بەناوی خوای بەخشندەی میهرەبان _ بناڤێ خودێ دلووڤاندارێ دلووڤانکار
لا إله إلا الله محمد رسول الله
پێگەی فەرمی کۆمەڵی ئیسلامی ئەحمەدی,

ڕافڕێكرن (الوحي) نەڕاووستیایە

هندەك دبێژن رافرێكرن پشتی پێغەمبەری یاهاتیە بڕین و خودێ‌ یێ‌ پڕمەزن و بلند دگەل كەسێ‌ نائاخڤیت، لێ‌ ئەڤ هزرە یا شاشە، چونكو رافرێكرن گومانێ‌ و دوو دلیێ رادكەت، و مروڤ خودێ‌ یێ‌ مەزنتر پتر دنیاسیت، و ب رافرێكرنێ‌ دلێ‌ نە تەنا تەنا دبیت، و تێنیا مروڤێ‌ تێنی پێ‌ شكێت، و برین پێ‌ ساخ دبن و دلێن تەنگ پێ‌ فره ه دبن، و خوداڤەندێ‌ راست ب گوهلێ‌ بوونێ‌ و ب بیناهی یێ‌ و ب بەرسڤ دانێ‌، یێ‌ جودایە ژ خوداڤەندێت دی، چونكو خوداڤەندێت دی گوهلێ‌ نابن و نائاخڤن و بەرسڤا كەسێ‌ نادەن، خودێ‌ یی بلندتر دبێژیت {وَمَنْ أَضَلُّ مِمَّنْ يَدْعُو مِنْ دُونِ اللَّهِ مَنْ لَا يَسْتَجِيبُ لَهُ إِلَى يَوْمِ الْقِيَامَةِ وَهُمْ عَنْ دُعَائِهِمْ غَافِلُونَ} ئانكو: ((كی ژ وی سەردا چووی ترە، ئەوێ‌ داخوازێ‌ ژ خودێ‌ نەكەت و ژ وی دكەت یێ‌ كو تاكو روژا رابوونێ‌ بەرسڤا وان نادەت و وان های ژ داخوازا وان نینە)) (الأحقاف: 6)

خودێ‌ یێ‌ مەزنتر دبێژیت: {فَأَخْرَجَ لَهُمْ عِجْلا جَسَدًا لَهُ خُوَارٌ فَقَالُوا هَذَا إِلَهُكُمْ وَإِلَهُ مُوسَى فَنَسِيَ أَفَلا يَرَوْنَ أَلاَّ يَرْجِعُ إِلَيْهِمْ قَوْلا وَلا يَمْلِكُ لَهُمْ ضَرًّا وَلا نَفْعًا} ئانکو

((كەلەخێ‌ گولكەكی بو وان دەرێخست كو عورێن دكر، گووتە وان ئەڤە خوداڤەندێ‌ هەوە و مووسایە، ڤێجا ژ بیركر، ما نا بینن كو بەرسڤا وان نا دەت و باشیێ‌ و نە باشیێ‌ ل وان ناكەت)) طه – 89 – 90

{وَاتَّخَذَ قَوْمُ مُوسَى مِنْ بَعْدِهِ مِنْ حُلِيِّهِمْ عِجْلًا جَسَدًا لَهُ خُوَارٌ أَلَمْ يَرَوْا أَنَّهُ لَا يُكَلِّمُهُمْ وَلَا يَهْدِيهِمْ سَبِيلًا اتَّخَذُوهُ وَكَانُوا ظَالِمِينَ} ئانكو: ((گەلێ‌ مووسای، پشتی وی، ژ زێرێت خو كەلەخەكێ‌ گولكەكێ‌ كو عۆرێن دكر، ژێ‌ چێ‌ كرن، بو خو كرنە خوداڤەند، ما نابینن كو دگەل وان نا ئاخڤیت و چ رێ‌ یا نیشا وان نا دەت، بو خو كرنە خوداڤەند و ئەو د ستەمكار بوون)) (الأعراف: 149)

ئەگەر خودێ‌ داخوازیێت مروڤا ب جهنەئینێت و بەرسڤا وان نە دەت و دگەل نە ئاخڤیت پا جوداهی دناڤبەرا خوداڤەندێ‌ راست و سەنەما دا چی یە؟… و دیسا پێغەمبەری (سلاڤێت خودێ‌ لسەر بن) یا گووتیە مە كو، دەمێ‌ خودێ‌ یێ‌ مەزنتر عیسای ((سلاڤێت خودێ‌ لسەر بن)) دهنێریت دێ‌ رافریكرنیێ‌ بو فرێكەت.” كذلك إذ أوحى الله الى عيسى”

((و هەروەسا دەمێ‌ خودێ‌ رافریكرن بو عیسای فرێكری)) ((صحیح مسلم – بابەتێ‌ درەوكاری و سالوخەتێت وی)) و هوسا پێشڤان و زانایێت مەزن رێكەفتین كو مەسیحێ ژڤاندار دەمێ‌ دئێت، دێ‌ خودێ‌ رافریكرنێ‌ بو فرێكەت.

 ئەو رافریكرن یا هاتیە برین یا یاسادانانێ‌ بوو(وحي الشریعة) نە هەمی رافریكرن، ئالووسی یێ‌ شارەزا یێ‌ بەغدادی دبێژیت (وهندەك دبێژن، رافریكرن بو عیسای دهات… پسیار ژ كورێ‌ حەجەر یێ‌ هەیسەمی لسەر ڤێ‌ مژارێ‌ هاتە كرن، گووت “ئەرێ‌ راستە رافریكرن بو دهات” كا چەوا د ئاخفتنا گراڤی یا پێغەمبەری دا (سلافێت خودێ‌ لسەر بن) دپەرتووكا مسلم دا هاتی…. و دەمێ‌ ئەوێ‌ هوسا خودێ‌ یێ‌ مەزنتر رافرێكر هەی عیسا….ئەو رافریكرن لسەر دەڤێ‌ جبرائیل بوو،و و گووتنا دبێژیت “پشتی من رافرێكرن نینە” نە یا درستە، و ئەو گووتنا دبێژت “پشتی مرنا پێغەمبەر ی (سلاڤێت خودێ لسەر بن) جبرائیل نا ئێتە خوارێ‌ لسەر ئەردی” چ راستی بو نینە. و د بیت (سلاڤێت خودێ‌ لسەر بن) وە گووت بیت مەبەستا وی رافریكرن یا یاسادانانێ‌ بیت (وحي الشریعة) (پەرتووكا روح المعاني پشكا حەفتێ‌ لاپەرێ‌ 65 ێ‌).

هەروەسا رافرێكرن نە یا تایبەتە ب پێغەمبەرا ڤە، هندەك جارا خودێ‌ یێ‌ مەزن دگەل نە پێغەمبەرا ژی دئاخڤیت، خودێ‌ مەزنتر دبێژیت {وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ إِنَّهُ عَلِيٌّ حَكِيمٌ} ئانكو: {خودێ‌ دگەل مروڤا نا ئاخڤیت، ئەگەر ب رێ‌ یا رافرێكرنێ‌ یان لپشت پەردەكی یان دێ‌ هنارتی یەكی هنێریت، و ب ئانەهیا وی و یا وی دڤێت دێ‌ هنێریت} (الشوری: 52) بڤێ‌ هەڤووكا پیروز هاتە سەلماندن كو خودێ‌ یێ‌ مەزنتر بو نە پێغەمبەرا ژی وەكی رێ‌ یێت پێغەمبەرا رافرێ دكەت، چونكو خودێ‌ یێ‌ مەزنتر د هەڤووكا پیروزا مە گووتی دا نە گووت “دگەل پێغەمبەرا” لێ‌ گووت دگەل مروڤا “ڤێجا چ ئەو مروڤ پێغەمبەر بن یان نە، ژ بەر ڤێ‌ چەندێ‌ خودێ‌ مەزنتر بو دەیكا مووسای رافرێكر چەوا د سورەتا (طه) دا دبێژیت {إِذْ أَوْحَيْنَا إِلَى أُمِّكَ مَا يُوحَى} ئانكو: “دەمێ‌ مە بو دایكا تە رافرێكری، ئەوا مە فرێكری” (طه: 39) و بو هەڤالێت عیسا پێغەمبەری (سلاڤێت خودێ‌ لسەر بن) “من بو هەڤالێت عیسا پێغەمبەری رافرێكر كو باوەریێ‌ بمن و ب هنارتی یێ‌ من بینن” (المائدة: 112) و بو مریەمێ‌ {إِذْ قَالَتِ الْمَلَائِكَةُ يَامَرْيَمُ إِنَّ اللَّهَ يُبَشِّرُكِ بِكَلِمَةٍ مِنْهُ اسْمُهُ الْمَسِيحُ} ئانكو: {فریشتا گووتە مریەمێ‌ خودێ‌ ب پەیڤەكێ‌ ژ وی مزگینی یێ‌ ددەتە تە، ناڤێ‌ وی مەسیحە} (آل عمران: 46)

مخابن و سەد مخابن هندەك زانا دبێژن “خودێ‌ مەزنتر بو گەلەك زەلام و ئافرەت و كورێت مللەتێ‌ ئیسرائیل رافرێكر بوو، لێ‌ ئەڤ دەرگەهە یێ‌ ل مللەتێ‌ محەمەدی هاتیە گرتن” ئەگەر هوسا بیت، پا چەوا مللەتێ‌ محەمەدی دێ‌ ژ هەمیا چێ‌ تر و باشتر بیت؟؟ لێ‌ یا درست ئەوە یا قورئانا مەردین دیاركری، كو تاكو هاتنا فریشتا رافرێكرن لسەر باوەردارێت چاك دێ‌ مینیت، خودێ‌ مەزنتر دبێژیت {إِنَّ الَّذِينَ قَالُوا رَبُّنَا اللَّهُ ثُمَّ اسْتَقَامُوا تَتَنَزَّلُ عَلَيْهِمُ الْمَلَائِكَةُ أَلَّا تَخَافُوا وَلَا تَحْزَنُوا وَأَبْشِرُوا بِالْجَنَّةِ الَّتِي كُنْتُمْ تُوعَدُونَ (*) نَحْنُ أَوْلِيَاؤُكُمْ فِي الْحَيَاةِ الدُّنْيَا وَفِي الْآخِرَةِ} ئانكو: “ئەوێت گووتین خودێ‌ سەمیانێ‌ مەیە و خو راست كرین، فریشتە لسەر وان تێنە خوار، و دبێژنە وان نە ترسن و خو پوسیدە نەكەن و دلێ‌ خو ب مزگینی یا بەحشتێ‌ خوش كەن، ئەوا سوز پێ‌ داینە هەوە ئەم پشتەڤانێت هەوەینە دڤێ‌ جیهانێ‌ دا و د روژا دیماهیێ‌ دا” (فصلت: 31-32). هەروەسا یا دیاركری كو خودێ‌ یێ‌ مەزنتر، بەرسڤاداخوازی و لاڤلاڤیێت مە ددەت، لێ‌ ب مەرجەكی ئەم گوهداریا وی بكەین و باوەریێ‌ پێ‌ بینین، چەوا ئەو بخو دبێژیت {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ} ئانكو: “و ئەگەر كوولەیێت من پسیارا من ژ تە كرن، ئەز یێ‌ نێزیكم، بەرسڤا داخواز كاری ددەم ئەگەر داخوازا من كر، بلا گوهێ‌ خو بدەنە من و باوەریێ‌ بمن بینن، بەلكو رێ‌ یێ‌ ببینن” (البقرة: 187)