ПОКИСТОННИНГ СИНДҲ ВИЛОЯТИДА БИР АҲМАДИЙ КИШИ ДИНИЙ АДОВАТ ТУФАЙЛИ НИШОНГА ОЛИНИБ, ШАҲИД ҚИЛИНДИ
2024 йил 13 декабр
♦ Аҳмадийларга қарши зўравонлик ҳолатлари ортиб бормоқда. Бегуноҳ Аҳмадийлар нишонга олинмоқдалар.
♦ Бутун мамлакат бўйлаб Аҳмадийларга қарши гижгижлаш кампанияси давом этмоқда. Ҳукумат шошилинч чораларни кўриши керак. Аҳмадия Жамоати матбуот котиби
Ченоб Нагар (Пресс-релиз) Мирпур Хос туманидаги Навкўт полиция бўлимидаги «Фазал Бҳимбру» ҳудудида Амир Ҳасан Марроний номли бир Аҳмадий мотоцикл минган икки номаълум одам томонидан нишонга олиниб, шаҳид қилинди. Тафсилотларга кўра, марҳум эрталаб бомдод намозини ўқиб, ўғли билан уйига қайтаётган эди. У уйига яқинлашаётганда, мотоциклда ўтирган икки номаълум шахс келиб, унинг исмини сўрашди. Уларнинг шахсини аниқлагач, Амир Ҳасан Марроний жанобларига қарата ўқ узиб, қочиб кетишган. Ўқлар жабрланувчининг кўкрагига тегиб, воқеа жойида шаҳид бўлдилар.
Ҳурматли Амир Ҳасан Марроний шаҳид жаноблари
Марҳум қирқ ёшларда эдилар. Унинг хотинидан ташқари уч қиз ва икки ўғли ортда қолишди. Катта қизи ўн тўрт ёшда, кенжа қизи эса саккиз ойлик. Марҳум олижаноб инсон эдилар. Унинг ҳеч ким билан душманлиги йўқ эди. Марҳум Аҳмадия Жамоатининг маҳаллий амалдори бўлиб, аввалроқ Аҳмадий бўлгани учун минтақада қаттиқ диний қаршиликларга дуч келган эди.
Покистондаги Аҳмадия Жамоатининг матбуот котиби Омир Маҳмуд бу ваҳший қотилликдан чуқур ташвиш ва қайғуни изҳор қиларкан, Аҳмадийлар нишонга олиниб, уларга қотиллик ҳужумлари қилиниб, бунинг натижасида қимматбаҳо инсоний жонлар зое бўлаётганини таъкидлайди. Ўтган ҳафта Равалпиндида бир диний ақидапараст Таййиб Аҳмад исмли бир Аҳмадийни болта билан уриб-уриб, шаҳид қилган эди. Бутун мамлакат бўйлаб Аҳмадийларга қарши қўзғатувчи кампания олиб борилмоқда, бу эса Аҳмадийлар орасида ишончсизлик ҳиссини кучайтирмоқда. Аҳмадия Жамоати матбуот котиби ватанпарвар ва тинчликсевар покистонлик Аҳмадийларни ҳимоя қилиш расмийларнинг масъулияти эканлигини талаб қилди. Давлат муассасалари Аҳмадийларга қарши қўзғатаётган экстремистларга қарши кескин чоралар кўришлари керак ва Аҳмадийларга қарши қотиллик ҳужумларини уюштирганлар қонунга мувофиқ жавобгарликка тортилиб, жазоланиши керак. ###