Луѓе со извонредни особини

По проучениот шехадет, та‘уза и сура Ал-Фатиха, хазрети Халифа-тул Месих V (нека Аллах биде негов помагач) рече:

На последната џума зборував за асхабата хазрети Хилал Бин Умејјах р.а.. Поврзано со него зборував за битката на Табук а дека Хазрети Хилал р.а. бил еден од тројцата асхаби кои не учествувале во таа битка.

Кога Чесниот Пратеник Мухаммед с.а.в.с. се вратил од битката го изразил своето големо незадоволство кон нив и им определил казна поради тоа.

Тројцата асхаби биле видливо вознемирени поради ова и многу се молеле на Семоќниот Аллах за прошка и правеле истгхфар (барање прошка) и тевба (покајание) сè додека нивното покајание не било прифатено.

Возвишениот Аллах објавил ајет во врска со нивните прошки. Хазрети Хилал р.а. бил помеѓу овие три асхаби. Што се однесува до таа битка спомнато е дека многу асхаби принесувале големи жртви пти подготовките за таа битка.

Во Медина биле одредени поединци кои биле лицемери, не учествувале во оваа битка и давале лажни изјави и изговори пред Чесниот Пратеник Мухаммед с.а.в.с..

Еден од таквите бил Џадд бин Кеис. Чесниот Пратеник Мухаммед с.а.в.с. го прашал дали ќе им се придружи во борбата против Римските снаги. Тој рекол дека нема да учествува во борбата со изговор дека има големи одговорности кон жените во семејството и дека се соочува со други големи проблеми. После таквите изговори Чесниот Пратеник с.а.в.с. му дал дозвола да остане дома.

Поради овој инцидент објавен е следниот ајет:

„А меѓу нив е и оној кој кажува: ’Дај ми дозвола и немој да ме ставаш во искушение.‘ Пазете! Тие веќе паднале под искушение. А, навистина, Џехеннемот ќе ги опфати неверениците.“    

(9:49)