Жиҳод Ҳақиқати

Бу барча Илоҳий ваҳийларнинг тарқалишига боғлиқ бўлган жуда ҳам аҳамиятли масала. У даъватнинг ҳар қандай қуроли билан боғланган. Деярли барча динларнинг раҳнамолари вақт ўтиб, асосий манбалардан узоқлашган сайин одамларни динида ушлаб туриш учун ёки ўзгаларнинг динини қабул қилдириш учун куч ишлатилиб келингани аниқдир. Лекин Қуръони каримга кўра, бу йўналиши одамларни динга мажбурлашга бўлган муносабатни акс эттирмайди. Ҳеч бир дин ўзининг бошланишида қандай бўлишидан қатъий назар куч ишлатишга рухсат бермайди. Дарҳақиқат, барча динлар зўравонликкка учраб келган. Уларнинг мухолифлари эса диннинг ёйилишига бутунлай қаршилик қилиб уларни сиқувга олган ва уни йўқ қилиш учун қўлидан келган зўравонликларни қилишган. Янги пайғамбар келиши билан душманлар ҳар томондан унинг дарагини куч ишлатиш билан аёвсиз равишда қувғин қилиб, уни бостириш учун ҳаракат қилишган. Шунинг учун ҳозирги кунда Қуръони карим даъват қилиш учун зўравонликни қўллашнинг тарафдори қаторида барча Китоблардан алоҳида ажралиб туриши энг оғир қайғули кўринишдир. Ундан ҳам даҳшатлиси – мусулмон дини вакиллари ўзлари ана шу қарашни тавсия қиладилар, уни тўғридан-тўғри Қуръони каримга оид қилишга ҳам бормоқдалар.

Қаерда бўлмасин, қайси замонда дунёга келмасин, дунёнинг барча пайғамбарларининг “ўз хабарларини тарқатишда зўравонлик қилишга мажбур бўлган” деган айбдан холи қилган яккаю ягона Илоҳий Китоб – Қуръони карим эканлигини унутмаслик керак. “Қуръони карим ўзининг муқаддас Пайғамбари с.а.в. ни даврнинг тинчлик номидан қон тўкишликнинг ва Аллоҳни севиш номидан нафратли бўлишликнинг раҳнамоси сифатида тавсия қилади” деганларини ҳатто хаёлга ҳам келтириш мумкин эмас. Албатта, бу жой чигал бўлган баҳс-мунозараларга берилувчи жой эмас, шунинг учун ҳам бу қисқача муқаддима етарли бўлиши керак. Қуръонга кўра “жиҳод” деб юритилувчи Муқаддас Жанг, дарҳақиқат, Қуръоннинг ёрдами билан оламда руҳоний инқилобни олиб келувчи муқаддас ташаббусдир:

ОЯТ

Таржимаси: “Ушбу (Қуръон) орқали улар билан муқаддас жиҳод қил”. (“Ал-Фурқон” сураси: 53)

Қуръоннинг айнан мана шу сўзлари жиҳоднинг моҳиятини тушунтириб беради. Қуръон орқали ва ёлғиз Қуръоннинг хабари билангина жанг қилиш керак. Ўзганинг гажир табиатини Аллоҳга бутунлай бўйсундиришга кўндириш – Исломнинг Буюк Пайғамбари с.а.в. нинг фикрига кўра, энг Муқаддас Жиҳод бўлган жиҳоднинг ҳам яна бир шаклидир. Бир жангдан қайтиб келаётганларида, унинг бундай дегани ривоят қилинади:

Таржимаси: Биз кичик жиҳоддан катта жиҳодага қайтиб келмоқдамиз.

Албатта, мусулмонларнинг: “Аллоҳ бизнинг Роббимиз”, – деган учунгина ожиз, ҳимоясиз одамларга нисбатан қилич кўтариб, қасд қилиб, жанг бошлаган душманларга қарши ҳимоя қилиш жангигагина рухсат берилган.