2023-йил 25-ноябр, шанба куни Гамбия Президенти муҳтарам Адама Барроу жаноблари Босайдаги «Носир Аҳмадия ўрта мактаб»ига ташриф буюрди. У кишининг бу ташрифи мактаб тарихидаги биринчи ташриф эди. У жамоаси ва хавфсизлик хизмати билан бирга тушдан кейин соат тўртда мактабга ташриф буюрди. Ташриф асносида Таълим вазири, мактаб директори, Гамбиядаги Аҳмадия Мусулмон Жамоати Миллий Амири, Бобо Ф. Тровле жаноблари, Миллий Амила аъзолари, ҳудуд миссионер-воизлари, мактаб ўқитувчилари ва барча мактаб ўқувчилари у кишини кутиб олиш учун турган эдилар. У ерга йиғилганлар билан қўл бериб кўришгач, давлат раҳбари мактабда янги қурилган мажлислар залини кўздан кечирди. Кейинроқ Президент жаноблари ОАВга интервью берди. Унинг айтишича, Аҳмадия Мусулмон Жамоати мамлакатимизда ҳамиша инсониятга хизмат қилиб келгани ва бу ҳеч кимга сир эмаслиги билан ажралиб туради. Айниқса, тиббиёт ва таълим соҳаларида «Аҳмадия Жамоати»нинг бебаҳо хизматлари борки, биз уларга катта ҳурмат билан қараймиз, деди. Шу муносабат билан халқ таълими вазири Клодиана Аю Коли жаноблари ҳам ўз фикр-мулоҳазаларини билдириб, Аҳмадия Мусулмон Жамоати хизматларини юқори баҳолади. Шундан сўнг Гамбиядаги Аҳмадия Мусулмон Жамоатининг ҳурматли Амир жаноблари давлат раҳбарига мактабга ташрифи учун миннатдорчилик билдириб, Аҳмадия Мусулмон Жамоати ҳукумат билан биргаликда инсониятга хизмат қилишда давом этишини таъкидлади.
Шундан сўнг мамлакат Президенти ҳукумат вакиллари билан бирга мактабнинг бир қисмини бориб кўрди, сўнг директорнинг хонасига борди. Мактаб директори, Карому Туре жаноблари мамлакат президентига миннатдорчилик билдирар экан, мактабда бинолар етишмаганлиги сабабли кўпроқ ўқувчиларни қабул қила олмаганини, аммо янги бино қуриб битказилгандан сўнг кўпроқ ўқувчиларни қабул қилишини айтди. Бунинг учун биз миннатдормиз деди.
Шундан сўнг вилоят губернатори Симбо Боҳ жаноблари президентга «Носир» мактаби ҳудудда энг яхши кўрсаткични кўрсатаётганини ва бу мактабнинг кўп йиллик тарихи борлигини айтди. Губернатор: «Мен ҳам шу мактабда ўқиганман», – деб айтди. У Жамоатимиз Амири жанобларига ҳам раҳмат айтди. Унинг қўшимча қилишича, қачонки минтақада бирорта табиий офат содир бўлса, Аҳмадия Мусулмон Жамоати жабрланганларга ёрдам бериш учун доимо биринчи сафда туради.
Давлат раҳбарининг ушбу муҳим ва тарихий ташрифи кўплаб оммавий ахборот воситалари томонидан ёзиб олинди ва уларнинг теле ва радиоканалларида тўлиқ батафсил маълумот берилди, бу орқали Аҳмадия Мусулмон Жамоатининг хабари кенг тарқалди. Ал-ҳамдулиллоҳ
Шу дастурдан кейин эртаси куни мукаррам Амиримиз бошчилигида Жамоатимиз делегацияси губернатор билан учрашиш учун борди ва Амир жаноблари губернаторга президентнинг Жамоатимиз мактабига қилган иш сафарини уюштиришга ёрдам бергани учун миннатдорчилик билдирдилар. Губернатор ҳам делегациянинг ташриф буюргани учун раҳмат айтди. Якунида, Амир жаноблари дуо қилдилар ва шу тариқа ушбу мажлис ниҳоясига етди.
(Ҳисоботни тайёрлаган: Халқаро «Ал-Фазл» газетасининг мухбири, Масъуд Аҳмад Тоҳир)