زنجیرەیا “پێناسینا مەسیحی”

زنجیرەیا پێناسینا مەسیحی

(بەشێ ئێكێ) نبوئەتێن دەربارەی هاتنا مەسیحی ژ نەوەیێ ئیسڕائیلی دا

بِسْمِ اللهِ الرَّحْمَٰنِ الرَّحِيمِ

خودایێ مەزن دەربارەی بەحسێ پێغەمبەراندا دبێژت: ﴿لَقَدْ كَانَ فِي قَصَصِهِمْ عِبْرَةٌ لِأُولِي الْأَلْبَابِ…﴾ (يوسف)

ئانكو: “ب راستی دسەرهاتیێن پێغەمبەراندا پەند و ئاموژگاری هەبون بو كەسێن ژیر و هوشمەند.”

ب شێوەكێ گشتی د چێروكێن پێغەمبەراندا دوو وانەیێت مەزن تێدا دیاردبن:

یا ئێكێ: ڤەگێرانا مێژویا پێغەمبەران هەروەكی خو و دەرئێخستنا مەزنیا پێغەمبەران.

یا دووێ: ئەو چێروكێن كو د ڕابردویدا رویدایین هەروەكی وان ل داهاتویژیدا رویددەن.

بەنی ئیسڕائیل چاڤەرێی هاتنا مەسیحی بوون:

گومان تێدا نینە نەوەیێ ئیسڕائیل هەتا هاتنا عيسای (عليه السلام) چاڤەرێی دەركەفتنا سێ كەسايەتیان بوون.

ئەوژی:-

1. هاتنەخارا پێغەمبەر ئيلييا [ئەلیاس] ژ ئاسمانا.

2. هاتنا مەسیحێ چاڤەرێ بو دكرین یێ ئیسڕائیلی.

3. هاتنا پێغەمبەرەكێ (هاوشێوەیێ مووسا عليه السلام).

جهی چاڤەرێ بوون “ئیلییا” ژ ئاسمانا بێتە خار، و لديفڕا مەسیحەكێ قورتالكەر بێت، هه ر ل وی وه ختی بوو دەمێ عیسایێ كورێ مەریەمێ هاتی و گوت ئەزم ئەو مەسیحە یێ كو هین چاڤەرێی هاتنا وینە.

جهیانژی گوت: باشە ئەگەر تو ئەو مەسیحی یێ كو ئەم چاڤەرێی هاتناوينە بوچی “ئیلیا” ژ ئاسمانا نەهاتیە خار؟!!

عیسای گوتەوان: هیچ كەس ژ ئاسمانا ناهێتە خار

بەلكو مەبەست ژ هاتنەخارا “ئیلیا”ی هاتنا یەحیایە. ئانكو: یوحەننایێ خەلك ژ ئاڤ هەلكێش

ب ڤێ چەندێ جهی گەلەك تنگژی بوون و گوتن ڤی عیسای گهۆڕینا دەقێ پیروز یێ كری و دڤێت دڤێت بێتە خاچدان (ب خاچێ ڤە بێتە هلاویستن) هه تا كو ژ مه ل عونابیت ژبەرهندێ (په نا ژ خودێ)

دئنجیلا مەتتادا هاتیە، مەسیح كەرەمدكەت و دبێژت: “شەریعەت و هەمی پێغەمبەران، هەتا هاتنا _”یەحیای”_ پێشبینی یا كرین، 14 ئەگەر هین باوەربكەن ئەڤ “یەحیا”یە هەر ئەو “ئەلیاس”ە یێ كو هین چاڤەرێی ڤەگەراناوینە 15 ئەڤێ گوهـ هەی بو گوهدانێ بلا گوە بدەت. (مەتتا 11 : 13-15)

ئەگەر نوكە ئەم پسیارێ ژ خو بكەين!، ئەگەر ئەم بایینه! ئەرێ ئەم دا ژ عیسای (علیە السلام) باوەركین و دا باوەریاخو پێ ئینین كو ددەمەكیدا ئەلیاس ژ ئاسمانا نەهاتیە خار!!

كو عیسای (علیە السلام) دگوت ئەس مەسیحم یێ كو هین چاڤەرێی هاتناوی!! یان ئەمژی دا گوهداریا وان زانایێت جهیان كەين و پشتاوان گرين یێن كو عیسا كافردكرین و دگوتن عیسا درەوادكت حاشا!! و دگوتن تڤيا بێتە خاچدان (ب خاچێ ڤە بێتە هلاویستن)

دیسا ئەم پسیارێ ژ خو بكین: ئەرێ مەدشیا وێ تەئویلا عیسای (علیە السام) قەبیل بكین كو ددەمەكیدا ئەم چاڤەرێی هاتنا پێغەمبەرەكێنە ژ ئاسمانا بێتەخار، بەلێ عیسای دگوت مەبەست ژ هاتنا پێغەمبەری ژ ئاسمانا _”یەحیا”_یە و چ پێغەمبەر ژ ئاسمانا ناهێنەخار.

باشە، ئەگەر ئەڤرو هەروەكی وێ چێروكا عیساى (علیە السلام) دوبارەببیت

ئانكو: ئەگەر كەسەك بێت و بێژت: ئەزم ئەو مەسیحە یێ كو هین چاڤەرێی هاتناوینە ژ ئاسمانا بێتەخار! ئەرێ خەلك دێ باوەر ژێكەت؟؟؟

(بەشێ دووێ) ژ دایك بوونا مەسیحی بێ باب

بِسْمِ اللهِ الرَّحْمَٰنِ الرَّحِيمِ

قورئانا پیروز فەرمانێ ب مە دكەت كو هەركەسەكێ ب ناڤێ بابێ وی ب ناڤ بكەین، حەتا ئەوكەسێن كو د ڕابردویدا كربونە (تَبَنّي)، ئانكو كەسەك زاروكێ كەسەكێ دی خودان بكەت. ئەڤەژی نابت ناڤێ بابێ وی كەسێ هاتیە خودانكرن بگوهورن. قورئانا پیروز دبێژت: ﴿ادْعُوهُمْ لِآبَائِهِمْ هُوَ أَقْسَطُ عِنْدَ اللهِ…﴾، ئانكو هین ئه وانا ب ناڤێ بابێت وان گازی بكەن و ئەڤە لدەف خودێ دروستترە.

بەلێ دەمێ بەحسا عیسای دهێت؛ خودایێ مەزن بەردەوام ب عیسایێ كوڕێ مەریەم ﴿عِيسَى ابْنُ مَرْيَمَ﴾ بەحس دكەت؛ لێ ئەگەر عیسای باب هەبا بێگومان ڤورئانا پیروز دا ب ناڤێ بابێ وی بناف كەت یان لایەنێ كێم ب ناڤێ دەیكا وی بەحس نە د كر.

هەروەسا قورئانا پیرۆز دا بەحسا مەسیحی دا دبێژت: ﴿وَإِنَّهُ لَعِلْمٌ لِلسَّاعَةِ﴾، گروپەك ژ (یەهوود)یان ب ناڤێ (الصدّوقيين) باوەڕی ب قیامەتێ نەبوون ڤێجا ژ دایك بوونا مەسیحی “بێ باب” بەڵگەبو بوو وان لسەر هەبوونا قیامەتێ، وەكی د ئنجیلا(مەرقۆس 12 : 18_27)دا ئاماژە پێ هاتیەكرن دبێژت: “ڤێجا هندەك ژ سەدوقییان كو باوەڕ ب زیندیبونا پشتی مرنێ ناكەن، لێ هاتن پێش و پرسیار ژێكر…..”.

هەروەسا وەكی بەری نوكە مەگوتی بەنی ئیسڕائیل چاڤەڕێ بوون، پشتی هاتنا مەسیحی پێغەمبەرەك وەكی/نمونێ مووسای بێت؛ و ئەو پێغەمبەرە پشتی مەسیحی دئێت؛ ڤێجا ژ دایك بوونا مەسیحی بێ باب بەڵگە بوو لسەر وێ چەندێ كو‌ئێدی هیچ پێغەمبەرەك ژ نەوەیێ ئیسڕائیل نائێت، بەڵكو پێغەمبەرێ داهاتوو كو وە كی مووسای یە دێ ژ نەوەیێ ئیسماعیلی بیت.

هەروەسا د ئایەتەكادیدا ژ سورەتا (مریم) د بەحسێ مەسیحی دا دبێژت: ﴿وَلِنَجْعَلَهُ آيَةً لِلنَّاسِ﴾ ئانكۆ: ” ژ بۆ دا بكه‌ین نیشانه‌ك بۆ خه‌ڵكی”. ئانكو ژ دایك بوونا مەسیحی بێ باب د ڕابردوویدا بەڵگە بوو بۆ هەبوونا قیامەتێ یان بەڵگە بوو بۆ قوتبوونا وەحیێ ژ نەوەیێ ئیسڕائیل

ل دوماهیێ دا مەدڤێت بەرسڤا وێ گومانێ بدەین ئەوا كو مەسیحی دبێژن : “بتنێ عیسا بێ باب ژدایك بویە؛ ئەڤێ ژی دكنه بەلگە بو هندێ كو حاشا عیسا كورێ خودێ یە.”

بەرسڤ: ئەگەر ژ دایك بوونا مەسیحی بێ باب بسەلمینت كو عیسا كورێ خودێ یە حاشا!!!

پا ئێكەمین مرۆڤێ كو دروست بووی نە دایك هەبوو و نە باب، ئەرێ ئەوژی كوڕێ خودێ یە؟؟!!!

قوڕئانا پیرۆز دبێژتە مە نموونا عیسای وەكی نموونا ئادەمی یە،ڤێجا هەر كەسەكێ نموونەیەك هەبت؛ ئانكو نە ب تنێ یە دسالووخه تێ بێ بابیێ دا:

﴿إِنَّ مَثَلَ عِيسَى عِنْدَ اللَّهِ كَمَثَلِ آدَمَ خَلَقَهُ مِنْ تُرَابٍ ثُمَّ قَالَ لَهُ كُنْ فَيَكُونُ﴾، ئانكو: “ب ڕاستی وێنه‌یێ (دروست بوونا) عیسای ژلایێ خودێڤە وه‌ك وێنه‌یێ ئاده‌میە كو دروستكر و پاشی گوت: ببه‌، ئه‌وژی بوو.”

(بەشێ سیێ) ئاخفتنا مەسیحی د زاروكینیێ دا

بِسْمِ اللهِ الرَّحْمَٰنِ الرَّحِيمِ

دگەل وێ چەندێ كو مەسیحی گەلەك موبالغێ دكەن لسەر وەسفێت مەسیح (عليه السلام)، بەلێ ئەوان باوەڕی نینە كو مەسیح (عليه السلام) دزاروكینیێ دا ئاخفتبیت، بەلكو ل دیف ئينجيلا لۆقا مەسیح (علیه السلام) ئێكەمجار دگەل مامۆستایێن شارەزا یێت جهیان ئاخفتیە دژیێ 12سالیێ دا، د وی دەمیدا ب شكلەكێ وه سا ئاخفت كو ماموستا گەلەك حێبەتی بوون، بەلێ ب هیچ شێوەكێ بەحسێ پێغەمبەراتیێ نەكر… دەمێ مەریەم و یوسفێ دارتاش عیسا ئینات بوونە قودسێ و ل وان بەرزەبوی: “46 پشتی سێ ڕۆژان ڤە گەڕان ل پەرستگەهێدا دیتن، سەحكرنێ یێ رینشتیە ل ناڤبەرا ماموستایێن شەریعەتیدا، گوهێ خودانێ و پسیار ژێكرن. 47هەمی ئەوێن كو گوهداریكرین، حێبەتی بوون ل تێگەهشتنو و بەرسڤداناوی…” (ئينجيلى لۆقا 2 : 46_47)

بەلێ جارا دووێ مەسیح (علیه السلام) تەمەنێ وی ببوو 32 ساڵ دەمێ ب شكلەكێ وەسا سەرنجراكێش ئاخفتی و پێغەمبەراتیاخو راگەهاند (ئينجيلى لۆقا 21).

بەلێ پتریا شروڤەكارێت قورئانا پیروز وەسا باوەردكەن كو عیسا (علیە السلام) د زاروكینیێ دا یێ ئاخفتی وی دەمێ كو هێشتا شیرخوربی!! بەڵگەیێت وان ئەف چەند ئایەتەنە كو د سوڕەتا (مریم)دا هاتینە:

﴿فَأَتَتْ بِهِ قَوْمَهَا تَحْمِلُهُ قَالُوا يَامَرْيَمُ لَقَدْ جِئْتِ شَيْئًا فَرِيًّا (27)﴾

ڤێجا پاشی مەریەم دگەل مەسیح دا هات بو لایێ كەسوكارێت خو و مەسیح هلگرتبو، كەسوكارێن وێ گوتنێ براستی تە تشتەك زێدە خراب و نەبوی یێ كری

د ڤێرێدا پەیڤا ﴿تَحْمِلُهُ﴾ دهێتە رامانا هڵگرتنا ماددی، ئانكو: مەریەمێ مەسیح یێ هلگرتی د باوەشاخودا، هەروەسا دهێتە رامانا مەعنەویژی، ئانكو: مەریەمێ بیروباوەڕێت مەسیحی هلگرتینە و مەریەم پشتەڤانیا مەسیحی دكەت و باوەری ب گوتنێت وی هەیە…

قوڕئانا پیرۆز پەیڤا (حمل) ب ڤێ رامانێ بكارئینایە دبەحسێ ئەهلێ كیتابێدا دبێژت: ﴿مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا…﴾ (الجمعة) ئانكو: “نموونا وان ئەوێت لسەر وان هاتیەدانان كو كار ب تەوراتێ بكەن، ﴿ثُمَّ لَمْ يَحْمِلُوهَا﴾ پاشی نە هلگرتن ئانكو كار پێ نەكرن و ژ فەرمانێت وێ دەركەتن…”.

ڤێجا داكو بزانین پەیڤا ﴿تَحْمِلُهُ﴾ ب كیش رامانێ هاتیە، ل ئایەتێن دیڤدا دێ بومە رون بیت.

﴿يَاأُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا (28)﴾

جهیان ب ترانەڤە گوتن ئەی خوشكا هارونی نە بابێ تە یێ خراببو و نە دەیكاتە یا دەهمەن پیس بوو

ئانكو: مەبەستا وان ئەوبوو ئەی مەریەم تە (دەهمەن پیسی یا كری) چنكی دەیك و بابێن تە هوسا نەبوون.

د شەریعەتیدا ئەگەر كەسەك تومەتا دەهمەن پیسیێ بدەتە پاڵ كەسەك دی (القذف)؛ ئەڤە دڤێت ئەو كەسە 80 جەلدا لێ بدەت ئەگەر چار شاهد هەبن… د ڤێرێدا جوهیان ب شێوەكێ راستەوخو نەگوتن مەریەمێ تو یا دەهمەن پیسی بەلكو ب شێوەك نە راستەوخو گوتنێ.

ئاها ل وی دەمێ جوهیان ترانە ب مەریەمێ دكرن و تومەن پێڤەكرین، مەریەمێ ئاماژە بو مەسیحی كر:

﴿فَأَشَارَتْ إِلَيْهِ قَالُوا كَيْفَ نُكَلِّمُ مَنْ كَانَ فِي الْمَهْدِ صَبِيًّا (29)﴾

ڤێجا مەریەمێ ئیشارەت كرە عیسای، ئەوانژی ب ترانەڤە گوتن: ئەم چەوا دگەل بچیكەكێ دلاندكێ دا باخڤین!.

﴿قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا (30)﴾

مەسیحی (عیسای) گوت: ب راستی ئەز بەندەیێ خودێمە، نڤێساردایە من و ئەز یێ كریم پێغەمبەر.

دڤێ ئایەتێدا باش رون دبیت كو ئە و دەمێ عیسای ئاخفتی پێغەمبەربوو، و گومان تێدا نینەبچیكێ د لانكێدا نابیتە پێغەمبەر لەوا مەبەست ژ پەیڤا ﴿تَحْمِلُهُ﴾ ئانكو هلگرتنا فكری و مەعنەوی.

ئەگەر پسیار بكین بوچی خودایێ مەزن ئەف پەیڤە بكار ئینایە؟

بەرسڤ: چونكی ئینجیل تۆمەتێ ددەتە پاڵ مەریەمێ و دبێژت كو باوەری ب عیسای نەبوو!!! هەروەكی دبێژت: “31 پشتی هنگێ دەیك و برایێت عیسای هاتین، ژ دەرڤە ڕاوەستان و هنارتنە دیفرا. 32د وی دەمیدا خەلكەكێ زور ل دورماندورێ وی رینشتبوون، ئێك هات و گوتیێ: (ئەو دایكا تە و برایێن تە ژدەرڤە ڕاوەستاینە و گازی تە دكەن). 33عیسای گوت: (دایكا من كیە و برا یێت من كینە؟) 34 ڤێجا سەحكرە وان ئەوێت ل دورماندورێ وی رینشتی و گوت: (ئاها ئەڤێن هە دەیك و برایێت منن، 35هەر كەسەكێ لدیف رێكا خودێ رەفتارێ بكەت، ئەو برا و خوشك و دەیكێت منن)”. (ئینجیلی مەرقۆس 3 : 31-35)

ئانكو ل دیف ئەڤی دەقی بیت مەریەمێ باوەڕی ب عیسای نەكریە و پشتەڤانا وی نەبوو و ل دیف رێكا خودێ رەفتار نەكرنە. بەلێ قوڕئانا پیرۆز ڤێ تۆمەتا ئینجیلێ ڕەت دكەت و مەریەم ب ئێك ژ باوەڕداران هژمار دكەت.

﴿وَجَعَلَنِي مُبَارَكًا أَيْنَ مَا كُنْتُ وَأَوْصَانِي بِالصَّلَاةِ وَالزَّكَاةِ مَا دُمْتُ حَيًّا (31)﴾

و ئەز یێ پیروز كریم ئەز ل كیڤەبم، و ئەمرێ من یێ ب نڤێژ و زكاتێ كری هندی ئەز یێ ساخ بم.

دڤێ ئایەتێژیدا روندبیت كو مەسیح (علیە السلام) نە زاروكەكێ د لانكێدا بوو. بەلكو ب پێت خو رێڤە دچوو و خودایێ مەزن فەرمان لێكربو كو نڤێژا بكەت و زەكاتێژی بدەت.

﴿وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا (32)﴾

ئه ز یێ كریمه چاكساز و باشكار بو دەیكاخو، و نەكریمەخو مەزنكەر و نەگوهدار و ئەز ژ رەحما خو بێ هیڤی نەكریمە.

دڤێ ئایەتا پیروزدا دیاردبت كو مەسیح (علیە السلام) ل زاروكینیێ دا نە ئاخفتیە….

بەلێ هندەك ژ موسلمانان ئایەتەكادی وەك بەلگە دئینن و دبێژن: ئەف ئایەتە بەحسێ موعجیزەیا عیسای دكەت كو ل زاروكینیێ ئاخفتیە!: ﴿وَيُكَلِّمُ النَّاسَ فِي المَهْدِ وَكَهْلًا وَمِنَ الصَّالِحِينَ (46)﴾ آل عمران

ئەژی پسیاردكەم: گریمان پەیڤا (المهد) د ڤێرێدا بێتە رامانا زاروكێ بشیر و موعجیزە بت! باشە، ئەرێ ئاخفتنا مەسیح د ژیێ (الكهل)دا دیسان ئەوژی موعجیزەیە؟؟!! (الكهل) ژیێ 33 بۆ 50 ساڵییە.

ڤێجا بێگومان ئەف ئایەتە بەحسێ موعجیزەیا ئاخفتنا مەسیح ناكت، بەڵكو بەحسێ وێ چەندێ دكەت كو مەسیح (علیە السلام) هەر ژ دەسپێكا ژیاناخودا بەردەوام ب شێوەكێ سەرنجراكێش دئاخڤیت… و ئەڤه ئایەتەكە بەحسێ جۆرێ ئاخفتنا مەسیحی دكەت نه‌ك خودانێ ئاخفتنێ.

هەروەسا گوتنە كا مەشهور هەیە دبێژت: “اطلبوا العلم من المهد إلى اللحد”. ئانكو داخازا زانستی بكە یان لدیف زانستی هەرە هەر ژ دەستپێكا ژیاناخو تا مرنێ…. دڤێرێژیدا هیچ كەسەك ناهێت نابێژت: دیف زانستی بگەڕە دەمێ تو د لانكێدا و ب شیر!!!!

(بەشێ چوارێ) زیندی كرنا مریان

بِسْمِ اللهِ الرَّحْمَٰنِ الرَّحِيمِ

قوڕئانا پیرزۆ بەحسێ دوو جۆرێت مرنێ دكەت:

یا ئێكێ: مرنا حەقیقی، ئانكو: دەرچونا روحێ ژ لەشی.

یا دووێ: مرنا ڕووحانی، ئانكو: ڤەقەتیانا پەیوەندیا مرۆڤی دگەل خودێ.

بەڕێزان، زیندیكرنا مروڤا ب تنێ كارێ خودایێ مەزنە.. هیچ كەسەك نەشێت مریان ساخبكەت،

فەرمون دا بزانین قورئانا پیروز چ دبێژت:

﴿اللهُ الذِي خَلَقَكُمْ ثُم رَزَقَكُمْ ثُم يُمِيتُكُمْ ثُم يُحْيِيكُمْ هَلْ مِنْ شُرَكَائِكُمْ مَنْ يَفْعَلُ مِنْ ذَلِكُمْ مِنْ شَيْءٍ سُبْحَانَهُ وَتَعَالَى عَما يُشْرِكُونَ﴾ (الروم 40) ئانكو: “خودێ یە یێ هوین دایین پاشی رزقێ هەوە دای، پاشی دێ هەوە مرینیت، پاشی دێ هەوە ساخكەتەڤە، ئەرێ ئێك ژ بوتێن هەوە (ئەڤێن هەوە كرین هەڤپشك بو خودێ) دشێت ئێك ژ وان كاران بكەت؟! خودێ یێ پاك و پاقژە ژ وێ شركا ئەو دكەن.

﴿هُوَ يُحْيِي وَيُمِيتُ وَإِلَيْهِ تُرْجَعُونَ﴾ (يونس 56)، ئانكو: “و هەر ئەوە (خودایێ مەزن) یێ زیندی دكەت و دمرینیت و ب راستی هوین هەر دێ ب بال وی ڤە زڤرن”.

﴿رَبيَ الذِي يُحْيِي وَيُمِيتُ..﴾ (البقرة 258)، ئانكو: “خودایێ منە یێ ژیانێ ددەت و دستینیت..”.

﴿فَيُمْسِكُ التِي قَضَى عَلَيْهَا الْمَوْتَ وَيُرْسِلُ الأُخْرَى﴾ (الزمر 42)، ئانكو: “ڤێجا ئه و رحا بریارا مرناوێ دای نازڤرینته ڤه ویادی دزڤرینت.”

﴿وَحَرَامٌ عَلَى قَرْيَةٍ أَهْلَكْنَاهَا أَنهُمْ لا يَرْجِعُونَ﴾ (الأنبياء 95)، ئانكو: “و ل خەلكێ وی گوندی ئەوێ مە ب هیلاك بری، حەرامبیت ئەو جارەكادی بزڤرنە دنیایێ.”

﴿ثُم إِنكُمْ بَعْدَ ذَلِكَ لَمَيتُونَ (*) ثُم إِنكُمْ يَوْمَ الْقِيَامَةِ تُبْعَثُونَ﴾ (المؤمنون 15 – 16)، ئانكو: “پاشی براستی پشتی ڤێ هه می هوین دێ مرن (*) پاشی براستی روژاقیامه تێ هوین دێ ژ مرنێ رابنه ڤه.”

پشتی ئەڤان ئایەتێن پیروز ئیدی پشتراست دبین كو هیچ پێغەمەبەرەك مریێ حەقیقی زیندی نه كریه، بەلكو پێغەمبەر ل دەمەكیدا دهێنە فرێكرن ژ لایێ خودێڤە دەمێ كو خەلك گەلەك ژ خودێ دویر كه فتینه و وەكی مریان لێهاتینه ئانكو مرنەكا روحانی و ژ خودێ دویر…

بێگومان بەری هاتنا ئایینێ پیرۆزێ ئیسلامێ خەلك گەلەك سەرداچوبوون و مری بوون بەلێ خودایێ مەزن ب قورئانا پیروز ئەو زیندیكرن، وەكی خودایێ مەزن نموونا بێ باوەڕ و باوەڕداران بۆ مە بەحس دكەت و دبێژت: ﴿أَوَمَنْ كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ﴾ (الأنعام: 122)، ئانكو: “ما ئەوێ مری بیت (دلێ وی ب گاوریێ مری بیت) و پاشی مە زیندیكری (ب باوەریێ) و مە روناهیەك بو چێكربیت پێ دناف خەلكیدا بچیت، ما وەكی وی یە یێ دناف تاریستانێدا (تاریستانا گاوریێ) كو قەت ژێ دەرنەكەڤیت [ئەرێ وەكی ئێكن؟ قەت وەكی ئێك نابن] ئاها هوسا ئەوێ گاوران دكر بو هاتییە خەملاندن.

خودایێ مەزن ئەمرێ مەدكەت كو ل دیف رێكا خودێ بچین داكو زیندی بین، ب دەقێ قورئانێ پێغەمبەر (صلى الله عليه وسلم) باوەڕداران زیندی دكەت: ﴿يَاأَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ…﴾ (الأنفال: 24)، ئانكو: “گەلی خودان باوەران بەرسڤا خودێ و پێغەمبەری بدەن (ئانكو بلەز گوهداریا خودێ و پێغەمبەری بكەن) دەمێ بو وی تشتی گازی هەوەدكەت یێ هەوە زیندی دكەت…”.

لەوا؛ هەمی پێغەمبەر مریێت ڕووحانی (ئەڤێن ژ خودێ دیر) زیندی دكەن ئانكو دلێت وان ساخدكن داكو ل رێكا خودێ بزڤرن، بەلێ ئەڤێن دبێژن: مەسیح مریێت حەقیقی ساخدكەت ئەو یێت كەفتینە ژێر كاریگەریا باوه‌ڕیا مەسیحییان… ژخۆ ئەگەر درستبا مریێت حەقیقی ڤەگەرا بانە بۆڤێ دونیایێ؛ بێگومان پێغەمبەرێ مە محمد (صلى الله عليه وسلم) دا پتریا هەڤالێن خو و باوەڕداران زیندی كەت.

(بەشێ پێنجێ) خاچدانا مەسیح (علیه السلام) د بیرو ڕایێن جیاوازدا

بِسْمِ اللهِ الرَّحْمَٰنِ الرَّحِيمِ

پشتی وێ چەندێ كو جوهی چاڤەرێ بوون ئیلییا ژ ئاسمانا بێتە خار، و دیڤدا شنیكا مەسیح بێت… بەلێ ئەوبی كو ئیلییا ژ ئاسمانا نەهات خار چنكی چ راستی بو وی تشتی نەبوون و عیساێ كورێ مەریەمی راگەهاند: كو ئەوە، ئەو مەسیح یێ كو خەلك چاڤەرێی هاتنا وی… یێ (بەنی ئیسرائیلی) و گوتەوان كو ئیلییا ژ ئاسمانا ناهێتە خار!!

ڤێجا جوهی گەلەك تنگژیای بوون و عیسا ب مروڤەكێ فێلباز ل قەلەم دان و داخاز ژ دەستهەلاتدارێن رومانی كرن كو ب توندترین شێوە سزایێ عیسای بدەن….

هەلبەت توندترین شێوەیێ سزایێ ئەوبو: كولخاچ بدەن و بكوژن دانەعلەتێن خودێ لسەر بارن….

دكتێبا پیروزدا هاتیە: “23…هلاویستن لسەردارێ [ل خاچدان] ژ لایێ خودێڤە نەعلەت لێ كرینە.” (گوتن [التثنية] 21 : 23).

جووهیا باوەریا وان ئەوە كو عیسا نه مەسیحێ درستە ئەوێ چاڤەڕێی ویبون.

ژ بەر، كو ئەو شیان ئەوی خاچدەن ئو لسەر خاچێ بكوژن ڤێجا خودێ مەزن نەعلەتێن خۆ لسەر باراندینه (پەنا ژ خودێ)

هندی مەسیحینە، ئەوان ژی باوەریا هەی كو مەسیح یێ هاتیە خاچدان و نەعلەتێن خودێ یێ لسەر بارین!! (پەنا ژ خودێ) بەلێ ئەو دبێژن: مەسیح بو وێ چەندێ یێ هاتی كو خو بكەت فیدا بو هەمی مروڤایەتیێ؛ چونكو ئەودبێژن: گونەها ئادەمی یامای دگەل مروڤان هەتا ئەو دەمێ مەسیح هاتی و خو كریە فیدا بومە، پوڵس د نامەكێدا دبێژت: “13مەسیح ئەم ژ لەعنەتا شەریعەتی قورتالكرین، و ئەو ل ڕێ یا مە بویە لەعنەتی (پەنا ژ خودێ) – چونكی نڤیسیە: {هەر كەسەكێ ب دارێڤە بێتە هلاویستن ئەو یێ هاتیە نەفرەت كرن}. 14تاكو ژ عیساێ مەسیحدا بەرەكەتا ئیبراهیم بو نەتەوەیان بیت، بو هندێ كو ژ ئەگەرێ باوەری و سوزداریا روحا پیروز بدەستڤە بینت.” (نامەیا پۆڵس بۆ كڵێسایێت گەلاتیا 3 : 13- 14)

ب كۆرتی: جوهی و مەسیحی دبێژن: عیسا یێ هاتیە خاچدان و ب خاچێ ڤە یێ مری…. بەلێ دوو تەفسیرێن جیاواز بوڤێ رویدانێ هەنە:

جوهی دبێژن: مادەم عیسا مر، مانا ئەو نەیێ راستگۆ بو و ئەم باوەر ژێ ناكین.

بەلێ مەسیحی دبێژن: مە باوەری یێ پێ هەی؛ چونكی مەسیح بخۆ بو هندێ هاتبو داكو خو بكەتە فیدا بومە.

بەلێ قورئانا پیروز ب توندی رەدا جوهیا و مەسیحیان دكەت و ب یەقین ڤە دبێژت مەسیح ب خاچێ ڤە نەهاتیە كوشتن، بەلكو هەردوو لا دگومانێدانە و هیچ بەلگەیەك ژی نینن.

دناف پتریا موسلماناندا ئەوچەندە یا هەی كو كەسەك شێوەیێ وی هاتە گوهورین و نافچاڤێن وی وەك یێت مەسیح لێ هاتن و جوهیان ئەو كەسە یێ خاچدای (ب خاچێ ڤە كوشتین) و یاشوانڤە مەسیحە!!

بەلێ قورئانا پیروز پشتگریا ڤێ بوچونێ ناكەت… و دهیچ فەرمودەكێ ژیدا ئاماژە پێ نەهاتیە كرن…. هەروەسا ئەس پسیاردكەم ئەگەر شێوەیێ كەسەكێ هاتبیتە گوهورین… ئەرێ جوهیان مافێ خو نینە كو باوەر ژ عیسای نەكن د دەمەكیدا ب چاڤێت خو یێت بینن كو مەسیح ب خاچێڤە یێ مری؟؟!! و ئەرێ مەسیحیان مافێ خۆ نینە باوەر ب وێ چەندێ بكەن كو مەسیح ب خاچێڤە مر و خۆكرە فیدا بو مروڤایەتیێ؟؟!!

ل دوماهیێ دێ شروڤەكرنا ڤێ برگێ كەین كو د ئایەتەكا قورئانا پیروزدا هاتیە: ﴿…وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ..﴾ (سورة النساء) ئانكو: “..نەهاتیە كوشتن و ب خاچێڤەژی نەمریە، بەڵكو لبەر وان تێكچووە..”.

ئەگەر پسیاربكین چ ل بەر وان تێكچوویە؟ گەلەك ژ شروڤەكاران دبێژن: مەسیح ل بەر وان تێكچوە بو كەسەكێ دی!!! بەلێ ئەگەر سەحكرنەكێ بو ئایەتێ بكەین بەحسێ تێكچونا هیچ كەسەكێ تێدا ناكەت ژبلی راناڤێ كو، ئەوژی بو جوهیان دزڤریت د گەل راناڤێ تاك ئەو بو مەسیح دزڤریت…. لەوا شروڤەكرنا درست بو ئایەتێ ئەڤەیە: جوهیان مەسیح گرت و ب دارێڤە هلاویستن و وان هزركر كو مەسیح ب دارێڤە مریە و هاتیە خاچدان بەلێ دراستیدا مەسیح (علیە السلام) ب خاچێڤە نەمربو… ب زیندی ژ خاچێ قورتالبو و ماوەكێ دگورێ خۆدا مایەساخ [هەلبەت گورێت وی سەردەمی ژورەكا بچیكبوو و لژێر عەردیدابوو] پاشی مەریەم و قوتابیێن مەسیح (علیە السلام)، رابون مەسیح قوورتالكرن و پاشی وان شیا بەرەف ناوچەكادی ببەن و كوچبكەن ژ جهێ خۆ، هەروەكی ئەف ئایەتە بەحسا كوچكرنا وان كریە: ﴿وَجَعَلْنَا ابْنَ مَرْيَمَ وَأُمَّهُ آيَةً وَآوَيْنَاهُمَا إِلَى رَبْوَةٍ ذَاتِ قَرَارٍ وَمَعِينٍ﴾ (المؤمنون) ئانكو: “و مە عیسایێ كورێ مەریەمێ و دەیكاوی مەریەم كرنە موعجیزە و نیشانەكا ئاشكرا و مە ل جهەكێ بلند و دەشت و ب داروبار ئاكنجی كرن.”

(بەشێ شەشێ) ئەرێ مەسیح (علیه السلام) بەرزبوویە بۆ ئاسمانا و پشتی هنگی دمریت؟ یان ژی یێ مری و پایەدارە ل نك خودێ؟

بِسْمِ اللهِ الرَّحْمَٰنِ الرَّحِيمِ 

دناف موسلماناندا ئەوچەندە یا بەربەلاڤە كو مەسیح (علیه السلام) نە مرییە بەلكو ب جەستەیێ خوڤە یێ بلندبوی بو ئاسمانا،

بەلێ دەمێ ئەم ل دیف بەلگەیێت شەرعی بگەریین بو راستیا ڤی بابەتی، هیچ ئایەتەك یان فەرمودەك نینە كو بەحسی فرینا یان بلندبوونا مەسیحی بكەت كو ب”جەستەڤە” چۆیە ئاسمانا.

دڤان سێ ئایەتاندا بەحسی مرن و بلندبونا مەسیح (علیە السلام) هاتیە كرن:

1. ﴿إِذْ قَالَ اللَّهُ يَاعِيسَى إِنِّي مُتَوَفِّيكَ وَرَافِعُكَ إِلَيّ…﴾ (آل عمران: 55)

سەرنج بدەن، دەستپێكێ بەحسی مرنێ دكەت پاشی بلندبوونێ، هەلبەت بلندبوون پشتی مرنێ دهێت، و بلندبونا پلە و پایا عیسا (علیە السلام) نەك جەستەیێ وییە.

2. ﴿بَلْ رَفَعَهُ اللَّهُ إِلَيْهِ﴾ (النساء: 158)

د ڤێرێدا (رفع) د بەرامبەر وێدایە كو جوهییان دڤیا مەسیح (علیه السلام) ب خاچێڤە بكوژن، ئانكو: پلە و پایا مەسیح (علیه السلام) لنك خودێ بلندبویە.. ئەڤەژی ب بەلگەیا وێ ئایەتا بەری ڤێ بەحسێ پیلانا جوهیان دكەت كو دڤیان مەسیح (علیه السلام) ب خاچێڤە بكوژن و نەفرەت لێكرییە: ﴿وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللَّهِ وَمَا قَتَلُوهُ وَمَا صَلَبُوهُ وَلَكِنْ شُبِّهَ لَهُمْ…﴾.

3. ﴿وَكُنْتُ عَلَيْهِمْ شَهِيدًا مَا دُمْتُ فِيهِمْ فَلَمَّا تَوَفَّيْتَنِي كُنْتَ أَنْتَ الرَّقِيبَ عَلَيْهِمْ..﴾ (المائدة: 117)

مەسیح (علیه السلام) ل روژاقیامەتێ بەحس دكەت و دبێژت هندی ئەس لناف خەلكیدابووم…. من بانگەوازی ژبوو ئێكتا پەرستی یێ كرییه…. و دەمێ خودێ ئەو مراندی ئێدی ئەوی ئاگەهـ ژێ نینە هەتا روژا دوماهیێ. 

هۆكارێت شروڤەكرنا پەیڤا (رفع) ب بلندبونا پلە و پایێ نەك جەستەی:

1. قوڕئانا پیرۆز ب شێوەكێ دیار و ئاشكرا پشتی مرنێ شنیكا بەحسێ بلندبونێ دكەت.

2. د قوڕئان و فەرموودێدا پەیڤا (رفع) كو بۆ مرۆڤی بكارهاتیە مەبەست پێی بلندبونا پلە و پایێ یە، ئەڤەژی چەند نموونەكن:

أ- ﴿تِلْكَ الرُّسُلُ فَضَّلْنَا بَعْضَهُمْ عَلَى بَعْضٍ مِّنْهُم مَّن كَلَّمَ اللّهُ وَرَفَعَ بَعْضَهُمْ دَرَجَاتٍ…﴾ (البقرة: 253)

ب- ﴿وَتِلْكَ حُجَّتُنَا آتَيْنَاهَا إِبْرَاهِيمَ عَلَى قَوْمِهِ نَرْفَعُ دَرَجَاتٍ مَّن نَّشَاء إِنَّ رَبَّكَ حَكِيمٌ عَلِيمٌ﴾ (الأنعام: 83)

ج- ﴿.. وَرَفَعَ بَعْضَكُمْ فَوْقَ بَعْضٍ دَرَجَاتٍ..﴾ (الأنعام: 165)

د- ﴿وَاذْكُرْ فِي الْكِتَابِ إِدْرِيسَ إِنَّهُ كَانَ صِدِّيقاً نَّبِيّاً * وَرَفَعْنَاهُ مَكَاناً عَلِيًّا﴾ (مريم: 56-57)

هـ_ ﴿يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ..﴾ (المجادلة: 11)

د فەرمودەكێژیدا هاتییە: “مَا تَوَاضَعَ أَحَدٌ لِلَّهِ إِلَّا رَفَعَهُ اللهُ”. (صحيح مسلم).

ئانكو: “هیچ كەس نینە كو بۆ خودێ خاك و خۆە ب كێم دانت ئیللا خودێ دێ وی بلند كەت”.

3. خودایێ مەزن جهـ و دەم یێ دروستكری و وی پێدڤی ب جهـ و دەمی نینە… لەوا ئەم نەشێن بێژین: مەسیح (علیه السلام) ب جەستەیێ خو یێ بلندبووی بو لایێ خودێ.

ئەوێن دبێژن: مەسیح (علیه السلام) ب جەستەیێ خوڤە یێ ل ئاسمانا، ئەگەر ئەم پسیار ژ وان بكەین ئەرێ خودایێ مەزن (عز وجل) پێتڤی ب جهی هەیە؟ د بەرسڤێدا دێ بێژن، نەخێر: دێ ئەگەر هوسابیت ئیدی بوچی هین دبێژن مەسیح (علیه السلام) یێ ل ئاسمانا؟!

خو ئەگەر هندەك ژ موسلمانا بێژن: خودایێ مەزن یێ لسەر رویێ ئاسمانا و مەسیح ژی بو لایێ خو یێ بلندكری…. بو وان دبێژم؛ لدیف فەرمودەكا (صحیح البخاري) پێغەمبەرێ خودێ (صلی الله علیه وسلم) د میعراجێدا مەسیح دیت ل ئاسمانێ دووێ بوو!!

مانا مەسیح (علیه السلام) ب جەستەیێ خوڤە بلند نەبویە بوو لایێ خودێ.

4. هەر د فەرموودەیێن بەحسێ میعراجێدا پێغەمبەرێ خودێ (صلی الله علیه وسلم) كومەڵەك ژ پێغەمبەران دیتن (علیهم السلام)، دناف واندا مەسیح و یەحیا ژی دیتن… ئەرێ ڤێجا ئەو هەمی پێغەمبەرێن دیتین ب جەستەیێ خوڤە بلندبووینە ئاسمانا؟!!

ئەرێ هیچ بەلگەیەك هەیە كو مەسیح (علیه السلام) جودا بكەت ژ پێغەمبەرێن دی؟؟!

5. بێ باوەران داخاز ژ پێغەمبەرێ خودێ (صلی الله علیه وسلم) كر كو بلندبیت بو ئاسمانا!! خودایێ مەزن ژی فەرمان ب پێغەمبەری كر كو ب ڤی جوری بەرسڤا وان بدەت: ﴿سُبْحَانَ رَبِّي هَلْ كُنتُ إَلاَّ بَشَراً رَّسُولاً﴾ (الإسراء: 93)

ژ بەر ڤێچەندێ ئەگەر بلندبونا مروڤا بو ئاسمانا ب جەستەڤە كارەكێ مومكن با،

دا خودایێ مەزن پێغەمبەری بلندكەت بو ئاسمانا داكو وان بێ باوەرا باوەری ئیناتبان.

ل دوماهیێ ژیدا دێ بەرسڤا گومانەكێ دین، دبێژن: ڕاستە، پەیڤا (رفع) ب رامانا بلندبوونا پلە و پایێ ژی دگەهینیت، بەلێ دەمێ پەیڤا (إلی) دیڤدا دئێت ئەو هنگی دبیتە رامانا بلندبوونا جەستەی.

بەرسـڤ:

پەیڤا (إلی) ئەگەر دوماهیێ دا ناڤێ خودایێ مەزن بێت، یان ڕاناڤەك بێت كو بو خودایێ مەزن ڤەگەریت؛ ئەو هنگی ب رامانا (لایێ خودێ) دگەهینیت ب مەجازی، و مەبەست پێ جهـ نینە،

فەرمون ئەڤەژی چەند ئایەتەك:

* ﴿فَفِرُّوا إِلَى اللَّهِ إِنِّي لَكُم مِّنْهُ نَذِيرٌ مُّبِينٌ﴾ (الذاريات: 50)

﴿فَفِرُّوا إِلَى اللَّهِ﴾ بلەز هەرن بۆ لایێ خودێ… هیچ كەسەك ناهێت نابێژت: بلەز بلندببن بۆ ئاسمانا!!!

* ﴿فَآمَنَ لَهُ لُوطٌ وَقَالَ إِنِّي مُهَاجِرٌ إِلَى رَبِّي إِنَّهُ هُوَ الْعَزِيزُ الْحَكِيمُ﴾ (العنكبوت: 26)

﴿إِنِّي مُهَاجِرٌ إِلَى رَبِّي﴾ رامانا وێ ئەونینە كۆچ دكەم بۆ ئاسمانا بۆ لایێ خودێ!!، بەڵكو ل دیف هندەك تەفسیران، إبراهيم (عليه السلام) ژ بابل كۆچكر بۆ شامێ.

* ﴿وَقَالَ إِنِّي ذَاهِبٌ إِلَى رَبِّي سَيَهْدِينِ﴾ (الصافات: 99)، ئانكو: “ئیبراهیمی گوت ئەز دێ بەر ب خودایێ خو ڤەچم، پشتراستم دێ من راستەرێ كەت.”

(بەشێ حەفتێ) خرابی و مەترسیا بیروباوەرێن ب بلندبونا جەستەی یا مەسیح (عليه السلام) بۆ ئاسمانا

بِسْمِ اللهِ الرَّحْمَٰنِ الرَّحِيمِ

قورئانا پیرۆز دبێژت: {إِذْ قَالَ اللَّهُ يَا عِيسَىٰ إِنِّي مُتَوَفِّيكَ وَرَافِعُكَ إليّ}

د ئێك ژ تەفسیرێن كوردیدا بو ڕاڤەكرنا ڤێ ئایەتێ هاتییە:

“سەبارەت رامانا ڤێ ئایەتا پیروز پتریا تەفسیر نڤیسان وەسا ددانن كو خودایێ مەزن عیسا ب زیندی بلندكریە بو ئاسمانا و نوكە ئەو دگەل مەلائیكەتان د ژیانەكا تایبەتدایە، هەتا وێ روژێ یا كو خودێ بریارا هاتنە خوارا وی بدەت، و ل وی دەمی دێ ئێتە خوار و باوەریێ ب پێغەمبەرێ ئیسلامێ (صلی الله‌ علیه‌ وسلم) دئینت. بەلێ هندەك دی ژ موفەسران دبێژن؛ عیسا د دەمێ خودا مرییە، مەبەست ژ ڤێ بلندكرنێ بلند كرنا قەدر و حورمەت و گیان پاكیا وییە هەروەكو پێغەمبەرێن دی، چونكو خودێ دبێژت: {إني متوفیك و رافعك إلي…..) ئەم دبینن كو بەحسێ مرنێ ئێخستیە بەری بلندبونێ……”

پاشی موفەسسیر دبێژت: “زانینا حەقیقەتا ڤێ مەسەلێ هەر ل لایێ خودێ بخویە، لەوا موسلمانا باوەری ب كیش ژ ڤان دوو رەئیا هەبیت دروستە و زیان نینە.”

دەستپێكێ سوپاسیا وی موفەسسیرێ بەرێزدكەم، كو دبێژت دبیت ئەو رئیەژی درست بیت كو مەسیح (علیه السلام) ل دەمێ خودا مرییە.

بەلێ دەربارەی مەترسیا باوەریا ب بلندبونا مەسیح (علیه السلام) ب جەستەڤە بو ئاسمانا، دامەزرێنەرێ كوما ئیسلامییا ئەحمەدی دبێژت:

“هەلبەت مەسەلا ژیانا عیسای ل دەستپێكێ ب تنێ خەلەتیەك بوو، بەلێ ئەڤرو ئەف خەلەتیە یابوویە ئەژدەهایەك كو دڤێت ئیسلامێ بخوت.. ول وی دەمی ئە دەمێ كو مەسیحی دەركەفتین [ئانكو بەرێ خودان ولاتێن موسلمانان و و تەبشیردكرن].. مەسیحیان ژیانا عیسای كرنە بەلگەیێن هێزدار لسەر خودایەتیا مەسیحی، و ئاریشە بویە ئاریشەكا گەلەك مەزنتر.

ئەوان ب جورەكێ وەسا ئەف بابەتە ئێخستنە پێش چاڤ ب بەلگەیا وێ چەندێ كو ئەگەر عیسا نە خودا بت ئەو چەوا بلندبویە و چویە ئاسمانا و نوكە لسەر عەرشی رینشتیە، و هەكەر دەست دان هەبا بو مروڤی كو ب زیندی بچیتە ئاسمانا…. ئەرێ بوچی ژ سەردەمێ ئادەمی هەتا ئەڤرو هیچ مروڤەك نەچویە ئاسمانا… دیارە ئەڤرو ئیسلام د لاوازی و ژنافچونێدایە، و پرسا ژیانا مەسیح چەكەكە كو مەسیحیان هلگرتیە بو هێرشكرنا دژی ئیسلامێ، و هوسا موسلمان بونە نێچیرا مەسیحیان… لەوا خودایێ مەزن ڤیا دنوكەدا موسلمانا ژ ڤێ چەندێ ئاگەهداربكەت.” (الملفوظات).

بێگومان دامەزرێنەرێ كوما ئیسلامییا ئەحمەدی ئوممەتا ئیسلامێ گازیكریە بو دەست ژێبەردانا ڤێ بیروباوەرێ؛ ئەڤە وەك بەڕەڤانیەك ژ ئایینێ پیروزێ ئیسلامێ و بەڕەڤانی ژ پلە و پایا پێغەمبەرێ مە محمد (صلى الله عليه وسلم).

هەروەسا بو وێ چەندێ داكو موسلمان ل دژی خو بەلگا نەدن ب دەست مەسیحیان، بەرێز دامەزرێنەرێ كوما ئیسلامییا ئەحمەدی ل دەمێ گوتاردانا موسلماناندا دبێژت: ” بهێلن كو مەسیح (عليه السلام) ب مریت داكو ئیسلام بژیت.”

هەروەسا دبێژت:”سیند ب خودێ ژیانا ڤی ئایینی و ژیانا مەسیحێ كورێ مەریەمێ (عليه السلام) پێكڤە كوم نابن.”

ئاها ب ڤی شێوەی ب ڤان دوو رستا ب گوتنەكا كورت و پوخت ئەڤ مەترسییە یا كورتكری كو دەورێ ئیسلامێدابوو ڤێ بیروباوەرا خراب.

لەوا ب كوردی و ب كورتی: خێر د بیروباوەرەكێدا نینە كو دژی قورئانا پیروزبیت.. هەكەر ژ دەستپێكێ هەست ب مەترسیا ڤێ بیروباوەرێ نەبوون، بەلێ ئەڤرو ئەف بابەتە بویە بابەتەك مەترسی… لەوا ئەی موسلمانێن بەرێز دەست ژ بیروباوەرەكێ بەردەن كو دژی قورئانا پیروز بیت.

(بەشێ هەشتێ) هاتنەخارا مەسیح (علیه السلام)، و پەیوەندیا وی ب مەهدی ڤە

بِسْمِ اللهِ الرَّحْمَٰنِ الرَّحِيمِ 

دناف موسلمانادا یا بەربەلاڤە كو ل دەستپێكێ دێ مەهدی دیاربیت و دەست پ كوشتنا خەلكی كەت و پاشی مەسیح (علیه السلام) دێ ژ ئاسمانا هێتەخار و هاریكاریا مەهدی كەت دشەری و دكوشتنێدا!!!

بەلێ د راستیێ دا ئەڤە نە سوننەتا خودایێ مەزنە د هنارتنا پێغەمبەراندا… بەلكو خودایێ مەزن پێغەمبەران ب بەلگەیێت رون و ئاشكرا فرێدكەت… و چجارا ژ دەستپێكێ پێغەمبەر شەری ناكەن دگەل گەلێ خو، بەلكو ژ دەستپێكێ بانگەوازیێ دكەن بو ئێكتاپەرستیێ… بەلێ دەمێ بێ باوەر سنورێت خو دەرباسدكەن و هێرشێ دكەن، ل ویدەمی پێغەمبەر بەرگریێ ژ ئاینێ خودێ دكەن.

ئيبن قەييم دناف كتێبا (المنار المُنيف)دا بەحسێ چوار ڕەئیا دكەت كو دناف موسوڵماناندا هەبون دەربارەی مەهدی و مەسیح:

یا ئێكێ: مەهدی مەسیحە. ئانكو: بتنێ ئێك كەسێ ڕزگاركەر دئێت بۆ ڤێ ئوممەتێ.

یا دووێ: مەهدی ئەو مەهدییە كو ژ نەوەیێ عەبباس بوو و والی بوو و دەمێ وی بسەر چوو… ئانكو: چافەرێی هیچ مەهدییەكێ دی نینن.

یا سیێ: مەهدی كەسەكە ژ (أهل البیت) و ژ نەوەیێ حەسەنێ كوڕێ عەلییە، و ل ئاخر زەماندا دەردكەڤیت.

یا چوارێ: مەهدی، موحەممەدێ كوڕێ حەسەنێ عەسكەرییە.

هەرسێ رئیێن دەستپێكێ یێت سوننانە، بەلێ ئەف ڕەئییا دوماهیێ یا شیعەیانە.

بۆچوونا من: پشتی كو ل بەشێن بەری نوكە مە بەحسێ وێ چەندێ كریە كو مەسیح (علیه السلام) مرییه و بلند نەبیە بو ئاسمانا، و پشت بەستن ب چەند بەلگەیەكا دبێژم: رەئییا ئێكێ ژ هەمیا درستترە و بەلگەیێن وێ ژ هەمیا بهێزترن…. دبیت هندە كەس بێژن باشە بوچی د فەرمودەیاندا پەیڤا (نزول) بو مەسیح (علیه السلام) بكارهاتییە؟ ئەرێ ما ئەڤە نە رامانا هندێ یە كو مەسیح (علیه السلام) ژ ئاسمانا دهێتەخار؟

بەرسڤ:

بو بەرسڤ دانا ڤێ پرسیارێ پێتڤیە ڤان تشتا بزانین:

* پەیڤا (نزول) زێدەتر ژ رامانەكێ هەیە و نەمەرجە ئیلا ب رامانا هاتنەخارێ بیت ژ ئاسمانا بو سەر عەردی.

* د هیچ فەرموودەكێدا نەهاتیە بێژت مەسیح (علیه السلام) ژ “ئاسمانا” دهێتەخار بو سەر عەردی.

* عیسایێ كورێ مەریەم (عليه السلام) پێغەمبەر بو بۆ نەوەیێ ئیسڕائیل و یێ مری، و چجارا نازڤریتەڤە بۆ ڤێ دونیایێ.

* هیچ بەڵگەیەك نينه خودایێ مەزن ب شێوەیەكێ تایبەت مەسیح (علیه السلام) ساخ بكەت و فرێكەت بو سەر عەردی.

* هیچ بەڵگەیە‌‌ك نینه بێژت عیسا (عليه السلام) ب جەستەیێ خوڤە یێ بلندبووی بو ئاسمانا.

* دروسته ناڤ كرن د تشتەكی كو هاوشێوەیێ وی بت ب زێدە د سیفەتەكێ یان زێدە د تایبەتمەندیەكێدا، بەڵكو ئەو دەربڕینه شێوازەك ڕەوانبێژییه دبێژنێ لێكچواندن، ب شێوەیەك وسا كو ئامرازی ژێببەی و بەحس لێ نەهێتەكرن، هەروەك چەوا كەسەك مەرد بیت دبێژنێ: “حاتەمی طائي”، ئانكو: هاوشێوەیێ یان وەك حاتەمه د مەردینیێ و قەدرگرتنێدا.

* نابت واتایا وان فەرموودان ب شێوەیەك وەربگرین كو دگەل قورئانا پیرۆزدا وەكهەڤی نەبیت، هەروەك خودایێ مەزن دبێژت: ﴿أَفَلَا يَتَدَبَّرُونَ الْقُرْآنَ وَلَوْ كَانَ مِنْ عِنْدِ غَيْرِ اللَّهِ لَوَجَدُوا فِيهِ اخْتِلَافًا كَثِيرًا﴾ (النساء: 82).

پەیڤا “نزول” نە مەرجە رامانا هاتنەخارا ژ سەری بو خارێ بیت، قوڕئانا پیرۆز دبێژت: ﴿وَأَنْزَلَ لَكُمْ مِنَ الْأَنْعَامِ ثَمَانِيَةَ أَزْوَاجٍ﴾ (الزمر: 6). ئانكو: (هەشت جوت ژ تەرش و كەوالان یێت چێكرین).

هەروەسا قوڕئانا پیرۆز پەیڤا “نزول” بۆ پێغەمبەرێ مە محمد (صلى الله عليه وسلم) بكارئینایە و دبێژت: ﴿فَاتَّقُوا اللَّهَ يَا أُوْلِي الْأَلْبَابِ الَّذِينَ آمَنُوا قَدْ أَنزَلَ اللَّهُ إِلَيْكُمْ ذِكْرًا(*) رَّسُولاً يَتْلُو عَلَيْكُمْ آيَاتِ اللَّهِ مُبَيِّنَاتٍ﴾. الطلاق.

دڤێ ئایەتێدا ﴿رَّسُولاً﴾، بەدەلا (بَدَل) بۆ ﴿ذِكْرًا﴾. ئانكو: خودایێ مەزن ڕەسولەك یێ بومە فرێكری (نزول).

پێغەمبەرێ خودێ (صَلَّى اللهُ عَلَيْهِ وَسَلَّمَ) پەیڤا (ینزل) بۆ دەججالی بكارئیناتیە، ئەرێ دەججالژی دێ ژ ئاسمانا هێتەخوار؟!!: “يَنْزِلُ الدَّجَّالُ حِينَ يَنْزِلُ فِي نَاحِيَةِ الْمَدِينَةِ..”. (مسند أحمد بن حنبل).

عەرەب دبێژن: نزلتُ ضيفًا على أخْوالي. أي حل وجاء.

 

(ابن مریم) ژ ئوممەتا ئیسلامێ:

“كَيْفَ أَنْتُمْ إِذَا نَزَلَ فِيكُمْ ابْنُ مَرْيَمَ فَأَمَّكُمْ مِنْكُمْ؟” (صحيح مسلم)

ڕاوی دبێژیت: ب (ابن ذئِب)م گوت: كو (ئەوزاعی) یێ بۆ من گوتی ژ (زوهری)ی، ئەوژی ژ (نافع)ـی، ئەوژی ژ (أبو هریرە)ی فەرموودە ب ڤی شێوەی یە:‌ (وإمامكم منكم) (ابن أبي ذئب) دبێژت: تو دزانی رامانا (أَمّكم مِنكُم) چییە؟ گوتی: بێژەمن چییە!، گوت: پێشەواییاهەوە دێكەت ب قورئانێ وسوننەتا پێغەمبەرێ هەوە.

هەروەسا ب ئاشكرا د بوخاریدا دوو وەسفێت جیاواز هەردوو مەسیحان ژێك جودادكەت:

یا ئێكێ: مەسیحێ ئیسڕائیلی ڕەنگێ وی سوورە، هەروەك د میعراجێدا هاتیە دیتن: “رأيت عيسى وموسى وإبراهيم، فأما ((عيسى فأحمر)) جعْدٌ عريض الصَّدر، وأما موسى فآدم جسيمٌ سَبطٌ.”

یا دووێ: مەسیحێ ڤێ ئوممەتێ، ئەسمەرە: “بَينا أنا نائمٌ رأيتني أطوف بالكعبة، فإذا رجلٌ آدم سَبط الشعر، بين رجلين ينطُف رأسه ماءً، فقلت من هذا، قالوا ابن مريم”.

خودایێ مەزن د بەحسا مەسیحێ بەنی ئیسڕائیلدا دبێژت، پێغەمبەرەكە بۆ بەنی ئیسڕائیل، بەلێ نابیت ژ ئاسمانا بێتەخار و ببیت پێغەمبەرەك بۆ هەمی جیهانێ! ﴿ورسولاً إلى بني إسرائيل..﴾.

 

مەسیحێ ژڤاندار ئەو ئیمامێ مەهدیيە:

1. ئیمامێ ئەحمەد د موسنەدا خودا ژ ئەبو هوڕەیرەی ڤەدگوهێزیت كو پێغەمبەری (صلى الله عليه وسلم) گوت: “يُوشِكُ مَنْ عَاشَ مِنْكُمْ أَنْ يَلْقَى عِيسَى ابْنَ مَرْيَمَ إِمَامًا مَهْدِيًّا وَحَكَمًا عَدْلًا…” ئانكو: “نێزیكه هەر كەسەك ژ هەوە بژیت بگەهت عیسایێ كوڕێ مەریەم كو ئیمامێ مەهدییە و ئەو یێ دادپەروەرە…”.

(شوعەیب ئەڕنەئووط دبێژت: سەنەداوێ دروسته لسەر هەردوو مەرجێن فەرموودەناس بوخاری و موسلیمە).

2. هەروەسا (ابن ماجه) ڤەگوهاستیە ژ ئەنەسێ كوڕێ مالیك، پێغەمبەر (صلى الله عليه وسلم) گوت: “…لَا تَقُومُ السَّاعَةُ إِلَّا عَلَى شِرَارِ النَّاسِ، وَلَا الْمَهْدِيُّ إِلَّا عِيسَى ابْنُ مَرْيَمَ.” ئانكو: “…قیامەت نائێت لسەر خەڵكێ خراپ نەبیت و مەهدی نینه ژ غەیری عیسایێ كوڕێ مەریەم.

 

(بەشێ نەهێ) هاتنا وەكهڤیێ مەسیح (علیه السلام) د كتێبا پیرۆزدا

بِسْمِ اللهِ الرَّحْمَٰنِ الرَّحِيمِ

پتریا موسلمانان باوەردكەن كو مەسیح (علیه السلام) ژ ئاسمانا دێ ئێتە خوار… بەلێ د راستیدا هاتنەخارا پێغەمبەرا ژ ئاسمانا نەسونەتتا خودێ یە، بەلكو خودایێ مەزن وەكهڤییێ پێغەمبەری فرێدكەت…. هەروەكو مەبەحس كری ل بەشێ ئێكێ د ڤێ زنجیرێدا.

كو ئیلییا ژ ئاسمانا نەهاتە خار، بەلكو یەحیا وەك نموونێ ئیلییا ی بو، هنارتیێ خودێ بو نەوەیێ ئیسرائیل.

ئەڤرو، خەلك یێت كەفتینە د هەمان خەلەتیادا وەك جوهیان ئەون كو پتڕی ژ

 2000 سالا كەفتینە تێدا!! لەوا هشیاربن! هیچ پێغەمبەرەك بلندنەبویە بو ئاسمانا و هیچ پێغەمبەرەك ژ ئاسمانا نائێتە خوار.

پێغەمبەرێ خوشتڤی (صلى الله عليه وسلم) د فەرمودەكێدا بومە رونكریە كو ئەم موسلمان پێنگاڤ ب پێنگاڤ و مل ب مل لدیف جوهیان و مەسیحیان دكەڤن، هەتا ئەگەر بچنە كونجێت بزنمشكادا (الضّب)؛ ئەمژی دێ لدیف وانكەڤین و چاف ل وانكین! (صحيح البخاري)

لەوا دا ئەم لدیف شینپێ جوهیان نەچین و ((ژبەر نەهاتنا خوارێ یا ئیلییا باوەڕ ب یەحیای ژی نەكەین))!! كەرەمكەن گەلەك ب رونی د كتێبا پیروزدا هاتییە كو وەكهەڤیێ مەسیح (ابن إنسان) دێ ئێت و چجارا عیسایێ كورێ مەریەم ژ ئاسمانا نائێتە خوار، د (كتێبا پیرۆزا پەیمانی، پەیمانا كەڤن)، د كتێبا (دانیاڵ 7 : 13_14)دا هاتییە:

(13 «كُنْتُ أَرَى فِي رُؤَى اللَّيْلِ وَإِذَا مَعَ سُحُبِ السَّمَاءِ ((مِثْلُ ابْنِ إِنْسَانٍ)) أَتَى وَجَاءَ إِلَى الْقَدِيمِ الأَيَّامِ، فَقَرَّبُوهُ قُدَّامَهُ. 14 فَأُعْطِيَ سُلْطَانًا وَمَجْدًا وَمَلَكُوتًا لِتَتَعَبَّدَ لَهُ كُلُّ الشُّعُوبِ وَالأُمَمِ وَالأَلْسِنَةِ. سُلْطَانُهُ سُلْطَانٌ أَبَدِيٌّ مَا لَنْ يَزُولَ، وَمَلَكُوتُهُ مَا لاَ يَنْقَرِضُ).

ئانكو: “13 د دیتنا شەڤێدا من دیت، ئڤە ئێكە دگەل عەورێن ئاسمانادا یێهەی ((وەك كوڕێ مرۆڤ)) هاتبوو، بۆ لایێ دێرینا ڕۆژان هات و برنە بەردەڤی. 14 ڤێجا دەستهەڵات و شكۆ و پاشایەتی دایێ هەتا هەمی گەل و نەتەوە و زمان خزمەتا وی بكەن. دەستهەڵاتاوی دەستهەڵاتەكا هەتاهەتاییە و ژناف ناچیت، پاشایەتیاوی بنبڕ نابت”.

ئەف دەقە گەلەكا ڕوونە كو ئەو كەسێ چاڤەرێی هاتناوی دئێتە كرن د ئاخر زەماندا، نە مەسیح بخویە، نە (كوڕی مرۆڤ)یە، بەڵكو وەكهڤیێ مەسیحی یە: (مِثْلُ ابْنِ إِنْسَانٍ، وەك كوڕی مرۆڤ).

هەروەسا مەسیح (علیه السلام) د ئینجیلا یۆحەننادا دبێژت: (24 اَلَّذِي لاَ يُحِبُّنِي لاَ يَحْفَظُ كَلاَمِي. وَالْكَلاَمُ الَّذِي تَسْمَعُونَهُ لَيْسَ لِي بَلْ لِلآبِ الَّذِي أَرْسَلَنِي. 25 بِهذَا كَلَّمْتُكُمْ وَأَنَا عِنْدَكُمْ. 26 وَأَمَّا الْمُعَزِّي، الرُّوحُ الْقُدُسُ، الَّذِي ((سَيُرْسِلُهُ الآبُ بِاسْمِي))، فَهُوَ يُعَلِّمُكُمْ كُلَّ شَيْءٍ، وَيُذَكِّرُكُمْ بِكُلِّ مَا قُلْتُهُ لَكُمْ). (يوحنا 14: 24_26).

ئانكو: “24 ئەڤێ ئەس خوش نەڤێم پەیڤێت منژی ناپارێزیت. ئەف پەیڤێن وە گوهـ لێ دبیت نەیێت منن، بەڵكو یێ وی بابییە كو ئەس هنارتیمە. 25 ئەڤە من گوتەهەوە كو هێشتائەز لنافهەوە دا 26 بەلێ هاریكار [الْمُعَزِّي]، ڕۆحا پیرۆز، ئەو باب ((بناڤێ من)) فرێ دكەت، ئەو دێ هەوە فێری هەمی تشتا كەت و هەمی ئەو تشتێن من بوهەوە گوتین دێ ئینتە بیراهەوە.”

“الَّذِي سَيُرْسِلُهُ الآبُ بِاسْمِي، ئەوێ باب ب ناڤێ من فرێدكەت”. دڤی دەقێدا ب روونی یا ئاشكرایە، كو خودایێ مەزن دێ كەسەكێ دی بناڤێ (مەسیح) هنێریت، هەروەكی چەوا بەری نوكە مەسیح فرێكری.. لەوا مەسیح بخو یێ بەنی ئیسڕائیل نازڤریتەڤە. مەسیحێ ڤێ ئوممەتێ ژی دامەزرێنەرێ كۆمەڵا ئیسلامییا ئەحمەدییە، مەزنێ مە میرزا غوڵام ئەحمەد (سلاڤێت خودێ لسەر بن)

والحمد لله رب العالمين