مرنا مەسیحێ كوڕێ مریەمێ (سلاڤ لسەر بن)
ژ سەیرترین بیرووباوەریێت دناڤ موسولمانا دا بەلاڤ بووین، و یا ژ هەمیا كۆمباخ تر بو موسولمانەتیێ و پێغەمبەرێ وێ هێژایێ مە (محەمەد سلاڤێت خودێ لسەر بن)، ئەو بیرووباوەرە ئەوا لسەر ژییانا عیسایێ كوڕێ مریەمێ (سلاڤ لسەربن)
ل عەسمانا دكەت. ئەڤ بیرووباوەرە ژ مەسیحیاتیێ هاتە دناڤ موسلمانەتیێ دا و زوی دناڤ دا بەڵاڤ بوو، ئەو ژی ژبەر شاشیەكا دی ئەوا هندەك زانایێت موسلمان كەتینێ… لبەر زانایا ڕاستی بەرزەبوو، ژ بەر نە تێنەگەهشتنا وان بو وان ئاخفتنێت گراڤی یێت پێغەمبەری ئەوێت لسەر هاتنە خوارا مەسیحی دكەن ل ڕۆژا دیماهیێ، هزردكەن كو مەسیح ژێهەل یێ چوویە عەسمانا و یێ ل وێرێ دژیت، ئەڤە ئەگەر بوو كو ب شاشی هزركەن و بێژن دێ ژ عەسامانا هێتە خوارێ.
چوونا مەسیحی بەرەف عەسمانا و ژیانا وی لوێرێ و هاتنە خوارا وی، دقورئانا مەردین دا و د ئاخفتنێت پێغەمبەری یێت گراڤی دا لسەر ڤی بابەتی چ گروڤە نە هاتینە، یا ژ هندەك زانایا ڤە دەمێ ڕژدی یێ لسەر ژیانا مەسیحی (سلاڤ لسەر بن) لعە سمانا دكەن، ئەو هوِسا بەرەڤانیێ ژ موسلمانەتیێ و ئاخفتنێت پێغەمبەری یێت گراڤی و ژ راستگووییا وان دكەن، و هوسا دەلیڤەكێ دهێلن كو لداویا دەمی مەسیح بێتە خوارێ، لێ بڕاستی وان ئەڤ تێگەهە ژ جەم خو چێكر، و ئەڤ تێگەهە بو مەترسیەك لسەر موسلمانەتیێ. كارتێكرنا ڤێ شاشیێ لسەر موسلمانا یا توخیبدار و لاواز بوو، دەمێ سەركەفتن و بەڵاڤ بوونا مەسیحیا لبن سیبەرا داگیركرنا ڕۆژئاڤا هاتی مەترسییا ڤێ شاشیێ مەزن بوو، چونكو ژیانا عیسای (سلاڤ لسەر بن) و بلندكرنا وی بو عەسمانا و ژیانا وی ل وێرێ، ئەڤ هەردوو بیرووكە دوو چەكێت بهێزبوون ددەستێت وان قەشادا ئەوێت دەست ب بەلاڤ كرنا مەسیحیاتییێ كرین، لدەسپێكێ شیان هەژمارەكا مەزن ژ موسلمانێت نەزان و بتایبەتی ل هندێ بو خۆ بكێشن، و وان پێبەرزووك هلدئێخستن و دگووتن عیسا (سلاڤ لسەر بن) چێ ترە ژ محەمەد (سلاڤێت خودێ لسەر بن) و عیسا خوداڤەندە كێ زندی یە ل عەسمانا، چونكو مرووڤ نە شێن ل عەسمانا بژ ین یان ئافراندنێ بكەن یان مریا زندی بكەن، و هۆسا ئەڤ شاشی یە بۆ شاهمارەك و حەزدكر موسولمانەتیێ داعویریت.
ڕێزدارێ شەنگستڤان ڤێ مژارێ دبێژیت (لدەسپێكێ مژارا ژیانا عیسای وەكی هەر شاشیەكێ بوو، لێ ئەڤروو ئەڤ شاشی یە یا بوویە شاهمار و حەزدكەت موسلمانەتیێ داعویریت… ژ وی دەمێ مەسیحیاتی دەركەتی، و وان ژیانا مەسیحی كریە گرۆڤەكێ مەزن و بهێز لسەر خوداڤەندی یا وی،
وێ گاڤێ ئەڤ هزرە بو تشتەكێ بمەترسی، ئەو ڤی تشتی بهێز دبێژن و دوبارە دكەن، دبێژن ئەگەر خوداڤەند نە با، پا چەوا دێ زندی چیتە عەسمانا و دێ لسەر تەختێ خودێنی یێ ڕوینیت؟؟ و ئەگەر مرووڤا شییا با بچنە عەسمانا، بووچی ژ مرووڤا، هەر ژ ئادەمی تاكو نوكە، كەسێ دی نە چوویە عەسمانا؟؟؟
نوكە موسولمانەتی یا لاوازەو هەر یا دكەڤیت، و مەسیحییا دوزا ژیانا مەسیحی یا كریە ئەو چەك ئەوێ پێ هێرش دكەنە سەر موسولمانەتیێ، و ژبەر ڤێ چیڕۆكێ ئەڤروو دویندەها موسلمانا یا بوویە نێچیرا مەسیحیاتیێ، و خودێ حەزكر نوكە موسلمانا هشیار كەت (الملفوظات، ج8، ص337_345)
گروڤەیێت قورئانێ لسەر مرنا مەسیحی (سلاڤ لسەر بن)
هەڤووكا پیرووز یا ئێكێ:
{وَكُنْتُ عَلَيْهِمْ شَهِيدًا مَا دُمْتُ فِيهِمْ فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ وَأَنْتَ عَلَى كُلِّ شَيْءٍ شَهِيدٌ} (المائدة 118).
((ئەز دیدەڤان بووم لسەر وان هندی ئەز دناڤ وان دا، لێ دەمێ تە ئەز مراندیم چاڤێ تە ل وان بوو، و تو دیدەڤانی ل سەر هەمی تشتا)) سورەتا مائدە 118. قورئانا مەردین بئاشكرایی دبێژیت كو مەسیحی مللەتێ خو ب مرنێ یێ هێلای، و ئەو ژ وێ ڕۆژێ وەرە نوزانیت چ ل مللەتێ وی هاتیە، و نوزانیت كو وان ئەو یێ كریە خوداڤەند بو خو، خودێ مەزنتر دێ ل ڕۆژا ڕابوونێ پسیارا عیسای (سلاڤێت لسەر بن) كەت و بێژیتێ:- ژ بەر چ مرووڤا تو بو خو كریە خوداڤەند؟ دێ بەرسڤ دەت و بێژیت:- من فەرمان ل وان كر بوو كو بتنێ خودێ ب پەڕێسن.
ئانكو ئەو نوزانیت پشتی مرنا وی چ چێ بوو یە و چ ژ پەڕستنا مرووڤا بو وی نوزانیت، و ئەگەر ئەم بێژین دێ عیسا (سلاڤێت لسەر بن) جارەكا دی ئێتە خوارێ ڤە، هوسا بەرسڤا وی دێ یا نە درست بیت، چونكو دەمێ ئەو د هێتە جیهانێ، دێ زانیت كا مللەتێ وی چ كریە، و دێ هیامەكێ چاڤێ وی ل مللەتێ وی بیت، پا ڤێجا چەوا دێ ڕۆژا ڕابوونێ هۆسا بەرسڤا خودێ مەزنتر دەت؟!
و هنارتی یێ مە ژی محەمەد (سلاڤێت خودێ لسەر بن) ئەڤ هەڤووكا پیرووز كرە گرووڤە ل سەر هەر ئەڤێ مژارێ، دەمێ لسەر روژا رابوونێ د ئاخفت، گووت:- ((هەڤاڵێت من ژ لایێ ڕاست و چەپ دبەن……ئەز دبێژم هەڤاڵێت من؟! دبێژنە من:- ئەڤە تە ئەو هێلاین ئەو یێ ل پاش خو دزڤڕن، ئەز ژی وێ دبێژم ئەوا عیسایێ كوڕێ مریەمێ (كوولەیێ چاك) گووتی:- ئەز دیدەڤان بووم لسەر وان هندی ئەز دناڤ وان دا بووم، و دەمێ تە ئەز مراندیم… تاكو دگەهیتە گووتنا خودێ مەزنتر، ئەوە یێ خوشتڤی و زاناتر. محەمەدێ كورێ یوسڤی ژ بابێ عەبدلای ژ قەبیسەی گووت بوو:- ئەو پاشڤەگەرن(المرتدین) ئەوێت ل دەمێ ئەبو بەكری پاشڤەگەرین و ئەبو بەكری (سلاڤێت خودێ لسەر بن) جەنگ دگەل وان كر. (پەرتووكا بوخاری).
هەڤووكا پیرووز یا دووێ:-
{إِذْ قَالَ اللَّهُ يَاعِيسَى إِنِّي مُتَوَفِّيكَ وَرَافِعُكَ إِلَيَّ وَمُطَهِّرُكَ مِنَ الَّذِينَ كَفَرُوا وَجَاعِلُ الَّذِينَ اتَّبَعُوكَ فَوْقَ الَّذِينَ كَفَرُوا إِلَى يَوْمِ الْقِيَامَةِ} ئانكو: ((خودێ گووت عیسا دێ تە مرینم و بەرەف خو بلند كەم و دێ تە ژ وان پاقژ كەم ئەوێت باوەری ب تە نە ئیناین، و ئەوێت بدیڤ تەكەتین دێ لسەر وان ئێخین ئەوێت باوەری بتە نەئیناین، تاكو ڕۆژا ڕابوونێ)) (سورەتا آل عمران: 56)
ئەگەر كارێ (التَّوَفّي) لسەر سەنگییا (التَّفَعُّل) بیت و ئەگەر كارڤان (الفاعل) خودێ بیت یان ئێك ژ فریشتەیێت وی بیت و ئەوێ هاتیە مراندن خودان جان بیت و ئەگەر چ سەدەم نەبن كو ڕامانا وێ بگوهۆڕیت، بو نموونە وەكی خەونێ یان شەڤێ، ئەڤێ هەڤووكێ چ ڕامانێت دی نابن ژ بلی مرنێ و وەرگرتنا جانی،…..چ گروڤە د قورئانا مەردیندا و دئاخفتنێت گراڤی یێت پێغەمبەری دا و د زمانێ عەرەبی دا و د پەرتووكێت هوزانڤانێت عەرەب دا نینن، كو ئەڤ لێكدانە د زمانێ عەرەبی دا ڕامانەكا دی ژ بلی مرنێ بدەت، و ئەڤ لێكدانە چ جارا ب ڕامانا بلندكرنا لەشی بو عەسمانا نەهاتیە.
گروڤەیا پیرووز یا سیێ:-
{وَالَّذِينَ يَدْعُونَ مِنْ دُونِ اللَّهِ لَا يَخْلُقُونَ شَيْئًا وَهُمْ يُخْلَقُونَ (*) أَمْوَاتٌ غَيْرُ أَحْيَاءٍ وَمَا يَشْعُرُونَ أَيَّانَ يُبْعَثُون} ئانكو: ((ئەوێت داخوازێ ژ بلی خودێ ژ هندەكێت دی دكەن، ئەو چ نا ئافرینن و ئەو دهێنە ئافراندن، دمرینە ئەو نە دزندینە، و نوزانن كەنگی دێ ڕابنە ڤە)) (سوورەتا النحل: 21_22)
پترترین كەس كو ژبلی خودێ داخوازی ژێ هاتبنە كرن عیسایە، و چ یێ هاتیە پەڕستن و گووتین ئافراندنێ دكەت، خودێ مەزنتر دڤێ هەڤووكا پیرووز دا لسەر وان دئاخڤیت و دبێژیت كو ئەو د مرینە و نە دزیندینە و نوزانن دێ كەنگی ڕابنەڤە.
هەڤووكا پیرووز یا چارێ:-
{وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ} ئانكو: ((محەمەد ژ بلی كو هنارتی یە چ دی نینە، و بەری وی هنارتی هەبووینە و نە ماینە، ڤێجا ئەگەر مر یان هاتە كوشتن، ما دێ ل پاش خو ڤەگەرن؟)) (سوورەتا آل عمران: 145)
و پەیڤا (الخلو) د ڤی جهی دا ژ بلی مرنێ چ ئانكویێت دی نا دەت، و هۆسا د قورئانا مەردین دا و د زمانێ عەرەبی دا گەلەك جارا بڤێ ئانكویێ یا هاتی.
هەڤووكا پیرووز یا پێنجێ:-
{وَالسَّلَامُ عَلَيَّ يَوْمَ وُلِدْتُ وَيَوْمَ أَمُوتُ وَيَوْمَ أُبْعَثُ حَيًّا} ئانكو: ((سلاڤ لسەر من بن، ڕۆژا ئەز بوویم و ڕۆژا ئەز دمرم و ڕۆژا ئەز زیندی ژ مرنێ ڕادبمە ڤە)) (سوورەتا مريم: 34)
وەكی هندەك مرووڤا ئەگەر ئەم بێژین، خودێ مەسیح زیندی بلەشڤە یێ بلند كریە عەسمانا، بێ گوومان ئەو ڕۆژ دا بیتە روژەكا تایبەت ب ویڤە، چونكو یێ بتنێ بوو و چ پێغەمبەرێت دی د گەل نە بوون، و یا گرنگ بوو بەحسی وێ روژێ هاتبا كرن،، لێ تشتێ درست ئەوە كو چیرووكا بلندكرن و برنا وی بو عەسمانا یا چێ كریە، و كا چەوا یەحیا (سلاڤێت لسەر بن) مریە ئەو ژی هۆسا یێ مری، چونكو خودێ لسەر وی دبێژیت “وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا” ئانكو: ((سلاڤ لوی بن، روژا بووی و روژا دێ مریت و روژا دێ زیندی ژناڤ مریا رابیت)) (سوورەتا مریم: 16)
و رابوونا پشتی مرنێ رابوونەكا جانی یە نەیا بلەشی یە، و ئەگەر بێژن عیسا (سلاڤێت لسەر بن) دبێژیت (روژا ئەز دمرم) ئانكویا وێ ئەوە كو دێ لپاشەروژێ مریت، هێشتا نە مریە و یێ زیندی یە، پا ئەگەر هوسا بیت یەحیا پێغەمبەر ژی یێ زیندی یە و نە مریە، چونكو هەر ئەو پەیڤ بو وی ژی یێت هاتینە بكار ئینان.
هەڤووكا پیرووز یا شەشێ:-
{مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلَانِ الطَّعَامَ} ئانكو: ((مەسیحێ كوڕێ مریەمێ ژ بلی كو هنارتی یە چ دی نینە، و بەری وی هنارتی هەبووینە و نە ماینە، و دەیكا وی ژ چاكا بوو و هەردووا خوارن دخوار)) (سوورەتا المائدة: 75)
مەسیح وەكی هەر پێغەمبەرەكێ دی هاتە جیهانێ و كا چەوا ئەو مرن ئەو ژی مر، و نوكە ئەو خوارنێ نا خوت و بەرێ نوكە دخوار، و نە خوارنا مریەمێ گرووڤەیە لسەر مرنا وێ و هۆسا نە خوارنا عیسای ژی گرووڤەیە بو مرنا وی، و مرووڤ نە شێت بێی خوارن بڤی لەشی بژیت، چەوا د وێ هەڤووكا پیرووز دا هاتی ئەوا لسەر پێغەمبەرا دئاخڤیت، دبێژیت {وَمَا جَعَلْنَاهُمْ جَسَدًا لَا يَأْكُلُونَ الطَّعَامَ وَمَا كَانُوا خَالِدِينَ} ئانكو: ((مە بلەشەكێ هۆسا نە چێ كرینە كو خوارنێ نە خون و و د نەمر نە بوون)) (سورەتا الأنبياء: 9)