5. ДИН ВА ДУНЁ ЯХШИЛИКЛАРИГА ЭРИШИШ УЧУН ДУО

Бир киши Ҳазрат Анас ибн Молик разияллоҳу анҳудан:  «Биз учун дуо қилинг», – деб сўради. Ҳазрат Анас разияллоҳу анҳу қуйидаги дуони ўқидилар. У киши: «Мен учун яна дуо қилинг», – деб сўраганида, Ҳазрат Анас разияллоҳу анҳу: «Сиз учун дунё ва охиратнинг яхшилигини сўраб бўлдим-ку! Яна нимани хоҳлайсиз?» – деб жавоб бердилар. («Тафсир Ибни Касир», 1-жилд, 558-бет)

Ҳазрат Анас разияллоҳу анҳунинг ривоятларига кўра, Расулуллоҳ саллаллоҳу алайҳи ва саллам ушбу дуони қайта-қайта ўқир эдилар. («Саҳиҳ Бухорий», Китобуд-даъвот, Бобу қавлин Набий саллаллоҳу алайҳи ва саллам)

رَبَّنَاۤ اٰتِنَا فِی الدُّنۡیَا حَسَنَۃً وَّفِی الۡاٰخِرَۃِ حَسَنَۃً وَّقِنَا عَذَابَ النَّارِ ﴿۲۰۲

Таржимаси:

«Эй, (Аллоҳ!) Бизнинг Парвардигоримиз! Бизга бу дунёда ҳам яхшилик ато этгин ва охиратда ҳам яхшилик ато этгин ҳамда бизни олов азобидан асрагин». («Ал-Бақара» сураси, 202-оят)