Халқаро Аҳмадиййа мусулмонлар жамоаси ҳақиқий Ислом таълимотини ёйиш борасида мислсиз хизматлар қилиб, инсониятнинг маънавиятини юксалтириш мақсадида кечани кеча, кундузни кундуз демай, китоблар нашр этиш билан банддир. Қўлингиздаги ушбу янги китоб бунинг далилидир.
Ҳамма динларда тоъат-ибодат шундай бир воситаки, у орқали инсонлар Аллоҳ таоло билан руҳий мулоқотда бўладилар. Аллоҳ таолонинг кўрсатмасига кўра, намоз Ислом динининг иккинчи асосидир.
Ҳозирги моддий дунёда бундай китоблар ташна қалблар учун маънавий озуқа бўлиб хизмат қила олади. Бу китоблар замонамиз учун ниҳоятда зарурдир.
Ушбу китобда жамоа намозларининг барча жиҳатлари аниқ ва равшан баён этилган. Ислом динига эътиқод қилган кўплаб кишилар ундан қимматли бир манба сифатида фойдаланишлари мумкин. Намозга оид бир қанча бошқа китобчалар ҳам бор, лекин улар унчалик мукаммал ва тушунарли эмасдир. Ушбу китобда намоз нинг муҳимлиги, жонли тилда мукаммал баён қилиниб, дуо ва оятларнинг аввал арабча насхи, кейин ўзбекча насхи, сўнrра таржимаси берилган, тананинг барча ҳолатлари расмлар орқали акс эттирилди. Намоз вақтидаги тананинг ҳолатлари катта аҳамиятга эгадир, чунки бу ҳаракатлар намозхон руҳи ва ақлнинг ҳақиқий ҳолатини Аллоҳ таоло ҳузурида пеш айлайдилар.
Мазкур китобнинг диққатга сазовор яна бир томони шундаки, унда Фарз ва Нафл намозларининг барча турлари мукаммал баён қилинган. Китобхон намоз ҳақидаги ўзига керак бўлган маълумотларни бекаму-кўст ушбу китобдан олгач, бошқа манбалардан фойдаланишига эҳтиёжи қолмайди.
УШБУ КИТОБ ЗАМОНАМИЗ УЧУН ЗАРУРДИР, ҲАР БИР МУСУЛМОННИНГ УЙИДА УШБУ КИТОБНИНГ БЎЛМОFИ ЛОЗИМ.
Абдуллоҳ Туроний