Бир мулла келиб (Ҳазрат Имом Маҳдий а.с. га) бундай савол берди: “Аллоҳ таоло бизга “мусулмон” деб ном берган. Сиз нима учун ўз оқимингизга “Аҳмадий” деб ном қўйгансиз?”. Бу{هُوَسَمّٰکُمُ الْمُسْلِمِیْنَ}(У (Аллоҳ) сизларга мусулмон деб ном қўйган) (22:79) деган оятга зид-ку”.
Бунга Имом Маҳдийа.с. қуйидагича жавоб берди:
“Ислом” жуда пок исм бўлиб, Қуръони каримда ҳам шу ном учрайди. Лекин ҳадиси шарифда айтилганидек Ислом 73 оқимга бўлиниб кетди ва ҳар бир оқим ўзини “мусулмонман” дейди. Уларнинг орасида икки-уч кишидан бўлак барча саҳоба разияллоҳу анҳумни сўкиб-иғво қиладиган Рофизийлар (шиалар) оқими ҳам бор. (Булар) Муҳаммадс.а.в.нинг обрўли аёлларини ҳам ёмонлайдилар.
Аллоҳ таолонинг валийларига нисбатан ҳам ёмон сўзларни айтишади. Шунга қарамай улар “мусулмон” деб номланишади. Хорижийлар Ҳазрат Али ва Ҳазрат Умарр.а.ни ҳам ёмонлайдилар, шундай бўлса ҳам улар “мусулмон” деб номланишади. Сурияда “Язийдия” номли оқим бор. Улар Имом Ҳусайнр.а.га нисбатан ёмон сўзларни айтишади, булар ҳам “мусулмон”. Мана шу кулфатни кўриб, аввалги тақводорлар ўзларини шу кабилардан фарқлаш учун ўзларига Шофъий, Ҳанбалий ва бошқа номларни танладилар. Айни вақтда Нейчрийлар оқими чиқиб, жаннат, дўзаҳ, ваҳий-илҳом, фаришталар – барчасини рад этишди. Ҳаттоки Саййид Аҳмад Хоннинг фикри бўйича Қуръони карим ҳам Муҳаммадс.а.в.нинг фикрлари натижаси ва қиссаларни насронийлардан эшитиб, ёзиб қўйган. Хуллас, ана шу барча оқимлардан ўзимизни фарқлаш учун бу оқимга “Аҳмадия” деб ном қўйдик.
Ҳазрат Имом Маҳдий а.с.ушбу сўзларни айтаётганида у мулла яна савол берди: “Қуръони каримда
{لَا تَفَرَّقُوا} (آل عمران: 104)
(бўлинманглар (3:104) деган ҳукм бор-ку, сиз бўлиб ташладингиз” деди.
Ҳазрат Имом Маҳдийа.с. бундай жавоб бердилар:
“Биз бўлмаймиз, аксинча уни бартараф қилиш учун келдик, агар “Аҳмадий” деб ном қўйишда қандайдир ҳурматсизлик бўлса, унда “Шофъий” деб номланишда ҳам ҳурматсизлик бор. Лекин бу номлар катталар томонидан қўйилган, уларни сизлар тақводор деб биласизлар. Уларни танқид қилиб, уларга нисбатан ёмон сўз айтадиган одам бахтсиздир. Фақатгина фарқлаш учун улар ўзларига шундай номларни қўйишган эди. Бизнинг ишларимиз Аллоҳ таоло томонидандир ва бизни танқид қилган киши Аллоҳ таолони танқид қилган бўлади. Биз – мусулмонмиз ва “Аҳмадий” фарқловчи ном, холос. Агар “мусулмон”гина ном бўлса, уни таниш белгиси қандай бўлади. Аллоҳ таоло бир Жамоат тузмоқчи ва у бошқаларидан фарқланиши керак. Фарқи бўлмаса унинг фойдалари кўринмайди ва “мусулмон” дейилиши билан ажралмайди. Имом Шофъий, Имом Ҳанбал ва бошқалар даврида ҳам бидъатлар бошланиб кетганди. Агар ана шу вақтда бу номлар бўлмаганида эди, ҳақ ва ноҳақ ўртасида фарқ бўлмасди. Минглаб нопок одамлар аралашиб яшарди. Бу тўрт ном Ислом учун чордевор каби эди, агар бу одамлар туғилмаганларида, Ислом дини шубҳали бўлиб, бидъатий ва ғайри бидъатий ўртасида фарқ бўлмай қоларди. Ҳозир ҳам шундай даври: ҳар бир уйда янги бир дин мавжуд. Биз “мусулмон” деб номланишдан бош тортмаймиз, фақат ноиттифоқликни бартараф қилиш учун шу ном қўйилган. Аллоҳ таолонинг Пайғамбари Муҳаммадс.а.в. Таврот эгаларидан ажралди ва ташқаридан қарайдиганлар назарида бўлиб ташловчи бўлиб кўринди. Аслида Аллоҳ таоло Ўзи шундай бўлинишни яратади. Қачонки нопок аралашма кўпайганда, Аллоҳ таоло Ўзи бир ажрим бўлишини хоҳлайди. Мулла қайта Аллоҳ таоло
{هُوَسَمّٰکُمُ الْمُسْلِمِیْنَ}
У (Аллоҳ) сизларга муcулмон деб ном қўйган (22:79) деган саволни берди.
Ҳазрат Имом Маҳдийа.с.:
Бунга Рофизийлар ва Бидъатийлар, шунингдек бугунги мусулмонлар кирадими? Бунга ҳозирги кунда намоз-рўзадан воз кечадиганлар кирадими? Улар ичкилик билан зинони ҳам Исломда ҳалол деб билишади. Йўқ, ҳеч қачон. Бу саҳобалар разияллоҳу анҳумга нисбатан айтилган. Ҳадисда бундай дейилади: уч асрдан кейин Файжи аъваж даври бўлади, шунда ёлғончилик ва лоф тарқаб кетади. Муҳаммадс.а.в. ана шу давр одамлари ҳақида бундай деганлар:
{لَيْسُوا مِنِّي وَلَسْتُ مِنْهُمْ} (مسند أحمد, كتاب باقي مسند المكثرين)
Уларнинг мен билан ҳеч қандай алоқаси йўқ, менинг ҳам улар билан ҳеч қандай алоқам йўқ. Улар “мусулмон” деб номланишади, лекин мен билан ҳеч қандай алоқада бўлишмайди.
Мен Ислом номини рад этиб, уни ўзига ор деб билганларни қарғишга қолганлар деб ҳисоблайман. Мен бирорта бидъатни олиб келмадим. Ҳанбалий, Шофиъий ва бошқа ном каби “Аҳмадий” ҳам бир номдир. “Аҳмад” Ислом асосчиси билан боғлиқдир. Бундай боғлиқлик бошқа номларда учрамайди. “Аҳмад” Муҳаммад с.а.в.нинг исми. Ислом – бу Аҳмадия ва Аҳмадия бу – Ислом. Ҳадиси шарифда “Муҳаммадий” дейилган. Баъзан сўзлар кўп бўлади, лекин уларнинг маъноси битта. “Аҳмадий” номи – фарқлаш учун белги. Айни вақтда ҳам, аввал ҳам, кейин ҳам бўлмаган кучли бир тўфон бор, шунинг учун қандайдир бир ном керак эди. Аллоҳ таолонинг назарида мусулмонлар – бу Аҳмадийлар”.
(«Малфузот» 8-том, 180-182 бет).