Муҳаммад (са)

Пайғамбаримиз Ҳазрат Муҳаммад Мустафо саллаллоҳу алайҳи ва саллам 570 йили август ойида Маккада таваллуд топдилар. Ул зот саллаллоҳу алайҳи ва салламга Муҳаммад, яъни мақталган ва мадҳ этилган деб ном қўйилган. Ул зот ўттиз ёшларидан сал ўтганларида, илоҳий муҳаббат кундан-кунга ул зотни ўз қуршовига ола бошлади. Ул зот ширк ҳамда маккаликларнинг бошқа бад расм-русумларини рад этиб, Маккадан уч-тўрт чақирим оралиқда жойлашган бир ғорда Аллоҳ таолони зикр қилишликни ўзларининг кундалик одатларига айлантириб олдилар. Қирқ ёшларида ўша ғорда ул зотга дастлабки ваҳий нозил бўлди. Қуръони Каримдаги ушбу дастлабки оятларда (96: 2-6) ул зотга бундай деб буйруқ берилган: одомзодни яратган ва унинг фитратида Ўз муҳаббатини ҳамда унинг шериги бўлмиш бошқа инсонлар муҳаббати уруғини сепган яккаю ягона Аллоҳ номини юксалтиргин. Ушбу оятларда дунёга ҳар қандай илм қалам орқали ўргатилади деб ҳам айтилган. Ушбу оятлар Қуръони Карим хулосасидир.

  1. Эй, Пайғамбар! Албатта, Биз сени бир гувоҳ, бир хушхабар бергувчи ва бир огоҳлантиргувчи қилиб жўнатганмиз.
  2. 2. Ҳамда Аллоҳ томон Унинг буйруғи билан даъват қилгувчи ва бир мунаввар қилгувчи қуёш сифатида.
  3. 3. Ва мўминларга хушхабар бериб қўйки, бу улар учун Аллоҳ томонидан улкан фазлу карамдир.

(Ал-Аҳзоб 33: 46-48)

  1. 4. Айт: «Эй, инсонлар! Мен барчангизга осмонлар ва ер подшоҳлиги эгаси бўлмиш Аллоҳнинг Пайғамбариман. Ундан бўлак ҳеч қандай маъбуд йўқдир. У ҳам ҳаёт бахш этади, ҳам ўлдиради. Бас, Аллоҳга ва Пайғамбарига иймон келтиринглар – у Уммий Пайғамбар Аллоҳга ва калималарига иймон келтиради. Ва унгагина эргашинглар, токи ҳидоят топингиз».

(Ал-Аъроф 7: 159)

  1. 5. Ва Биз сени бутун инсоният учун хушхабар бергувчи ва огоҳлантиргувчи қилиб жўнатдик. Бироқ одамларнинг кўпчилиги билмайди.

(Сабо 34: 29)

  1. 6. Ва сен учун албатта, бир битмас-туганмас мукофот бордир.
  2. Ва албатта, сен улкан хулқ устидадирсан.

(Ал-Қалам 68: 4-5)

  1. 8. Муҳаммад сизлар(дай) эркаклардан бирортасининг отаси эмас, балки у Аллоҳнинг Пайғамбари ва барча пайғамбарларнинг «хотам»идир. Ва Аллоҳ барча нарсаларни яхши билгувчидир.

(Ал-Аҳзоб 33: 41)

  1. 9. Албатта, сизлар учун – Аллоҳ ва охират кунидан умид қиладиган ҳамда Аллоҳни жуда кўп ёд этадиган ҳар бир киши учун Аллоҳнинг Пайғамбарида яхши намуна бордир.

(Ал-Аҳзоб 33: 22)

  1. 10. Албатта, Аллоҳ ва Унинг фаришталари Пайғамбарга раҳмат жўнатадилар. Эй, иймон келтирганлар! Сизлар ҳам унинг устига салавот ва кўп-кўп салом юборинглар.

(Ал-Аҳзоб 33: 57)

  1. 11. Муҳаммад Аллоҳнинг Пайғамбаридир. Ва у билан бирга бўлган зотлар кофирларга жуда қаттиққўл (ва) ўзаро бир-бирларига нисбатан жуда раҳм-шафқатлидирлар. Сен уларни руку ва сажда қилаётган ҳолларида кўрасан. Улар ёлғиз Аллоҳдан фазлу карам ва ризоликни истайдилар. Саждалар таъсирида юзларида уларнинг белгиси бор. Уларнинг мана шу мисоли Тавротда бордир. Ва Инжилда уларнинг мисоли бир экинга ўхшайди: у ўз куртагини чиқаради, сўнгра уни қувватлантиради. Сўнгра йўғонлашиб, ўз поясида мустаҳкам бўлиб қолади, ҳаттоки, деҳқонларни қувонтиради. Натижада, кофирлар ундан ғазабланадилар. Аллоҳ уларнинг ичидаги иймон келтириб, яхши амаллар қилган зотларга мағфират ва улкан мукофотни ваъда қилган.

(Ал-Фатҳ 48: 30)

  1. 1 Айт: «Агар сизлар Аллоҳни севсангизлар, менга эргашинглар, (шунда) Аллоҳ сизларни севади ва гуноҳларингизни мағфират қилади. Ва Аллоҳ ўта кечиргувчи (ва) қайта-қайта раҳм қилгувчидир».
  2. 1 Айт: «Аллоҳга ва Пайғамбарга бўйсунинглар!» Бас, агар улар юз ўгирсалар, (унда билиб қўйингларки), Аллоҳ кофирларни ёқтирмайди.

(Оли Имрон 3: 32-33)

  1. 14. Эй, Пайғамбар! Парвардигорингдан сенга нозил қилинган нарсани яхшилаб етказиб бер. Ва агар шундай қилмасанг, у ҳолда гўё сен Унинг пайғомини етказмадинг. Ва Аллоҳ сени одамлардан ҳимоя қилади. Албатта, Аллоҳ кофир қавмни ҳидоят қилмайди.

(Ал-Моида 5: 68)