئەو یێ بوویە گووریكەر و نفرینلێكەر داكو وان ژ گوننەهێت وان و نفرینییا دەستووری قورتال كەت، و ئەگەر باوەریێ ب ڤێ باوەریا پیچ نە ئینن، ئەو نە جوی یە و نە مەسیحیە، و مەسیح (سلاڤێت خودێ لسەر بن) دێ وان درەوین دەرێخیت و دێ بیتە دیدەڤان لسەر وان، نە بو وان. چونكو ئەڤ بیرووباوەریا وان بەرووڤاژی ڕاستییێ یە و یا لسەر هزرێ هاتیە ئاڤاكرن نە لسەر تشتێت مسووگەر، و ژبەر ڤێ چەندێ خودێ مەزنتر گووت ((وان نە كوشت و نە خاچدا لێ راستی لبەر وان بەرزە بوو، و ئەوێت پێكنەكری ژبەر وی، لسەر وی ب گوومانن)) (النساء 158) ئەها بڤێ چەندێ خودێ مەزنتر گوننە‌‌‌ه و نفرینی لسەر ڕاكر ن، و ئەو ژ گووتگووتكێت جوهیا و مەسیحیا پاقژ كر و كرە مرووڤەكێ پاقژكار..
گرووڤێ پێنجێ:-
ئەو دبێژن: – پەیڤا هاتنا خوارێ بو هاتنا مەسیحی د ئاخفتنیت گراڤی دا یا هاتی، ژ بەر ڤێ چەندێ ئەو دێ ژ عەسمانی ئێتە خوار.
بەرسڤ:-
ئێك:- پشتی هاتیە سەلماندن ب رێیا قوڕئانێ و ئاخفتنێت گراڤیێت پێغەمبەری، كو مەسیح یێ مری، و مری چ جارا نا زڤرنە جیهانێ ڤە، ژ بەر ڤێ چەندێ نا چێبیت مرووڤ پەیڤا هاتنا خوارێ ب رامانا -هاتنا خوارێ ب لەشی ژ عەسمانی -وەرگریت.
دوو:- پەیڤا هاتنا خوارێ بو درەوكاری ژ یا هاتیە ب كارئینان، چەوا د پەرتووكا بوخاری دا هاتی ((دێ درەوكار ئێتە خوار و نە شێت بچیتە د باژێرێ مەدینێ دا)) پەرتووكا بوخاری پەرتووكا حەجێ. ما دێ درەوكار ژی ژ عەسمانی هێتە خوار؟؟
سێ:- هەرووسا ئەڤ پەیڤە بو (مەهدی) ی ژی یا هاتییە بكارئینان، ما مەهدی ژی دێ ژ عەسمانا هێتە خوار؟! موسولمانا باوەریا هەی كو دێ ژ دایك و بابێت خو بیت، د ئاخفتنێت گراڤی یێت پێغەمبەری دا یا هاتی ((بابێ هۆڕەیرە دبێژیت:- دێ ئێتە خوارێ و دێ چل سالا لسەر ئەردی ژیت)) (النهایة لابن الاثیر – پشكا ئێكێ – 14 -). و بعەرەبی دبێژن (ئەز هاتمە خوارێ لدەف فلانی و بو مە مێڤان لدەف) و ئەگەر خانیێ وی كەسی ل قاتێ دەهێ ژی بیت و ئەز ژێهەل ل قاتێ حەفتێ بچمە دەف وی كەسێ ئەز بوویمە مێڤان لدەف، هەر دێ بێژم هاتمە خوارێ لدەف وی!
مەرەما وان ژ هاتنە خوارێ یا عیسای (سلاڤێت خودێ لسەر بن)، هاتنا زەلامەكێ دیە ژ مللەتێ محەمەدی ب سالووخەتێت خو و ب كاودانێت ئەو تێدا بووری وەكی عیسایێ كورێ مریەمێ یە، و ئەڤە بدرستی ل گوندێ (قادیان) ل دەڤەرا (پەنجاب) ل هندستانێ بناڤێ ئەحمەد، مەسیحێ ژڤاندار (سلاڤێت خودێ لسەر بن) پەیدا بوو.