СЕНЕГАЛ РЕСПУБЛИКАСЫНДА АХМАДИЯ МУСУЛМАН ЖАМААТЫ АЧКАН «МАХМУД» АТТУУ ЖАҢЫ МЕЧИТТИН АЧЫЛУУ АЗЕМИ
Алла Тааланын ырайымы жана колдоосу менен Сенегалдагы Ахмадия Мусулман Жамааты Каолак аймагындагы Латминге жамаатында кооз мечиттин курулушун бүтүрдү. Аль-Хамдулиллаахи алаа заалик!
Латминге жамаатыбыз Сенегалдагы эң байыркы жамааттарыбыздын бири болуп саналат, анда биздин каршылаштарыбыз жыл сайын биздин Жамаатыбызга каршы конференция өткөрүшөт. Биздин оппоненттерибиз тарабынан жаратылган жагымсыз шарттарга жана кутумдарга карабастан, Жамаат мүчөлөрү өздөрүнүн ишениминде гана бекем болбостон, алар каржылык курмандыкка да активдүү катышуучулар.
Алла Тааланын ырайымы жана колдоосу менен Жамаатыбыз бул айылга бир гектарга жакын аянтка жаңы мечит куруп, жабылган жери 260 чарчы метрди түзөт. Ал Латминге кыштагынан чыгаарда жана башка бир нече жакынкы айылдарга баруучу жолдо бийик жерде жайгашкан. Мечит ар бир өткөн адамдын жүрөгүн багынткан бийик, ак жана алтын түстөгү мунаралары менен алыстан кооз көрүнүштү тартуулайт. Бул мечит архитектурасы жагынан да уникалдуу, аны колдоочуларыбыз да, каршылаштарыбыз да моюндашкан. Мечиттин курулуш иштери 2023-жылдын март айында Жамаатыбыздын дааватчысы жана Каулктун аймактык миссионери Кашыф Жавид мырзанын көзөмөлүндө башталып, Алланын ырайымы менен 2023-жылдын ноябрь айынын биринчи жумасында бүткөрүлдү.
Азирети Имам Махдий алайхиссаламдын 5-халифасы Азирети Мырза Масрур Ахмад (Аллах Таала аны улуу жеңиши менен колдосун) мечитке «Махмуд мечити» деген ысым ыйгарган. Жума күнү, 2023-жылдын 10-ноябрында Сенегалдагы Ахмадия Мусулман Жамаатынын Амири жана миссионерлердин төрагасы Насир Ахмад Сидху мырза аймактын имамдары жана аймактык Амила мүчөлөрү менен бирге лентаны кесип, дуба менен мечитти ачышты. Андан соң улуу урматтуу Амир жума намазына имамчылык кылды. Жума кутбасында мечиттин максаттарын жана укуктарын түшүндүрүп, мечиттер ар бир адам үчүн тынчтыктын жана бейпилдиктин жайы экенин айтты.
Ачылыш аземине жакынкы айылдардын жашоочуларынан тышкары, башка аймактардан келген Жамаатыбыз дааватчылары жана мүчөлөрү да катышты. Бул куттуу окуяга байланыштуу жума намаздан кийин Сенегалдагы Жамаатыбыздын Амири мечиттин короосуна көчөт отургузуп, дуба кылды. Андан соң келген конокторго тамак берилди.
Бул мечитти курууга кеткен чыгымды Мырза Исмаил бег (азыр Канаданын Торонто шаарында жашайт) ата-энеси Мырза Яъкуб бег маркум, Зубдатун-Ниса айым жана өз жубайы Асифа Бегам айымдын аттарынан көтөргөн. Урматтуу Мырза Исмаил Бег Гожра шаарынын ыкластуу Ахмадий үй-бүлөсүнө таандык. Бардык үй-бүлө мүчөлөрү Ахмадия Халифатын катуу сүйүүчү адамдар. Аллах Таала алардын урпактарына да Ахмадия Халифаты менен ынак мамиледе болууну насип кылсын. Оомийин!