دیمەنێت كومەلا ئیسلامی یا ئەحمەدی
دیمەنێت كومەلا ئیسلامی یا ئەحمەدی
پێناسەیا كومەلا ئیسلامی یا ئەحمەدی
دەستورێ ب رێڤەبرن و ڕێبەرایەتیكرنا ڤێ كومەلێ
دەستكەفتێن كومەلا ئیسلامی یا ئەحمەدی:
بەلافكرنا قورئانا پیروز و وەرگێران بوو سەر زمانێن جیهانی
ئێكەم ئێستگەهێ كەناڵێ ئاسمانی یێ ئیسلامی یێ جیهانی
ئەڤەژی ناڤێ هندەك ژ گرنگترین وان روژناما و گوڤارانە:
ژێدەرێ خەرجیێن كومەلا ئیسلامی یا ئەحمەدی
نیشان و ئارمانجێن بەیعەتا كومەلا ئیسلامی یا ئەحمەدی
دیمەنێت كومەلا ئیسلامی یا ئەحمەدی
كومەلا ئەحمەدی كومەلەكا ئیسلامی یا نویكاری یا جیهانییە، ل سالا 1889ز ل قادیان هاتیە دامەزراندن، قادیان ئێكە ژ گوندێت هەرێما پەنجابێ ل هندستانێ.
بەرێز میرزا غوڵام ئەحمەدێ قادیانی (سلاڤێن خودێ لسەربن) ب فەرمانا خودایێ مەزن ئەف كومەلە دامەزراند، و راگەهاند ئەو بخو ئەو كەسەیە یێ كو پێغەمبەرێمە موحمەدی (سلاڤێن خودێ لسەربن) مزگینیا هاتنا وی دای ل دوماهیا زەمانی. هەر ئەو كەسەیە ئەڤێ ئاینێن جوراوجور چاڤەرێی هاتنا وینە، هەر ئاینەك لدیف پێشبینی و مزگینی و ناڤێن بو داناین چاڤەرێی هاتنا وینە.
بو نمونە: هندوسی چاڤەرێی هاتنا “كریشنا”ی دكەن،
مەسیحی چاڤەرێی هاتنا “مەسیحی” دكەن.
و بودی چاڤەرێی هاتنا “بودا”ینە و موسلمانژی چاڤەرێی هاتنا “مەهدی و مەسیح”ی نە.
بێگومان بەرێز ئەحمەد (سلاڤێن خودێ لسەربن) یێ رونكری كو پێشبینیێت جوراوجور هەنە دەربارەی هاتنا ڤی كەسی ئەڤێ كو ئایین چاڤەرێی هاتناوینە، و رامانا وێ ئەونینە كو دێ خودایێ مەزن ژ هەر ئاینەكێ كەسەكی فرێكەتن، چونكی ئەڤە كارەكێ نە سروشتیە، و دێ بیتە ئەگەرێ تێكدانەكا زێدەتر، و رامانا وێ چەندێژی نینە كو خودایێ مەزن دێ ڤی كەسی ب ئاینەكێ نوی فرێكەت، نەخێر. چونكی بەری نوكە د قورئانا پیروزدا یێ راگەهاندی كو ئایین لنك خودێ بتنێ ئیسلامە و هەر كەسێ ژ بلی ئیسلامێ ئاینەكێ دی بهەلبژێریت ژێ ناهێتە قەبیلكرن و ل روژا دوماهیێ دێ ژ وان كەسێن خوسارەت هێتە هژمارتن.
بەلكو مەبەست پێ ئەوە كو دناف ئاینێن جیهانێدا دوماهیك ئایین ئیسلامە و خودێ دێ ڤی كەسی ژ ڤی ئاینی فرێكەت.
و بەرێز ئەحمەد (سلاڤێن خودێ لسەربن) سەرنجا مروڤایەتیێ راكێشا بو لایێ ئیسلامێ وەك تاكە رێك بو هیدایەت و رزگاربوون و پێشكەفتنا ماددی و روحی.
چونكی ئاینێن دی هەمیان دەستكاری یا تێدا هاتییەكرن، و لسەر شێوازێ خو یێ رەسەن نەماینە.
خودایێ مەزن مزگینیا ب سەركەفتنا ئیسلامێ ب سەر هەمی ئاینان دایە بەرێزی و ژ ئەگەرێ بانگەوازیا كومەلا وی و بەلاف بونا ڤێ كومەلا ئیسلامێ ل هەمی جهێن دویر یێن ئەردی وەك هێزەكا ئایینی یا روحی. كو بەرگریێ دكەت ژ ڤی ئاینێ پیروزێ ئیسلامێ یێ راست و دروست ژ لایێ جەنگەكا روحانی كو چەكێ وێ پێكهاتیە ژ بەلگە و لوژیكێ و لسەر بنیاتێ قورئانا پیروز و زانستێ ئایینی و ئایەتێن ئاسمانی و فەرمودێن پغەمبەری (سلافێن خودێ لسەربن)
نەكو لسەر بنیاتێ زەبڕ و زەنگ و خوینرێشتنێدا.
و ئەگەر قوربانیدانەك پێدڤی بیت دڤێ رێكێدا دێ یا مال و دەمی بیت.
پێناسەیا كومەلا ئیسلامی یا ئەحمەدی
كومەلا ئیسلامی یا ئەحمەدی كومەلەكا ئایینی یا ئیسلامی یە و دیری سیاسەتێ
ئارمانجا وێ ڤەگەراندنا ئیسلامێ یە بو وێنێ وێ یێ بنچینەی هەر وەك ئەڤا پێغەمبەرێمە موحەممەدی (سلاڤێن خودێ لسەربن) ئینای. و بەلافكرنا ئایینێ پیروزێ ئیسلامێ یە لسەرانسەری جیهانێدا،
هەروەسا ب بەلگێن بهێز و شێوازێ ئاشتیانە ئایینێ پیروز یێ ئیسلامێ بەلافدكەن ل هەمی جیهانێ، و دنوكە دا جوانترین نمونەیە بوو بنیاتێ ئیسلامێ هەروەك ئەڤا پێغەمبەرێ مە موحەممەدی (سلاڤێن خودێ لسەربن) دامەزراندی.
كومەلا ئیسلامی یا ئەحمەدی كاردكەت بوو بەرزكرنا ئاستێ ئایینی و رەوشتی یێ مروڤان و دروستكرنا پەیوەندیێن برایەتی ل ناڤبەرا گەلاندا، و بوو ئینانا ئاشتیێ د جیهانێدا.
قال رسول الله صلى الله عليه وسلم: “لا تقومُ الساعةُ حتى تطلع الشمس من مغربها، فإذا طلعت ورآها الناس آمن الناس أجمعون، فذلك حيث لا ينفع نفسا إيمانها لم تكن آمنت من قبل أو كسبت في إيمانها خيرا.” رواه البخاري ومسلم.
پێغەمبەر سلاڤێن خودێ لسەربن دبێژت:
قیامەت نارابت هەتا روژ ژ روژ ئاڤای نە هەلیت، و هنگی تەوبا هیچ كەسەكی مفای لێناكت.
بلا چ كەس وەسا تێنەگەهت كو دێ د واقعیدا روژ ژ روژئاڤای هەلیت، ژبەركو ئەف بوچونە ب تەمامی دژ و پێچەوانەی قورئانا پیروزە
خودایێ مەزن دبێژت: ﴿فإن الله يأتي بالشمس من المشرق﴾(البقرة:259) ئانكو: بێگومان خودێ روژێ ژ روژهەلاتیڤە دهەلینت.
و هەروەسا دبێژت : ﴿لَا ٱلشَّمۡسُ يَنۢبَغِي لَهَآ أَن تُدۡرِكَ ٱلۡقَمَرَ وَلَا ٱلَّيۡلُ سَابِقُ ٱلنَّهَارِۚ وَكُلّٞ فِي فَلَكٖ يَسۡبَحُونَ﴾
ئانكو: نە بۆ ڕۆژێ دبیت، بگەهیتە هەیڤێ، و نە بۆ شەڤێ ژی دبیت، بەری ڕۆژێ بێت، و هەر ئێك د چەرخا خۆدا دزڤڕیت. (یس:41)
ئەرێ ما لڤینا عەردی دێ گوهوریت، یان روژهلات دێ گوهوریت بو روژئاڤای بەروڤاژی سونەتا خودێ یا بەردەوام.
خودایێ مەزن دبێژت (فَلَن تَجِدَ لِسُنَّتِ ٱللَّهِ تَبۡدِيلٗاۖ وَلَن تَجِدَ لِسُنَّتِ ٱللَّهِ تَحۡوِيلًا)(فاطر:44)
چجارا ناهێتە دیتن یاسا و بەرنامێت خودێ ژ جهێ خو بێنە لادان.
بەلێ نابیت رامانا راست و درست یا فەرمودێ دژ و پێچەوانەی قورئانا پیروزبیت. رامانا درست ئەوە خودایێ مەزن مللەتێن روژئاڤا راستەرێ دكت زڤرینا بەر ب‌ئیسلامێ ڤە، كو ماوەكێ گەلەك دورودرێژە نوقم بوینە د كوفرێ و سەرداچونێ و تاریێ دا وەك توبێژی روژ ژ روژ ئاڤای بهەلیت نە ژ روژ هەلاتی
بەلێ ئەف دەستەواژەیە “ل وێ روژێ تەوبا هیچ كەسەكێ مفای لێناكت”
رامانا وێ ئەوە ئەگەر خەلكێ روژئاڤا كوم كوم هاتنە ناف ئیسلامێ ب تمامی روژ ژ روژئاڤا هەلات، ئەو كەسێن سروشتێ وان دژی ئایینێ ئیسلامێ یە نەڤێن بێنە ناف ئایینێ ئیسلامێ، دەرگەهێ توبێ ل وان دێ ئێتە گرتن و تەوبا وان قبول نابت. ژبەركو ئەڤە گەلەك دیرن ژ رەحما خودێ سەر هندێرا كو رەحما خودێ گەلەكە بەلێ ئەف مروڤێن هەنێ گەلەك دلرەق دبن ب ڕادەكی بو وان نا روخست توبەبكن و ئەف كەسە دبنە ژ خرابترین كەسان هەتا قیامەت بسەر واندا بەرپا دبت و هاتنا مەسیح (علیە السلام) ب تمامی ل روژ ئاڤای روژ هەلات دبت. ژبەركو گەلەك ژ ئەوروپیان هاتنە ناف ئایینێ پیروزێ ئیسلامێ ژبەر كومەلا ئیسلامی یا ئەحمەدی و ژ لایێ كومەلا ئیسلامی یا ئەحمەدیڤە گەلەك بانگخوازهاتنە فرێكرن بو ولاتێن روژئاڤا، بو زڤرینا خەلكێ بوناف ئاینێ راستەقینە یێ ئیسلامێ. و گوڤارا مصری (نور الإسلام) و ل لندن گوڤارا نقد الادیان The Review of Reliions، بەحس دكەن.
و نوكە كومەلا ئەحمەدی گەلەك ناڤەند هەنە ل ولاتین روژئاڤا بو بانگەوازییا ئایینێ راستەقینە یێ ئیسلامێ، وەكی ئەمریكا، بریتانیا، المانیا، سویسرا، اسپانیا، فرنسا، بەلجیكا، هولەندا و گەلەكێن دی.
روژ بو روژێ زێدەتردبن و پتر خەلك دئینە ناف كومەلا ئیسلامی یا ئەحمەدی، كومەكا گەلەك بلەز دگەشێدایە.
دەستورێ ب رێڤەبرن و ڕێبەرایەتیكرنا ڤێ كومەلێ
دەستورێ ب رێڤەبرنا كومەلا ئیسلامی یا ئەحمەدی هەروەك یێ خیلافەتا راشدینە.
ل دەمێ مەسیحێ ژڤاندار (سلاڤێن خودێ لسەربن) ل سالا 1908ز وەفاتكری، خەلیفەیێ ئێكێ حەكیم نورەددین (خودێ ژێ رازیبت) ل سالا (1908-1914) جهێ وی گرتیە. و ل دیف ویدا میرزا بەشیرەددین مەحمود ئەحمەد (خودێ ژێ رازیبت) ل سالا (1914-1965) بویە خەلیڤێ دووێ، و ل دیف ویدا خەلیفێ سیێ میرزا ناصر ئەحمەد هات (خودێ ژێ رازیبیت) ل سالا (1965-1982)، و ل دیف دا خەلیفێ چارێ میرزا تاهر ئەحمەد (خودێ ژێ رازیبت) هات ل سالا (1982-2003) و نوكە ئەم یێ ل سەر دەمێ پیروز یێ خەلیفێ پێنجێ داینە ئەوژی میرزا مەسرور ئەحمەدە (خودایێ مەزن وی سەركەفتی بكەت)
د دەقێن كتێبا خودێ و سونەتا پێغەمبەری (سلاڤێن خودێ لسەربن)دا هاتییە، بەحسێ وێ چەندێ كرینە كو ل سەر دەمێ دوماهیێ دا جارەكادی خودایێ مەزن دێ خیلافەتێ زڤرینتەڤە، و ئەڤەژی مزگینیەكا قورئانێ یە، و ئەڤرو ئەف چەندە ب تنێ د كومەلا ئیسلامی یا ئەحمەدیدا دیارە.
خودایێ مەزن دبێژت: {وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ} (النور: 56)
ئانكو: “ژ هەوە ئەوێت باوەری ئینایین و كار و كریارێت قەنج كرین، خودێ پەیمانا دایییە وان، ل جهێ هندەكێت دیتر ئاكنجی بكەت ل ئەردیدا، هەروەكی یێت بەری وان ل جهێ هندەكێت دیتر ئاكنجی كرین، و دینێ وان ئەوێ خودێ بۆ وان هەلبژارتی دێ سەرفەراز و بنەجهـ كەت، و ترسا وان دێ گوهۆریت و كەتە تەناهی و ئێمناهی، پەرستنا من دكەن و چو هەڤپشكان بۆ من چێ ناكەن، و هەر كەسێ پشتی ڤێ گاور ببیت، ئەو ژ ڕێكا ڕاست ڤەدەر و دەركەڤتینە”.
هەروەسا فەرمودەكا پیروز ژی مزگینیا ڤەگەراندنا خیلافەتێ دایە كو جارەك دی خیلافەتا راشدین ب زڤریتەڤە لسەر دەمێ دوماهیێ دا:
عَنْ حُذَيْفَةَ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: “تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ ثُمَّ يَرْفَعُهَا اللَّهُ تَعَالَى ثُمَّ تَكُونُ خِلَافَةً عَلَى مِنْهَاجِ النُّبُوَّةِ مَا شَاءَ اللَّهُ أَنْ تَكُونَ ثُمَّ يَرْفَعُهَا اللَّهُ تَعَالَى ثُمَّ تَكُونُ مُلْكًا عَاضًّا فَتَكُونُ مَا شَاءَ اللَّهُ أَنْ تَكُونَ ثُمَّ يَرْفَعُهَا اللَّهُ تَعَالَى ثُمَّ تَكُونُ مُلْكًا جَبْرِيَّةً فَيَكُونُ مَا شَاءَ اللَّهُ أَنْ يَكُونَ ثُمَّ يَرْفَعُهَا اللَّهُ تَعَالَى ثُمَّ تَكُونُ خِلَافَةً عَلَى مِنْهَاجِ نُبُوَّةٍ.” ثُمَّ سَكَتَ. (مسند أحمد، نقلا عن مشكاة المصابيح، كتاب الرقاق، باب الإنذار والتحذير)
ئانكو: “ژ حوزەیفی (خودێ ژی رازیبت) گوتی: پێغەمبەرێ خودێ (سلاڤێن خودێ لسەربن) گوت : هندی خودێ بڤێت پێغەمبەر دێ لناف هەوەدا مینت، پاشی خودایێ مەزن دێ راگریت، ڤێجا خیلافەت لسەر بەرنامەیێ پێغەمبەراتیێ ل ناف هەوەدا دێ دروست بیت هندی خودێ بڤێت، پاشی خودایێ مەزن دێ راگریت، ڤێجا فەرمانداریا زوردار دێ پەیدابیت هندی خودێ بڤێت دێ مینیت. پاشی خودایێ مەزن دێ راگریت، ڤێجا خیلافەت لسەر بەرنامەیێ پێغەمبەراتیێ دناف هەوەدا دێ دروست بیت، پاشی بێ دەنگ بوو”.
دەستكەفتێن كومەلا ئیسلامی یا ئەحمەدی:
دروستكرنا مزگەفتنا
بێگومان ئەحمەدیا ب هزارا مزگەفت دروستكرینە ل هەمی ئالیێن جیهانێدا بو بەلافكرن و چەسپاندنا ئایینێ پیروز یێ ئیسلامێ.
ل دەمەكیدا موسلمانان تەمبەلی كرییە د بەلافكرنا ئیسلامێدا ل وان جهان.
وەك نمونەكا بچویك: ئێكەم مزگەفت دروستكرن ل لندن ل سالا 1924زایینی، كو ناڤێ وێ مزگەفتێ “فەزڵ”ە، و ب تنێ خانمێت ئەحمەدی خەرجیا وێ ئێخستنە ستویێ خودا، ئەوژی ب بەخشینا زێر و زیڤێن خو وەك جێبەجێكرنا ڤی ئەركی.
ل ئسپانیا كومەلا ئیسلامی یا ئەحمەد مزگەفتا “البشارة” دروستكرن، ل باژێرێ قورتوبە كو ئێكەم مزگەفتا نوی بوو ل ئسپانیا هاتیە ئاڤاكرن، ئەوژی پشتی دەرچونا موسلمانان 500 سالان و ب دوماهیك هاتنا دەسهەلاتا ئەندەلوسدا.
و ب هزارا مزگەفت هەنە ل ئەفریقیا و ئەوروپا و ئوسترالیا و ئاسیا و ئەمریكادا.
سوپاس بوو خودێ بەردەوام ل زێدەبونێدانە بوو جێگیركرنا ئایینێ پیروز یێ ئیسلامێ.
خودایێ مەزن دبێژت : {فِي بُيُوتٍ أَذِنَ اللَّهُ أَنْ تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ(*) رِجَالٌ لَا تُلْهِيهِمْ تِجَارَةٌ وَلَا بَيْعٌ عَنْ ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ(*) لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُمْ مِنْ فَضْلِهِ وَاللَّهُ يَرْزُقُ مَنْ يَشَاءُ بِغَيْرِ حِسَابٍ(*)} (النور: 37-39)
ئانكو: د مزگەفتاندا ئەو مزگەفتێت خودێ ئەمركری بلند بێنە ئاڤاكرن، و قەدر و ڕێز بۆ بێنە گرتن، و ئایەتێت خودێ تێدا بێنە خواندن، و زكرێ وی تێدا بێتەكرن، و سپێدە و ئێڤاران نڤێژ بۆ تێدا بێنەكرن (*) هندەك زەلام یێت تێدا، بازرگانی و كڕین و فرۆتن، وان ژ زكر و بیرئینانا خودێ و كرنا نڤێژان و دانا زەكاتێ [بێ ئاگەهـ و مژویل] ناكەن، ژ ڕۆژەكێ دترسن [كو ڕۆژا قیامەتێیە] دل و چاڤ تێدا دزڤڕن و ڕاناوەستن (*) دا خودێ ژ كار و كریارێت وان كرین، چێتر وان خەلات بكەت، و كەرەما خۆ بۆ وان پتر لێ بكەت، و یێ خودێ بڤێت بێ حسێب و بێ هەژمار، ڕزقی ددەتێ.
(بیت الفتوح)، لەندەن
ڤێ كومەلێ ب صەدان ناڤەند هەنە ل هەمی ناوچێن جیهانێدا، و هەتا نوكە ئەف كومەلە ل زێدەتری 170 ولاتان هاتیە دامەزراندن وەك ناڤەندێن وان.
و ژمارا وان كەسێن باوەری ئیناین ب ڤێ كومەلێ ب دەهان ملیونانن، و موسلمانێت ئەحمەدی ل هەمی جهێن جیهانێدا ب كەسێن رەوشت جوان و كار و كریارێن باش ل پێناف ئایینێ پیروزێ ئیسلامێ و مروڤایەتیێدا دهێنە نیاسین.
بەلافكرنا قورئانا پیروز و وەرگێران بوو سەر زمانێن جیهانی
كومەلا ئیسلامی یا ئەحمەدی رابویە ب دروستكرنا پروژێ وەرگێرانا قورئانا پیروز بوو زێدەتری 56 زمانێن جیهانی هەتا ئەڤرو، و ئەگەر ئەف چەندە بەلگەبیت لسەر تشتەكی دێ بەلگەبیت لسەر گرنگی پێدانا كومەلا ئیسلامی یا ئەحمەدی بوو بەلافكرنا ئایینێ پیروز یێ ئیسلامێ د هەمی جیهانێدا.
وەرگێرانا رامانێت قورئانا پیروز بوو پتر ژ 56 زمانێت جیهانی
خودایێ مەزن دبێژت: {وَهَذَا كِتَابٌ أَنْزَلْنَاهُ مُبَارَكٌ مُّصَدِّقُ الَّذِي بَيْنَ يَدَيْهِ وَلِتُنْذِرَ أُمَّ الْقُرَى وَمَنْ حَوْلَهَا وَالَّذِينَ يُؤْمِنُونَ بِالْآخِرَةِ يُؤْمِنُونَ بِهِ وَهُمْ عَلَى صَلَاتِهِمْ يُحَافِظُونَ} (الأنعام: 93)
ئانكو: و ئەڤە [ئەڤ قورئانە] كتێبەكە مە ئینایییە خوارێ، یا پیرۆز و پڕ خێر و بەرەكەتە و ڕاست دەرئێخا كتێبێت بەری خۆیە، دا تو خەلكێ مەكەهێ و دەوروبەرێت وێ پێ ئاگەهدار بكەی و بترسینی، و ئەوێت باوەرییێ ب ڕۆژا قیامەتێ دئینن، باوەرییێ پێ (ب قورئانێ) دئینن و ئەو نڤێژا خۆ دپارێزن.
ئێكەم ئێستگەهێ كەناڵێ ئاسمانی یێ ئیسلامی یێ جیهانی
ب فەزڵ و هاریكاریا خودایێ مەزن ئێكەم ئێستگەهێ ئیسلامی ب ناڤێ (MTA International) ژ لایێ كومەلا ئیسلامی یا ئەحمەدیڤە ل لەندەن هاتییە دامەزراندن، و ئەف كەناڵە ب درێژاهیا دەمی بەرنامان پەخش دكەت، ب جورەها زمانێن جیهانی، و ب رێكا مانگێن دەستكرد پەخشكرنا وێ ل هەمی كیشوەراندا دهێتە پەخشكرن.
خودایێ مەزن دبێژت: {وَمَنْ أَحْسَنُ قَوْلًا مِمَّنْ دَعَا إِلَى اللَّهِ وَعَمِلَ صَالِحًا وَقَالَ إِنَّنِي مِنَ الْمُسْلِمِينَ} (فصلت: 34)
ئانكو : ما ئاخڤتنا كێ ژ یا وی چێترە ئەوێ بەرێ خەلكی ددەتە ڕێكا خودێ و بانگهەلدێرییا ڕێكا وی دكەت، و كار و كریارێت ڕاست و دورست دكەت، و بێژیت: ب ڕاستی ئەز ژ موسلمانانم؟
كومەلا ئیسلامی یا ئەحمەدی ب هزارەها كتێب ب زمانێن جیهانی دەرێخستینە دەربارەی بیروباوەرێت ئیسلامێ، و بوونە ئەگەرێ زاڵبوونا بیروباوەرێت ئیسلامێ، سەرەرای دەهان روژنامە و گوڤاران ب‌زمانێن جودا جودا ل چەندەها ولاتان دەرێدخن.
ئەڤەژی ناڤێ هندەك ژ گرنگترین وان روژناما و گوڤارانە:
ـ گۆڤارا “التقوی” گۆڤارەكا ئیسلامی یا هەیڤانەیەب زمانێ عەرەبی دەردچت.
ـ گۆڤارا “البشری” گۆڤارەكا ئیسلامیە بزمانێ عەرەبی دەردچیت.
ـ گۆڤارا مقارنة الأدیان “Review of Religions” ب زمانێ ئینگلیزی.
ـ گۆڤارا “الرسالة” ب زمانێ فڕەنسی.
ـ گۆڤارا“Der Islam” ب زمانێ ئەڵمانی.
ـ گۆڤارا “Sinar Islam” ب زمانێ ئەندەنووسی.
ـ گۆڤارا “Sunrise”ب زمانێ ئینگلیزی.
ـ ڕۆژنامەیا (الفضل) ب زمانێ ئوردی.
ـ حەفتەنامەیا ا(الفضل)ی جیھانی ب زمانێ ئوردی دەردچت.
ـ هەفتەنامەیا “البدر” ب زمانێ ئوردی دەردچت.
خودایێ مەزن دبێژت: {ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ} (النحل: 126)
ئانكو: “خەلكێ بو رێكا خودێ گازی بكە، ب دانای و ئاموژگاریا چاك، و ب چاكترین شێوە دگەل واندا گفتوگویێ بكە، خودێ چێتر دزانیت كی ژ رێكا وی لادایە، هەر ئەوخوژی باشتر دزانت كی لسەر رێكا راستە”.
سەرەرای بودجا سنورداركری یا كومەلا ئیسلامی یا ئەحمەدی بەلێ هەر كەمتەرخەمی نەكریە بوو درێژكرنا دەستێ هاریكاریێ بوو خەلكێ هەر ژ خوراكی و بوارێ تەندروستی و فێركرن و پەرەپێدانا وڵاتێن هەژار و ناوچێن لێقەومیان. و زێدەتری نیف صەدەیە ب بەردەوامی خزمەت پێشكێشی ولاتێن هەژار یێن ئەفریقا دكەت وەك: گانا، كینیا، سیرالیون، گامبیا، لیبیریا و ئوگەندا و … هتد، و هەروەسا ئەف كومەلە هەمی دەما گرنگیێ ددەت ب پێشكێشكرنا هاریكاریێت مروڤی بو خەلكێ ناوچەیێن لێقەومی د جیهانێدا بێی بەرچاف وەرگرتنا جیاوازیا رەگەزی و ئایینی.
خودایێ مەزن دبێژتە پێغەمبەرێ خو: {وَمَا أَرْسَلْنَاكَ إِلَّا رَحْمَةً لِلْعَالَمِينَ} (الأنبياء: 108)
ئانكو: “[ئەی محمد صلی اللە علیە وسلم] مە تو فرێنەكریە بتنێ ژ بو هندێ نەبیت كو تو ببیە رەحمەت بو هەمی جیهانێ”
ژێدەرێ خەرجیێن كومەلا ئیسلامی یا ئەحمەدی
دبیت هندەك كەس ئەف پسیارە بێتە هزرا وی ئەرێ ژێدەرێ خەرجیێن ئەڤێ كومەلێ چییە؟
بەرسڤ: كومەلا ئیسلامی یا ئەحمەدی د ژێدەرێن دارایدا ب تنێ پشت دبەستت ب وی سامانێ حەلال یێ ئەندامێت دلسوز یێت ڤێ كومەلێ پێشكێش دكەن بو خزمەتا ئایینێ پیروز یێ ئیسلامێ، و هیچ هاریكاریەكێ نا وەرگریت ژ هیچ ئالیەكێ یان حكومەتێ یان دەزگەهەكێ.
جهێ ئاماژێ یە كو هەمی تاكێن ڤێ كومەلێ ژ بلی زەكاتێ ب لایەنێ كێم 6.25% ژ داهاتێ خو یێ مانگانە سەرف دكەن بوو بسەر ئێخستنا ئیسلامێ و هاریكاریێن مروڤی. و سوپاس بوخودێ پتریا ئەندامێت ڤێ كومەلێ ژ ژنان و زەلامان پتری ڤێ رێژێ پێشكێش دكەن.
خودایێ مەزن دبێژت: {وَمَثَلُ الَّذِينَ يُنْفِقُونَ أَمْوَالَهُمُ ابْتِغَاءَ مَرْضَاتِ اللَّهِ وَتَثْبِيتًا مِنْ أَنْفُسِهِمْ كَمَثَلِ جَنَّةٍ بِرَبْوَةٍ أَصَابَهَا وَابِلٌ فَآتَتْ أُكُلَهَا ضِعْفَيْنِ فَإِنْ لَّمْ يُصِبْهَا وَابِلٌ فَطَلٌّ وَاللَّهُ بِمَا تَعْمَلُونَ بَصِيرٌ} (البقرة: 266)
ئانكو: “مەتەلا ئەوێت مالێ خۆ د ڕێكا خودێدا دمەزێخن وەكی مەتەلا دندكەكێیە حەفت گولی دابن، هەر گولییەكێ سەد دندك تێدا بن، و خودێ بۆ یێ بڤێت هندی دی لێ دكەت، و ب ڕاستی [د دلۆڤانی و كەرەما خۆدا] خودێ یێ بەرفرەهـ و زانایە”.
بوو چونا دناف كومەلا ئیسلامی یا ئەحمەدیدا دڤێت بەیعەتێ بدەن:
یا ئێكێ: ئەو كەسێ بەیعەتێ بدەت دڤێت خو ژ هەڤال دانانا ژ بوو خودێ (شرك)ێ ب پارێزیت هەتا مرنێ.
یا دووێ: خو دویربكەت ژ درەوێ و كرنا زنایێ، و خیانەتا چاڤی، و خو دویربكەت ژ هەمی شێوازێن خرابی و دەهمەن پیسیێ و ستەم و خیانەت و دەستدرێژیێ، و رێكێ نەدەت نەفسا وی یا خراب بسەر ویدا زاڵبت.
یا سیێ: دڤێت ب رێك و پێكی بەردەوام بیت لسەر ب جهـئینانا هەر پێنج نڤێژان، بێ دابڕین، و لدیف شیانێت خو بەردەوام بیت دكرنا نڤێژێن شەڤێدا، و سلاف دانا لسەر پێغەمبەری (سلاڤێن خودێ لسەربن)، و ئیستغفار و داخازا ژێبرنا گونەهان ژ خودێ بكت، و هەمی روژا هزرا نعمەتێن خودێ بكەت و سپاسیا خودێ بكەت.
یا چوارێ: ب نەحەقی زیانێ نە گەهینتە هیچ دروستكریەكێ خودێ ب گشتی و موسلمان ب‌تایبەتی، نە ب دەستی و نە ب ئەزمانی و نە ب‌هیچ رێكەكادی.
یا پێنجێ: د هەمی بارودخاندا یێ رازی بیت، بارودوخێن خوشی و شادی و هەروەسا بارودوخێن نەخوش و تەنگاڤی، و ئامادەبیت بو هەر ئازارەكا د رێكا خودێدا.
یا شەشێ: ب‌تەمامی خو ژ نەریتێن خراب و ئارەزویێن دەرونی دیربكەت، و دەستهەلاتیا قورئانا پیروز ب‌هەمی پەیڤ و رامانێت خوڤە قەبیل بكەت، و گوهداریا خودێ و پێغەمبەری بكەت، د دەستور و بەرنامێ كاركرنێدا ب هەمی ژیانا خو.
یا حەفتێ: دەست ژ دفن بلندیێ و خو مەزنكرنێ بەردت، و روژێن ژیانێ ب جوانی و ئارامی و ب نەرمی ب سەر ببەت.
یا هەشتێ: دڤێت ئایین و سەربلندیا ئایینی و دلسوزیا بو ئیسلامێ لنك وی ژ هەمی تشتا خوشتڤی تربیت.
یا نەهێ: بەردەوام مژیلی هاریكاریكرنا سەرجەم دروستكریێن خودێ بیت، و دلسوز بیت بوو وان، ب تنێ ژبەر خاترا خودێ، و لدیف شیانێت خو مفای بگەهینت مروڤایەتیێ، ب هەمی وان بەهرە و نیعمەتێن خودێ داینێ.
یا دەهێ: پەیمانا برایەتیێ گرێدەت دگەل ڤی بەندەیدا (ئانكو: مەسیحێ ژڤاندار)، تنێ ژبەر خاترا خودێ، كو گوهداریا وی بكەت، د هەمی وان كارێن چاك دا یێن فەرمانێ پێ دكەت، و خو لانەدت ژ ڤێ پەیمانێ، و نە شكێنت هەتا مرنێ.
(سەحكە راگەهاندنا “تكمیل التبلیغ” ل 12ی یەنایەر (كانوونا دووێ) ساڵا 1889ز، كۆمەكا راگەهاندنانن، بەشێ ئێكێ، لاپەڕە 189_190).
خودایێ مەزن دبێژت: {إِنَّ الَّذِينَ يُبَايِعُونَكَ إِنَّمَا يُبَايِعُونَ اللَّهَ يَدُ اللَّهِ فَوْقَ أَيْدِيهِمْ فَمَنْ نَكَثَ فَإِنَّمَا يَنْكُثُ عَلَى نَفْسِهِ وَمَنْ أَوْفَى بِمَا عَاهَدَ عَلَيْهُ اللَّهَ فَسَيُؤْتِيهِ أَجْرًا عَظِيمًا} (الفتح: 11)
ئانكو: ب ڕاستی ئەوێت بەیعا تە دكەن و پەیمانێ [ل سەر مرنێ] ددەنە تە، ب ڕاستی ئەو پەیمانێ ددەنە خودێ، دەستێ خودێ د گەل دەستێ وانە، ڤێجا هەر كەسێ پەیمانا خۆ بشكێنیت، ب ڕاستی ئەو ب وێ شكاندنێ بەس زیانێ ل خۆ دكەت، و هەر كەسێ ئەو پەیمانا دایییە خودێ ب جهـ بكەت، خودێ زوی دێ خەلاتەكێ مەزن دەتێ.
نیشان و ئارمانجێن بەیعەتا كومەلا ئیسلامی یا ئەحمەدی
بەیعەت ل لایێ كومەلا ئیسلامی یا ئەحمەدی زور بهێزە و ئەو كەسێ بەیعەتێ ددەت ئەو ئێكسەر پەیمانێ ددەت خودێ، و دڤێت ب درستاهی پێگیربت ب مەرجێن بەیعەتێ و بەیعەتا ئیسلامیا ئەحمەدی نەوەك یا گروپێن دی یێت ئیسلامینە یێن رادیكاڵ، ئەڤێن وەكی حزبێن سەردەم و داخازا دەستهەلاتێ دكەن، نەخێڕ، بەیعەتا ئیسلامیا ئەحمەدی بانگەوازیەكا روحییە، و ئایین و سیاسەتا سەردەم ژێك جودا دكەن، و هیچ ئارمانجەكا سیاسی نینە، و دیرە ژ ئارمانجێن ب دەست ڤە ئینانا دەستهەلاتێ، چونكی كومەلا ئیسلامی یا ئەحمەدی دبێژن ئیسلام یاسایێت كومەلگەهێنە و پێكهاتیە ژ بانگەوازیكرن بوو رێكاخودێ.
كومەلا ئیسلامی یا ئەحمەدی ب شێوەكێ جوان ل دیف رێكا پێغەمبەرێ مە موحەممەدی (سلاڤێن خودێ لسەربن) دچیت. و ئەو رێبەرەكێ چاكە.
ئانكو بەیعەت ژ ئێكێ نائێتە قەبیلكرن كو هیچ هەولەكێ نەدت بوو دەست بەردان ژ وان رەفتارێن كرێت و بیروباوەرێن نەدرست،
چونكی بەیعەت ئانكو نویكرنا باوەری ئینانا ب ئایینێ دروستێ ئیسلاما پیروز و راستیا پێغەمبەرێ مە موحەممەدی (سلاڤێن خودێ لسەربن) كو ئەو خاتەمێ پێغەمبەرانە. و دڤێت هەول بدەت بو ئەنجامدان وان مەرجێن د بەیعەتێدا هاتێن.
بەرێز ئەحمەد (سلاڤێن خودێ لسەربن) ب ئاشكرای راگەهاندیە و دبێژت (ئەڤە چەندەكە ژ ئاخفتنا وی):
“بێگومان سیستەمێ بەیعەتێ هیچ ئارمانجەك نینە ژبلی دروستكرنا كومەكا پارێزكاران، بو ڤێ كومەلێ هوگر و ئێك گرتی بن، و كاریگەریا چاكیێن خو بهێلن ل ڤێ جیهانێ، داكو خێر و بەرەكەتا ڤێ كومەلێ لسەر ئێك پەیڤ بیت ئەوژی بوو خزمەتا ئایینێ پیروز یێ ئیسلامێ، و داكو ئەف كومەلا موسلمانان نەبنە كومەلەكا تەمبەل و بێ سود، و داكو نە بنە وەكی وان نەزانێت كومەلەكا زیانێت قورس ب ئیسلامێ گەهاندین، ژ ئەگەرەكێ دوبەرەكی و لێك تێنەگەهشتن و ژێك ڤەبوونا وان، و روخسارێ ئیسلامێ نەجان دكەن ژبەر رەفتارێن وان یێن كرێت، بەلكو دڤێت موسلمانان سوز و حەژێكرن هەبیت بوو ڤێ ئوممەتێ، هەتاكو ببنە پەناگەهەك بوو هەژاران، و بوو ئیتیمان وەك بابەكی بن، و بەردەوام ئامادەبن بوو قوربانیدا ژ پێخەمەت خزمەتكرنا ئیسلامێ، و ئیسلاما راست و درست بەلاف بكەن ل هەمی جیهانێ”.
(إزالة الأوهام، الخزائن الروحانية ج 3 ص 561-562)