Китоб хулосаси

Пайғамбаримиз (саллаллоҳу алайҳи ва саллам) Исломниг тараққиётидан сўнг унинг заволга учраши манзарасини мана бундай чизиб берганлар:

«Исломнинг фақат номигина ва Қуръоннинг фақат ёзувигина қолади».

Гўёки мусулмонлар мавжуд бўладилар-у, лекин улар фақат хўжа кўрсинга, яъни номигагина мусулмон ҳисобланурлар. Қуръон ҳам мавжуд бўлади, лекин унга амал қилинмайди. Бошқа ҳалислардан биз биламизки, ўшанда Макка ва Малинадан ташқари бутун дунёда Дажжол, яъни насронийлик дини ғалаба қилади. Насронийлар ва бошқа диндагилар чор атрофдан Исломга ҳужум қиладилар. Мусулмонларнинг бирлиги шy қадар пора-пора бўлиб кетадики, улар 73 фирқага бўлиниб кетадилар. Шундай бир нозик пайтда Исломни қайтадан ривож топтириш учун, уни барча динлардан устун қўйиш ва барча инсонларнинг дилларига жо этиш учун Аллоҳ таоло бир кишини нозил қилади.

Пайғамбаримиз (саллаллоҳу алайҳи ва саллам) унинг вазифаларига нисбат бериб, уни ҳар хил номлар билан ёд этганлар. Гоҳи унга Имом Маҳдий деб ном берганлар, гоҳи уни Исо ибн Марям деб атаганлар ва гоҳи унга Ҳакаму Адал мақомини берганлар. Бундан тақрийбан бир юзу йигирма беш йил муқаддам Ислом Расули акрам (саллаллоҳу алайҳи ва саллам) аввалда башорат этиб ўтганларидек аҳволга тушиб қолган эди. Ҳар хил динга эътиқод қилгувчилар чор атрофдан Исломга ҳужум қилар, у ниҳоят даражада ачинарли бир ҳолга тушиб қолганди. Ўшанда Ҳиндистон ер юзининг шундай бир гўшаси эдики, унда барча йирик динларга эътиқод қилгувчилар кўплаб топилар ва улар бир-бирларига қарши эдилар. Шу пайт бир киши мана бу чақириқ билан отилиб чиқди:

«Илоҳий башоратларга кўра, мен бу даврнинг Имом Маҳдийси ва Масийҳи Мавъудиман».

Бу киши ўзбеклар учун бегона ва ажнабий эмас. Чунки у буюк саркарда соҳибқирон Амир Темурнинг амакиси Ҳожи Сайфуддин Барлос авлодидандир. Исмлари Ҳазрат Мирзо Ғулом Аҳмад Қодиёний бўлиб, ул зот 1835 йилда таваллуд топганлар. 1889 йилнинг 23-мартида Аллоҳ таолонинг башоратларига кўра, мўъжазгина бир Жамоа туздилар ва Исломни бошқа барча динлардан устун қўйиш вазифасини ўз зиммаларига олдилар. Ул зотнинг вафотларидан сўнг Пайғамбаримиз (саллаллоҳу алайҳи ва саллам)нинг башоратига кўра, мазкур Жамоада халифалик тизими барпо бўлди. Ҳозир Ҳазрат Масийҳи Мавъуднинг набиралари Ҳазрат Мирзо Тоҳир Аҳмад тўртинчи халифа сифатида бу ишни ривожлантирмоқдалар.

Қуръони Карим орқали бизга маълумки, ҳар гал Аллоҳ таоло томонидан элчи нозил бўлганида, дунё унга ҳар тарафлама қаршилик кўрсатди. Унга нисбатан сонсиз-саноқсиз тўсиқлар пайдо қилди. Чунончи, ана шу қадимий суннат бўйича Ҳазрат Имом Маҳдий ва Масийҳи Мавъуд (алайҳиссалом)га нисбатан ҳам мана шундай муносабатда бўлишди. Ул зот Ислом байроғини баланд кўтариш учун тик турган эдилар. Ул зотнинг ҳаёт мақсадлари Исломни дунёдаги барча динлардан устун қўйиш. Ҳазрат Муҳаммад (саллаллоҳу алайҳи ва саллам) муҳаббатини дилларга сингдириш ва Қуръони Карим ҳукуматини дилларга жо қилдиришдир. Аммо бунинг эвазига фатволар чиқариб, ул зотни кофирликда айблашди ҳамда ушбу айбномани шу қадар зудлик билан ва зўр бериб тарқатишдики, оддий одамлар мазкур Жамоанинг Исломга ҳеч қандай алоқаси йўқ экан, бу бир янги дин экан, бунга эътиқод қилгувчилар Қуръонга ишонишмайди, булар фаришталарни инкор этадилар, жаннату дўзах, тақдир ва анбиёларга ишониш каби асосий исломий ақидаларга иймон келтирмайди, деган хаёлга бориб қолишди.

Эътиборингизга ҳавола этилаётган китобчада Ҳазрат Масийҳи Мавъуд (алайҳиссалом)нинг ўғиллари, Жамоанинг иккинчи халифаси бу хилдаги асосий эътирозларга қисқагина, аммо далиллар асосида берган жавоблари баён этилган. Муаллиф ҳозирги даврда ушбу илоҳий силсила барпо этилишининг сабабларини, унинг вазифаларини, ғояларию мақсадларини батафсил баён қилиб берганлар. Мазкур китоб ёзилган пайтда ҳам ўзининг ишлари, қамрови, ривожи ва муваффақиятлари жиҳатидан Аҳмадия Жамоаси жаҳонда нуфузли бир ўринда турарди. Унинг бир тимсолини сизлар ушбу китобда кўрасизлар. Тақрийбан 50 йил ўтгач, бугунга келиб Аллоҳ таоло Аҳмадиййа Жамоатининг нуфуз ва мол-давлатини шу қадар зиёда қилдики, бунинг мисоли аввалги даврларда ҳеч учрамайди. Аҳмадиййа Жамоаси бугунги кунда дунёда энг кўп тараққий этаётган диний Жамоадир. У кечаю кундуз бетўхтов ривожланмоқда. Масалан, 1996 йилнинг августидан то 1998 йилнинг июлигача бўлган икки йил мобайнида бутун дунёда 223 миллатнинг 8 миллиондан зиёд аҳолиси мазкур Жамоага аъзо бўлиб кирган ва бу жараён тезлик билан кучайиб бормоқда. Ҳозирги кунда жаҳоннинг 154 мамлакатида Аҳмадиййа Жамоаси бор. Жаҳондаги ҳар бир ирқу насл, ҳар бир миллат кишилари ва ҳар бир динга зътиқод этгувчилар гуруҳ-гуруҳ бўлиб Жамоага аъзо бўлиб кирмоқдалар. Мазкур Жамоа жаҳоннинг деярли 130 дан ортиқ тилларида Ислом ҳақиқатига оид юзлаб китобларни миллионлаб нусхада чоп эттириб, дунёга тарқатмоқда. Унинг бу фаолияти кундан-кунга тараққий этиб бормоқда.

Исломнинг асосий китоби бўлмиш Қуръони Каримни бир минг тўрт юз йил мобайнида неча ўнлаб мамлакатларда ўрнатилган мусулмон давлатлари ва дунёдаги энг бой-бадавлат мусулмон аҳолиси — барча-барчаси биргалашиб қарийб 60 тилда таржима қилиб, чоп этишга муваффақ бўлдилар. Бироқ булардан тахминан 30 та тилга қилинган таржимаси фақат кутубхоналарнигина безамоқда ва дунё халқлари ундан фойдалана олмайди. Аҳмадиййа Жамоаси эса тахминан бир юз ўн йил ичида Қуръони Каримни дунёдаги 52 та йирик тилда таржима қилдириб, юз мингларча нусхада чоп эттирди ва уни дунёга тарқатди. Яна 50 та тилга таржима қилмоқдаким, Қуръони Каримнинг бу таржималари бир неча йил ичида дунёга тақдим этилажак.

Ушбу Жамоа дунёдаги мамлакатларда мингларча масжид қурдирган бўлиб, уларда яккаю ягона Аллоҳга тоат-ибодат қилинмоқда. Илгарилари мушриклик қалъаси ҳисобланган юртларда бугунги кунда «Аллоҳу акбар», деган овозлар, азон баралла янграмоқда. Илгарилари Аллоҳ ва пайғамбарларнинг номларини ҳам билмаган кишилар бугунги кунда «Ашҳаду алло илоҳа иллаллоҳу ва ашҳаду анна Муҳаммадар расулуллоҳ», – деб гувоҳлик бермоқдалар. Масжидлар қуриш борасида Аҳмадиййа Жамоасининг ўй-режаларини мана бу гап орқали тасаввур қилиш мумкин: Аҳмадиййа Жамоаси биргина Олмония мамлакатида келгуси уч йил ичида юзта масжид қуриш ёки камида уларнинг қурилиши учун жой сотиб олиш режасини тузган.

Ҳозирги кунда бутун дунёда атиги биттагина исломий телевидение мавжудлир. У ҳам бўлса МТА, яъни Муслим Теливижн Аҳмадиййадир. У дунёнинг ҳар хил тилларида тўхтовсиз 24 соат исломий ва диний мавзуларда кўрсатувлар бериб боради ва шу тариқа Исломни дунёга тарғиб этади. Параболик антенна ёрдамида бу эшиттиришларни бутун дунё кўриб, эшитиши мумкин.

Диний ва руҳоний билимлар билан бирга жаҳонда дунёвий билимлар тарқатиш ҳамда хаста инсонларга ёрдам кўрсатиш борасида Аҳмадиййа Жамоаси ҳар хил ишлар олиб бормоқда. Чунончи, ҳозир Африка, Осиё ва Жанубий Америка мамлакатларида Аҳмадиййа Жамоаси очган ўнлаб мактаб ва коллежлар кишиларни билимлар нуридан баҳраманд қилмоқда ҳамда бу Жамоа ташкил қилган юзлаб махсус шифохоналар, поликлиника ва касалхоналар ногирон ва бетоб инсонларга хизмат қилмоқдалар.

Азиз ўқувчилар! Бу барча ишларни Аҳмадиййа Жамоаси бирон-бир ҳукумат ва бирон-бир дунёвий кучнинг ёрдамисиз холисона ушбу Жамоанинг аъзолари томонидан бериладиган бадаллар эвазига амалга оширмоқда. Аҳмадиййа Жамоасининг ҳар бир аъзоси, бадавлат ёки камбагал, ҳамда қайси бир мамлакатнинг фуқароси бўлишидан қатъиназар, ўз даромадининг алоҳида бир улушини Ислом динини ёйиш учун мунтазам равишда астойдил бериб туради. Ҳозирги моддий қийинчиликлар даврида бу жаҳон миқёсида молиявий қурбонликлар беришнинг шундай ёрқин мисолларидирким, унинг дунёда ҳеч бир ўхшаши йўқ. Аҳмадиййа Жамоасининг яна бир афзаллик томони шуки, уни мамлакатларнинг ва халқларнинг ўзаро юритган сиёсатлари қизиқтирмайди. Бу Жамоа дин масаласида зулм ва зўравонликни ёқтирмайди. Аксинча, у меҳр-муҳаббат, биродарлик, ҳикмат ва насиҳат орқали динни ёйиш мумкинлигига ишонади ва ўзи ҳам ана шу тамойилга қаттиқ, амал қилади. Бу Жамоа ўзининг аъзолари ва мухлисларига шуни тушунтиради ва таъкидлайдики, улар ўз мамлакатларининг барча қонунларига амал қилсинлар ва ҳар хил фитна ва фисқу фасоддан нари юрсинлар.

Ушбу китоб урду тилида ёзилган бўлиб, ҳозиргача унинг бир қанча тилларга таржимаси босилиб чиққан. Энди уни биз биринчи бор ўзбек тилида босиб чиқармоқдамиз. Умид қиламизки, ушбу китоб кўплар учун ҳидоят ва раҳнамолик вазифасини бажарур ҳамда Ўзбекистон аҳолиси Расули акрам (саллаллоҳу алайҳи ва саллам) аҳқомларига амал қилишга оид маърифий ишда Ҳазрат Имом Маҳдийга салом йўлловчи бўлурлар ва ул зотнинг Жамоаларига аъзо бўлиб кириб, Исломнинг ғалабаси йўлидаги ишига камарбаста бўлурлар ҳамда Ииломнинг дастлабки даврида бу сарзаминда яшовчилар Ислом учун қандай ажойиб хизмат қилган бўлсалар, Исломнинг ҳозирги даврида ҳам унга худди аввалгидай ажойиб хизмат кўрсатурлар.

Абдуллоҳ Туроний