ГЕРМАНИЯ ЭЛЧИХОНАСИ МАСЪУЛ КИШИЛАРИНИНГ КОСОВОДАГИ АҲМАДИЯ МУСУЛМОН ЖАМОАТИ МАРКАЗИГА РАСМИЙ ТАШРИФИ

2023-йил 21-декабр куни Германия элчихонасининг маданият, ОАВ ва дин ишлари бўйича биринчи котиби жаноб Кристиан Бўтчер Косоводаги Аҳмадия Мусулмон Жамоати марказида кутиб олинди.

Жаноб Бўтчер Косоводаги фаолиятларни муҳокама қилди. Сўнгра қисқа тақдимотда унга Косоводаги Аҳмадия Мусулмон Жамоати томонидан олиб борилаётган диний ва маданий ташаббуслар ҳақида маълумот берилди.  Шу муносабат билан Косово делегацияси иштирок этган «Жалса Салона Германия 2023» ҳақида қисқа видеоролик ҳам намойиш этилди.  Бу унга шундай таъсир қилдики, у ҳатто келаси йили Косовода бўлиб ўтадиган Жалса Салонада иштирок этиш истагини билдирди ва Аҳмадия Мусулмон Жамоатининг «Севги барчага, нафрат ҳеч кимга» шиори остида тинчлик, биродарчилик, меҳр-муҳаббат, ҳамкорлик ва динлараро мулоқот каби ишларни ривожлантириш бўйича қилаётган глобал саъй-ҳаракатларини олқишлади. Бу учрашувда «Ҳумайнитий Фўрст» (Инсоният биринчи ўринда) ташкилотининг гуманитар лойиҳалари ҳам алоҳида таъкидланди.

Учрашув якунида жаноб Кристиан Бўтчерга немис тилидаги Қуръони Карим нусхаси ва Ваъда қилинган Масийҳ ва Маҳдий алайҳиссалом томонидан ёзилган «Ислом тамойиллари фалсафаси»нинг инглиз тилидаги таржимаси ҳам совға қилинди.

(Ҳисоботни Жамоатимиз воизи ва Косоводаги Аҳмадия Мусулмон Жамоати президенти Жиноҳуддин Саиф тайёрлаган)