СЕНЕГАЛНИНГ КАФРИН ҲУДУДИДА АҲМАДИЯ МАСЖИДИНИНГ ОЧИЛИШИ
Аллоҳ Таолонинг инояти билан Сенегалдаги Аҳмадия Мусулмон Жамоати Кафрин ҳудудидаги «Кере Оли» қишлоғида масжид қуришга муваффақ бўлди.
Бу масжиднинг қурилишида Худдомлар ва Атфоллар яхши иштирок этдилар. Масжид қурилишини ҳудуд воизи Мужибур Раҳмон жаноблари маҳаллий миқёсда назорат қилдилар. Масжиднинг кенглиги саккиз метр, узунлиги тўққиз метр. Масжид томида иккита гўзал минора ва бир гумбаз қурилган. Масжиднинг ички қисми 120 киши намоз ўқиши учун мўлжалланган.
2023 йили, 16-июн куни Сенегалдаги Аҳмадия Мусулмон Жамоати Амири Носир Аҳмад Сидҳу жаноблари лентани кесиб, масжиднинг очилиш маросимини ўтказдилар. Шу муносабат билан Сенегал ҳукумати вакиллари, жумладан, ҳудуд префекти, мэр ўринбосари ва полиция бошлиғи ўринбосари ҳам мавжуд эди. Очилиш маросимини ёритиш учун радио вакиллари ҳам келиб, улар радиоэшиттириш учун дастурлар ва интервьюларни ёзиб олишди.
Очилиш маросимидан сўнг мукаррам Амир жаноблари ўзининг жума хутбасида масжидлар қуришдан мақсад, ҳақиқий мусулмоннинг хусусиятлари ва Аҳмадия Мусулмон Жамоатини барпо этишдан мақсад ҳақида келган биродарларга айтиб бердилар. Шу муносабат билан яна саккизта қишлоқнинг раҳбарлари ва имомлари ҳам қатнашдилар. 370 киши, шу жумладан эркаклар, аёллар ва болалар иштирок этишди. Жума намозидан сўнг барча меҳмонларга таом тортилди.
(Репортажни тайёрлаган: Ҳофиз Мусаввир Аҳмад Музаммил, Халқаро «Ал-Фазл» газетасининг Сенегалдаги мухбири)
